 |
 |
 |
 |
 |
 |
 |
 |
 |
|
||||||
| سوالف حريم كل مايختص بالمرأة (تمنع المشاركات الرجاليّة) |
 |
|
|
أدوات الموضوع |
27-09-2011, 01:31 AM
|
|
||||
|
مشرفة سوالف حريم
|
نون النسوه ..المحور الثالث
بسم الله الرحمن الرحيم صباح الخير عالجميع .. الصدز احترت بموضوع المحور الثالث فيه مواضيع كثيره بس الإختيار بينها صعب وبما أني نفسيه هالأيام وفيني طاقة حش وتنفيس مهب طبيعي  الموضوع هالأسبوع بيكون كله محشات وتقصيب في بعض الرجال اللي يستهينون بالحريم وبإمكانياتهن وقدراتهن وكأن المره مكينة تفريخ وسوالف وأكل وبس واللي ساعدني اني اختار هالموضوع القرارات اللي صدرت أمس من ابو متعب طول الله بعمره  يعني الإسلام كرم المرأه ورفع شأنها وأعطاها حقوقها كامله ويجون رجاجيل هالأيام يدقمونها ويستهزؤن فيها شفنا البرودكاست أمس والواتز آب ما وقفت وكله على نكت وذبات عالحريم بعد صدور القرارات وكثير مصورين المرأه السعوديه وكأنها حرمه غبيه همها طبخ ونفخ وبزران وفل ميك آب  وتناسوا أن كثير من الحريم بهالوقت هم اللي قايمات بالبيوت وصايره الحرمه بالبيت هي الأم والأب بنفس الوقت , طبخ ونفخ وتربية عيال وصرف وتسديد فواتير ودوام وواجبات إجتماعيه وألخ ألخ من المسؤوليات اللي ما تتحملها الجبال وعلى كل اللي تسويه مافيه الا قوة ذب وتقطيع وحش فيهم  ليه عاد يا اخي شايفين انفسكم قبل لا تتكلم انت وإياه يابو صروال وفنيله  <-- تحمست امسكوها تكفون وكل ما طق عود حصاة قال عالعازه يا حريم المغرب والا حريم لبنان مهب عاقل ولد مدريد .. رجال هالوقت يبون المره تجيهم طباخه وخياطه وخدامه ومربيه وموظفه وماكينة صراف وغساله وأم بنفس الوقت غير المميزات الإضافيه من كلمة نعم وإن شاء الله وسم ولبيه وياقلبي ويا عمري ويا ويلها تقول لا والا تقول اهلك والا تقول ودني وجبني وكأن الحرمه آله مهيب بني آدم يارجال هالوقت تبون الحريم على هواكم وتحت طوعكم عاملوهم مثل معاملة الصحابه لحريمهم طبقوا تعاليم الإسلام في أهلكم .. للأسف أغلب الرجال عندنا ما يعرف حقوق المرأه وإن قالت حقوق على طول قالوا علمانيه وليبراليه و.. و... ألخ من العبارات حنا ما نقصد حقوق المرأه اللي قاعدين ينادون بها المغررين من إختلاط وسواقة سياره ونزع حجاب وسفر وخراب ديار حنا نقصد حقوقها اللي أقرها لها الإسلام المعاشره بالمعروف والرفق واللين واللطف والنفقه والمساعده في تربية العيال ومسؤليات البيت يا أخوان رفقاً بالقوارير تعرفون وش المقصود بالقوارير والا لا ؟! لين متى تكسير المجاديف والتحطيم والأسلوب الوضيع عندهم أجل أم ركبه سوداء هااااه <-- بتنكرين يا كويحه الإسلام كرمنا كنساء والدوله من تالي ألتفتت لنا بس المعضله بالرجال اللي إلى الأن عقولهم متحجره واللي متناسين أننا بشر مثلنا مثلهم وإن النساء شقائق الرجال وعندهم علم و طاقات وقدرات ومخ قد تفوق إمكانات بعض الرجال  وإذا انتو يالرجال ما حفظتوا من القرآن إلا آية القوامه وآية القرار بالبيوت ترى حنا بعد حافظين آيات وأحاديث عن معاملة النساء والرفق بهن  الموضوع متشعب حبيباتي وصاير خبيصه أدري , حاولت أصير جديه بس حنا نقاشاتنا مبنيه عالبساطه بالأسلوب والحوار <-- كذابه ما عرفت تصير جديه وتحسن اسلوبها انطلقن يارعاكن الله فضفضن وحشن ونتفن واصلخن الرجال المتحجرين اللي ينظرون لنا بنظره دونيه قولوا اللي بخواطركن حبيباتي ولا تأخذكن فيهم لومة لائم ترى الجميل بالموضوع انه نسواني بحت والأجمل ان الرجال يحنشون علينا ولا يقدرون يردون  واحلا وحده ترد لها مننا رتبة خاصه + صبغه باللون الوردي ( وحده مستلجه تدور حرش) 
آخر تعديل اخت اخو اخته
في 01:42 AM.
