 |
 |
 |
 |
 |
 |
 |
 |
 |
|
||||||
| تلفزيون المساطيل أخبار الساحه الإعلاميه و الفن والنجوم .. وتغطيات برامج التلفزيون " عربي " اغاني مانبي |
 |
|
|
أدوات الموضوع |
09-12-2011, 06:44 PM
|
|
||||
|
المتحدث الرسمي
|
- التلفزيون بـ َ آعيُن مَسطولية .. ♥ஓ♥ || بعين مخاوي الترنج ||
 بسم الله الرَّحْمَنِ الرَّحِيمِ وكالعاده ابلش بالمقدمه وابحل بها حتا تطلع معي .!! وشسمه تدرون العالم كله له نظرة للتلفزيون ولكن ماتهمنا نظرته .. وبقريح هو وياها  <- وليش معصبه.!!اللي يهمنا بالدنيا كلها تلفزيون المساطيل واعضائه .. ونظرتهم الثاقبة ورائيهم به  <- الله واكبر يانظرة سعود الفيصل على غفله.!!بنفتح المجال لمساطيلنا يحكون لنا عن حياتهم مع التلفزيون وش يحبون وش يتابعون وش عيوبه وشنو الموقف الطريفه اللي مرت عليهم ومانسوها ونسمع تسذبهم وهلسهم علينا ويازين الهلس بما انه من المساطيل <- تسمعين بالترفيع يالعنز ..!!فكرة الفعالية: فعاليتنا خفيفه بسيطه مرحه ,, الغايه منها الضحك وسعة الصدر في كل اسبوع نستضيف عضو مسطولي .. نتركه يسولف لنا عن التلفزيون بطريقته واسلوبه .. [ الماصل - العيار - السقيم - المضحك - السامج ]  وبعد مانخليه يقرقر ويدق حنك نترك المجال للاعضاء يقيمونه باحدى الكلمات [[ سجل خروج / استمر لايوقف ]] وبيستمر الموضوع مفتوح لمدة ثلاث ايام وبعدها بالشمع الاحمر , , شروط الفعاليه: 1- الشات وقاتل الله الشات ومروجينه .. والمروج بنقيم عليه الحد  2- الفعاليه تبدا كل يوم اربعاء الساعه 12 ليلا ً 3- الاعضاء يتم اختيارهم من قبلنا نحنو طال عمري <-؟!!4- لانسمح باي غلط او تعدي على الضيف او اي عضو كان 5- التقييم فقط بكلمتين [[ سجل خروج / استمر لايوقف ]] وغيره لايقبل 6- لاتقبل نقطة اي شخص عدد مشاركاته تقل عن الخمسين مشاركه
آخر تعديل النـُونْ
في 08:34 PM.
|
||||
|
16-12-2011, 08:25 PM
|
|
||||
|
المتحدث الرسمي
|
♥ஓ♥ الضيف الأول .. مشرف الشلة || مخاوي الترنج ||
’ ’  التلفزيون الاليت الزمان يرجع ،، ولا نشوف ام صدر وفخوذ وينك ياغصب واحد وغصب ثنين ،،، ياما سبينا فيكم وياما تكلمنا عليكم ،،، لكن صدق المثل الى يقول ماتعرف قيمتي الا اذا جربت غيري  ،،، كان التلفزيون زمان او خلونا نقول غصب واحد كان يربي اجيال ويعلمهم  ،،، اذكر الافلام المصريه مدتها ساعتين واذا شفتها بالقناة الاولى تطلع مدته ثلث ساعه ،،، وعلى ذلك قس المسلسلات وغيرها ،،، كان فيه ناس تتابع وش يعرض وكل همهم رضاء المشاهد والمحافظه على الذوق العام ،،، ويعرفون ان فيه بزران وحريم يشاهدون التلفزيون وينتقون لنا الى يناسبنا ،،، غير المذيعين ومقدمي البرامج مايجيبون لنا الا شياب وشيون وذاوين حفاظا على فتنه الحريم ،،، اذكر ازين مذيع كان يحي كتوعه الله يرحمه اذا كان يحي او ميت ،،، لكن حنا مثل عنز الشعيب ماتحب الا التيس الغريب ،،، صرنا نشب ونسب ونلعن في غصب واحد وغصب ثنين  ،،،، الى ماجاتنا القنوات الفضائيه