 |
 |
 |
 |
 |
 |
 |
 |
 |
08-12-2011, 02:41 AM
|
|
||||
|
مشرفة سوالف حريم
|
أول شي احب اهدي والديّ الغاليان قبلاتي الحاره عبر هذا المنبر وأقولهم ما عليكم من خثرقتي وتراي فخوره بتربيتكم لي << عارفه أن عندها اخوان جن راعين فتنة بيرسلون لأمها رابط الموضوع   بس ما عليتس يمه من اللي يفتنون وكذا ترا حتسيي هربدت ليل خبرتس الليل طووويل  ثاني شي الموضوع هذا إمتداد لسلسلة كيف تربي بزارنك وتطلعهم خالين من العقد جعل عيالكم يصيرون أطيب منكم والسلسله ذي بدتها سماء بموضوعها ( تسذااااب) وصراحه موضوعها حمسني انزّل هالموضوع اللي كان ببالي من فتره بس العجز يأخرني والحمدلله دحرته اليوم وقررت أنزل الموضوع .. :: نخش دوغري بالموضوع واللي هو عباره عن عقد الطفولة والمشاكل اللي مرينا فيها وحنا صغار وأساليب أهلنا بتربيتنا واللي نص هالأساليب خطأ × خطأ وتناقضات لها بداية بس مالها نهاية ومع ذلك الله لا يضرنا هذانا كبر الجحوش بإستثناء بعض الحالات والعقد والنفسيات اللي تسيّر علينا بين الفينه والأخرى <-- بس تسيّر !! أنا أشهد ان الشعب كله منفّس -1- عقدة الخوف أو التخويف  أول شي بأحتسي عنه التخويف !! سبحان الله الأهل عندهم حب تفنن في أساليب التخويف من السعلوه لعوافي الله لحمارة القايله للحرامي والعسكري والأبره والدكتور وبأعلم الأبله عليتس ..! عالم مرعب وكائنات وشخصيات ومسميات غريبه عجيبه زرعوا فينا الخوف منها وبعضنا لا زال يخاف والبعض للحين فيهم عقد مثل بعض الآوادم اللي اتحفونا بعاهاتهم بموضوع المجلس اللي تطل تحت السرير واللي تصك الدواليب واللي يخم الفراش بالظلام واللي تسحب السيفون من بعيد تخاف يشفطها  هالعقد أكيد ترسباتمن أيام الطفوله أنا وش يقهرني أكثر شي لما أمي تقول ترى بأحط أذني وأذنيتس اربع هههههههههههههههههه طيب هن اربع أصلاً مدري وش هالذكاء والفهلوه ياتاج راسي وبرضو فيه اسلوب تخويف كانت طويلة العمر تستخدمه معنا وحنا صغار وهو الفلفل الأحمر والزنجبيل يااااوك كانت تجي تحطه بإثمي لا سويت شي غلط واقعد طول يومي ابتسي من الحروره واختي الكبيره للحين ما تشرب الزنجبيل ابد ابد لو يقولون فيه الصحه كلها والعافيه والخير مستحيل تشربه بلاها تعقدت مسيكينه لييييه يمه لييييييييه وش هالإجرام كله اضربينا ما قلنا شي << معد نفع فيتس الضرب وش تسوي بتس !! بس التخريع وشغل الحرامي اللي بيطلع من الدولاب وحمارة القايله اللي أتمنى انتف شعرها وادبغ جلدها لعبت بنفسياتنا وقسم بالله محدثتكم فيها عقده مستمره معها إلى الأن وهي أني أكره المدرسّات أي نعم ورب العباد أكره المدرسات والتدريس وكل شي يمت للمدارس بصله خصوصاً الإبتدائيه منها فيني عقد وترسبات من المدرسات الله يسامح ابله ساره اللي سببت لي هالعقده كانت فنانه في التخويف مهب فنانه وبس استغفر الله احسها تستمتع إذا جت تخوف البنات تجي تسحب البنت مع أذنها وتقعد تهزها وهي ماسكه الأذن وأنواع الرعب والتخويف والكلام اللي يزيغ العقول والقلوب حسبي الله ونعم الوكيل على كل مجرم وظالم -2- عقدة المقــارنة  المقارنه وما أدراك ما المقارنه شوفوا الضعيفه اللي بالصوره قامت تحاتسي روحها من حر ما تونس يا حياتي أسلوب المقارنه أسلوب سخيف جداً جداً جداً وللأسف ما زالت عزيزتي الوالده تستخدمه لين بكره يومني صغيره المقارنه كانت شغاله بالبيت كل يوم بنات عمتس وبنات عمتتس وبنات خالتس وبنات خالتتس وفلانه شاطره واحسن منتس وفلانه متفوقه وفلانه ذكيه وأنا يا عمري مقطعه نفسي بالدراسه والسمع والطاعه علشان يلتفتون لي اهلي مير ماش جاز لهم الوضع يحسبون لا بتلوا كذا مقارنات بأصير فلتة والا عبقريه بس وصلت مرحلة أني اكره اللي يقارنوني فيهم كلهم ولا اشتهي جلستهم ومازلت اكره تجمعات البنات ( بنات العايله ) مع انهم طيبات وحبوبات بس كله من اهلي << تخز امها وتقول أنتِ السبب عاد اللي يضحك بالموضوع ان بنات عمي وبنات خالي كانوا يعانون نفس المشكله اهلهم يقارنونهم فينا !!  وأمي الله يطول لي بعمرها للحين تقارن واحب اقولها يمه كبرت وقسم بالله بطلي حركات بنات فلانه من الصبح بالمطبخ يدهرن وبنات علانه ماسكات بيوت وانتي خامله بفراشتس B.R.B .
