السلام عليكم

ونكمل معآكم سلسلتنا اللي للحين ماخلصت
اليوم ضيفنا شبه عزوبي على قولته .. ومن المشرفين السابقين للسينما
قدم الكثير لحارة المساطيل << غريبه الشيف يمدح
المهم انه لازقن لنا بهالشهر الفضيل .. كل يوم منزل سماطهم
يبي ينآفس شوق ولسعة شقاوه .. لكني اقوله تبطي عظم
فإحنا بس نشم ريحة عزوبي على طول نسدح له الاسئله .. والدليل ماخلينا احد في حاله بهالشهر الفضيل

نترككم مع المقابله



/ 1ياهلا ياهلا بأخونا العزابي
2/مطبخ المساطيل وده يتعرف عليك وياخذ جوله بمطبخك ويسألك بعضالاسئله << من قدك
3/أول حاجه وقبل أي سؤال نبي صوره لمطبخك الحين الحين .. يعنيالحين تقوم تصوره .. وعادي صوره مثل ماهو مايحتاج تشيل هم الترتيب وتتعب عمرك .. ونبي كم صوره إذا ماعليك كلافه


يا اهلن بيك .. مثل اي مطبخ عوايل











الصوره الأخيرة عشان اثبت اننا سعوديين ماتقولون سارق الصور من قوقل




4/ كيف الحال .. ؟؟ وكيف حياة العزوبيه معاك ؟ << بدري



والله نوم وفله حجاج واهم شي ماتقوم على صياح وتكسير مبزره عيال خالتي ولا ماتدري الا واحدن ينطط فوقك وانت مالك خلق جاي من الدوام تبي تكبّت امها نومه .. يمكن الشي الوحيد اللي يضايق بما انك بالرياض الدنيا غبره ومحد ينظف البيت فـ تجي وهو محيوس وتربان بس الله يخلي المنشطات نغشهم بالشاهي ماتدري الا وانت قاعد تلمّع وتنظف الأسقف حتى وتدق على امك تقول وشوله شغاله الشغله مايبيلها


5/وش آخر شي بلعته ؟؟ << بدا عرق اللقافه يشتغل


انا جاوبت ع الاسئلة يوم الاثنين بالليل بـ اول يوم رمضان حتى باقي ماتسحرنا اول سحور آخر شي اللطيف اللذيذ هذا






6/ كيف نظامك برمضان ؟ ( وجبة الفطور والسحور ) .. وكيف تدبر امورك ومن اللي يطبخ؟


انا اداوم نص رمضان والنص الثاني اجازة
ايام الدوام مالي نظام معين مرات يخلونك تداوم صباح ومرات مساء واحيان طواريء تداوم المغرب بس بالعادة اطلع نفسي منها واصير مثل العام والناس من 10 لـ4 ارجع واصكها نومه الى قبل الاذان اقوم واحصل الاكل جاهز خاصه اذا حدى اخواني معطل وتاكي معنا ماسافر .. اما اذا كلنا مداومين نخليها اجتهاد لاننا معروفين مانتقيد بنظام لو نقول فرضاً كل واحد يوم يقوم يضبط الفطور .. واذا كلنا مداومين اغلبه من برى خاصه انك تقوم كسلان ومافيك حيل تفرش السفره وش عاد تقلي وتخربط



اما اذا انا فيه اجازه اقوم العصر واتمغط واجلس بالمطبخ ربع ساعه اتفكر في حال الصحون وافكر كيف اقدر اختصر المواعين ثم ابدأ اخربط



7/ أكله مفضله عندك ( تقدرها وتحبها .. اتمنى ماتجيبون طاريالكبسه << وشدخلك ) .. ومشروبك المفضل ؟؟


السمبوسه بالفرن + اي شي فيه جبن
اما المشروب ماتفرق بس مايكون غازيات , ماغير يتفخ بطنك ويسطل بك



8/ وش اكثر تحب الحلويات ولا الموالح ؟؟



عادي ماتفرق , بس في نوع حلى يجي مع انناس اقدرررررررره كل سنه اصوره واحطه بموضوع فعاليه السماط
هذا هو










9/ هل انت سعودي تقّدر الكبسه ؟؟ او ممكن تستغني عنها وتتكيف بدونها ؟


لا عادي مب ذاك الاهمية بس بالنسبه للسحور هي افضل شي
تسكت بطنك فتره طويله وماتجوع .. اتسحر كبسه ولا اجوع فتره طويله احسن من اتسحر نواشف او بقايا فطور واقوم من النوم جوعان !