وعثت فينا وفي شبابنا وبناتنا فسادا ،،، صارو يركزون ويستهدفون الشباب السعودين والشابات بشكل دقيق وبعنايه تامه ،،، فصارو يجيبون خبراء وناس متمرسين في الخراب والعرّي ويصممون ويخططون لبرامج تستهدف شباب وشابات السعوديه والمسلمين  ،،،، وكان بدايه دخول ها القنوات بحجه (( متابعه الاخبار اول باول )) مثل حجه الاعضاء بالمساطيل ابو فسيه من دخول التويتر والفيس بوك ( التواصل مع الاقارب ومعرفه الاخبار اول باول ) واصلا كل ها الصفحات لتواصل والتعرف على الحبايب ،،، القنوات الفضائيه اسمها الصحيح ( قنوات لناس الفاضيه ) في اليوم تنزل ستين قناة جديده وكل رزقهم على السعودين والسعوديات ،،،، كل قناة تتفنن وتستعرض بنواع الفتيات وانواع اللبس الغير هدوم ،،، ملابس قصيره وصغيره وتسريحات ومكياجات وتميع بالكلام كل هذا تستهدف الشباب السعودي بلاستراحات وفي ملاحق البيوت ،،،،، وتجيب مذيعين عيونهم خضراء وصدورهم مشعره وملابسهم ماركات وتسريحات الشعر عالميه كل هذا تستهدف البنات السعوديات ،،،، ثلاث الاف قناة كل رزقهم وسهامهم المسمومه علينا نحن  ،،، مع انتشار القنوات الفضائيه ،،، كثرة الجرائم في السعوديه ،،، جرائم اخلاقيه ماكنا نسمع عنها ابدا ( الله يحفظنا ويحفظكم ويستر علينا وعليكم ) الان كل مايخطر في بالك من جرائم بشتى انواعها صارت تصير عندنا والسبه ها القنوات والانترنت وخاصه التويتر والفيس بوك ،،،، انتشر الطلاق و قل الزواجات ،، كثرت السفريات ،،، كثرت التشبيكات والاستعراظات بالكامات ،،، وزادت مبيعات شحن البطاقات وقل الشراء للعبايات والغطوات ،،، وانتشرت الملابس القصيره والملابس الداخليه الى ماتشوفها الا بمجهر ولا بتلسكوب من صغرها ونحافه خطوطها ،،، والى يقهرني ان قيمه الكلس ابو خط دبل دبل قيمه التنوره ،،، والهيلاهوووب قيمته اغلا بكثير من دية طف الليت وجه عصارة المعدة الصفراء ،،،، بسبه ها القنوات الفضائيه صار كل ماقصر لبس البنت زادت قيمته ،، وكل ماطال واحتشم لبسها رخص سعره ،،، اتوقع بعد كم سنه اذا صارت الستيان كبر شطرطون الجروح بتصير قيمتها بالفين دولار ،،، وعمامه الشيعي والسوداني ثلاث امتار بخمسه ريال حسبي الله عليكم ياقنوات وياتويتر وفيس بوك ،،،، برضوه كل هذا بسبه القنوات الفضائيه الجديده الى خربت شبابنا وخربت حريمنا ،،،، صار الزوج اذا شاف وحده زينه شانت نفسه على زوجته ،،، واذا شافت الزوجه واحد حلو ووسيم شانت على زوجها ،،،، يا روحي ياشرين ابو عاقله مراسله الجزيره بالقدس ،،،الشباب معاد تعرفهم من خواتهم الا لازم تمسك منقاره ،، صارو مثل الحمام ماتعرف الذكر من الانث الا مع مسكه المنقار ،،، لبس بناتي وصدور بارزه وجسم مخصر وشعور طويله ومكياجات ودهانات وتعتيق وجه الين صار الولد قطني دهني بفعل فاعل ( القنوات الفضائيه والوتيتر والفيس بوك ) والمصيبه القنوات الاخباريه الى يتابعونها الشياب ،، صارو يتفنون بالمذيعات ،،، يعني الطاسه خربانه وضايعه ،،، مانقدر نقول اذا