آخر تعديل اخت اخو اخته
في 03:05 AM.
|
||||
|
|
08-12-2011, 02:51 AM
|
|
||||
|
مشرفة سوالف حريم
|
. Back -3- الثقه بالنفس  نجي للعقده نمبر 3 مثل ما هو موضح بالصوره الفاشله أعلاه بأتكلم عنه الثقه عند الورعان .. بأتكلم عن نفسي ( كل الموضوع تحتسين عن نفستس يالطيبه )ولا ابي اعمم مع اني عارفه أن الشعب أغلبه مثل أهلي عندهم أسلوب عجيب غريب في زرع الثقه في نفوس عيالهم لابركتن فيها من ثقه هاللي لعبت بنفسياتنا عن نفسي يوم كنت بزر كنت لماأسوي شي تسريحه مثلاً بشعري وأنا بروح المدرسه تجي أمي وتشدني وترتب شعري على كيفها وهي طول الوقت تردد تبين تروحين كذا ويضحكون عليتس الناس !! ودايم أهلي يوم يبون ينهوني عن شي مهب زين أبي أسويه أو أقوله برى البيت أو عند الناس ما أسمع الا كلمة ترى بيضحكون عليتس الناس ترى بتتفشلين ترى بتصيرين مسخره للبنات ..! أنا أدري أني حقنه وأكيد كنت أسوي وأقول أشياء غبيه وأنا بزر وأهلي يبون يجنبوني الإحراج وضحك الناس علي بس أسلوبهم ذا ماش دمرني نفسياً كبرت وأنا دايم قبل لا أسوي شي أفكر هل الناس بيضحكون علي ممكن أصير مسخرة الشعوب ؟! همن اهون او اقعد متردده وبفترة المراهقه كنت اروح للناس وأسير عليهم وأطلع من بيوتهم وهم ما سمعوا صوتي بس سبحان الله بقدرة قادر يوم كبرت بدت تنفك هالعقده وصرت احتسي باللي بخاطري واسوي اللي ابي وآخر همي الناس لدرجة بعض الأحيان إذا رجعنا من عزيمة أو جمعه أمي تهوشني تقول ليه قلتِ كذا وكذا وش بيقولون عنتس الناس .. ياذا الناس اللي مهب نافعينا هو عمر واحد اللي بنعيشه يمه ليه نخلي أكبر همنا الناس وكلامهم ؟! عن نفسي قلت لكم انفكت عقدتي من ربي بس عندي صديقه مقربه مازالت تعاني من عقدة الحياء والخوف من نظرة الناس وقسم بالله هذانا تخرجنا من الجامعه وهي مازالت تعتمد على غيرها في أمورها الشخصيه إذا بنروح مكان جميع تقول لا تدخلين انتظريني عند الباب لين اجي بتدخل دوره تقول مابي ادخل لحالي ابيتس معي بتحضر ندوه مستحييل تروح لحالها بتستلم أوراقها ووثيقة التخرج مستحيل تكون لحالها لازم أحد معها حتى الدوام بالجامعه ما عمرها داومت لحالها إذا غبنا صارت عندها عقدة الحياء وانها ما تعرف تتكلم وتتوتر إذا جت تسأل أحد غريب وترتبك وحاله وهذا هي بعد تسبدي تقرى الموضوع وودها تطحني أكيد :: قبل فتره كنت جالسة اسمع دوره لخبير التنمية البشرية الدكتور مريد الكلاب وتكلم عن طفولته وكيف كان يخاف كلام الناس يقول أول مره حاولت أواجه فيها الجمهور لما كنت بالمدرسه طلبت من الأستاذ بعد الفسحه انه يجمع الطلاب في الساحه بألقي عليهم كلمه وبعد ما اجتمعوا الطلاب ومسكت المايك طقتني أم الركب وبديت اول شي وقلت بسم الله الرحمن الرحيم الحمدلله رب العالمين الرحمن الرحيم مالك يوم الدين ... ألخ << الأخو مع الروعه قام يقرى الفاتحه والطلاب سفهوه وراحوا لفصولهم والإستاذ سحب منه المايك وكرشه بس هالموقف هو اللي خلاه كذا بالله لو حنا اللي مواجهين هالموقف وش بنسوي !! أنا بأبطل أدرس بأقعد بالبيت لا زود على كذا خواني الوصخين بيبتلون يذكروني بهالموقف لين اقرر انتحر -4- حتسي الكبار& الكذب  حتسي الكبار وكذبهم تستفزني جملة ( كلام كبار) طيب كلام كبار ليه ينقال قدامنا كلام كبار ورى ما تصرفونا والا تخلونه لا جلستوا لحالكم مهب ابرك من اسلوب الدقم ذا .. فيه شي غبي كنت احسه وكبرت وهو ببالي ( يمه اطمري هالسطرين ) كأي طفله سعوديه<< تكلمي عن نفستس كنت إذا سمعت جملة كلام كبار يطري لي أنه شي قليل أدب يقلع ام التفكير البطالي والمنحرف برضو اسلوب الكذب عند أهلنا ولا تعلمون هذا أبغض شي عندي لا تعلمون فلانه ان الفلان جو امس والا اننا رحنا للمكان الفلاني والا فلانه فيها وما يخطيها لو فتحت فمي كأي طفل بمجلس وقلت فلانه امي تقول ان فيها كيت وكيت ادري اني بأشوف النجوم بعز الظهر طيب ليه تسوون هالأشياء او تحكون فيها قدام الصغار عقب تلومونهم ؟! برضو فيه شغله تتعلق بالموضوع هذا وهي علاقة الأهل الحميمه اللي ينسون أن فيه بزر موجود ويشوف او ينومونه معهم وإذا جاء بكره وسألهم قالوا له عيب سوالف كبار طيب دامهاسوالف كبار ليه من الأساس تعطونه فرصه انه يشوف او يسمع شي من هالسوالف صرفوه والا نوموه همن خذوا راحتكم صديقه الله يذكرها بالخير تقولوأنا صغيره شفت أهلي بموقف مش ولابد تقول عقبها جلست فتره طويله وأنا أستحقرهم وأحس بالإشمئزاز واحسهم ناس قليلين أدب وطاحوا من عيني لفتره من الزمن والحين الحمدلله رجعت ترفعهم بس ترى اللوم كان على أهلها كانوا يخلونها تنام معهم بنفس الغرفه لين ما دخلت الإبتدائيه صراحه عقب هالعقد اللي ذكرتها أحمد ربي واسجد له شكر أننا طالعين اسوياء درسنا وتعلمنا وكبرنا وفي طريقنا للزواج وإنجاب الأبناء ولا عندنا مشاكل << ايه هين صدقوني لو أحد غيرنا بتصيبه حاله نفسيه وممكن تفصل أسلاكه كلها مثل اختنا في الله ذي  المهم اني طولت حكي ( صح النوم ) ومع ذلك أحس أفكاري بالموضوع مهيب مرتبه ولا هو نفس الأسلوب اللي ببالي << طيري زين على اساس باقي مواضيعتس تقطر ترتيب !! المهم الموضوع ها هو بين أيدي المشرفين والشعب  حلاو بقر : إن قرشعت الموضوع ترى بأحط أذني وأذنيك اربع شعب المساطيل الكرام : الموضوع مهب للفلسفه , نبي عقد نبي تفضفون لنا عن طفولتكم البائسه الغبراء تكلموا ونفسّوا عن أنفسكم خلونا نفك عقدنا بأنفسنا وترى اول خطوه في طريق العلاج النفسي هي الحتسي احتسوا جعل حنوتس العدو تقلقل فضفضوا وتكلموا الموضوع لنا جميعاً وأنا أولكم << هين انتي مجمع عقد من مبطي وبإذن الله الإداره واعدينا بدينّا مكيفه تنقلنا للصحه النفسيه أفراداً وجماعات <-- اخرسي خالص وآخر شي أحب أقول الله يخلي لي والديّ ولا يحرمني منهم ويطول لي بأعمارهم ويعينني على برهم وكسب رضاهم ويخلي لكم والديكم ويرزقكم رضاهم وبرهم ويرحم المتوفين منهم ويسكنهم فسيح جناته ويجمعكم بهم في جنات النعيم وآخر دعوانا أن الحمدلله رب العالمين والصلاة والسلام على سيد المرسلين رُفعت الجلسه <-- قلنا لكم شهار يطلبونها بالأسم  اخروقي بأه .