|
||||
|
27-09-2011, 06:34 AM
|
|
||||
|
توه ساكن
|
الموضوع حلو والرجال وانا اختك مايجيب راسهم الا الطناش انا بتكلم عن دخول المراة لللمجلس اتمنى الحريم اللي يدخلن هن اللي يردن على الرجال ويهتمن بشؤؤن الحريم العاطلات اللي سنين وهن يدورن الوظائف والمطلقات المحرومات من اولادهن يوفرون لهن بيوت وراتب ويحررونهن من ذل الرجال وربات البيوت لازم يصرفون لهن رواتب ويجد حلول للعنوسة والعضل وغيرها من مشاكل المراة مانبيه تهتم بالسياسة وتدخل بشؤؤن الرجال وباللي مايخصها والخرابيط اللي ماتهمنا ونبي شئ يلامس احتياجات المراة مانبي اسم ان فيه حريم يدخلن المجلس وبس |
||||
|
27-09-2011, 07:39 AM
|
|
|||||||||||||||||||
|
الدونه بنفو كورليون
|
يعني اذا صارت البنت هي بنفسهآ مقتنعه بأنها ناقصة عقل و ماتنفع الا لنفخ و بيت فقط وش تبين من الرجال اجل ؟؟؟؟؟ و ما شاء الله ابو سروال و فانيله مو مقصر بعد .. في حقوق اقرهآ الاسلام لنا الواحد يتناسها صار واذا طالبتي فيهآ قال " صايرة منال على غفله " <-- ما ودكم تعطونه كف يكسر ضروسه؟؟؟؟ واولهم حق النفقه بالذات لصارت الحرمة موظفه يسلّم بأنها بتتولى مصاريفهآ بنفسها و وهي ملزومه تساعده والا يتهمهآ بأنها ماتحبه << اكررره هالاسلوب اذا ربطو كلشي بالحب  .. طيب الحياة صعبه ماقلنآ شي لكن اكسبهآ بالكلام اللطيف حسسهآ انك مو ناشسي حقوقهى حتى لو كنت ماتعطيهآ اياهم لأنها راح تفرح بإحساسك فيهآ .. استشيرهآ حتى لو كنت مقرر و خالص لا تحسسهآ انها رجل كرسي مالها اي فكر او عقل و بعدين ترى خبيتونآ ام ركب سود و ام ركب سود شايف نفسك جوني ديب مثلاً ؟؟؟ وكل شوي مقارن حرمتك بالمغاربه و الشاميات  كان خذت لك وحده فيهن وفكيتهآ من غثاك ياخي و الحين قامت الدنيا و ماجلست على قرار مجلس مدري وشو و كل واحد بدأ يستعرض عضلاته في الاحاديث و خوفه على ستر بنات بومتعب .. وهو بالواقع خايف على هيبته
ههههههههههههههه احلى شي والله برب تعبت و للحديث بقيه <-- هيله .. نقول في امل بالوردي ؟؟ 
آخر تعديل Benfo
في 07:41 AM.