شفنا القنوات الفضائيه والتويتر والفيس بوك الا ( وينك ياغصب واحد وياغصب اثنين )) (( وينك ياحارة المساطيل )) وينك يالفنانه مريم الغامدي وياعلى المدفع ،،، بالفعل كنتم تربون وماتخربون ،،طيب وش يعرضون لنا بقنواتهم الغناء ،،، صرنا نسمع اصوات بلاكاش واصوات مكائن كابرس موظبه وصار الوجه والجسم جسر عبور لشهره والطلوع في القنوات مسلسلات ،،، طويله كانها طريق عرعر مالها اي فائده الا تخريب الشباب والشابات وتعلمهم الحريه والحب والرومانسيه والحنان والخروج عن طاعه الاهل الرياضه ،،،، خربو اخلاق انديتنا وصارت القنوات تترك دوري بلدها وتركز او تستهدف دورينا وانديتنا وتبث الفتنه فيها ،،، واستديوات تحليليه ومناقر وهواش ،،، وكلها طعن في الرياضه السعوديه ،،، واذا شفتها قلت وين ايام اللاعبين الى كانو يشوتون ظفر ،،،، ويربطون بطونهم بخوصه او حبل من زود الحماس ،،، وصار معاد فيه لاعب يعمر سنتين في المنتخب ،، مو مثل اول تشوف النجم يجلس فوق العشر سنوات ولا يطلع من المنتخب الا باصابه تنهيه ،،، كل هذا بسبة القنوات الفضائيه وكل لاعب مابعد مش مخاطته فاتح له صفحه بتويتر والفيس بوك عشان الجماهير ومعجبينه يتابعونه ،،، او يسوي له موقع ،،الاخبار ،،، استهداف واستقصاد وبث فتنه وتهويل وتكبير للاحداث ،،، وماقول الا يازينك يا ( استقبل وودعا وكان في معيته ) افلام ،،،، حدث ولا حرج لاقصه ولا سيناريو كل الهدف اللعب على المشاهد حط لك كم ممثله صاكه الجنز ولابسته بفازلين وبحبك وحرمك من الميراث ،،، وااااااااه البي البي البي ،،، واشوفك بمسبح النادي الساعه 5 العصر ،،،، وكل مجموعه سقيط تجمعو وكونو قروب وصارو يمثلون مع بعض ،،، وين ايام الفلم المصري ( دموع لاتعرف البكاء )قنوات التعارف والتواصل والصداقه ،،، لولا مقص الحراثه وحصادة الردود المشرفه العنود كان تكلمت عنها بكل حريه ،،،، لكن نتعرفون حنا بالمساطيل الى يصون ويحفظ الخطوط الحمراء ومتمسك بها ،،، عشان كذا الاعضاء بدئــو يهجرونه ومالقو لهم عذر غير ( مافيه المتواجدون ) ياعمي طير انت وهو تبي تقنعني انك يابو فسيه مانت متسدح في الفيس بوك والتويتر تتميلح وتترزز وقاط وجهك هناك مع عيال النعمه ،،،، ومالقيت عذرالا ان المساطيل مافيها المتواجدون الان ،،،،، لاكن انا بتكلم عن القنوات الخاصه بتعارف خطوط الصداقه على صفحتي بتويتر والفيس بوك وبامكانكم تتابعونها ،،، لائن ها المواقع تحب مثل ها الكلام او اي شي فيه تخريب لسمعه والاخلاق والعادات والتقاليد ،،،، على فكرة تراني حاط صفحه بتويتر والفيس بوك عشان اتواصل مع اقربائي واشوف الاخبار اول باول قبل ماتنزل ،،، ( الاعضاء ابو فسيه وش زودهم عني ) --------------------------- احسن البرامج قديما ،،، صراحه على مائده الافطار لشيخ على الطنطاوي رحمه الله وبرنامج الدكتور مصطفى محمود الله يرحمه والحين ماتابع شي يستاهل ،، لكن برمضان الحوار الصريح بعد التراويح لدكتور محمد الحامدي الهاشمي ،،، وشاهد على