آخر تعديل اخت اخو اخته
في 03:06 AM.
|
||||
|
|
|
08-12-2011, 02:52 AM
|
|
|||||||||||||||||||
|
مشرفة سوالف حريم
|
رجعت رجعت <- بشري أمتس هيلوه من الحين أعلمتس ردي أطول من موضوعتس ماقول لتس ياهيلوه كل الشعب السعودي مليان عُقد ؟ هههههههه تقريبًا كل الأشياء اللي قلتيها كلنا مرينا فيها بس البلا عندي موب هنا ، البلا في إن اللي عقدني موب أمي ليتها أمي اللي عقدني خواتي يختي مشكلة لا جيتي إنتِ أخت صغيرة لـ خوات كبار يعني كل العقد اللي راح أقولها هالشي سبب أساسي فيهامثلًا بالنسبة للتخويف هم اللي كانوا يقولون لي عن أم السعف والليف اللي بتطلع لي في الليل و تاخذني إذا ما نمت بدري أمي كان لها دور نوعًا ما ، بس أمي ماكانت تقول لي أسامي غريبة ، كانت تقول بتجيك ذيك المرَة اللي تخوف وتعطيك إبرة !! طبعًا هالتخويفات الحين أسمع خواتي يقولونها لبناتهم نفس الشي سبحان الله يعني ماكفاهم عقدوني بيعقدون بزارينهم والا لين الحين أذكر ذيك الممرضة ياني حااااااقدة عليها ، لما كنت بزر عمري كذا 9 سنوات كنت عصاية طقي لو تهفيني طرت أنحمل بإصبع واحد على قولة أخوي المهم إن مدري شصار في يدي ورحت المستشفى وبعد الأشعة وكذا جات ذيك الممرضة تلف يديكان تقول لي إنتِ تدرين إذا كبرتي بيصير مافيك عظام وبتصير إيدينك ورجلينك تتحرك مثل المطاط لأنك ماتاكلين هذا أخوي مثلك مايعرف يمشي الحين ورجلينه كذا "وصارت تحرك إيدينها كنها سمَكة  " والله ياني ارتعت ، والله ياجلست مدري كم سنة أهوجس وأتخيل إني بصير كذا صدق لا كبرت وإني ماعاد أبمشي بسم الله علي متى بيتعلمون إن اسلوب التخويف موب حلّ عشان تخلونا نتأدب تراه تعذيب وتعقيد الله يقلع ابليس المقااااااااااااارنة المقارنة عندي تنقسم إلى قسمين ، القسم الأول إن خواتي يقارنوني بروحهم ، حنا يوم إنا كبرك مافي شي مانعرف نسويه ، حنا يوم إنا كبرك نطبخ ونسوي ومدري وشو ، والا أمي تقول لي يوم إني كبرك عندي أختك وحامل بأختك الثانية طيب أنا شسوي لكم ؟؟؟ موب ذنبي إني كل ما جيت أسوي شي من أول قلتي لي لا أخاف عليتس خلي خواتس يسوونه عنتس  <- كلي تبن تبينها من الله عاد أنا بجيحة أقول لأمي لا قالت لي ماحد قال لتس تعوديني ع الدلع وبعدين فجأة تبيني أتغير وأصير سنعة كان عودتيني من صغري زي خواتي ، عاد هنا نفس المشكلة إني جاية أصغر منهم بواجد يعني ماجيت إلا وهم خلاص متعودين على شغل البيت وأمي ماهي بحاجتي في شي -_- القسم الثاني الله يسلمك إنهم يقارنوني ببنات خالتي ، بنات خالتك ماشاء الله عليهم راعيات واجب مايخلون أحد ويوجبون الكل وإنتِ لو تسمعين مدري مين مات والا مدري مين تزوج قلتي مالي خلق ولا أحب أروح يمهم ولا أحب أجلس مع الناس -_- ياخي بكيفي غصب هو والا غصب مابي ماحب الناس أنا مريضة نفسيًا بكيفي <- طيب أعصابتس عاد صدق صدق أكره اللي يقارنوني بأحد أقوم أعاند زود إذا قارنوا الثقة بالنفس ، شفتي خويتك ؟ آبد الخالق الناطق أنا !! بس أنا مو خوف كلام الناس ولا خوف يضحكون علي لا أنا تعودت كل شي فيه أحد معي يسويه ، انسي انسي اني أروح أسأل عن شي ، أكلم أحد غريب لحالي ، تجيني الصيحة وماعرف أتكلم أما سالفة يضحكون الناس عليتس أنا من أولي بجيحة بقوة  يوم إني صغيرة ماكانت تنقال لي بس الحين تنقال لي ههههههههه يعني ما أطق خبر لأحد ولله الحمد
ههههههههههههههههههههههه أمي أمي والله نفس الشي ، أمي دينها ودين إنها تشوف غرة والا شعر مو ملموم زين لازم الشعر يجي مزبببببببببط كل شعرة بمكانها ، يا إلهي كانت تعقدني وأنا في ابتدائي أقول لها يمة لا تشدينه تقول لا كذا مرتب وش تبين يقولون ماتتمشط زين لين الحين مرات تجلس تطالعني كذا تحسينها متضايقة ودها تاخذ المقص وتحش الغرة ماتداني تشوف شعر جاي ع الوجه كلام الكبار ، أنا مو يقولون لي كلام كبار لأ ، هماي أقول لكم عقدتي من خواتي ؟ مع إنهم مو سبب مباشر هنا نظرًا لأن خواتي كبار واللي قريبين في السن مني هم أخواني فأنا كنت ومازلت وسأظل دايمًا قاطة مع أخواني في كل شي ، ودايمًا أسمع هالجملة كلام عيال وش دخلك كلام عيال ماتفهمينه لا تسألين أجل وشو له تسولفون قدامي هاه ؟؟؟ سولفوا لحالكم <- بلاتس قاطة وجهتس معهم طول الوقت ياخالة صرت أحس بعقدة نقص يختي وإني ماينقال قدامي شي مع إني مسكينة لو وش ماقالوا ما أعلم أمي حتى زمان يوم كانوا يعسلون ، لا قرروا يعسلون وكذا أنا اللي أخبي عليهم وأشوف لهم الطريق <- كبت العشا البقرة هههههههههههوجع هذرتي واجد كتبتها ومارجعت أقراها يعني لاحد يدقق والأفضل لاحد يقرا لأني جالستن أفضفض وشكرًا الهلي