|
|||||||||||||||||||
|
27-09-2011, 08:04 AM
|
|
|||||||||||||||||||
|
أقدع قصابه
|
آآآآآه بس .. المشكلة ما أحد يعذرب كثر مايعذرب هو .. ولا يدبل تسبدي إلا إذا قالوا أم ركب سود .. حووش حووش ياللي ركبك تلاصف من البيآض ماكنهن قطعة فحمه معلقتن بين عودين شوكلاطه .. لا جد واللي يرفع الضغط أكثر لا جاك وقال حظي طايح لو إني ماخذن لي من هـ المغربيات ولا من هـ الشاميات .. يعني بسأله بـ الله إذا هو على هـ الطبايع والخنبقة ذي كلها حظه طايح حنا يالحريم وش بـ نغدي ؟؟ مو حظنا طايح وبس إلا داعيتن علينا أمهاتنا في ليلة القدر على هـ القرادة اللي مابعدها قرادة .. أعرف لك وحده غاثها وقت الملكة وأنا أقدس المرأه وأنا من أنصار المرأة والمرأة كائن رقيق وتراني فيني وفيني وخذ ياهياط وتطيير لـ السماء بـ شكل تنكسر رقبتك من كثر ماتتخيلين وش قد التطيير .. الموهم يآعمري البنيّه طارت وبنت لها بيت وردي وتخيلت عيالها تسنهم القطاوه ذيك النظيفة من زينهم إلخ من الأحلام اللي منيله بست وستين نيله  تقول يوم أعرست وتكشفت الأمور ماحد ينزل الأغراض من السياره إلا أنا .. حتى لاصارت الأغراض واجد أجلس أتردد على السياره وهـ الثور رايح داخل ومتسدح عند التلفزيون .. تقول صرف على البيت مايصرف .. ويجيك لا رجع من الدوام يناهق مثل الحمار يقول وين الغداء !! طيب ياحمار أصرف على البيت وأشتري مقاضي عشان تطبخ لك !! وعذره الأخ أنا مشغول والله ورى ماتطلعين وتقضين أنتي !!
نسيتي أهم آيه حافظينها الله يهديتس : فانكحوا ما طاب لكم من النساء مثنى وثلاث ورباع .. مع إنهم الله يصلحهم ماكملوا قرآيه إلى فإن خفتم ألا تعدلوا .. هيله .. موضوعتس يشب التسبد بـ شكل موهوب صاحي .. |
|||||||||||||||||||
|
27-09-2011, 08:27 AM
|
|
||||||||||||||||||||||||||||||||||||||
|
توه ساكن
|
^^ أنتظر ردتس من اليَوم 
هالأيَة مافيه بيت ماأنذكرت بَه
+1 عشآن تسذآ أعتذر عن الرد لأني بجيب الأول والتآلي 
آخر تعديل مَيرآل
في 08:31 AM.
