 |
 |
 |
 |
 |
 |
 |
 |
 |
|
||||||
| سوالف حريم كل مايختص بالمرأة (تمنع المشاركات الرجاليّة) |
 |
|
|
أدوات الموضوع |
08-09-2011, 04:34 AM
|
|
||||
|
المتحدث الرسمي للسوالف
|
بسم الله الرحمن الرحيم أول شي حي الله كل البنات والحريم والإناث اللي هنا .. (بالشه بالمقدمه  )الموضوع هذا عباره عن مكان ومتنفس للحريم وسوالفهم صحيح القسم كله سوالف حريم بس كل موضوع فيه مصنف لشي معين مثل المقلط للإستفسارات والمعهد للميك آب وباقي المواضيع تناقش سوالف معينه بس هالموضوع بيكون بإذن الله شامل وبيني وبينكم وبدون محد يسمع هذي النسخه البناتيه لقهوة العزاب اللي بالأسره  توضيح للي ما يعرفون الفكره : الموضوع أولاً بيكون إن شاء الله مفتوح لمده لا يعلمها الا الله .. ومثبت بأعلى القسم وفيه بنسولف ونخثرق بسوالف ومواضيع حريمي  ومش حريمي كمانا  يعني بتاع كلو بس الحوار والنقاش مقتصر عالنسوان أكيد  و بيكون فيه محاور ومواضيع نتناقش فيها وعلشان ما يكون فيه شات وحوسه لابد من النظام اللي نتمنى الكل يلتزم فيه ونظامنا كالآتي : 1/ كل أسبوع يتم طرح موضوع أو محور وتتم مناقشته والموضوع موب أي وحده تجي تحطه , الموضوع اللي بنناقشه بينزل بيوزر السوالف أو من قبل مشرفات القسم وبعد ما ينزل موضوع النقاش بتكون الردود اللي بعده محصوره عالمحور المطروح نفسه ولا يتم النقاش في مواضيع ثانيه ( خشه تقول افلقيني إن ما تشعب حديث لحريم لين تصك 1000موضوع) 2/ الردود في صلب الموضوع (قلتيها فوق ما تحتسين مع هنود يا خاله  3/ أي وحده حابه تطرح موضوع للنقاش ترسل ليوزر سوالفنا وراح تنزل المشاركه بيوزر السوالف ولكن مذيله بأسمها 4/ طبيعة الردود إما حلول أو آراء أو تجارب شخصيه يعني إستهزاء ببعض ممنوع وحركات إستقعاد ولكاعه برضو ممنوع 5/ أي رد من ردود الشات .. سيكون مصيرهـ : أولاً:- حذف الرد في المره الأولى ( كتنبيه ) ثانياً:- كلبشة العضوه إذا تكرر منها رد شات في المره الثانيه 6/ أي مواضيع تتعلق بالفنانات والا الميك آب والا إستشارات وإستفسارات مرفوضه تماماً لأن هالأمور لها مواضيع أخرى موجوده بالقسم فتحوا عيونكم زين وتشوفونها 7/ الموظفات و بناتي التلميذات  ( وحده كبيره) والحريماللي يشتغلون الضحى مهب تشوفون الأسم الضحى وما تدخلون ترى بنسولف حنا الضحى وبنتحرى ردودكم مسيان .. وبس .. .
آخر تعديل سوالفنا
في 04:37 AM.
|
||||
|
08-09-2011, 04:40 AM
|
|
||||
|
مشرفة سوالف حريم
|
بسم الله الرحمن الرحيم الموضوع اللي بأطرحه أكيد سبق وأنطرح والكل تكلم فيه بس دئ المي وهيا مي مافي خواص <-- برى يرحم أمتس , الموضوع والله احسه انتشر ويمكن بسبته أنا وأمثالي نندثر  ومحد يسولف معنا ولا يعطينا وجه لأننا لو كلاس ( خشه تقول يارب صح علي لو كلاس مهب اتفشل عند البنات بعد) يقول المطرب مدري وش اسمه هقوتي راشد الماجد: دلوعتي كل الحلا فيها احترت أنا مدري شسميها في حسنها كن البدر ضاوي اخت القمر محدن يساويها بعد قال الثاني : دلع عيني دلع دلع روحي دلع وفي الشعر قالوا : أنت الدلع والا الدلع هو تبناك..ألخ القصيده <-- !! الموضوع واضح من السطرين اللي فوق وهو عن الدلع بين الحقيقه والمدري وشو ( خشه قازه موضوع مطاول ) لا جد نبي نتكلم ونناقش سالفة الدلع اللي مدري وش سنعه هالأيام والمشكله انه دلع مصطنع ويجيب القرف ويخلي الواحد يشعر بالتقيوء <-- اسمها تتكلم عن الهاي كلاس واللو كلاس ما يصير نقول تطريش  والله يا بنات احس الموضوع مصخ قمنا نشوف مناظر ونسمع كلمات وأصوات تجيب الحرقان بالقولون والمعده والجهاز الهضمي كله مدري كيف ساكتين عنها صراحه ,, يعني بنات اللهجه عندهم انضربت بشكل فضيع وأصواتهم ومخارج الحروف تقلبت والأمور عادي وكنه جايزن للناس حسبي الله على من تسبب بلوي ألسنة بناتنا .. يعني الحين يوم نسولف مع بنيه تقولين لها شلونتس ترد عليتس زيناااااا ليه أحد قايل انتس نحول !!! وين طيبه وبخير والحمدلله ؟ والا تقول كويسه خير جالسه مع نفرات هنود يوم تقولين كويسه ؟ مير لو قايله منيحه ارحم أجل كويساااا وتيباااا وزيناااا ولازم المده في الأخير ؟! وش السر والحكمه مدري صراحه وعلى طاري كويسااا وزينااا تعالوا فيه كم مثال للكلمات والحروف الدارجه هالايام عند فئة البنات والله شي عجيب ( ملاحظه تم الإستعانه ببنت مراهقه بالثانويه + العم قوقل ) المدرسه صارت سكول ويا انتس قرويه ياللي للحين تقولين مدرسه وشكلتس بنت مدرسة حكوماااا حتى المدارس الحكومه والخاص صار فيها تفاخر أبفهم مهب سكول هي المدرسه بس بالإنجليزي ليه عاد ما نحتسي عربي يا سليلات الملكه فكتوريا ياللي تفتون انجليزي اشوى ان الوحده منهم لو تبتل معها شوي بالحتسي بالإنجليزي جابت الغايبه ايه وبعد القطوه صارت كات يالله ياللي تقولون قطو وقطوه وبساسه يا قرى اسمها كات !! وجوس ووتر وغيره وغيره من المصطلحات الأنجليزيه يوم كنت بالجامعه دخلت بنت البوفيه أوووه أقصد الكافتيرياااا قالت للحبشيه اللي تبيع قفمي جوس مشكل آند تو شيبس بالجبنه وهاتي صرف 50 ؟!! <-- ياشيخه احسدتس على اللغه اللي عندتس وليه هالحوسه ترى الحبشيه تحتسي عربي وتقول هاااه شكلها ناقدتن عليها هذا غير البينك والاوف وايت وياقدمهااااا اللي تقول زهري وسُكري ذي يقولون من اي قبر طالعه ؟! بالإضافه للتشوكليت والميلك والدريسس والبرا والبريود ( لو قايلين حيض موب دوره وش بيسوون ؟ ) وبعد كلمة شنو ومشان الله وكبر يا بنات السعوديه استغنيتو عن وشو ووشهو وعلشان وصرتو تقولون شنو ومشان وفيه كلمه تنرفزني جداً جداً كلمة آينووو وكيذااا مثل لو وحده تسولف وقالت آينوو هياا قالت لي كييييذااا ( خشه تظهر اللي بتسبدها) يعني هالكلمتين انا ما اتقبلها الا من الحجازيات لأن هذا هرجهم الطبيعي بدون تصنع بس تجيتس وحده مابي احدد ديره او قريه علشان محد يزعل وتقول هالحتسي قسم بالله انه يطلع من فمها يحوم التسبد والله كلمة آنووو ذي لحالها تسبب لي تهيج بالقولون مدري وراه وقسم بالله كرهت وحده من البنات بسبتها .. بعد فيه الحروف اللي تقلبت عندنا مثل الصاد صار سين والراء باقي نتفه وتصير واء ياي يالشعب الفرنسي مدري وراه بناتنا يرققون الراء لين يغدون لثغان ؟! اول مره صراحه اشوف احد يفرح بالعيوب الخلقيه ويتمناها !! ليت ربي يبلاهم ويصيرون ثرمان بالمره هماه كله دلع وكمانآ الطاء صارت تاء ماش الحروف ذيلا معدهيب معترف بها ابد سراحاااا ايه وفيه حرف ياحبة عيني من اول مظلوم والناس مهب ينطقونه الا بشق الأنفس الحين انسحب عليه مدري محسوب للأن من حروف الهجاء او لا اللي هو حرف الضاد من اول ينطقونه ظ الحين مع الدلع صار دال يالله دخلك مريضه صارت مريدااا الله يكفينا شر كل شيطان مريد وغير ذلك من أنواع الدلع بالحتسي والكلام اللي لو جلست لين باتسر ما قضيت علشان كذا ابي انتقل للشق الثاني من خطوات الدلع الحيلو وفيه ملاحظه ذكرتها مير قبل ما انسىليه كل وحده تبي تصير دلوعه تكتب الألف بمده تسذا --> آآآ وتكررها ؟! نجي للشي الثاني وهو الدلع بالشكل ليه صارت أشكال بناتنا كذا رقبه مايله على جنب تقل احدن فارن وجهها بكف والشعر مغطي نص الوجه والمشيه الله بالخير غير التخريم بالبرطم والآذان والخشم والبطن ماباقي مكان ما حطوا فيه زمام مدري صراحه وش علاقة الدلع والكيوت والنعومه بهالأشياء اللي فوق كلها ولازم كل دلوعه تكون رقيقااا وصوتها تقل تسولف بأبريق لا مخارج حروف واضحه ولا صوتن واضح وتتكسر وهي تحتسي على اساس البنات عندنا مندوبات لحليمااااا  المشكله تعالوا شوفوهم ببيوتهم شلون يحتسون مع بعض تقل عزبة صعايده من الاصوات اللي تروع والدفاشه والخلقنه والوجيه اللي تقطع الرزق والله كنت مجمعه أصوات بنات وضحكاتهم من اليوتيوب بس لدواعي امنيه قررنا اننا ما نحطها والا كانت خير أمثله على كلامي وتوضح مقصدي صح .. للأسف الدلع عندنا صار إصطناعي