آخر تعديل زهرة القمر
في 01:59 PM.
|
|||||||||||||||||||
|
|
|
08-12-2011, 04:42 AM
|
|
||||
|
توه ساكن
|
عقدة الخوف أو التخويف يالله يا اني عشت طفوله معذبه بسبت الخوف كنت اخاف من منظر الدم ومن سوء حظي انو ايام طفولتي كانت ايام حرب افغانستان مع السوفيت والدعوه للجهاد وهاتك ياصور وكتب ونشرات واتفرجو على المناظر اللي يده مقطوعه واللي رجله واللي محروق وغيره وغيره يالله كنت لمن اشوف الصوره منها طول الليل ما تغمض عيني ورايحه جايه على الحمام الله يكرمكم اطلع وابكي والله لو تاخذني امي فحضنها ما اقدر انام من الخوف اي خوف الا الرعب لا ومن زين المدرسه المحترمه اللي كنت ادرس فيها الابتدائيه تخيلو حاطين على الدرج صوره ولد مفرومه يده لانه دخل يده في الفرامه قال بيخوفونا عشين مانلعب بالفرامه قسم جبتولنا الرعب حسبي الله عليكم وكمان صوره ولد محروق ثلاث ارباع جسمه مالت على وجيهكم هذي تربيه والله كرهت المدرسه كل صبح كاني رايحه لموتي ترى والله احنا اطفال براعم لسه ماشفنا حلاوة الدنيا عشين تورونا مرها مالت بس ولمن رحت المتوسط تعالو شوفو كوبونات التبرعات لافعانستان ادفعي ريال او 5 ريال وخذي كوبون والصوره شنهي رجال مشوه تبغوني اشتري موتي بيدي جايبيلي صوره رجال مقطع وتقولولي ادفعي وخذي لا والمصيبه وش هي ان الفصل كله كان يتمسخر على اني اخاف وفكروني ادلع مالت عليكم تعالو شوفونو اش سارلي في الليل جالسه عند باب الحمام المهم العقده هذي استمرت معاي لين ما اتزوجت اولى كليه ونبهت على زوجي ترى انا ما اشوف هذي الاشياء ((الله يحفظلي امي لمن شافتني اتعب منعت هذي الاشياء تدخل البيت حتى الجرايد والمجلات لاني احب اقراها تشوفها اول تقص الصور اللي تخوف وتعطيني هي ))عاد انا مستنيه ابو الشباب يسوي معايا زي امي ويوم يقرى جريده وقالي شوفي وكانت صوره رجال محروق تعالو شوفوني قسم بالله قضيت اليوم والليل كله ابكى وماذقت النوم وطبعا مسنتره عند باب الحمام والرجال انفجع وقال قسم بالله احسبك تدلعين ومسويه فيها ناعمه مالت عليك محذرتك من يوم شفت وجهك وتقولي احسبك تدلعين بس ابشركم لي كم سنه سرت سفاحه عادي اشوف هذي المناظر لكن بس في التلفزيون او النت لكن الجرايد والصور الورق لا حتى لو كانت نفس الصوره شفتها على النت ما اشوفها في الجريده شكلها سارت عقده كمان اكره موسيقة الاخبار حقت السعوديه زمان يجيني مغص لا سمعتها مستحيل ادخل غرفه مظلمه اخاف لازم اولع اللمبه حتى بعد ما اتزوجت الحين خلاص اتعودت معد عندي مشكله شكلي بعد الثلاثين اتجاوزت عقد الخوف عندي الحين عمري 35 يعني ابشرو ياللي تخافون بعد الثلاثين بطيبون من حالكم ههههههه -2- عقدة المقــارنة ليش كل الاهل على بالهم اننا بنسير سنعات لقالو فلانه احسن منك مدري ليش حق من قالهم خلي فلانه تنفعكم ماني مسويه شي هههه اتوقع مافي سعوديه او سعودي ما مره بهذي العقده لكن الحمدلله زي ما امي تعيرني ببنات الحاره كمان بنات الحاره امهاتهم يعيرونهم بيا هههههه مريضه 3- الثقه بالنفس هذي المصيبه عاد قمة التحطيم خصوصا لمن تكونين مليانه شوي وتلبسين لبس تلبسه كمان وحده نحيفه ويقولوك تفه هذا جسم خربتي الموديل ...........ابد مو هي المليانه هههه حتسي الكبار& الكذب هذي عاد انا معاهم لمن يكون مجلس حريم البزران يخرجون بره لان كلامهم مايصلحلهم وانتو تعرفون مجالس الحريم اش ينقال فيها لكن ما اروح مكان لعبهم واهرج عندهم ولا سال اقول عيب كلام كبار وبس هيله هذي العقد وهذاني اخذت اول كرسي في الدينا الحمد لله لحقت الكرسي اللي جنب السواق الباقين فالصندوق ............نذاله هههههه
آخر تعديل شمس لا تغيب
في 04:50 AM.