|
||||||||||||||||||||||||||||||||||||||
|
27-09-2011, 03:10 PM
|
|
||||
|
تقاطع خريص مع العليا
|
مو كل الرجال يغثون ويجيبون الهم للحريم والله يابعض الحريم تجيب اجل الرجال واهله من وراه تلاقينه حاشمها مكرمها مايرد لها طلب واذا اعتذر عن شغله وحده قالت اصلآ انا ماشفت منك خير انا ماقول كل الرجال طيبين بس فيهم الي يحط على الجرح يبرى الرجال عمومآ مثل الطفل اذا داريتيه وعطيتيه من الكلام الحلو كسبتيه بس اذا تفرعنتي فاعلمي ياحواء انه بيدعس عليك ., ولي عوده ان شاء الله .,
|
||||
|
27-09-2011, 03:12 PM
|
|
||||
|
توه ساكن
|
<<<ياويلتس منهم .. والله جد ماشفت أكثر من تعقيد وفلسفة الحريم في عملهم السالفه لو هي صغيره قلبوها كبيره ولا تهون النوعيه اللي تحب تسوي نفسها مهمه عشان سوالف تافهه.. غالبا الرجل أكثر مرونه منها .. ما أذكر إنه شفنا شي يذكر من ورى نوره الفايز .. : : ومع ذلك لا أنكر إنه في حريم ينشد فيهم الظهر .. .... على العموم أن مايدبل تسبدي إلا المجتمعات اللي المبزره عندهم عشانهم عيال يعطونهم حقوقهم كامله ويسوي اللي يبي .. والحرمه عندهم مدقومه وياويلها إن سوت شي وكل شي عندهم حرام وعيب .. أذكر على سالفة الجوالات زمان يوم إنها شق جيب كانوا في ناس يعطون ابو أولى ابتدائي جوال واخته اللي بالجامعه ياويلها إن صار معها .. تخلف .. |
||||
|
27-09-2011, 03:23 PM
|
|
||||
|
ماهيب مميزة التلفزيون
|
وبعضهم لوتشبين النار فيه وتفرجين عليه ماتبرد حرت تسبدتس .. مايدبل تسبدتس الا اللي يقارنك بغيرك كل ماثنىآ ركبته ولا مدها قال منتي مثل فلانه ,فلانه احسن منك ولا لادخل عليك وانتي عندالمرايه قال اخس ياللي تحسب نفسها حليمه ولاعلتن ثانيه بآللهي انت شفت عمرك لا وجهن فالح ولااخلاقن زينه ولا ابتسآمتن حلوه >>مايذبحني مثل الابتسآمه احمد ربك لقيت من يبلعك .. وحده من البنات تقول طفشت من رجلي  برمضان افطر عند الجماعه وازعجني كل ماسويت الفطور وقلط عليه قام يقارن سمبوستك مهيب مثل سمبوسة فلانه ,الشوربه اللي موب شوربةام فلان ماتنشرب.انت منتي بحرمه ماتعرفين تطبخين ..ومع ذلك مايبقىآ علىالسفره شي ..وتركته على التمر السمبوسه الوكاد ياهيلوه ان بعض الرجال ماينفع معه إلأ سياسة التطنيش والحقر .احقريه ويركض وراااك. .عسآك على القوه ياهيله محاورك ممتعه هيله اطالبك بفتح موضوع حتاحيت نسونجيه 
|
||||
|
28-09-2011, 12:15 AM
|
|
||||
|
من شيوخ الحاره
|
العيب في الشعب بشكل عام , شعب تعبان , يحب يهايط سواء حريم والا رجال , نبي نسوي نبي نحط نبي نشيل نبي نصلح , كلام خذي وخلي , من يستلم المسؤولية ويقعد عالكرسي ينشل ولا عاد يسوي شي , يعني انا مو ضد الحرمة دخلت مجلس الشورى , انا ضد تفكير الشعب المريض ماغير استهبال وتطنز وترزز ومهايط على غير سنع مافي اي جدية في المواضيع اللي تخص الشعب , اجل جدة سنتين تغرق محد تحرك , الملك اصدر قرار رفع رواتب الجهات الخاصة ومحد رفع , وغيره كثير , عشان كذا منيب قايلة لا والله الحرمة تبي تضبطنا , لا هي ولا الرجال بيضبط الدولة دام العقول تفكر بس بالترزز والمهايط ولا تخاف الله |
||||
|
28-09-2011, 06:42 AM
|
|
|||||||||||||||||||
|
عيد الفطر المبارك
|
تفكير بطل |
|||||||||||||||||||
|
28-09-2011, 08:07 AM