وما عاد نشوف وحده دلوعه بالفطره إلا ما ندر وإن كانت خلقتها دلوعها نلاقيها عاد طاقه حوله وماشيه عكس السير ومعربجه وصايره بويه !! متى بناتنا يعرفن انهن صارن مكشوفات وإن دلعهن يمرض ويجيب الطاعون ومتى يعرفن أن هالشي ماله علاقه بالأنوثه والنعومه و هالعاده الكريهه متى تنتهي؟! لا أحد يقول يكبرن ويعقلن لأن الحمدلله والشكر ألحين صرنا نشوف الكبار الامهات خافه عقولهن يارب ثبت عقولنا علينا وصايرات مايقات مايعات ما ينهضمن كثير بيشوفوني أنا وموضوعي مالي داعي وأني طعسه منقهره لأن مافيني ذرة دلع ورقه وأنوثه ونعومه وما أقول آآينووو مع أني من اسولف مع وحده من ديره ثانيه حجازيه او سوريه او مصريه اسلك بهرجها واهرج مثلها بس لا جيت عند كلمة آآينوو انعدل لساني وقسم بالله الموضوع هذا مطروح للنقاش والأراء والتجارب يعني اللي قد طرى عليها تتدلع بيوم ما ياليت تكب عشاها وتقول لنا النتيجه اللي صارت معها محناب منتفينها بقوه بس على خفيف هههههههههههههههههههههههههههههههههههههههههههههههههه هههههههههههههه هذا مقطع نايس للآينووو توه واصلني من سماء حطيته لكم باليوتيوب علشان تشوفونه اسرع من شغل التحميل والقروشه ( جلسنا 3 ساعات بس علشان نغير الصيغه قسم بالله تقل برامج الصوت وتحويل الصيغ تفهم وحامت تسبدها من هالقرف ) واضح تستهبل بس وراها تنتع ؟! الموضوع كتبته كذا بدون ترتيب أو تنسيق او تسلسل أفكار, صحيح اول موضوع بالجلسه بس جلساتنا بسيطه وسوالفنا بعد بسيطه ما تحتاج لا ترتيب ولا تنسيق ولا زبرقه  انطلقن 
آخر تعديل اخت اخو اخته
في 10:20 AM.
|
||||
|
08-09-2011, 06:40 AM
|
|
||||
|
أقدع قصابه
|
آآآآآآآآآآآآآآآآآآآآآآآآه بس تدرين وش اللي يدبل التسبد ؟ إن ما أحد يسوي حركات الدلع واليعنني والإنوو بابا والماما وباغيس وطقتها إلا الملحج اللي مسوين بـ يتطورون ويعنني بنات نعمه تجيتس من راسها لـ ساسها تبرق تقليد وخذ ياخرط وهرج هذي دادي جابها لي من آخر سفره له من باغيي < اييييييه الله يهديتس حتى باريس صار أسمها باغي لزوم الدلع ذكرت وحده معنا بـ الجامعه من ربع تقليب الحروف المشكلة إني أعرفها من مبطي يعني خابرتها أيام الملحجه والطعسنه والله يآتسبدي تقلب قلب لاقامت تحتسي لأن أظاهر حرفين من حروف اللغة العربية تطلعها صح وإلا الباقي مضرووب أبوه وتحلفين كنها هندي توه جاي لـ سعودية ويتعلم اللغه .. عاد مسويتن هكا اليوم نفسها يعنني وتسبدها قالبتن تبي تستفرغ  وتقولنا أبي أترررررش عاد أنا والله موهوب مسألة يعنني ولا ياي بس هـ الكلمة تقلب تسبدي ومانيب أحبها ناظرتها وقلت ياخاله ترى اللي تقلدينهم يقولون أستفرغ ولا أرجع وش أترش هذي ! على الأقل أنطقيها مثل ماهي وشو له قولبه الحروف وقلة الحيّاء بس !!بـ النسبة لـ حتسي الإنجليزي .. ذكرت وحده الله يذكرها بـ الخير معنا تقولنا إنها مسوين عزيماااا مااارااا كبيرااا وحاطتها بـ الرسبشن وشاريتن ملابسها من ستار بكس هههههههههههههههههههههههههههههههههههههههههههههههههه هههههههههههههههههههه والله يا تقطعت جنوبي ذاك اليوم من الضحك والكركره هههههههههههههههههههههههههههههههههههههههههههههههههه هههههههههههههههههههههههه يعني دامتس ماتعرفين وش السالفة وماعندتس ماعند جدتي وشو له التفلسف ياخاله ههههههههههههههه الوكاد أنتي أبططططل كائن حي .. هـ الفئة دابلتن تسبدي بـ شكل موهوب صاحي وباديتن تنتشر .. ولازم نسوي توعيه بـ العالم إن أشكالهم تفشل وقسم بالله وحتسيهم يقلب التسبد وماودي إلا بـ كيس زباله جنبي وأستفرغ كل ماحتست وحدتن منهن هـ الحتسي
|
||||
|
08-09-2011, 06:50 AM
|
|
|||||||||||||||||||
|
مشرفة سوالف حريم
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه انا بأعزمتس وأحط العزيمه بالروم سيرفس بس شوفي عاد لازم تجين وأنتي كاشخه مآآآآآراآآآآ وملابسك تكون من د كيف أو من كوستا وموب مشكله لو كانت من جافا .