|
||||
|
|
|
08-12-2011, 07:16 AM
|
|
||||
|
حضوره مُختلف
|
موضوع الثقة بالنفس //لم أعانِ منها كثيرا لأن أهلي كانوا يعطونني شيئا من الثقةولكن ازدادت ثقتي بنفسي بعد اتخاذي لأول قرار مصيري في حياتي موضوع المقارنة عانيت منه منذ صغري عندما قالت لي إحدى قريباتي: بأنها تكرهني كرها شديدا وذلك لأن والدها يمدحني أمامها دااائما مما أثار غيرتها وجعلها تؤذيني دوما لاأذكر بأن أهلي قد قللوامني شأني أو قارنوني مع أحد أحاديث الكبار //كان الكبار يخشونني دائما عندما كنت طفلة وذلك لأنني كنت ببسااااطة فتااانه ومن المستحيل أن لاأحدث أحدا بما سمعت ولكن عندما أصبحت في العاشرة نزل علي الهدوء الملائكي فأصبح الكبار يتحدثون أمامي وكأنني لاأفهم شيئا وأنا بالطبع لاأرتاح حتى أفكك الألغاز التي يتحدثون بها هيلة
|
||||
|
|
|
08-12-2011, 02:13 PM
|
|
||||
|
توه ساكن
|
ششوفي عقدتي مع آلتخويف كل من رأس حرمة جدي >> آقولها عمتتي آلمهم لعبت في حسبتنا انا وبنات عمي من كنآ صصغار آهلنا سسآكنين بالطايف تحديدآآ آلحوية !! آلمهم بيوت آهلي قريبة من بعض آلحارة كلها خوالي وعمامي وعيال خوال ابوي وامي وآهل حرمة ولد خالي  يعني كل الحارة عربنا وبين بيت جدي ابو ابوي وبين بيت خالي ممر مكشوف وطوويل دايم السرابيت عيال المدارس يتجمعون فيه لا انحاشو من المدرسسة عشان محد يصيدهم فكانت عمتي تخوفنا من ذاك الدرب تقول لامشيتو فيه يجيكم (النمنم )ياكلكم ولا ياليتة على النمنم وبعد فيه (ستر الله )  ومن عقب ماقالت لنا عنه ماعاد مشينا فيه لين خالي رمم بيتة وسد ذاك الدرب .. آمآ سالفة بنت فلان احسن منك مامرت علي الحمدلله .. اذا ذكرت ششيء من مواقفي مع نقاط موضوعك رجعت آشكرك عالموضوع
آخر تعديل آلمعاذير
في 02:28 PM.
|
||||
|
|
|
08-12-2011, 05:18 PM
|
|
||||
|
أقدع قصابه
|
تدرين وش المشكلة ..؟! إن كل جيل يقول خلاااااااص بـ أتلافى الأخطاء اللي سووها أهلي بـ تربيتي ..  وتلاحظين إنه لا شعوري يطبق نفس الأشياء اللي سووها أهله عندي أختي الكبيرة جلست هي ورجلها فترة وقالوا بـ نطبق أسلوب التربية الحديثة وخذ قراية وخنبقة وكانهم طبقوا أسلوب تربية غير اللي تربوا عليه ئابليني طبعاً بـ النسبة لي كانت ألعن وألعن وألعن وألعن شيء لا قالوا شوفي بنت فلان آآآآآآآآآآآآآآآه قسم بـ الله شيء لا يمكن وصفه .. الحمدلله ماحولي بـ بنات العايلة بنات كلهم ولدين لكن بنات جيرانا وبـ الأخص وحدة منهن قسم بالله إني للحين أسمع طاري إبليس ولا أسمع طاريها أكرهها أكرهها أكرهها كانت عاد هي زود حقيرة لاجت عند أمي تميلح .. ولا أجتمعوا أهلهم قاموا يمدحون وخذ ياتسذب .. والمشكلة إن أمي مدري هي مصفوقتن على راسها تصدقهم ولا وشو ..! لعنبو بليس وااااااااضح يمه !نجي لـ عقدة التخويف .. الصدز أمي وأبوي ما مارسوها ضدي :htr: لكن جدتي مارستها ضدي في مرة من المرات ومازالت عوافي الله تتصدر أكبر عقد تخويف الطفولة الثقة بـ النفس هذي عاد تخصص السعوديين ههههههههههههههههههههههههههه والله يا إننا شعب ملعون أبو أبو أبو خير ثقته محاتسيتس أنا الوحيدة من خواتي اللي شعري كيرلي .. طيب يمه رزقتس ربي بـ اللي قبلي شعورهم وش حليله موهوب ذنبي إن كشيشتي عاد خربت الأولي والتالي للحين والله ياهيله إني موهوب دايم أفكه .. على إن صديقاتي يتنضلوني عليه ويقولون وش زينه ماتتعبين به بس ماش ما جاهم الذب اللي جاني وأنا بزر والتحطيم والمشكلة إنها الحين غيرت رآيها لا شافتني طالعه أو شيء وقالت ورى ماتخلين شعرتس على طبيعته شكله أزين ..! يمه والتحطيم اللي رآحت سنين طفولتي تبن بسببه ويييييييييين راااااااااح !! أضيفي إلى ذلك عقدة اللون خخخخخخخخخخخخ عاد والله إني مانيب عبيّدة يعني نقول الشعر معتس حق يمه لكن اللون لا لبست لي شيء صارخ مثل فسفوري ولا أصفر تناظر بـ نص عين وتقول من بيّضتس يومتس تلبسينه..! يمه ماتشوفين العبدات .. مايلبسن إلا هـ الألوان تبين يغدي دولابي دولاب عجووووز لييييييش !عاد حتسي الكبار ذا تخصصي وكان يمارس ضدي من أمي وخواتي وخالاتي .. خصوصاً خالاتي وخواتي قسم بـ الله كانوا زباااااااااااااله أيه ياخواتي وخالاتي كنتم حقيرات ومانيب مسامحتكم على طفولتي البائسة بـ سببكم كنت طبعاً أنا البنت الوحيدة بـ العائلة البنت اللي أكبر مني بيني وبينها 6 سنين ! واللي أصغر مني الحين بـ المتوسط !يعني كنت ماكلتن تبن من قلب وكل ماجيتهم وقلت أبي ألعب أو أسولف معاكم أبي أسوي شي قالوا مااااااااالتس دخل يالبزر نحتسي كبار مايصلح لتس !الوكاد .. هيله أستمري ولو إني أحلف لتس والله ماينحل ربع عقد هـ الشعب هههههههههههههههههههههههههههههههههه |
||||
|
|
|
08-12-2011, 11:27 PM
|
|
||||
|
توه ساكن
|
أجل أمي كآنت تقوول لي اذا ما جاني نووم : نآمي ولا ترا بيجيتس ( مصبغ الاذآني بالدم ) ، والله ي اسمه بس يسبب رعب موب صآحي ، كيف لا قالت تراه يناظرتس من الدريشه ..المشكله انها الله يصلححها تخووفني به وانا في كلا الحالتين مانيب نايمه .. مافيني نووم + خووف ، و كآن نفسي اعرف شكله كيف قايل .. ربي يخليهم لنآ و يرزقنا وياهم جنـآته .. هيله يعطيتس العافيه ي الطيبه
آخر تعديل مآبه نيم !
