 |
 |
 |
 |
 |
 |
 |
 |
 |
|
||||||
| حي الصحافة مناقشة المقالات الصحفية |
 |
|
|
أدوات الموضوع |
13-12-2011, 03:12 AM
|
|
|||||||||||||||||||
|
مجاهد إلكتروني
|
تريليون ونصف التريليون ريال لعام ٢٠١١... << (رشوا عليهم من التريليون !
بسم الله "
مقاله اليمه جدا " اتركها لكم للتمعّن في معانيها ومعلوماتها " فهي خبر سار جداً ..وبنفس الوقت محزن جداً
الحمّدلله على خيراته ونعمته العظيمه " وان دل على شيء دل ان الخير كل يوم في ازدياد ولله الحمد وهذا خبر جميل ورائع بالذات لنا كشعب سعودي " ولكنه محزن مانراه من بطالة تزداد لعدم توفر وظائف " والوضع مزري للغايه للشباب وبنات الوطن " حقاً انها غصة في كل شخص عاطل بالذات.. ولنا في حافز خير مثال " مدى الاهانه والذل  ... المقال لكم ،، جففوا دموعكم ...  ورددوا نشيدكم الوطني "  ودام عزك ياوطن " |
|||||||||||||||||||
|
|
13-12-2011, 04:06 AM
|
|
|||||||||||||||||||
|
قافطهم
|
اما المواطن العادي وش بيستفيد ..؟ هاه؟ إذا كان الفين ريال قلت الفين موب مليون ولا مليونين حطوا الشروط التعجيزية عشان يلهفون منها ويحرمون اكثر اللي مستحقها منها ويماطلون بعد في صرها فكيف بالتريليون اللي دين امريكا العام نده وعجزت تسدده.. الشعب مايبي حافز ولا منة الالفين حقتهم هم يبون وظايف تشيلهم من الفراغ اللي هم فيه وتغنيهم
نعنبوكم من ضعاف النفوس ..؟ الفين خايفين عليها اجل والمليارات اللي في الارصده الله يجعلها تشب ياربي |
|||||||||||||||||||
|
|
|
14-12-2011, 03:09 AM
|
|
||||
|
مشرفة الصحافة
|
أهم مافي المقال ياملكة إني أول مرة أسمع بالتريليون وان شاء الله اني كاتبتها صح
 ..متكاسلة اطلع فوق وانسخها..أشكر خلف جدا إنه شرح لنا هالمفردة كم تساوي..كنه حاس إنا بنتنّح عندها ): باقي المقال أمنية وطلب هو عارف واحنا عارفين إن محد بيطالعه .. وصدقيني المقال ذا عليه بخسارة..ياهو قامط بسبة تحريف وكالة أنباء لهالمقال هههههههه! يمكن شفتي تغريداته قبل أمس..كنه يقول لاخيره ولاكفاية شره هالمقال..  من كم سنة وميزانية الدولة بالعموم ممتازة لكن حال الشعب بالنازل وهالشيء ماينكره إلا اللي عمران جيبه من ظهر الحكومة.. فيه تناسب عكسي واضح للعيان بين بطر الدولة وفقر الشعب.. شكرا ملكة..اختياراتك تعجبني  |
||||
|
|
|
14-12-2011, 11:21 AM
|
|
|||||||||||||||||||
|
توه ساكن
|
ويقولون ليه الشعب بيعتصم يوم الجمعة ؟ مايدرون إن الضغط يولّد الإنفجار! وحكومتنا شغالة ضغط من كل الجهات بداية بغلاء الأسعار ونهاية بمذلتنا على الحافز . يعني تتوقعون إن الوضع بيطول ؟ لا والله ؛ دايم النصرة تكون للشعب ؛ يرفع الله الدولة العادلة وإن كانت كافرة ويذل الدولة الظالمة وإن كانت مسلمة ؛ لو ماتداركت الحكومة الغضب الشعبي فلا يستغرب المطبلون لو طالبنا بإسقاط النظام! بس أنا ابي يخففون هالأمراء الملائكة من مصروفاتهم الشهرية والسنوية لأن مخصصاتهم كلفت الخزينة الوطنية ملياري دولار ويمكن أكثر ويعطون الفقراء اللي مايلقون بيت يجمعهم. الكلام يطول لكن انفقعت مرارتي ): شكراً ملكة . |
|||||||||||||||||||
|
|
|
14-12-2011, 05:56 PM
|
|
||||
|
مشرف دكة الحوار
|
مقال بالصميم حقيقه .. وشيء يقهر .. هالميزانيه الكبيره .. ويتمننون بحافز على العاطلين .. مأخذين المثل اللي يقول " اذا سرقت أسرق جمل " .. مبدأ لهم .. لاعاد شبعوا ولا عاد أستحوا .. يالله أبعث لهذا البلد من يخافك فينا ويرجيك ,, شكراً ملكة الهدوء ,, والشكر موصول للكاتب نبي مقالات تحاكي الواقع مثل هذي ,, : : |