آخر تعديل اخت اخو اخته
في 06:56 AM.
|
|||||||||||||||||||
|
08-09-2011, 07:28 AM
|
|
||||||||||||||||||||||||||||||||||||||
|
مسـيّر
|
ي والله انتس طلعتي اللي بتسبدتس كلوه وفتحتي لنآ المجآل نضفض
متى علمتسس بالنآس وبالدلع هالحين صارن يحتسن حتسي بزرآن يعني النغمه نغمة وغد توه ماكمل السنتين عاد تعالي شوفي الشكل الله لايبلانآآآآآ تجيتس الصيحه قسم !! تدرين عآآآآد لو هي شكله كيوت وتحسين انه مآتمصع وهي تقوله ووجهه يصبصب عرق مآقلنا شي تهووون بلاتس اللي تجي شينه شينه بمآتحمله الكلمه من معآني الحمدالله على خلقة ربي مآقلت به شي اقررب مثآل وحده اعرفه كآنت ايآم الثانوي معي بالفصل البنت ادفششش منه ماشفت ترآكض فوق الطآولات وتهابد يعني معروفه المهم دخلنآ الكليه والله ونتقابل تعالي شوووفي الحتسسسي (مرآآآآآآ ونآسآآآآآ بث مشكورآآآ) تخيلي هالكلمآت من افم بزر تراعين للشكل وتسمعين للصوت تشتتين تحاولين تستوعبين مآر مــــــــــــــــــــــــــــآش --> منفته تسبده ض1 المهم والله وهي تطير بوهتي وادققق يابنت شكلتس غلطآنه الا والله هذي عيونه مدري وش اللي صآر بالدنيآ يعني عشانتس حطيتي هالروج الاحمرررر وكشختي بتنوره سودآ انقلبتي انآ بحياتي مااطلقت مسمى طفل ثقيل دم على احد بس الحين صرت استخدمه وبكثرررره لهالنوعيــآت !! مــدري يعني اذا تدلعت بالدلع المآصخ بتصير انثى مُـثيره ولا بتصير انثى (اوس2) وتصير غير الانثيات الأوخريآت المهم انه شي يوجع التسسسبد صدز اذكر اني بـ احدى المنتديات شكيت هو سعودي ولا جزآئري ساعه ابفهم وش الكلمه عجزت واخر شي اكتشفت انه دلع كآنت كاتبه انآآآآآآآآآآآآآآآآآه >> لدرجة جبت دفتر كشكول وقلمي وجلست اعربه واحطه بجمله يمكن يطلع معناه لي مآدريت ان البنت فرحآنه وكآتبه اللــــــــــــــــــــــــه ->
هههههههههههههههههههههههههههههههههههههههههههههههههه ه هههههههههههههه هههههههههههههههههههههههههههههههههههههههههههههه آخ ياتسبدي بس هذي المشكله قسسسسم  اشكرتس على هالموضوع حلو الوآحد يطلع اللي بتسبدوه ويفضفض وينآقش ->مآشبعت للحين يً رب يسلمتس ويقويتس
|
||||||||||||||||||||||||||||||||||||||
|
08-09-2011, 07:34 AM
|
|
|||||||||||||||||||
|
من شيوخ الحارة
|
هيله اولآ ششكرآ لك ولـ السوالف على الدكه الي فتحتيها لنا عشان نفرغ طاقاتنا المكبوته <- احس اني هذا اول واخر دخله من غير شر ويعطيكم العافيه ..نجي للموضوع الي عندي كميييييه كبييييره من القهر والكلام الي ابي انثره على مسامعكم بخصوص هالموضوع
ههههههههههههههههههههههههههههههههههه تصدقين اول مره سمعت الكلمه قلت وشو الابيض المغلق مادريت انه لون <- قروياااا لا تلوموني تصدقين ياهيله سنتن من السنين قلت خلني اتدلع مع خلق الله وش حيثي كل الشعب صاير حليمااا الا انا على طمام المرحوم ويجيك ذاك اليوم الي اطلع الاستشوار مغبر من سنة السبله مااستخدم <- قروياآآآ مااستشور الا بالعروس المهم واستشور واحط تآآآآآن وروج برتقالي (على اساس شكلي دلوعآآآ وكيوت من برآآ) وشكلي عرس مهب دوام واجيتس افتح فمي واميل فكي واعقد لسآآآني عقدتين لانوو مرآآآ قروووي وطعووسي وجلست احاول امشي كاني ذاك الشسمه يعني اني مرآآ كيوت ..