العصر خصوصا حلقات محمد حسنين هيكل واسواء برنامج وعتبره الشراره الى خربت شبابنا وشاباتنا ( استار اكاديمي ) خرّج خراب وفساد للمتسابقين والمشاهدين بالاضافه لكل البرامج الى بالقنوات كلها  ،،،، اما قديما كان فيه برامج سيئه لكن بعد ماشفت الهوائل والبرامج الساقطه في كل القنوات صرت اعتبر كل البرامج القديمه حلوه وزينه ومامثلها ،،، وخرجت اجيال وحوش ويشار لهم بلبنان ،،،، ماهو مثل خرجين القنوات الفضائيه والتويتر والفيس بوك ماتسرحه مع ثلاث معزا ،،، ’ ’ ملاحظه: طبعن الدبشة راعي الترنج طلب من تعديل الخط تصغيره وتكبيره وامانتن مسكت بعدل لكن انلحس مخي مدري وش اعدل وش اخلي فمعصي يادبشة التحرير اجلس اعدل ردك لاني لو جلست اعدل مانزل الموضوع لان هذا سبب تاخير نزول الرد اللي مفروض من الربوع ينزل .. وشكرن  |
||||
|
17-12-2011, 04:32 PM
|
|
||||
|
مشرفة الصحافة
|
هههههههههههههههههههههههههههههههه احس الضيف مخه استنساخ من مخي..
كلش قديم..كلش ابيض واسود ..وكلش ينقد على التطورات والتفصخ رغم اني اتابع بس بعد احس التلفزيون اول فرق كبير عن الحين..وصدق ايام مقص الرقيب اللي الفيلم بتشانيل 2 ماياخذ ساعة ونص وحتى الرقيب الظاهر كان توه متعين..القص واضح d11 ثم غير انا وخواتي نتابع على هالقناة المخيسة والا الشباب ع الفيديو أيام يقاولون محل تسجيلات جيهان بالشهر انا لليوم لاشفت خالتي قماشه/خرج ولم يعد/على الدنيا السلام..اجلس اتفرج عليها تحس المسلسل نظيف.. والا ايام اطلق مذيعة عندنا مريم الغامدي اللي بطرت وصارت ممثلة وماعدنا نشوف خشتها المليحة..وماعندنا برنامج الا مايطلبه المشاهدون وهي اغنيتين ماغيرها ( يانار شبي / ودعتها يوم الاحد ) عاد الاخيرة ذي محللينها من كثر القصقصة  مانشوف غير البطل محزّن وحالته حالة..ثم بعدها ينقزون ويجيبون لنا خصلة شعر وسلسال الله يرحم مانحلم حتى نشوف اظفر البطلة هههههههوالا ( اذهلتني ) حقت عبدالمجيد عبدالله..يجيبون رجولها من تحت هههههههه انا مدري وش يحس فيه اللي قاص هالكليب جد؟ لاهو اللي ورانا البطلة ولاهو اللي فكنا منها.. بعد البرامج..برنامج على مائدة الافطار والعصر برنامج حروف.. ولاامسينا طاش وخلك معي..والفيلم كرتون ماعندنا غير باباي وكابتن ماجد اللي استنسخوه برابح ومدري مين بعد.. والا برنامج الحياة الفطرية هههههههههههههههههههههههههههههههه انا مدري وش يحسون فيه اللي سووا تتر هالبرنامج صدق والنشرة استقبل وودع وتروح نص الأخبار بالسلسلة الأميرية ايام نسحب سلك من عند جيراننا..كلش ولامن عندك ريسفر خاص..ثم لااقلبوا القناة ابتلشت معهم والا المطربين..ياااوك انا آدمية من زمان تحوم كبدي من طرب شلة اللبنانية والمصاريه..كل ماشفت وائل كفوري( ايامها ستار ومخقق البنات ههه) قامت تقلب كبدي..ونسخته السعودية جواد العلي والله وماقالت هالقشطة.. لهالحين اسمع ابوبكر سالم يالبيه لادخل جو وقام يصدح ..ومحمد عمر ايام اللي يحب اثنين لابد يختار(وش الله حاده)هو عاد انقطع وجهه مايعطي مع الرخويين الجدد ..