 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
27-08-2011, 04:27 AM
|
|
||||
|
charm of femininity
|
| ياحوشنا لو فيك حر ورطوبه .. معاك احس إنّي عن الناس غايب |
بصراحه من شفت كبسة دعلج امس وحلى نكهه - طل  -وانا خاطري فيهم . عاد يوم اني صحيت اليوم لقيت أن أمي بتسوي كبسه قلت ابدددد مابدهاش نسوي الحلا معها . لقيت كل شي موجود الا الفراوله اللي كانت على جنب بالصحن سويت الحلا وقلت لاحقين ع الفراوله واقوم ابثر ابوي عشان الفراوله الا يقول لي وين الحلا بس ؟ عاد هو فرحته بالحلا مثل فرحة العجوز بالسبحة اذا صارت من مكه قلت آسفه مافيه حلا لأن مافيه فراوله  المهم انه عقب هالحنه راح فر البقالات كلها ياحياتي عليه ولا لقى فراوله طازجه يوم رجع الا جايب معه كيس ويقول عندي لك مفاجأه ، قلت : فرااااوله  قال : لاااا أطلق وازين قلت : وشووووو قال : بنجررررر خخخخخيقول تراه زين وشكله رهيب مع الحلا ههههههههههههههههههههههههههههههه اقول له قول انك تمزح ويطلع لي اياه شوفي بالله مب كشخه -أي احلا من الفراوله استغفر الله بس رمان مسخوط عليه -شوفوه بالله :  ابد ناقصه حبة نعناع فوق ويقلب فراوله خخخخ الزبده سحبت على ام البنجر وقعدت ازين حلاي بالموجود . والنتيجه :   الفرق بين حلاي وحلى نكهه النصبي أن فيه طبقه ثالثه + أهم شي فيه طريقه | الطريقه والمقادير مع بعض | : الطبقه الأولى - اللي تحت - : 16 حبة أوريو مطحونه - بدون الكريمه - + نص اصبع زبده تقريبا - أو اقل شوي - نفركهم في بعض ونصفهم بالصينية حقت التشيز كيك ونضغط عليه عشان يتماسك شوي . وبعدين نغلف الصينيه من برا بقصدير - عشان بنسوي حمام مائي للتشيز كيك ومانبي الماي يدخل ويحوسها - الحين نسوي الطبقه الثانيه : بالخلاط اليدوي نخفق : 12 حبة جبن كيري + علبة زبادي لين يتجانسون . ثم نضيف عليهم حبتين كبار بيض ورشة فانيلا ونخفق - شوي شوي - وبعدين نضيف عليهم 3 ملاعق كبيره جاناش الشوكولاته - اللي هو كريمة خفق مع كاكاو خام مذوبين - + ثلاثة ارباع كاس سكر - ممكن تخلينها كاس كامل ان كنتي تحبينها تكون حالية شوي - + 3 ملاعق كبيره بودرة كاكاو . ونخفقهم شوي شوي لما يتجانسون . الحين نصبهم شوي شوي ع طبقة الأوريو ونحط هالصينيه في صينية أكبر منها وفيها ماي دافي وندخلها الفرن ع حرارة 350 .. ممكن تاخذ ساعه الا ربع وممكن اقل وممكن أكثر . المهم ان لما نحط اصبعنا بالوسط على خفيف نلاقيها ثابته . الحين لا استوت نسكر الفرن ونخليها تطبخ داخله لما يبرد الفرن . عشان لما نطلعها برا ماتتشق علينا من فوق بسبب اختلاف درجة الحرارة فجأه . عقب مانطلعها نخليها تبرد شوي ونصب عليها طبقة من جاناش الشوكولاته . و ع الثلاجه .. الأفضل تقعد يوم كامل لما تتماسك بس انا ما امداني .خليتها يمكن 3 ساعات بس للأسف :/ ولما نجي نقطعها نغمس السكينه بماي دافي شوي عشان تنقطع مضبوط  ونزينها ونقدمها .  اللي بيجربها بيدعي لي ان شاء الله وبيطلق تشيز كيك فاكتوري خخخخ . . المهم عاد يوم ضبطت الحلا وامي ضبطت الكبسه قلت لها تكفين مانبي حشو - يقال ابيها مثل ذيك خخخخ - وقعدت افكر من وين لي استراحه الحين ؟