واروح للجامعه بهكاليوم الي مافيه نجوم ولا ظهر ولا شمس ولا قمر ولا شيء دخلت الكلآآس (موب القاعه لاحظي ترا كلآآآس) واقوول هآآآي صباياآآ <-يحلفون اني راسبه مرتين بالانجليزي وابفحط فيه الين اقول امين المهم واجي اسأل البنات كيفكون صباياآآ (كلام شامي بلهجه قصيميه لك انك تتخيلين الوضع )ايوآآ التيتشر حذررت ولا لسسسى (تراني منيب مقتنعه بنفسي هكالحين ومره شارهتن على عمري) طبعآ كل هالحوار واشوف على وجيه البنات علامات استفهام كبيره خير اللهم اجعله خير وش فيها ذي مايصير الواحد دلوعي ويآآآي عندكم مرآآ مررآآ ماعجبوني <- مازالت عايشه دور الهاي كلاس ياويلي تشوفيني بالقاعه انتظر يخلص ودي اروح ارجع على طبيعتي بالمحاضره الجايه خلاص طفشت اكره نظرت مهب لايق من الناس هههههههههههههههههههههه .. الي ابي اعرفه واسأله للدلوعات واليأأآآي والاينوو وشلون يصبرون على الدلع طوال الدوام لهذي الدرجه متعودين الله يخلف علي اجل مستحيل اصير ظلال حليمه ابد سالفه ثانيه .. اخبر وحده من طقة الياي والكيذا وايينووو دقيت عليها على اساس اينوو نتكلم عن المشروع قالت دقيقاآآ مرآآ ازعاج هيناآآ قلت طيب ونست تحط تعليق شكلها مير شكل اخوها رافع ضغطها وتقوله بصوت اجش انقلع اطلع من الغرفه ولا والله لا اقوللامي ياحقير ياكلب  اينو مررآآ حقير ايينو مرآآ ازعاج يااي وينها هذي هههههههههههههههههههه لا لا مهيب الي اعرفها يوم رجعت وشكلها معصبه ايه وش تقولين راح نسوي بالمشروع اخترتي انتي والبنات الموضوع ولالا ووش المطلوب مني <- هذي انسانه غير ميهب الي اعرفها لو انها هي كان مفروض تقول ايوواا شو السبجقت تبع البروجيكت وشو الشغلاآآ الي انا وواح اعلمها وانتوو اآآيش اتفقتو تعملووو انتي والقيرلز .. ياقلب لا تحزن ..اآآآه احسس اني فرغت جميع طاقتي بهالرد اول مرره اتكلم من صميم قلبي يختي هالفئه ترفع الضغط وتجيب المررض الله يعينهم على نفسسهم والله مافيه من ان الواحد يصير على طبيعته ويجي الهرج زي ماهو مهب اتقلب تقل حربايه <- طالعه من قلب ..وشكرآ اتمنى انا اعود لكم بالموضوع القادم |
|||||||||||||||||||
|
08-09-2011, 07:38 AM
|
|
||||
|
مشرفة المسنجريات
|
جبتيها عالجرح يآكثر ماتكلمت عن ذي الفئه يآكثر ماحشيت فيهم ياكثر ماطقت كبدي منهم ودي أدفنهم بالحياه برب بقرا الموضوع وأكمل --------- جيت هيله تبين المختصر المفيد هذي فئه مريضه تعاني من طفره غير صالحه في هرمونات الأنوثه وإنحراف خطير باللسان أدى الى ذلك المرض الله يحمينا وبنات المسلمين يارب < خلاص شخصت الحاله ههههههه قسم بالله من اشوفهم ودي اهفهم بكف ولا اوديهم شهار كود يشوفون وش سالفتهم بكل مكآن منتشرين عساهم البلا  أنآ عني ماقابلتهم صراحه بالحياه العاديه الا كم بنت واشوفهم وييييين وويييييين أمآ الي دابلين تسبدي وفاقعين مرارتي متميلحات النت الي يشوف كلامها يقول بسس ذي تطق اصبح لحلييييماااااااا واتحداها اذا ماهي كويحه ومو غريبه تحمي طيران جنبها بعد مآ أدري هم مايقرفون من نفسهم يوم يقلبون الحروف وتسوي انا البنت الدلوعه ترا الدلع مو تصنع يامال العافيه الدلع يجي طبيعي والي تبي تتصنع تتصنع شوي شوي مو تعوج الحروف وتسبل بعيونها ويعنني اتدلع ولا يهون الفيس الدلوع الي تحطه بعد كل كلمه يعنني ترا مستحيه ودلوعه وكيوت ، ودي اجيبه بس ماهو فيه بصندوق الرد ههههههه ولا الكلمات ( تفششآآآآآنه ، تيب ، أنووووو ، عنتي ، خلاس )بس ماني قادره اكمل --- دوبي يوم قريت موضوعك تذكرت شي ههههههههههههههههه قبل كم سنه وحده اعرفها من تزوجت بدت تتدلع وتقلب بالحروف وحاله مخيسه كل كلامها قالب آآآآآ مدري وش تحس فيه ههههههههههه وأنا اعرفها شخصيا قبل ماتتزوج البنت عاديه جدا وشوله تقلب كلامها مدري ، تتدلعين وتقلبين الحروف مو عندنا الي قبل الزواج عارفينك ، تدلعي على زوجك وش دخلنا تحومين كبودنا واستمرت المعاناه واستمرت دبله الكبد وحرف الآآآآآ اشتكى منها هههههه بس مدري عنها الله يستر عليها دلت حروف الله العربيه للحين ولا لا من زمان ماشفتها شكرا هيوله لفتح الباب للحش على هالفئه المريضه حسيت اني فضفضت اشوا وبرضوا لي رجعه لسى فيني حومه كبد منهم ههههههههههه لكي ياقلبووووو ياحياتووووو + الفيس المستحي ض1
آخر تعديل Sħosho
في 08:55 AM.