|
|
||||
|
مشرفة الشاليهات
|
اكثر شي يعانون المدرسات خاصه والموظفات عامه يعني مسيكينه كل شي عليها من والى زي وحده اعرفها مره سافرو اظن لتركيا وقال ابد عطيني مصروف زي عيالس ولا ترى منب مطلع لكم ولانتب رايحه انتي وعيالس الا بتصريحي لو تنطبق السما على اللارض لو تروح منا ولا منا قال عطيني فلوس لو ثمن زقايره عليها جعله يشرق علما انه موظف وظيفه زينه لكن بالله جاوبوني بس وش يسوي بها الفلوس ظنكم علما ايضا انه والله مب راعي شراب هل هذا بخل طيب تالية هالدراهم بتصير لمين بس احد يفهمه ورا مايوسع صدره وعياله ورزق الدنيا ضامنه الله وبيتهم حلال وكل شي على هالمديره طبعا الصبر له حدود مسيكينه جاها الضغط ووتقول السكر في الطريق وهو والله ابرد منه مافيه قبله حارن في هالملحق وهو مو صغير ترى بناته 2 متزوجات وولده بعد والثالث خذ الماستر وووالخ وفيه نوع من الرجال كوكه مايسوي شي الا معطي حرمته مس كول هههههههههههههههههههههههههههههههههههههههههههههههههه هههههههههه بصراحه شي زين بس ماش يقهر الاهل شوي خير ان شاء الله ماله شخصيه ياربيه مدير وش ابربر بعد في جعبتي الكثير ههههههههههههههههههههه اهم شي الجعبه ياحبي لها بس |
||||
|
28-09-2011, 10:23 AM
|
|
||||
|
الدونه بنفو كورليون
|
رفع ضغطي عساه يشرق بزقارته صدق على طاري الموظفات وحده من صديقات امي ودي اكسر راس زوجهآ المسكينه بعد تعب و تجميع رواتب تبغى تشتري عماره و تظمن عيالهآ الاخ رفض يقول شلووون حرمه تملكين عقار بس للأمانه في رجال كويسين و ماعليهم كلام و عاطيين زوجاتهم حقوقهن و اكثر هيله < ماتفاهمنآ .. متى بصير بينك؟؟
|
||||
|
28-09-2011, 02:21 PM
|
|
||||
|
كاميرا ساهر
|
^ ^ ^ ^ مثل واحد الله لا يربحه يااارب قال لزوجته ما يصير الحرمه تملك عقار خليه باسمي وهي تصدق المسكينه وتعطيه كل ما طلع لها من ورث ابوها ويشتري عماره في جده واخرتها اجر العماره لحسابه ولا عطاها ولا ريال والشقه اللي مفروض تصير لها ولعيالها اللي دور كامل بالعماره تزوج واعرس فيها وهي ارسلها لرياض لاهلها مع عيالها الصغار وماتت في الطياره من القهر شووفي هيلوه مثل ذا الرجال انا احيانا اشره على الحريم اللي ليه تسكت عن حقها وش ذا الحب والا وش ذا الاخلاق اللي بتخليني اسكت عن الاهانه والضيم هي لو توقف له وقفه صح وتعلمه ان الله حق صدقيني بيسكت وبيصير مثل الناس بس هي ما تبي تزعله ومخليته يخذ راحته بالكلام والفعل طبعا مو الكل لا فيه صحيح مغلوبات على امرهن وهذولي ندعي لهن ان ربي يفرج عليهن بس الباقي لا هن اللي مخليات الرجال يخذون راحتهم هو له حق وانا لي حق مو كل الحقووق له والحرمه تابعه له
آخر تعديل تحت المطر
في 02:24 PM.
|
||||
|
28-09-2011, 09:47 PM
|
|
||||
|
من شيوخ الحاره
|
هذا واحد يدرس الدكتوراه في باريس ومتزوج وله 3 بنات جا واحد سعودي لفرنسا ومعه بناته ,الكبيرة منهم مطلقة وعندها ولدبس حلوات بناته راح للرجال هذا وشافه دكتور وقاله اهديك بنتي قصده بزوجك بنتي الكبيرة اللي حلوة ومطلقة قام الدكتور انبسط وتزوجها وطلق زوجته وسفرها للسعودية هي وبناتها الله ياخذهم الرجال اللي كذا |
||||
|
| الذين يشاهدون محتوى الموضوع الآن : 6 ( الأعضاء 0 والزوار 6) | |
| أدوات الموضوع | |
|
|
|
|