في 11:30 PM.
|
||||
|
|
|
09-12-2011, 01:15 AM
|
|
||||
|
كاميرا ساهر
|
وش الاسبوع الفضايحي هذا بالحاره ايييييييييييييييييييه يا هيله وش خليتي وش بقيتي ابي ابدا لتس من البدايه ،، التخويف سجلي عندتس حمارة القايله ام السعف والليف عوافي الله الشمبو الطحلي <<اختراع مدري من خترعه من البزران فيه سنه من السنين وصرنا نخاف منه السعلوه جني المقبره <<<يقولون اذا رحنا الديره لا تطلعون في الليل يطلعون الميتين من المقبره من قبورهم ام ام مسلسل الرعب اللي نعيشه وما ننسى متصدر الرعب في مدينة الرياض النم نم والين لحوم البشر <<قسم يا كانوا يقولون لنا قصص عنه تالي الليوول وش اقول بس عاد وما يهون تخويف المدارس مستودع الكتب اللي وراه غرفة الفيران ان ما جاوبتي صح بكرا بنحطتس في اولى ابتدائي غير عندنا معلمه اسمها نوره الله لا يوفق العدو بس هذا اللي اقولها قسم كانوا يسولفون لنا عنها سوالف قسم انها تخوف العن من ام السعف والليف والسعوله بس الحمد لل سترا الله علينا وما انفصخة عقولنا ،،،،،،،،،،،،،،،،، المقارنه ،، ايه يا ليل المقاااااااارنه خصوصا اني كنت انسانه اخر همي بالحيااااة هو الدراسه يختي منب احبها ابد ابد من عقد المعلومات صرت منب احبها وهاتي عااد اكره شي في الدنيا اذا فيه بنت كبرتس هاتي تطليع الفروقات السبعه بيني وبينها ايه شوفي كم جابة وشوفي وش عطوها شووفي يوم كرموها وشوفي وش دخل امي فيها انا وحده منب احب ادرس وسلط الله علي بنتين جيران كبري وبنت خاله وش ذنبي انهم دوافير ويحبون يذاكرون مهب مشكلتي اهم شي انجح وش تبون بعد الحمد ودايم احاول اني اتلافى النقطه هذي مع بنتي يعني اذا جت لي وحافظه شي او قامت المدرسه بدري وما صايحة اجلس اضحك واقول ايه انتي احسن من عنود او من فلان او علان تدري الحين نايمين ما قاموا مساكين او انتي اشطر منهم هذا تعرفين تقرين  ،،،،،،،،،،،،،،،،،،،،،،،، الثقه بالنفس يمه وش ذنبي اذا بنت خالتي اللي كبري بيضا يعني سماري جاي بكيفي قسم كانو يحسسوني اني عبده كوويحه خاله الا شوي لدرجة اني يوم كبرت اذا جلسنا نسولف باللون وكذا قلت انا سمرا يقولون لا انتي مو سمرا انتي حنطي فاتح لا تقولين سمرا <<وش عقبد بعد ما تاصلة العقده هذي فيني بس الحمد لله ياارب ان شعري احسن خواتي والا كان صفيت مع سما الطم بس اكثر شي كان محطمني الطووول نعنبوا داركم مو ذنبي اني قصيره مغير بنت خالتي وبنت عمتي قدامي من اللي تطمر وتلمس الجدار وانا حدي اتسلق على الباب والمسه <<<احمدي ربتس هن تغطن من رابع وسادس وانتي من ثاني متوسط او اذا جينا نلعب حريم عشان احسسهم اني كبيره اردف لي نعلتين كعب من نعال خالتي فوق بعض والبسهن واتمشى فيهن <<تنرحم او اذا شافوني قالوا الطول عز والقصر حبة رز عااد اعصب واقول لهن احسن منكن الطول طول نخله والعقل عقل صخله ،،،،،،،،،،،،،،،،،،،، ام حتسي الكبار اصلا هم يعطونا مجال نجلس معهم اصلا من المحرامات علينا ان رجلنا تدخل غرفة الحريم اذا هم مجتمعين يا منحشين بالحوش يا بالسطح بعشة حمام خالي اللي باعهن وصارت ملجا لنا بس ما انكر اننا كنا حقيرين وما سمحنا لسما انها تدخل معنا في الشله الا بعد ما صارت عاقله وكبرت والا قبل منحشه ومطروده مسكينه لا هي مع المعزا ولا هي مع الضأن <<كنت تسبين عمرتس ويمكن خفف علي العقده هذي ان كثير بنات كنا حول بعض تقريبا 6 بنات ويمكن اكثر اوو بس كافي فضايح يالهلي رجعينا على مواضيع الحش هذا احلام بكرا بتجي خل نستلمها كافي فضايح بعمرنا |
||||
|
|
|
09-12-2011, 03:44 AM
|
|
||||
|
مشرفة سوالف حريم
|
صح صح ذكرت شي <- ذي ماكفاها ردها اللي طول قريح فوق ؟؟ في أحد منكم قد سمع عن راعية العين ؟ هذا أكثرررر شي كنت أخاف منه في الحياة حنا ديرتنا كان فيها عيون واجد بس اني ما انولدت الا هي جفت من زمان ، الظاهر أمهات أول كانوا يخافون عيالهم يروحون العين لحالهم ويغرقون فيقولون لهم ترى راعية العين بتطلع لكم وتسحبكم وتغرقون وتموتون ورغم إنه ماعاد ظلت عيون يوم أنا بزر بس هم لا رحنا الديرة يقولون لنا عنها -_- مدري وش الهدف !! والله لين الحين إذا رحنا أخاف أمر صوب العين أخاف يطلع لي شي والا شي |
||||
|
|
|
09-12-2011, 04:49 AM
|
|
||||
|
ملح المطبخ
|