|
||||
|
08-09-2011, 08:38 AM
|
|
||||
|
مشرفة الشاليهات
|
اسعد الله صباحكم وصباح الجميع بصراحه ياااني ضحكت الله يوسع صدرك بالعافيه وتذكرت عاهاااااااااااااات اعرفها وعندنا بعد خصوصا الي يمشون على جنب ويرزون البرطم وووووومدري شلون اوصف بصراحه اما ربع اينوو وماااارااااا وتلعنا (طلعنا) والخ من هرج ودي من يحطهم في بير ويغوصون لين يستعدلون ثمن يطفحون (الله من زين العقاب) بس وش اسوي من حر مااونس اما الاوف وايت ههههههههههههههههههههه ذكرتوني بسالفتها مع احدى المقربات والله سبدي ممتره منهم مثل ماسبدس منشلخه منهم هههههههههههههههههههههههههه الله يوسع صدوركم يارب |
||||
|
08-09-2011, 08:55 AM
|
|
||||
|
مشرفة سوالف حريم
|
يآآآآي هيلآآآآآ ليييه كيذآآ إنتِ شآيفآآ عوومرك تيعسآآآ وتحسبي إيينووو إحنآآ التلوعآآآت نتسنّع يآ بآآآيخآآآ :$ فيه شي محوم كبدي زود عن غيره ، اتركي تمييل الخشمة والبراطم والرموش اللي تتصافق كله يهون عندي ولا اللعب باللغة العربية المسكينة أوكي تبغي تتكلمي انجليزي ومسوية فيها إنك عارفة ؟؟ تكلمي انجليزي كامل !مو تحوسين أمّ اللغة وتجيبين كلمة انجليزي وسط عشرين كلمة عربي مكسّرة ! المشكلة ماتسوي كذا إلا اللي في الواقع ماتعرف انجليزي صدق ، يعني كل اللي تعرفه الكلمتين اللي تعلمتهم في متوسط وتجيك مسوية فاهمة ، طالما إن اللي حولك عرب ويتكلمون عربي ويستخدمون مصطلحات عربية وين التطور والتقدم في استخدام مصطلحات انجليزية "بايخة" ؟ عاد أنا آدمية ما أحب أخلط حكيي ، أعرف انجليزي بس مالي داعي أستخدمه طالما إني أتكلم مع شخص جالس يسولف معي عربي .. عاد أنا متعتي في الحياة اللعانة مع هالأشكال ، إذا جت وحدة مسوية على راسي يااااي أروح أرد عليها انجليزي صدقي مو عربي مكسّر هههههههه وقتها يبيّن إنها ماتدري وين الله حاطها وحدها على سكول وكار وبينك وتشوكليت وأوف وايت d11 نجي للنقطة الثانية اللي محومة كبدي ونفس الشي تخص اللغة العربية المسكينة اللي هي نقطة الكتابة ، آآآآآخ من الكتابة آخ أبغى أفهم .. أبغى أفهم مين علمكم إملاء ؟ مين علمكم نحو ؟ مين علمكم عربي ؟ كيف نجحتوا وإنتو تكتبوا ألف عادية .. ألف عادية يا جماعة تروحوا تكتبوها آآآآآ !!!!والا اللي تجيك حاطة كسرة على حرف مدّ وتنوين بنص الكلمة وأنواع التشكيل والحركات يعنني زخرفت كلامي وصار حلو ! حطوا تشكيل ماحد قال لكم لأ بس استخدموا التشكيل الصح التشكيل اللي يناسب الكلام مو واللهِ كاتبة لي الَسُلًامٌ عُلِيَكٌمً يعني خلاص صار حكيي حلو ومزخرف وصرت تسلوعآآآآآ يرفعوا ضغطي يجيبوا لي المرض وكل حاجة سيئة أنا مدري الأشكال ذي ماتعرف عربي .. ماتعرف لغتها .. ومسوية إنها ملكت الدنيا إذا عرفت كلمتين انجليزي ، تعلمي لغتك أول جعلّك المنب قايلة <- واضح اللي حايمة تسبدها بزيادة ؟! لا وإذا جاتك وحدة أصلًا نطقها للكلمات الانجليزي غلط وقالبة الحروف ههههههههههههه آبو القرونة ياشيخة اعرفي كيف تنطقيها أول بعدين سوي فيها إنك فاهمة وتعرفين ! وشسمه في بالي حكي واجد عن التسلوعات اللي في الجامعة بس تعبت وأنا أكتب وأخاف أترك ردي لبعدين ويطير لكن إن شاء الله لي رجعة المهم طلعت حومة كبدي من تسلوعات اللغة العربية جعلهم المنب قايلة
آخر تعديل زهرة القمر
في 11:17 AM.
|
||||
|
08-09-2011, 10:09 AM
|
|
||||
|
صديقنا مصطفى هونيك ؟
|
أنا ربي خلقني تلوعه وكيووت ماااراااا وش ذنبي إذا كنتم انتم ناسات ماتعرف الدلع لو سمحتم لاتتريقون علينا احنا الناسات الدلوعات :$ ههههههههههههههههههههههههههههههههههههههههه ههههههههههههههههههههههههههههههههههههههههههههههههه أنا ذاك اليوم سويت نفسي دلوعه الكل قال لي سلامات لومي وش فيك تعبانه هههههههه ماعندنا مشكله تدلعو يابنات حاولو تصيرون انثويات ماقلنا لكم شي بس بعرف العيون وش دخلها فمتس يتلوا وعيونتس ترمش وش الفايده من هالشي بالله
|
||||
|
08-09-2011, 10:26 AM
|
|
|||||||||||||||||||||||||||||||||||||||||||||||||||||||||
|
ملح المطبخ
|