10/ وش تعني لك الاشياء التاليه


الصامولي : وجبه خفيفه بين الفطور والسحور
الجبن السايل : الحب الاول والاخير احيان امي تخبيه بس عشان ما ناكل الا هو
الاندومي : محبوش
البيض : الطبخه الوحيدة اللي ابدع فيها
التونه : اذا ابي اسوي فطور سريع
الكبسه : السحور
المكرونه : احلى فطور خاصه اذا واحد مالعيال سيّر علينا وسوّاها
الضب : ديناصور ما انقرض



11/ أفضل أكله شعبيه عندك ؟؟


عيش



12/ بما انك عزوبي ووحيد هل سبق واخترعتطبخه من مخك ؟
وكيف كان الاختراع .. يستاهل عليه براءة الاختراعولا تنومت بعدهابالمستشفى



ما اعرف اخترع اكل , اللي اسويه مرتديلا او تونه مع الجبن بخبز توست وذي مب اختراع معروفه برضو في موضوع السماط حطيت هالتوست اللي مسويه ..





13/ هل انت راعي طبخ ومطبخ وإلا فاست فود ؟
إذا انت راعيالطبخ والمطبخ .. متى تطبخ ..إذا طقك الجوع أو طبخ تسليه << وماظنتي انه تسليه



مشكلة الطبخ المواعين وانا اكره المواعين , فـ بالعادة الطبخ يكون على حسب المزاج اذا مروق وابتحمل غسيل المواعين عقبهـا .. يعني برمضان كله يمكن مرتين او ثلاث بس والطبخ يكون مكرونه او كبسه او حلى


14/ وش رايك بالزوج اللي يعاون زوجته بالمطبخ ويغسل عنهاالمواعين اويتهور و يطبخ
وهل انت مع او ضد هالشي ؟


برضو هذي على حسب المزاج ان تكون مروق تعاون او تطبخ
بالنسبه لي احب اشتغل اذا شفت احد يشتغل واحيان اتحمس واقول لا انا بشتغل لحالي بس المواعين معليش مالي دخل ! وبالعكس شي حلو لمن تقول لزوجتـك ريحي انثبري وشوفي الطبخ اللي يجمد ع الشارب مب طبخك اللي امرض بطوننا اما مساعدة المواعين مافي مانع لو تساعدها من باب انكم تسولفون عند المجلى بس حبذا قبل الاذان <-- سعودي



15/ إذا اعرست مستقبلا ولو أن وجيهكم موب وجيه عرس .. وش تحب حرمتك تطبخ لك وتبدع لك .. وهل بتكرفها من اول سنه



انشهد ماني يم زواج , اول يوم برمضان سويت تحليل زواج لأخوي اللي اصغر مني وانا حتى خطبه ماخطبت
بس من الشروط اللي حاطها انها تعرف تسوي ملوخيه ومساج ومسأله تكرفها مدري مب سؤال ولا له جواب بعد يعني مدري وش قصدك من الحين اقول يامتى اعرس عشان اكرف حرمتي ؟



16/ تجربه في المطبخ ماتنساها ؟ إذا لك تجارب



مكرونه محروقه سويتها وجلست ع النت ونسيت اني اطبخ



17/إذا ماعليك كلافه .. نبيك تصور لنا طبخه بسيطه من الطبخات اللي تسد جوعك بانصاص الليالي .. أي طبخه سواء اندومي .. صامولي جبن بيض .. أي طبخه


هذي صوره قديمة


http://twitpic.com/390n9v



18/ بما أنك عزوبي بنسألك كيف غسيل المواعين ؟؟



جبت طاريه فوق .. وبرمضان نحاول تكون نقلل منها بقد مانقدر
صحون التقديم بلاستيك والكاسات بلاستيك ويبقى كم قدر وصينيه كل يوم نهاوش واحد نقول من زمان ماشفناك بالمطبخ قم غسل