قام اعتزل وجلس ببيتهم..والا الحين كل يوم مطرب جديد..اما الجماعة اللي بالامارات ماهم مقصرين ع اعمارهم .. عشرين الف قناة امارتية حقت أغاني وعشرين الف مطرب باليوم..عاد عندهم فزاع هو اللي باقي ماغنى لهالحين..عاد هو راعي كلش لو بغيناه رقاص صار..اول مشاركة وجازت لي حيل .. زين لقيت احد من طقتي كل شي جديد يشوفه مروح وخايب  .. قطعوا وجهي من كثر مايقولون هذي من العصر الحجري..الحين كلش متحجرين الحمدلله و... استمر ولاااايوقف اكييد .. |
||||
|
17-12-2011, 11:11 PM
|
|
|||||||||||||||||||
|
توه ساكن
|
ههههههههههههههههههههههههههههههههههههااااااااااااي مهبووووول والله نظرته صحيحه ,,اجل يربطون بطونهم بخوصه ههههههههههههههههههههههههههههه من جد لاعبين زمان اجسامهم فولاذ ماشاءالله نادراً مانسمع بااصابات تنهيهم عن اللعب ,,, الحين معد فيه الا لاعبين تجميع كوري ومن غير ضمان بعد ههههههههمخاوي الترنج استمر لايوقف
|
|||||||||||||||||||
|
20-12-2011, 01:30 PM
|
|
||||
|
قضبناه الباب
|
,,,, عن اذنكـ بشوف قناة غصب واحد يوم تجي ساعة ثلاثة وتطفى دورني عاد وانا سهران اروح لجيرنا واتكي عندهم ,, ايام يرثاء لها ,ولا ابوي لا ضاقت به دنيا وقربت الاختباطات عندي مسك تلفزيون وحطه في خزانه مدري ليش ,,, يعني بتفهمني بذاكر ها انا شايفني من بيت لبيت لعيون موكلي ولا يهونوا خوياه ,,, قسم بالله يا فيني كره للقنوات الثانية اول شي شعر كله هياط وبصراحة اسميهم مستشعرين على جنب .. ولا طرب سمعني ياله  ...كلمات مدري وش يحسون فيها .. رنيت لك , يا متصل , لمحتكـ مدري شطفتكـ قسم بالله لو بغيت اغني اغني بسس في الاذاعة ...والله العظيم اني الى الان اسمع الخيمه الشعبية  احسن برنامج يجيبونه عصر الخميس اقعد في سيارة عند اي مفرق اتكي واسمع لهم واجلس اراسل على فوني حاجات كنا نشوفه ونكرها والان هي عندنا جوهرة مفقودة لا جديد بختصار اشتقت لماضي العنيف ================================================== والله ودي اهذر واجد لكن نفر فوق سوى جنجال مال انا (( فكر انا كوف )) مخاوي كل الا قلت سوء تغبيره قدامي ,, تقول ددسن على نزلت مطر ماشيه وراء تريله Do not stop 
|
||||
|
25-12-2011, 09:59 PM
|
|
|||||||||||||||||||
|
تبيع شياطين
|
قسم بالله وبدون مجامله كلام واقعي ونقد ساخر رفيع حتى الفيس بوك والتويتر دخلتهم بالغصب بالموضوع هههههههههههههههههههههههههههههاي بس فيه جمله بصراحه كانت بتجيب اجلي من كثر الضحك
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههاي ربـآآآآه رحمتك هههههههههههههههههههههههههههههههههههههههههههههههههه هههههههه انا مندمجه مع النقد والكلام وفجاه طلعت هالذبه هههههههههههههههآي مخاوي الترنج الله يوسع صدرك ياررررب واستمر لايووووقف ياشيخ العيارين
|
|||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
<-- كذا صح ولا خطأ 