الحل .. أبد الحوش أكيد . هالحوش ان بغيت اروح البر وماحصل لي انطقيت فيه وان بغيت استراحه انطقيت فيه ، وان بغيت السوق انطقيت فيه يعني الحوش هذا مثل نخلتكم المنتجه انتم تنتج لكم ثمار وحوشنا يعيشنا الاجواء اللي نبيها . تصدقون مره كنت ابي باريس وشفت برج ايفل ! تصدقون بعد أن - قول خلاص خلاص انتي وحوشكم - طبعاً لأن الجو باااارد جداً والهوا يهفهف سويت عصير ليمون بنعناع هههههههههه - ياذا النعناع  - وعبيت امه ثلج كود يبرد علينا اكثر من ما احنا بردانين - اعوذ بالله كتمه وحر المزكوم يقدر يجيب بطانيه وفكس ويتغطى مايحتاج يفوح مويه - ورحت جهزت قشي بالحوش واقول لهم لحد يطلع خلوني اجهز كل شي على رواقه . عاد ابوي يحسبني بزين الحوش على هالحماس ويقوم يفتح ستاير الشبابيك اللي تطل ع الحوش يبي يشوف وش ابربس  كنت ابي اجيب طاوله وكراسي مثل دعلج ونكهه بس قلت ليه اكذب مثلهم؟ مصورين الكراسي والطاوله وعقب التصوير متأكده انهم تربعوا ع الارض . واروح اقول من وين لي دعلج كذبي الحين ؟ واحوس بالبيت على الألعاب ولا ادري وين ذلفوا .. بس لقيت هالعجيزات قلت بس هذولا جالبين الحظ قلطتهم معنا مع أني ماحبيت نظراتهم كنهم يحشون فينا  وخلصنا تضبيط السفره <- اللي يشوفها يقول ذبيحه وكاشخه فيها خخخخ  ماحطيت بقدونس ولا نعناع واحس بالذنب مدري ليه ، ومدري من حاس ام الدجاجه صار ماينعرف كوعها من بوعها دجاجة دعلج عجوز توها مكبره وهذي عجوز ساجده   غضو البصر عن الكيس المربوط يفشل كننا هنود حاطين عشاهم ومتجهين لشقتهم ( الصدق عاد انه هريس من بيت جدي ) شفتوا الكاس اللي بروحه . هذا فيه كولا .. احطه بكاس عشان ابوي يحسبه فيمتو وما يلعن شكلي مرات تمسك معه يقول ابي فيمتو آخذ الكاس معي اقوله هذا حار بيجيب لك حرقان خخخخ والشطه شافطين امها شفط لا اله الا الله ماباقي الا آثار طالعه كنها بقايا زلزال ، عاد احنا نشرب الشطه لازهقنا ومالقينا شي ناكله خخخخ  مو بس احنا اللي تسدحنا عقب ماخلصنا .. لا حتى عجزنا انحولت عيونهم كنهم شاربين حليب خلفات . عقب البلع يالله لك الحمد لزوم نحلي بالحلى اللي نشبت لأمكم فيه ،  ويالله لك الحمد . وتوته توته خلصت الحدوته  وشكراً لحسن استماعكم . . |
||||
|
|
27-08-2011, 04:45 AM
|
|
||||
|
العدوان الغاشم
|
احس على هالاكل والحلى والترتيب ان درجة الحرارة بحوشكم 19 درجة مئوية ويجيكم ضباب اذا فرشتوا السماط  لك الله يا حوش بيتنا .. غبار وحر وخرفشة عصافير معششه بالمظله ولو اقعد فيه خمس دقايق جا أبوي وطفى اللمبات وصكك بعشرين امر ورى بعض : كب الزباله ، شغل الدينمو ، من ذا اللي يفحط برى .. وهكذا من الأوامر اللي تجي على اساس ( دامك فاضي ودي آمرك ) ههههههههههههههههههأمنيتي بس قبل ما أموت .. اني اقعد على سفره فيها اطباق واجد .. من خبرت نفسي وهي يا رز ودجاج .. او مرقوق وخضار .. او جريش .. يبست بطوننا والله العظيم اهنيك بكل ما تحمله هالكلمه من معنى .. 
