مُتعه كرويّه .. الكوره ماوقفت ولا بردت المُباراة أبد .. ريدناب تعامل معها بشكل جيّد ولو إنها في بعض فترات المُباراة بغت تفلت منّه لو الجبهه مركّز حبتين ..
خطوط متكامله لـ توتنهام ولو إنّه في ظل ضعف والكر فـ الدور الدفاعي وملخبط الشغل والإختراقات من جهته كثيره وبتكُون نقطة ضعف الدجاج هالسيزون
صحيح أرسنال بعد فريق ضروفه غبيّه جداً .. وخطوطه للحين ما أكتملت وبان نضجها .. بس توتنهام يملك محاور خياليّه .. باركر ومودريتش شيء
كبير بالثنائيّه بالنص .. فاهمين بعض كثير .. أدوارهم متطابقه .. بكل مكان تلقى والكير ومعطي أريحيّه كبيره لـ مودريتش بالإنتشار وتوزيع اللعب ،،
السبيرز قدر يعدّل من وضعه بدري بعد التعثرين المتتاليين .. صفقة بالميركاتو لخمة الجميع ومحد توقّع ينجح ويطلع بهالشكل .. أديبايور متطور جداً
كأن الوزن عنده خف .. شفنا كيف كان السبرينت عنده عالي والخفّه بالمرور .. بيعطي أفضليّه كبيره وبيخفي كراوش اللي كان فائدته فقط الكورات
العاليه غير الأسيست اللي بالهدف الأول .. الجناح الأيسر بال اللي طلع وإستلج على العالم .. نشوف مختفي .. وأقل خطوره من العامين الأخيره
صحيح مافيه كورات تجي لـ جهته .. وتوتنهام بالمباريات اللي فاز فيها قليل يضرب من الأطراف مع إنها كانت شيء أساسي مع الكروسات ..
فريق حلوله الهجوميّه كبير جدّاً .. بيكون شيء صعب هالمُوسم أكيد ويبي ينافس على المراكز الأربع الأولى " من رأيي الشخصي " .. من
ناحية العناصر .. وتوافقها مع بعض وإنسجامها العالي ..



طيّب تقريباً بالمعطيات اللي عندك كل شيء كان صح .. ليه رامزي ؟ اللي كل كوره يدور بها على نفسه ويفقدها بباص غبي وهوبّا كونترا أتاك ؟ ..
مدري وش هالقناعه العجيبه اللي عايشها فينجر .. أرسنـال ماكان سيء بالإصابات .. وصل لمرمى توتنهام وبعض فترات المباراة كان قاب
قوسين أو أدنى من التسجيل حتّى .. التبادلات السريعه بخط المقدمه مازلنا نشوفها وحتى الفرديات .. صحيح غياب داوسن مُؤثّر لكن
أرسنال إشتغل قدام وهدّد .. كان يفقد اللمسه اللي قبل الأخيره .. التحرك موجود والتبادل قبل الإنهاء موجود .. شلّة فينجر يبيلها شوي طبعاً السبب
الرئيسي المنقار مافيها كلام واللي بيعيش المر جمهور الأرسنال طبعاً من هالحال وأردى .. لكن كـ عشاق لـ البريمر مانبي نشوف ضعف الدوري
بأحد فرقه .. ولو إن جمهُورهُم بثر .. فينقر وصل للمطلُوب من خلال المعطيات قبل المُباراة لـ التعادل لكن ضيعه بطريقته هو إعتماد على
رامزي بشكل غريب وبسوئه بعد .. فيمبرونق كان ممكن يعطي دبل رامزي على المستوى الدفاعي وإفتكاك الكوره وإعطاء الكونترا أتاك لـ أرسنال
وأفضليه السرعه لك من والكوت وجيرفينهو .. أشياء غريبه يسويها الخشم ..

ديربي مُمتع .. هاردلك مُؤمنين .. مبروك سكاوزيه .. والله يعينّا على صياح البعض !