||||
|
|
|
14-12-2011, 09:13 PM
|
|
||||
|
صديقنا مصطفى هونيك ؟
|
الحمد لله على كل حال  شوفوا و اسمعوا و عوا المشكله مو في العائله المالكه المشكله في الوزراء و المسؤلين اللي تحتهم  هم ينهبون و يسرقون موب مرتاحين الا اذا صرنا زي مصر مثلاً مين يصدق ان عاصمة اول مصدر للنفط فيها حي زي الدخل و الجراديه - ان شاء الله ما غلطت باسمه - ؟ و حافز قمة الذل و المهانه ان شاء الله يشوفون حلّ لهالوضع المخيس ذا
|
||||
|
|
|
23-12-2011, 12:39 AM
|
|
||||
|
مسـيّر
|
}وَأْمُرْأَهْلَكَ بِالصَّلَاةِ وَاصْطَبِرْعَلَيْهَالَانَسْأَلُكَ رِزْقًانَّحْن ُنَرْزُقُكَ وَالْعَاقِبَةُ لِلتَّقْوَى ريحّك نفسك اخي اخيتي
الله متكفل برزقكما قبل ولادتكما واللي يقول الواحد لا زم يعمل السبب ويطالب وياخذ حقه اقول صحيح بس السبب هو الصـــــــــــــلاة فقط وخل عنكم كثر الهرج والقيل والقال وغرابيل الزمان خل اللي يصرق يصرق مصيره راح يلقاه في الأخرة جنة ولا نار خصوصا من تولا امانتنا واموالنا واكلنا وشربنا راح يلقاه لا تخافون اهم شي صلوا الله يصلح الجميع
آخر تعديل يحن قلبي
في 12:42 AM.
|
||||
|
|
|
23-12-2011, 06:04 AM
|
|
||||
|
شيخة دكة عدن
|
^ كلام حلوو يحن قلبي بالصميم .. زي هالمقال الجريء بالنهايه حنا بشر ..اساس خلقتنا الجزع ( خلق الانسان جزوعا ) ياربي فرجا من عندك ياكريم .. لو وزعوا مليار واحد من هالتلريليوون سنويا والله ماهتزت ميزانية الدوله سنوات اقسم بالله الحلول بسيطه وبين يديهم حنا يالربع بالمملكه حسب اخر احصاء 28 مليون نسمه الله يكثر المسلمين اعطاء الشعب دخل سنوي الجميع الي يشتغل واللي مايشتغل الطفل من ولادته مبلغ معين واللي يشتغل كلن له حسب وظيفته عشان .. مانخلي البلد عطاله وبطاله لان الدوله تصرف لهم رواتب ويقلل انتاج البشريه لاء يصيير فيه تحفير يانظام الذل ياحافز .. كلما درست وصلت مرحله معينه لك زياده بالحصه ولين تشتغل حسب وظيفتك لك ثلثها او زي كذا عشان يتحمس الشخص يكمل ويطمح للافضل.. البترول ذا حقنا وفي دولتنا فيكون ملك للجميع .. مدري في قبل على زمن الرسول يوزعون شي اسمه الفيء او الفاء صراحه ماني مركزه توي قمت من النوم والمشكله حلمت اني بعصر الرسول >> اخر موضوع قريته قبل انام محاوره بين سنه وشيعه وبغيت ارد وانغبنت ونمت ههههههههههههههههه ادري قصة حياتي بس عدوها الزبده انه يصرف ويقسم منها على كل المسلمين لان والله قهر كل ماسمعت يقولون لك انت باغنى دوله في العالم اللهم لك الحمد وتنقهر لاقريت ان حرمه تبي بس 200 ريال شهريا عشان الحليب لعيالها  اكيد بسخط وبنقهر وبقول يلعن ابوها حالها الي فلوس بديرتنا ولاهيب واصلتنا .......... على فكره احس اني كبرت شوي وعقلي صار اكبر لان اذكر كان لي رد قبل سنه يمكن كنت ارفض سالفة صرف فلوس للمواطنين كنت اقول ان هالشي بقلل عندنا الموارد البشريه وبيكثر العطاله لان بيكون يمشي لهم مصروف كذا والا كذا بس تغيرت فكرتي للي قلته فوق سبحان اللي يغير ولايتغير  يسلم اليدين ملكه |
||||
|
|
|
23-12-2011, 12:35 PM
|
|
||||||||||||||||||||||||||||||||||||||||||
|
عيـّاره
|
