 |
 |
 |
 |
 |
 |
 |
 |
 |
08-09-2011, 12:42 AM
|
|
||||
|
المتحدث الرسمي
|
دستور الملعب المحلّي + الروابط
.. بسم الله الرحمن الرحيم .. [ المواضيع ] • اي موضوع يُراد فيه قضيّه اخلاقيه تجاه ايّ لاعب تجاه غير الإيطار الرياضي .. ممنوعه ومن الممكن إخفاء القسم عن صاحب الموضوع إذا تكرر من نفس اليوزر • نقل المواضيع والأخبار بطريقه النسخ واللصق هذي متفقين عليها من مبطي ان مالها مكان عندنا ونرفضها بكل اشكالها .. ياحليلنا قالبين الملعب أخبار كأننا الملحق الرياضي للجزيرة .. • اي موضوع فيه رابط او صوره عليه اعلان لمنتدى اخر " ماعدا المنتديات الرسميه للأنديه او خبر من المنتديات الرياضيه " .. سيحذف الموضوع وينذر صاحب الموضوع واذا تكررت يتكلبش وهو يضحك . • مواضيع المقارنات صارت موضه قديمة ومستهلكة على مستوى الشبكة العنكبوتية .. فمن البديهي انها تكون ممنوعة عندنا .. • المقالات نسخ ولصق من الجرايد ممنوعه مسموحه في حاله وحده اذا كنت تستخدم مقاله لتدعم بها موضوعك وغير كذا راح ننقله لحي الصحافه . • جميع المواضيع اللي بالملعب لازم تكون مختصه بالدوري السعودي والموضوع اللي مايحمل صبغه محليه أو على الأقل وجود ممثل سعودي فيه .. بنسوي سباق تتابع بين العضو وموضوعه من المحلي للقراشيع .. • أي موضوع يحتوي على الفاظ تخدش الذوق العام او تهجم على الرياضيين او أي شخصيه رياضيه بيروح للقراشيع ( أي هين للقراشيع ) وبيتكلبش راعيه حسب مايراه المُشرف وهو يكّشر .. • إي محاوله من العضو لتحوير المواضيع إلى شات أو انزال مواضيع بهالقصد أو تنزيل مواضيع وكتابة جملة ( أكيد أو متأكد أنه بيروح للقراشيع ) راح يُعاقب بالكلبشة لمدة ( أسبوع ). • رفع المواضيع !! الحمد لله بالملعب مانشوف هالشيء على الأقل بالفترة الأخيرة , لذلك العقوبة راح تكون مثل السابقة إيقاف لمدة ( 48 ساعة ) • تصريح عادي أو خبر تافه .. مصيره للقراشيع . • اذا رأى المشرف ان الموضوع قد اخذ حقه من النقاش او ان الموضوع شوي مغبر له الحق في اقفال الموضوع . [ الردود ] • الشتشتة مرفوضه رفض قاطع ولا رجعة فيه .. شغل أستخفاف الدم وكل شوي ناقز بموضوع تشتشت او تقعد ترد في نفس الموضوع وتعيد نفس الكلام خلاص انتهى دوره وولى .. وراح نتعامل مع المشتشتين تعامل خاص وخاص جداً .. • اي رد فيه رابط او صوره عليه اعلان لمنتدى اخر " ماعدا المنتديات الرسميه للأنديه او خبر من المنتديات الرياضيه " .. سيحذف الرد وينذر صاحب الرد واذا تكررت يتكلبش وهو يضحك . • أي رد يحتوي على الفاظ تخدش الذوق العام او تهجم على الرياضيين او أي شخصيه رياضيه بيتكلبش راعيه حسب مايراه المُشرف وهو يكّشر .. • الأستنقاص من ( الموضوع ) أو ( صاحبه ) والتهجم عليه سواءاً كان فيه أحتكاك سابق بينهم أو مافيه خير شر راح يتعرض لأيقاف لمدة ( 48 ساعة ) • الشخصنة ممنوعه منع بات وإي عضو يتضح لنا أنه قلب ردوده لشخصنه راح يُعاقب بالأيقاف ( 48 ساعة ). • ردود التعزيز والترفيع والترييش ,, ياروحي وياقاهرهم ياكاتب الموضوع انت اطلق واحد وغيرك من جنبها ,, هذي