الموضوع صراحه يفتح بيبان تودي وتجيب , , أولاً ,, دارٌ مباركه الصراحه انا اقول وردي ماأقول بينك والى يومك اقول سٌكري -قلب- ثانياً ,, والله انا ارحم اللغه العربيه الي راحت في خرائط الدلع المزعومه بفهم نقطه الحين وش جاب الدلع لمرا!! وبكرا!! وشربت مويا وشرقت <<الراء مفتوحه حتى صارت لام قسم انا لاشعورياً لو تجي وحده بهالشكل قدامي وحده من ثنتين ياأني بضحك لين يستاحشون الي حولي ياأني بكشر في وجهها اكره هالشي وقسم والأنوووووووو ريااااااااااااااااااااااااااااااااااال ياعرب اني قلت صارت انو قلت !!! سبحان الله عاد الانقلش هذولي شي ثااااااني قسم بالله مو عيب تقولين انك ماتعرفين !! والله مو عيب اعرف كذا وحده مسويه انا اعرف اتكلم انقلش واني انا واخواتي مانسولف الا بانقلش ياشيخه طيري مناك  قسم انكم قلبتوا علي مواجع انا انسانه تقريباً تقدرون تقولون اعرف انقلش بنسبه جيده بس مو مره مثل اخواتي  اترجم بالسمع احسن من ترجمتي بالقراءه .. ماعلينا نجي للمهم ., ماعمري تفلسفت وقلت فور قاد سيك والخخ والله مو حلو نسوي كذا ياعالم وش فيها لغتنا !! من متى الانقلش هو الكشخه والمرا وزينا !!! تدرون وش الي يقهر ؟؟ انهم مسوين نعرف ومدري ايه وبالاخير دايم يرسلون لي حتسي انقلش ويقولون ترجمي لنا !! عاد مره مرتين 10 مرات لين طلعوا من خشمي صرت اقولها صريحه مو انتي يافلانه تعرفين انقلش !! ودايم تعطيني كلمه ع كلمه وفرحانه !! ترجميها بنفسك  تتوقعون وش الرد الي يجيني !! انا مو فاضيه اترجم ابغاه ع السريع << لا صراحه اول مره اشوف وحده تعرف انقلش ومو فاضيه تترجم لو انك صادقه من تقرينه بتعرفين الكلام مايحتاج تقولين ابغاه سريع وبتاخر ومره وحده من البنات الي اجلس معهم يومياً 4 ساعات قالت لي ليه تتكلمين بالسين ؟ قلت وليه ماأتكلم بالسين انا ع طبيعتي !! قالت لا وع تكلمي بالكاف قلت انا بقابل وجيهكم 4 ساعات يومياً مافيني حيل اتظاهر عليكم وابغى اكون ع طبيعتي وهذا شي راجع لي المشكله المضحكه انهم يسوون انفسهم انا اتكلم كاف يعني صرت كشخه وحلوه وبنت مافيه مثلي  ودااايم اذا تحمسوا وهم يسولفون او عصبوا وهم يتكلمون تطلع السين ههههههههههههه والبنت الي قالت لي هالكلام صارت احياناً تنغزني لما اتحمس ويصير كل كلامي س سس س س سسس قسم بالله تخلف تبين تتكلمين بالكاف براحتك بس لاتتنقدين ع العالم حولت البنت وماعاد صرت اشوفها عاد يوم ضافتني ع البي بي شافتني اكتب بالكاف انبسطت تحسبني سمعت كلامها قلت ترا كتابياً ماأرتاح الا كاف !! بس بالكلام يالبيييييه يالسين ورجعت مره ثانيه تنغزني بالكلام بصراحه فيه فئه كبيره من البنات مرضى !! والله انهم يحسون بنقص مقدع ونتج هالشي من هالشعور ممكن نقص حنان او غيره تنج عنه هالشي احيانا والله ارحمهم لاني فعلاً أبصم انهم يعانون من شيء لا والي تجيك تتطنز بكلام الحجازيين ولا كلام الجنوبيين ولا كلام الخ ودي من يقوم ويشوتها مدري متى هالعقول ترتقي !! يعني عاجبك الانقلش والفرنسي ولا اعجبك كلام أهل بلدك !! والله مٌجتمعنا للاسف شريحه كبيييره منه كل مالها تنحط جاني كاست من يومين يقول اذا سمعت ياحيوااناا ياحقيرااا يازفتاا لاتحسب انها هوشه .. لاا هذولي بنات كيوت يسلمون ع بعض ههههههههههههههههههههههههههههه الصراحه جابوا وحده انا اقول ياحقيره من ززمان ماشفتك بس مو ياحقيرااا , , سماء
أماااا بصيتي ولا مابصيتي !! مٌشكلتهم يحسبونه عيب اذا قالوا وش هذا وعرفوه وبعدين صاروا ماشين معه دايم .. لا يبون يطلعون حلوين وأمورين من غير شي بس صدق صدق هي قالت كذا ولا تمزحين !! وش جاب ستار بكس للملابس !! مير طلع أخوي اهون يحسب ستار بكس للوافل مو للقهوه وغيره كل مارحت أشتري الي ابي واشتري له بس وافل هولندي دامها رخيصه حسوفه ع البزر موكا بارد ويمرضه ويلعنون خيري بعدين فكل ماأشتهى وافل قال أبي ستار بكس ههههههههههههههههههههههههه حسيتني اخت حقيره , , اخت اخو اخته
هههههههههههههههههههه هذي عينه من شبابنا الي مسوين فيها في ماك <<اقصد الكاست
 ذكرتيني بوحده من البنات والله اني احبها بس أشك انها تعرف انقلش من موقف حصل ,, كانت فلبينيه تضف الطاولات وترتب بالكافتيريا وفيه بيبسي كبير لنا مابعد فتحناه وتقدمت المحاضره وبنروح والمنظفه جت عند طاولتنا واحنا مخبوصين الي ترتب نفسها والي تتعطر والي تعدل قلسها وانا منبطحه ع الطاوله احتريهم يخلصون مادريت قالت صديقتي لها لوك سستر بيبسي وي وونت مافيه اخذ << انا مخي وقف فمابالك بالضعيفه الي تنحت قالت وت ؟ قالت صديقتي احد يقول لها ان احنا نبي البيبسي فلا ترميه <<طيب من البدايه وشوله تتفلسفين الله يصلحك !! , , فيه حش كثيييير في راسي ومواقف تبين مدى سخف بعض البنات بس استغفر الله مو من زين أعمالي عشان اوزع فيها مع اني احس اني برجع ارد , , ماأقول الا يالبيــــه ياكـــوريــا <<بالله كلبشوها امسكوا
آخر تعديل رتيــــل
في 10:46 AM.