اعتقد مايحتاج اهلي يخوفوني لاني انا منب خوانه وانا صغيره الا كتلة خوف  اخاف بشكل كبير وخاصة اني البكر ولافيه احد اكبر مني يحميني او استنجد فيه فاهلي عارفين ذا الشي وخاصة اني دلوعتهم ولاعمرم خوفوني بشي ولكن الادهى والامر اني اكره شي اسمه مدرسه وبسبب المدرسات وخاصة عندنا اداريه يوم كنت بثاني ابتدائي كانت تقول بسكر الباب المدرسه ومنب فاتحته الا المغرب وهي تصارخ على البنات وانا اسمعها وخذ ياشلالات الدموع زين اني ماانهبلت بسببها تصدقون من كثرة صياحي نقلوني اهلي لمدرسه اهليه لان السعوديات جابوا لي الصمرقع من الهواش والتهزئ ورحت لمدرسه اهليه وقلت برتاح وكان خطي صغيرررررررررررر مره وحلو وجتني ذيك المدرسه المصريه الصعيديه وقطعت اذني وحطتها بيدي ليش اصغر خطي ومره حطيت اصبعي جنب الطاوله وهي والله العالم انها شايفته وتصبخ بالطاوله على الجدار وانا اصبعي كنت ماسكه فيه الطاوله وهو الثاني انقطع وحطته بيديصرت اجمع اعضائي المحسوسه بيديني تصدقون من عقب تكفيخها صار خطي الكلمه كبر الدفتر بكبره وشين يجيب المرض والله الى يومك وانا خطي كبير وشين لدرجة اني وصلت رابع ابتدائي وانا اصايح من الخوف اكره شي اسمه مدرسه وعاد بعدها عقلت عن الصياح وصارت ياويل وحده تلمسي لاقطع لها يدها  وحتى يوم تخرجت كنت ارحم اختي الوحيده اذا شفتها رايحه جايه للمدرسه والله لو اشوف وحده قايلة لها شي من المدرسات اصبحهم واغسل شراعهم وبنت امها الي تملس اختي حتى العام وحده من المدرسات ماتخلي اختي تروح لدورة المياه الله يكرمكم واختي مريضه بالسكر والله يانا سويت نون مايعلمون وقلت اختي تطلع وتدخل متى مابغت هي تحدد مهب انتم تحددون<<<صرت اطلع حرة الطفوله فيهم فأي وحده عندها اخت او بنت مجننتها مدرستها مالها الا تتصل علي وانا اتولى الباقي اما الي جاب لي عقده النمنم زين اني مارحت لمستشفى الامراض النفسيه من كثر مانصب علينا ولد خالتي وتسلط علي انا واخوانه ويجيب لنا قصص والغريب انه كان البطل الي هو الوحيد الي شاف النمنم من اهل الرياض كلها وانا مااغير اتراقل تالي الليل وتعالوا شوفوا حالنا انا واخوني اشيلهم واسحبهم وانومهم معي بالسرير واحد عن يميني والثاني عن يساري والمشكله مافيه ثالث احطه تحت رجليني من الخوف فكنت اتربع وانا نايمه ولاانام الا بعد ساعات وساعات من الخوف والصياح احيانا وهذا كله وانا ام ثمان سنوات تقريبا الثقه بالنفس في هذاي حرام اظلم اهلي ماعمرهم حطموا ثقتي لابشكلي ولابأي شي وتصدقون لان امي ماكنت تعيب علي ولاتقول هذا شين صرت اتشجع وتعلمت على تسريحات الشعر في بداية تعلمي احيانا تكون غبيه بس مع هذا امي متحمله وشكلها تقول بكره تتحسن ذا التسريحات الغريبة العجيبه وحتى المكياج كنت اعشقه واخاف من نظرة امي لي ولكن بما انها صامته ولكن اعرف من نظرة عيونها عدم الرضا ولكن مره قلت بجازف واسوي شي معين وكنت اترقب عيونها ولاشفت اي نزعاج وعقبها فعلا صرت مبدعه<<<<الله يخليك لي يارب يامي على بناء شخصيتي هي مره عيبت على روجي قالت كانك ماكله كبده نيه وصرت من بعدها اكره شي اسمه بني لكن فيه شي قاهرني كانت امي ماتلبسني الا فستاين كل لونها اوف وايت تقول مايناسب لونك الا هو تخيلوا كل مافتحت دولابي ماالقى الا لون واحد في الغالب وكنت انقهر ومن بعدها صرت متعقده من ذا اللون تبين تجبين لي الصمرقع البسيه قدامي خطرا انهار وارتكب جريمه من كرهي له المقارنه ههههههههههههههههههههههههههههه اما هذي فهي جبتوها على الوتر كانت امي تقارني بوحده من بنات خالتي وبجد كرهت بنت خالتي مو من شي لكن لاني مااشوف فيها الي تقوله امي وخاصة انا كنت البنت المطيعه المهم ليني مره منفرية تسبدي منها وتونا منزلين خالتي وعيالها لبيتهم ورحنا لبيتنا وقالت امي شفتي فلانه سنعه مسوية بيتزا تاخذ العقل تقوله امها عاد انا كنت جامعه جامعه من فتره وبنفجر قلت لها مين يقوله ؟ قالت امها قلت وامها متى تطبخ عشان تخلي بنتها تطبخ الله يخلي النواشف وان خربوها رز بخاري تراي منب عمياء مااشوف ولااعرف ولو سمحتي خلي خالتي تهايط على غيرنا وانقطي باذن خالتي تسنع وتطبخ بدال العجز والتسدح وبعدها يصير خير وبعدين رجاء انا مااحب احد يقارني بأحد ولاانا اقارن بأحد كل واحد له شخصيته وسبحان الله من عقبها امي ماعاد طرت المقارنه ببنت خالتي يمكن لانها انتبهت ان خالتي تنصب عليها وامي على نياتها تصدق حكي الكبار خخخخخخخخخخخخخخخخخ والله عاد قبل معقدينا بذا الحكي يختي تبين تحكين تصاصري مع الي جنبك وقضينا مهب يقومونا اذا جوا يحكون خيرررررررررررررررر والله اني كرهت الجلسه معهم بسببهم وليته على شي غريب اجل بنت خالتي بتجهز وشاريه ملابس خاصه يقولون عيب اطلعوا لاتشوفون وجع ترانا كبار بالمتوسط وليش مانشوف مافيه شي بالعكس احسه شي عادي جدا لان الحريم والبنات يشترونها فوش الغريب فيها يوم تمنع من بعدها صرت اكره جلستهم والجلسه معهم الين ماخلصت الثانوي والا الغالب نجلس بلحالنا يالبنات في وكر الذئاب ورى البيت وبالظلام من الملل وضيقة الصدر ____________________ هلوله ماشاء الله صايره شعله من النشاط ذا اليومين الله لايضرك
آخر تعديل عزتي بحجابي
في 11:38 PM.