عليها عقوبه كلبشه ( ثلاثه أيام ) . • اي رد خارج عن الموضوع الرئيسي ( سيعامل معاملة المشتشت ) ،، وأي عضو بيقتبس كلام العضو المخالف ( سيعامل معاملة المشتشت ) . • التدخل بخصوصيات المشرفين كلبشه ( 48 ساعه ) . كل النقاط المترتبه عليها عقوبات الي سبق ذكرها شامله ايضا لتوقيع العضو الي قد يصل للحرمان من التوقيع نهائيا . [ الروابط ] من بعد التجاوزات الكبيره من رؤوساء الروابط وكلبشة المشتشتين من خارج الرابطة وغض الطرف عن الشتشته الواضحه والصريحه داخل الرابطه نفسها قررنا اننا نضع شروط وظوابط خاصه لطريقة عمل الروابط وصلاحيات القائمين عليها • يُمنع وضع ايّ عنوان سلبي تجاه ايّ رابطه او نادي مُنافس , الرابطه تعني النادي كنادي دون النظر الى المنافسه وحدّتها .. والمنافسه تتواجد خارج الرابطه . • الشتشته عقابها يومين كلبشه .. ويحق لمشرفين المحلي تنبيه رؤوساء الروابط عنها وان لم يجدو تجاوب يتخذون الكلبشه بأنفسهم • الروابط ملك الجميع ولكن من يستفز اعضاء الرابطه بكلمات او بصور عقابه كلبشه ثلاث إيام .. اما الحوار في امور النادي فلا يحق لرئيس الرابطه كلبشة المحاور نهائياَ • الروابط وضعت لمناقشة امور النادي فقط فقط فقط .. ويمنع الإستهزاء او الخروج عن هالإيطار .. واذا لوحظ خروج بعض الروابط عن هالسياق يُنبه رئيس الرابطه من المشرفين .. واذا استمرت يكلبش رئيس الرابطه ثلاث ايام • الشخصنه معناها واحد .. في الروابط او غيرها .. لايحق لأي عضو ان يتخذ رابطته لتهجم على الأعضاء حتى وان رد في رابطة النادي المنافس المسؤول هنا هو رئيس الرابطه ومن يشخصن او يتعدى على عضو آخر بعبارات غير لائقه كلبشته بتكون ثلاث أيام صلاحيات رؤوساء الروابط تكمن في تسيير اوضاع الرابطه والرقي فيها لمناقشة امور النادي من اخبار ونقاشات رياضيه بالإضافه الى مسح الردود المخالفه وكلبشة المخالفين على حسب الدستور المنصوص اعلاه [ الإقتراحات و العقوبات الجديد ] • أي عضو عنده أقتراح أو فكرة وحاب انه يشوفها تنفّذ بالملعب .. يراسل المشرفين أو المهندسين أو يروح لصندقة الأقتراحات عند مطاول هناك صدقوني مطاول يرحب بكل ألأقتراحات ومايهمّشها • استحدثنا عقوبه جديده وهي اخفاء قسم الملعب وبيكون اخفاء القسم وفق الطريقه التاليه إذا تكلبش العضو ثلاث مرات يتم إخفاء القسم عنه لمدة أسبوعين وإذا تكلبش للمره الرابعه يخفى القسم عنه لمدة شهر وإذا تكررت الكلبشه للمره الخامسه يخفى القسم عنه لمدة شهر ونصف وهكذا اللي عنده إشكاليه بهالنقطه يقدر يراسل رئيس القسم والمشرفين والمهندسين لتتضح الصوره أكثر |
||||
|
23-09-2011, 11:47 AM
|
|
||||
|
من شيوخ الحاره
|
http://msa6el.mbc.net/vb/u103380.html 48 ساعه لكل منهم - تدخل بعمل المشرفين |
||||
|
20-10-2011, 03:31 PM
|
|
||||
|
من شيوخ الحاره
|
تقضيبة - عنصريه http://msa6el.mbc.net/vb/u106936.html اسبوع - اسائة |
||||
|
30-10-2011, 12:18 AM
|
|
||||
|
من شيوخ الحاره
|
الفاظ + ششخصنة اسبوعين |
||||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