|
|||||||||||||||||||||||||||||||||||||||||||||||||||||||||
|
08-09-2011, 10:56 AM
|
|
||||
|
English Speaker
|
مبروك هالمجلس إيه تونآ نتسنع لبى راعيه الفكره واللي نفذته .. قبل فتره كنت بمنتدى البنات كلهن طقه آنآآآآه مآرآ حلو لدرجه اذا قلتي مثلا وعردز تحسينهن يتكومن تحت الموضوع تحسينهن يقلن يآآي ايش المجرمآ البشعآ مايذبحن الا (تيب) حرام لسانه رقيق مايعرف ط هيلو تعالي ههههههههههههههههههههههههههههههههههههههه قسم مافهمت الاونو مدري اينو يعني قصده لأنه هاذي جديده علي لا اشوى توه ماوصلت بناتنا بحايل ولا تسان انصرعت صادزه عاد فيه احد عندكم يقول الاينو هاذي .. والله كان عندي حتسي بس بعد ماسمعت المقطع والاينو ضاع الحتسي خخخخخخخخخخخخخخخخخخخخخخخخخخخخ |
||||
|
08-09-2011, 11:27 AM
|
|
||||
|
أقدع قصابه
|
أمااااانااااااااااااا .. شاريه من د كيف يآآآآي مآآآرآآآ قوقو أنتي هذا سعودي هههههههههههههههههههههههههههه!! رتيل .. أي يآوخيتي ما أزل عليتس تقول شاريتن من ستار بكس ومسويتن حفلة بالرسبشن تدرين وش مشكلتي أنا أن يجي علامة إستفهام كبيرة فوق راسي وأبتسم بـ بلاهه وأقول أيييه أييه ياحليلكم ماعرف أفشل زاها .. حظكم اللي مابعد جتكم الإنو وطقتهن حنا بالرياض لهن سنين بنات اللذين ولا حامت تسبودهن للحين من عمارهن على طاري المنتديات هههههههههههههههههههههههههههههههه قبل فترة بـ رمضان جيت للـ بنات بـ القروب طايرتن بوهتي وبـ نفس الوقت أدور أقرب مغسلة أبي أستفرغ جالستن أقرا موضوع وجلست ساعه متنحة عند كلمة ( التبك ) وأرجع أبدأ الجملة من جديد وماااش عجزت أفهم أخر ماهنا صارت تقول مصلحتن طبق !!الطبق صار تبك ياااااااااتسبديه بس ياصبر الأرض عليهن والله يبي لهن جلسات مكثفة بـ النصح والتوجيه والإرشاد < واضح إنها تعاني هههههههههههههههههههههههههههههههههههه |
||||
|
08-09-2011, 11:34 AM
|
|
|||||||||||||||||||
|
كاميرا ساهر
|
يالله صباح خير العالم تبدا يومها تسبح وتهلل وحنا حش في خلق الله شووفوا لله الحمد والمنه من تركت الجامعه ربي من علي بنعمه اني ما صرت اشووف ذا الخشش وانعدل لساني بد ما كنت اكاكي رجعت اتساتسي مهب دلع كان بس فيني طبع لساني يمسك مع لسان الغير واهرج هرجهم ولان اجتماعي اقتصر على اهلي واهل زوجي والحمد لله كلهم ما فيهم النفسيات هذي اما صديقاتي اللي طلعت فيهن من الدراسه والجامعه لا تعليق انا عندهن دلووعه وخوياتي في النت انتم تشوفون خششهن في الحاره وواضح الدلع فيهن من غير ذكر اسماء ما ابي اطيح سوقهن يمكن يمر ولد يقرا الرد
هههههههههههههههههههههههههههههههههههههههههههههههههه ه يا جعل ابيتس بالجنه قولي امين وقسم من زمان ودي اعرف وشو الاوف ويت ومستحيه اسال لا يقولون وش ذا الحنسيه مهب قرويه بعد مدري ليه كنت احس انه الفضي اللي من غير لمعه واذا على العاهات اللي تدلع اخبر خوية مرت خالي قد مره علمتكن عنها بالماسن بس بقولها للي ما يعرفونها هذي الحرمه قبل كانت من اهل القرى ومن عليها ربي واعرست وجت الرياض وسكنت مع الحموله زوجة خالي تقول البنت نعرفها ما تعرف حرف الكااف ابد في قاموسها ما تعرف الا تس بس بعد العرس انعووج اللسان وصاارت تكاكي تقول طلعنا ملاهي مدري سوق نسيت المهم وبيتعشون وكل وحده تقول وش يبون عشان يقومن ثنتين يطلبن وتجي اخيتكم وتقول انا ابي بيكا تقول مرت خالي ونشوفها ونقول وش هي البيكا قلت يؤ ما تعرفونها قالوا لا قالت بيكا يااااااربيه ايووه تذكرت اللي يسمونها القراوه بيتسا <<<<بيتزا طبعا لا تعليق على الخشش اللي هناك اجل البيتزا صارت بيكا لابوها من دلع وتمدن والسوالف واجد بس نسيت من كثر ما اسمع وتخبرون العمر له دوور صرت افوت الله يعطيني طولة العمر |
|||||||||||||||||||
|
| الذين يشاهدون محتوى الموضوع الآن : 10 ( الأعضاء 0 والزوار 10) | |
| أدوات الموضوع | |
|
|
|
|
عالـــــم من الخيـــــــــــال .. || جلـســــات الضحــى ~ .. انظري ص23