|
||||
|
|
|
27-08-2011, 04:46 AM
|
|
||||||||||||||||||||||||||||||||||||||
|
مآمثلها أحد
|
هههههههههههههههههههههههههههههههههههههه
ههههههههههههههههههههههههههههههههه ماهذا يافتاه
هههههههههههههههههههههه الله يخلي لكم يارب  آآآآآآآآآه ياقلبي .. << انا وبنات افكاري
مجربته قريب الله لايعوقني بشر .. واهم شي انه اطلق من تشيز كيك فاكتوري وأنا اعرفك إذا قلتي كذا فهو اكييد اطلق منه بألف مرره والله يوفقك يابت دنيا وآخره ويالبببى انتي مثبـــت بالساطوره |
||||||||||||||||||||||||||||||||||||||
|
|
|
27-08-2011, 05:05 AM
|
|
|||||||||||||||||||||||||||||||||||||||||||||||||||||||||
|
charm of femininity
|
. نكهه
ايه انا ملاحظه
اي وانت الصادق .. اجواء باريسيه لا اله الا الله . حتى ابوي ماقدر يتحمل البرد قام لبس الفروه وكلنا لزقنا نمسكه ونمسح عليه من البرد تقل هنود يتبركون ببوذا .
انا مب لازم اقعد .. لا حصل لك نادني بس اصور واحطها في مدخل بيتنا . وكل يوم اشوفها واحاول احسس نفسي اني قد عشت هالفتره بكل لحظاتها . تسلم نكهه ع الرد . .
آخر تعديل كأنه مو عاجبك
في 05:08 AM.
|
|||||||||||||||||||||||||||||||||||||||||||||||||||||||||
|
|
|
27-08-2011, 05:13 AM
|
|
||||||||||||||||||||||||||||||||||||||||||||||||||||||||||||||||||||||||||||
|
charm of femininity
|
. سوكره
آمين يارب ويحفظ لك غاليك
اي ان شاء الله بيعجبك :$
آمين يارب وياك .. :$
تسلمين انتي وساطورتك . . |
||||||||||||||||||||||||||||||||||||||||||||||||||||||||||||||||||||||||||||
|
|
|
27-08-2011, 06:37 AM
|
|
||||
|
بروفيسور عيارة
|
 يالله حسن الخاتمه شفي فخوذ الدجاجه اللي ع اليسار كذا؟ شكلهم يوم يذبحونها كانت في وضع مخل بالآداب ياويلي ليتني قطو بهالحوش مرتن ترمون لي دجاج ومره فطاير واذا خلصتو قمت الحس باقي الحلا أحس قطوكم قفاه وهو يمشي ياماراح يمين ياما راح يسار مثل البط من الخير اللي لاقيه أما سدحتهم والله كنهم شيبان صدق ... أبد نفس الوضعيه بس الالعاب اذا نغزت بطونهم يغنون وشيبانا اذا نغزت بطونهم يزغرتون من ورى كأنه سحقاً لكِ كانك تخلينا نشوف هالحلويات الأليمه ونتخيل أننا بنفطر عليها واذا صحينا لقينا لقيمات قسم بالله ملينا ومتأكد كل اللي حولي مالين تشوفين الواحد ليا حطها بفمه يمضغ بها عشر دقايق واضح أنه يهوجس ويقول الى متى وأنا كل مغرب اموطق بذا العجين والعب على نفسي كن طعمها حلو !!!