جت على كذا ؟؟ اقسم بالله بنت عمي رايحه تسجل بنتها في مدرسه اهليه قابلت وحده تبي تتوظف وسألتها بنت عمي ماارتحتي بعملك ؟ قالت كم تتوقعين راتبي قالت ...4 ؟ البنت اقلللل بكثير بنت عمي الفين ؟ البنت لا والله يختي اقل بالاخير صار راتبها 800 ريال ؟؟؟؟؟؟ ليه هالمبلغ ليه ؟ البنت مسكينه تدرّس بمحو اميه بعيييده وتروح مع سواق وياخذ فلوس كم بقى لها ؟؟؟ لا وتقول والله لو انهم مايكرفوني كان اهون علي بس كررررف كرف  والمدارس الاهليه مليانه من الاجانب ! موب شي يقهر ؟؟ قلت لكم الف مره لانرجى من الدوله شي خلاص قلعتهم ربي بيحاسبهم يوم القيامة خلوا دراهمنا عندهم بس نلتفت للمسئولين !! نبي تطبيق للسعودة كامل .. والله جيزان تصيّح اهل جيزان ماعندهم احد !! شوفوا اغلب العاملات بالمدارس الحكوميه جيزانيات ينرحمون ورواتبهم ماتتعدى الستميه ! والحبشيات شوفوا كم رواتبهم بالله موب قهر ؟؟ ناس يبون الستر وناس يستغفلون لا ويشوفون انفسهم علينا بعد. امس رحت للعثيم وانصددددددددددددمت اذكر كانوا مسعودين الكاشير هالمره شفتهم هنود ! ليه طيب وين الخطوات العمليه اللي كنتوا صاجينا بها ؟ بقول لكم شي .. ماتطغى دوله إلا كان شعبها خيخه وساكتين وهذا حنا .. شعب صامت لدهرررر ..وكلن كوش على اللي يبي هه بدينا الحين نتلحلح بس متى راح نشوف النتايج ؟؟ بس ربنا رب رحمه .. متى ماتمسكنا بكتاب ربي وسنته بينصرنا على من ظلمنا ... هذا اللي علينا نسويه ميخالف بربرت واجد التريليون زغللت عيوني  باتس
غريبه من هذا السؤال الاستنكاري ياجوزيف هل هناك شك بأن الله لن يحاسب كل انسان ماقدمت يداه ؟؟؟؟ يجب عليك ان لا تستنكر على الله امهاله لهم لأنه شأن علام الغيوب حنا اوادم فهل نعلم الغيب ؟؟؟ قد يمهلهم ليوم تشخص في القلوب والابصار وقد يأخذهم اخذ عزيز مقتدر إما ان يبتليهم بمالهم بصحتهم بأولادهم. لاتصح مثل هذه الاقوال ماراح اقول حرام ولا مايجوز لاني ماادري لكن اقلها أدباً مع الله صح نتحيسب عليهم .. ندعو لهم بالهدايه .. وندعوه انه ياثرنا عليهم واعذرنا |
||||||||||||||||||||||||||||||||||||||||||
|
|
|
24-12-2011, 11:02 PM
|
|
||||
|
مسـيّر
|
لا وكل المشاركات اللي جات جات بالصميم بعد لكن الله يعقل علينا ويولينا خيارنا بكل مكان فيه صرق ونهب اذا فسد النظام شوفو العراق بس تخلى عنها صدام وش صارت بعده ؟؟ صار الصرق والنهب والقتل بعد نحمد الله ان احنا بدوله مو بس غنية ؟ دولة تحفظ شعبها من القتل والظلم وربي لك الحمد بعض الدول المتقدمه والله ما تقدر تطلع بعد الساعه 10 بالليل اجرام الحمد لله نقول والله يخليلنا حكامنا ويصلح بطانتهم ويصلحهم ويصلحنا معهم هذا لازم انا ما نغفل عنه |
||||
|
|
|
25-12-2011, 09:41 PM
|
|
||||
|
حضوره مُختلف
|
ببلش في الرد على بعض الردود مدهرة بمريولها مقصودك هو الفيء وهو ما أخذه المسلمون من أعدائهم الكفار بغير قتال وحدث هذا في خيبر يحن قلبي لو كان في الإسلام مسألة ترك الجاني دون عقوبة فلن تكون لدينل الحدود في السرقة والقتل وغيرهما الترليون وما أدراك ما الترليون مسألة كون الميزانية العامة للدولة بهذا الحجم تقابلها مشاريع تقدر تكلفتها بالملايين ثم تكون التكلفة الحقيقية لهذه المشاريع أقل بكثير من المعلن عنه بعد عملية التحويلات بين المقاولين والناتج مباني ومشاريع أقل من المستوى المأمول غير مطابقة لمواصفات السلامة وغيرها فلو طبقت المشاريع بكامل الميزانيات المخصصة لها لما احتاجت الدولة أن تعاود العمل في ذات المشاريع بعد فترة يسيرة للترميم وتصليح أخطاء بالعامي ميزانية جديدة وسرقة جديدة السؤال الموجه للسارق ما هو سقف رصيدك الذي تتوقف عنده عن السرقة خل نعطيك المبلغ من الأول ولا تاخذ مننا بين المشروع والثاني |
||||
|
|
|
| الكلمات الدلالية (Tags) |
| اي والله رشوا علينا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