19/ أول طبق في حياتك سويته .. وش كان وكم تعطي نسبة نجاحك فيه << حشى اختبار مو طبخ


بيض جبن والى الآن وانا اتفنن فيه




19/ نبي صوره لفطورك + سحورك لاهنت



الفطور دايم انزله بموضوع السماط والسحور اغلبه كبسه ومن المطاعم
بس هالسنه خطمنا وسوينا برقر والصور بالترتيب





































20/ انت من النوع اللي يحب يتشرط في نوعية الاكل سواء بالغداء او العشاء على اهله وتعطيارآئك وتتفلسف هذا مالح .. هذا حالي مررا << واضح ان صاحبة السؤال متعقده من هالنوعيه .. ولا عادي اللي يجي من الله حيّاه الله ؟؟


انا من النوع اللي ياكل عشان بطنه يوجعه من الجوع بالبيت اذا اكله ما احبها ما آكل خلقه واسوي جبن او اروح ارقد بس اذا جلست ع السفره واكلت وماعجبني اكمل لقمتين عشان يسكت بطني واقوم اما التفلسف وسوو كذا وابي كذا هذي اسويها بالمطاعم مثلاً بدون مخلل او بدون بصل بس بالبيت لا يمكن عشان عارفين او كل اهلي مايحبون المخلل او البصل في بعض الأكلات




21/ شباااب كثير مايعترفون بطبخ البيت وأغلباكلهم من المطاعم ... هل تعتبر نفسك منهم ؟؟



منهم للأسف وهالحركة اسويها كثير لان المطعم جاهز بس اروح ادفع وآخذه اما البيت تقعد تنتظر الاكل وكل اكله تاخذ وقت وقدره عشان تضبط وبرضو احيان المكونات مب متوفره وحاله .. وانا اذا جعت ابي آكل بلحظتها قبل تنسد نفسي




22/ وش هي المطاعم المفضله عندك بالطعم الحلو والنظافه قبل كل شي ؟؟



احب المطاعم السريعه اللي تخلص بسرعه او اللي عندي رقم تلفونهم ادق واوصل وطلبي مخلص خخخخخخخ وشي اكيد النظافه اذا مب نظيف كيف آكل ! عموماً اي مطعم اسمع عنه فضيحه او وصاخه او شي سواء من الناس او ع النت اصير اذا فكرت آكل منه اتذكر السالفة واهوّن




23/وجباتك اليوميه تحرص ان تكون مع اصحابك او تنفرد فيها بلحالك؟؟ << الله من سماجة هالسؤال .. اللي كتبته اكيد عندها حاله نفسيه


من هالناحيه انا نفسيه واحب اكل مع الناس عشان آكل
اذا لحالي يا اني اقوم مايمدي اكل بروح ارقد او اخذ لي شي ع السريع وانا راجع البيت واكله وانا اسوق الى ان اوصل البيت .. ما احب اكل لحالي اتكيسل واحس بسماجه بس اذا معي احد اتحمس ويصير لي نفس بالاكل اقول مشتهي الاكله الفلانيه او العلانيه




24/طبخه معينه ... ودك تتعلمها ؟؟



حتى لو نفسي في شي تبقى المواعين تغير رايي
بس تقدرين تقولين الملوخيه


25/ طبخه معينه شفتها بالمساطيل وعجبتك .. نبي صورتها لاهنت ورابط الموضوع


اي شي تطبخه نوره او كأنه مو عاجبك بس تشوفه تسعبل
اما المواضيع كل مواضيعهم حلوه وتشهي



26/ آخر شي .. رآيك .. إنتقآداتك لمطبخ المسآطيل والمشرفات ؟؟ وهل تشوف ناقصه شي ؟؟

قسم رايق ولا انصح بدخوله وانت جوعان عشان ماتحقد



عربجي ياعربجي
لاعاد تدخل مطبخنا عشان لاتحقد علينا

وشآكرين لك قبول هالاستضافه

المايك لكم