آخر تعديل عكس إلتيآر
في 06:39 AM.
|
||||
|
|
|
27-08-2011, 09:16 AM
|
|
||||
|
تقوطر سنع
|
الحلى مهبووول والله اعلم اني باقوم اسويه اللحين من زود الحماس الليمونه السوداء المفقوشه تصييييّح ماشاء الله ، سملت يد أميمتس على هالكبسه و يديتس يابعدي (قللوب تدق اكثر من اللي قبل) |
||||
|
|
|
27-08-2011, 01:35 PM
|
|
|||||||||||||||||||||||||||||||||||||||||||||||||||||||||
|
ذوق فني راقي ( امحق )
|
مساء النور شف يانكهة شهرتنا وين وصلت وكيف لعبت في نفسية الكثيرين وقاموا يهذرون بشغلنا لله درنا من اشياف غير شكل
الله يصلحك قولي آمين هههههههههههههههههههههههه قومتي الشايب من نومه وطلع نص صاحي والدليل انه راح يدور الفراولة بالبقالات اللي اعرفة ان الفراولة في محلات الخضار مدري وش هالخمه اللي جت ابوك عسى ربي يخليه لك ويطول بعمرهفجل !!! هههههههههههههههههههه اخرتها فجل يالقروية اول ماشفتها قلت وش لمبة الابجورة القلووز الغريبة ذي طيب دامة تكلف وجابها ورى ماحطيتيها جنب الحلى وخفستيها وحطيتي فيها لمبه مثلي << الظاهر كل شيء بتخفسة في بيتكم يالدثوي والله وسويتيها يا مجررررررررمه انا هنا اكل تبن وتراب الله يكرمك والسامعين ولا اقدر اقول حرف ماشاء الله عليك يا كأنة وقسم بالله ما اجاملك انك ذيبه بنت ذيب انا متروبع وتقاطع السيقان تحت شفتي مباشرة وفجئة وانا اطالع الصورة حسيت بنقطه صاقعة على ساقي يوم ناظرتها وتابعت طريق وصولها ومصدرها لقيتها خشتي بالعربي صارت سعبولة
ههههههههههههههههههههههههههههههههههههه ههههههههههههههههههههههههههههههههههههه الله يقلعك بلا اي دجاجة واي نيله بتقنعيني ان نص هالتيس دجاجة ؟؟؟الشيء اللي فوق الرز عجزت احصل اي معلم للدجاج فيه لا جنحان ولا فخوذ ولا حتى ريش << تبيهم يطبخونه بريشه مثلا ؟ العظم اللي على اليسار اللي حاطه على صدرة مخليه كنه تيس في زحليقة مائية ياليت ترجعين وتتأكدين من امك وشهي طابخه وحتى لو انك ماكله من الصحن منحب مصدقينك وسلمي عليها وقولي يقول دعلج عززز الله ان الرز شكلة يبكي ولذيذ وفيه طعم يغطي على الحلى حقك وتعااالي اللوميه " الليمون الاسود " وراها منفجره كذا ؟؟ لايكون واطيتها وانتي حاطه الكميرة بعينك وتدورين زاويه تصورين منها هههههههه ياجعل ربي يخليها لكم ويطول بعمرها ويعطيها الصحه والعافية الحين هالحوش في بيتكم ولا في الحرم ؟ << طراها الرخام بكل مكان وعلى فكره واضح انكم ناس تقدرون الشطة والدليل ماباقي بالقارورة الا حق لقمتين وانتبهوا هالملاعق ترى خطره لان راسها كبير وكنها مفرودة بفرادة عجين واحد من اخواني غصبته امي تعطيه شراب كحة يومه بثاني ابتدائي بها الملعقة والولد يصيح توجعه الملعقة اكبر من اثمة عيت تدخل في اثمة وامي تغصبه وتضغط بأقوى ماعندها تحسبه مايبي يشرب الدوا وتعرفين كل الشغل في الخشة فما قدر يبين لها السبب وضعطتها ودخلتها بالقوه ونشبت عقبها الملعقة ومابقى شيء ماسويناه وحتى المستشفى قالوا نشق خدة ونطلعها معه بس استخرنا وصبرنا الين وصل المتوسط وطلعت عاد الى يومك نناديه ابو ملعقه << ياسمجك بعدكأنه مو عاجبك من زمان اقول مبدعة وانا اشبهك بالرسام المبدع اللي يقدر يرسم واحد واقف قدامة طبق الاصل الله لايضرك |
|||||||||||||||||||||||||||||||||||||||||||||||||||||||||
|
|
|
| الكلمات الدلالية (Tags) |
| قل ماشاء الله |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