|
||||
|
|
|
09-12-2011, 12:22 PM
|
|
||||
|
صاحبة سمو الحارة
|
بس انا كيذا ....بالمجلس ..اسكت واصير مؤدبه ولا اسولف مع خلق الله ماغير مرتكيه ...اللين اللي حولي يقولون سولفي<<متابعه فقط ...واذا سولفت يا اضحك..او اخربط بالكلام<<مريضه نفسيه .....هذا يرجع الى تربيه خاطئه من امي وابوي والعقاب الخااطي...ماابي ادخل بالتفااصيل... ........... اذا ربيت بعدين وغداني ...اقولهم اسبحووو بالسوالف سبح مافيه قيوود ولا غيره..لكن بالأدب  .. هيلتي..
|
||||
|
|
|
09-12-2011, 02:36 PM
|
|
||||
|
عيـّاره
|
لين انصدمت في اخر قراءاتي ب....النمنم منك لله يانمنم يامفتري صديقتي من احد هالقرايا .. شقرا وماجاورها وكانت مسببه لي فلم رعب بهالنمنم تقول اننا اذا طلعنا من ديارنا وجينا بالطريق للرياض نشوف لنا نمانم لها قرون تاكل الصغار وامي توزيني تحت عبايتها وتقول اسكتي لايشمون ريحة صديقتك الرياضيه !!!! :| ...أنا : قولي قسسسسم بالله هي: قسسسسم بالله اجيب المصحف احلف لك ها اجيب المصحف احلف لك ؟ ... واللي زاد هالمشكله النفسيه اللي كنت اعاني منها ان هالبنت معها قريبتها اكبر منها بسنتين وتخبرون نصدق اي احد اكبر مننا لو يقول ذبحت اسد صدقنا خصوصا اذا كنتم مثل محاتسيتكم "نتفه" وبكر امها ومير تهك علي قريبتها وتقول اييييييه نمنم كبير سنونه مثل السكين ياكل قرونتس الثنتين :| طبعاً من عقب هالحادثه والقرون معد اعترف فيها لو حطيت قرنين فأنا فاقده الذاكره واجي اكلم امي وتسفهني تقول لاتصدقين واقول القصه بجمعه عماني للبنات وتجي بنت عمي الكبيره تروعنا زود تقول ايييييه عمي فلان شافها ذييي عجوز نقازة البيوت تاخذ راس اللي مايطيع والديه :|:| ... ونروح له ويؤكد حديثها ويدعمها بتلفيقات مدري وش تبي جنيه في النهار محد يشوفها وانسيه في الليل عشان يمديها تاكلنا يعني اجيبها منييييين ولا منييييين وإلى الآن وانا اكره هالديار بسبه هالبنتين مع اني قبل اترجااهم ترجي يسلفوني ريحتهم الآمنة ضد النمانم  ولا للامانه يعني اهلي مايخوفوني باحد "خربوطي" إلا مريرات بسيطه لابغينا نبعد بالبر ولا نطلع للشارع ترى هه بيجيكم الحرامي .. ومرات ان استفحلت الحاله بيجيكم العبد الاسود كانوا يخوفوني بناس صدقيه مثل امي كانت تخوفني بواحد يقرب لنا دببببببببي لاجينا للخيمه وشفته رحت اركككككض مابي اسلم عليه وامي تناديني وتضحك وانا لا مجيب لين يخلي بنات وعيال اخته يشيلوني يجيبوني عنده يا إني كنت اررررغي من الروعه خصوصا اذا ضحك قلبي يطق خبيتي من الروعه يعني معليش انا ماشوفك إلا في السنه حسنه ولا عمري شفت احد دبي مثلك .. ليه تتسلط علي من بد البزران ليه ليه ليه ليه !!!!! يعني احمدوا ربكم ماقد صارت لكم مواقف مع ناس تخافون منهم صدقيين بالحياه ... انا من كثرها الظاهر بسوي مسلسل اسمه النتفه والدبي .. إلى أين ؟؟ بعدين وش بلا هاليومين المواضيع كلها فضايح وتنفيض غبره مخوخنا
|
||||
|
|
 |
| الكلمات الدلالية (Tags) |
| أنا غاضبه من حلاو :( |
| الذين يشاهدون محتوى الموضوع الآن : 4 ( الأعضاء 0 والزوار 4) | |
| أدوات الموضوع | |
|
|
|
|
عُقد طفوليـــة <-- من سلسلة كيف تربي وغدانك
