 |
 |
 |
 |
 |
 |
 |
 |
 |
16-01-2012, 01:46 AM
|
|
||||
|
نآر على علم
|
ماعندي شك ان الكاتبة عيارة وهذا واضح للعيان من خلال الموضوع وكذلك الردود فيا اخوان يفترض إن بدل مانشكك في جنس الكاتبة ان حنا نشجعها ونشكرها،،يا أخوان من متى الشلة واعضاؤها يلتفتون لجنس الكاتب ؟! حنا شعارنا الذبة الحلوة ان شاء الله من جنس ثالث مايهنا جنسه ،،اما ان كل من كتب قعدنا ننطل عليه انت ولد انت مدري ايش فهذا اللي مانبيه ،،اخشى ما أخشاه إن يجي وقت أن ماتكتب عندنا وحدة الا نقول طقي الكام عشان نتأكد !!  طيب ابي اعرف وش بنستفيد كون الكاتب بنت او او ولد ،،حتى ولو فرضنا ان احدهم دخل بخلاف جنسه نمسك العصا ونكوفنه به؟! بالعكس ياليت الاعضاء يدخلون بكذا كركتر وتجرب نفسك فيه ،،بل المبدع اللي ينجح في كذا كركتر وكذا اسلوب ،،اقول قولي هذا في حالة ان حنا نبحث عن سعة الصدر والوناسة أما إن كان مقصد البعض خلاف ذلك فيسمح لي اقوله لاتضيع وقتك فمبتغاك مهوب في الشلة رح دور لك شات تلقى لك على شاة ،،ماعليش احس اني طولت في هالنقطة اكثر من اللازم لكن اتمنى ان المقصد وصل لأن العيارة مهيب محصورة في جنس اوشعب دون الاخر فكونها تكثر في جنس لا يعني عدمها في الجنس الآخر والأمثلة في هذا الباب كثيرالنقطة الأخرى اللي أحب اعلق عليها مهوب عيب أن أحدهم يعرض موضوعه عليك ويشوف رأيك فيه ،،لايجي في ظنك انك احسن من الكاتب لا ،، بل الكاتب وده يشوف ردة فعل القراء،،بل من العيب ان الواحد يتفاخر بأن فلان عرض علي وفلان خذ رأيي ،،شي جاك خاص خله خاص أو اعتذر فالخاص وخلصنا <====كلها خصخصة وبالمناسبة اقولها حق أحب أشيد بالكاتبة إزاء تعاملها مع مثل هالموقف واحب أن ابين للجميع أن أغلب كتاب الشلة يعلمون طرائق واساليب القصة ولاهيب تخفاهم فنونها ولكن تقديرهم للعيرة وحبهم لها يجعلهم يغلبون هذا الجانب على حساب بعض الجوانب الأخرى اقول قولي هذا واستغفر الله لي ولكم فاستغفروه وتوبوا اليه وافرنقعوا |
||||
|
18-01-2012, 06:14 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مهشـتـق زاحــف
|
هههههههههههههههههههههههههههههههههههههههههههههه ههههههههههههههههههههههههههههههههههههههههههههههه يالله انك تلعنها يالله ! هههههههه .. حسبي الله عليك يافرخ الورل .. قسم بالله مضيعة وقت اللي اسويه قبل رجعتي لموضوعك احد يخلي هالموضوع اللي كأنه رقبة ريم عبدالله من حلاته ويقعد يتابع ملفات المراجعين ومشاكلهم بالدوام؟ الغلطان اللي مايقدم استقاله لعيون هالموضوع اللي كأنه ملعقة زيت زيتون من خفّه ولينه على التسبد .. آآه ياقلبي بس قسم بالله انك طامره حاجز الادب والعقل ياملعونة الخيّر,, يقولون الحركه تدفّي في الشتا وانا والله اقرا موضوعك وانا جافش ومنكمش بالاستراحه واترجرج من الضحك بمكاني كأني موتر ينتع ويطفي ومن كثر ما انتع واتحرك دفيت .. عقب هالموضوع يالمفلوقه اسمحيلي اسميك - سخّانة الشلّه - او - شرّابات صوف الشله - ههههههههههه .. واذا ماعجبك وتبين لقب بدوي بسميك - رمث الشلّه - هههههههههههههههههههه .. كأني بعكس التيار الغبي عقب مايشوف كلامي ذا بيروح يقلب يديه على ملفّك يبي يدفا هههههههه .. عاد اعرفه عكس يموت بالدفا ! ,, بصراحه يالمفلوقه والكذب خيبه اني نسيت موضوعك ونسيت حتى يوزري هههههه .. الين ذكرني بالموضوع ابو وفا وجـه المعده ورد عليه ورفعه, ونقدت على نفسي على تأخيري والله لو انه ردّ قصيده ههههههههه ,, وبنفس الوقت كنت اسمع "موضي" .. تغنّي - ياعين مركوز النهد وينه؟ -  وتذكرت موضوعك على طول! لان هالاغنيه طرّت علي الملتوي هههههههههههههههههههههههههههههههههه .. عاد الملتوي مركوز نهد ومركوز (نكد) بعد ههههههه ,, بس مدري وراك عازمته بأوّل الموضوع بصراحه ماعجبتني هالحركه لان الملتوي جاي جاي مثل الذبانه تقلط على الاكل بدون استئذان وبعدين موضوعك طويل وكلنا ندري ان الملتوي يحب (الطويل) هههه من المواضيع !.. وبيني وبينك مب كفو يرد بأول الموضوع لانه من اتلا القوم ومحد يعطيه وجه ,, زي فيفي عبده يوم كبرت وشابت وصار وجهها كأنه شطيّة علي عبدالله صالح حق اليمن صارو يسحبون عليها ويجيبونها ضيفه(ثقيله) بمشاهد بسيطه بآخر المسلسلات ,, مع محاولاتها الواضحه بالاحتكاك والتلزق ببنات الجيل الجديد والممثلات الشابات المزز مع ذلك (المخرجين) ساحبين عليها ,, حلاته آخر واحد ينعزم بالموضوع وماينعزم علشان يرد لا المفروض ينعزم علشان يكنس الموضوع بوجهه ويلقط القراطيس والزقاير وينظف الطفايات بلسانه ويشيل غراش وغطيان الشمبانيا اللي فتحوها الاعضاء وياكل من فضلة الكيك عقب الاحتفالات والفله بهالموضوع الزاحف 
ههههههههههههههههههههههه مابقا الا تقولين اسم جدّي دهليز ! وعايلتنا القلعه هههههههههههه .. وش هالاسم دروازه ؟ مقطوع سرّها بالدرعيه ؟ ولا امها متوحمه تلحس قصر المصمك ولا شالسالفه؟ هههههههههههههه .. اسكتي بس زين انك وضحتيلي شمعنا (الحميرا) ! لان تفكيري راح بعيد مع تصغير الوصف! .. وخاصه ان جدتك قالتلك (امانه حافظي عليها ) ! .. قلت شكله شي احمر وتدلعه(حميرا) وخايفه عليه جدتها من الحراميه هههههههههه
هههههههههههههههههههههههههههههههههههههههههههههههههه هههههههههههه شكل جدّتك صباح ,, يلعن بليسها ماخذه عمر القبيله وعايشه بالنيابه عنهم ذي؟,, اشوا انها مالحقت على النوادي الصحيه والجيم كان مسجله قبلتس من نشطها ويمكن يتعاقدون معها كمدرّب .. قيمة شاص مب عمر يلعن بليسها ههههههههههههههههههه ,, حتى ورث سلطان بن عبدالعزيز مب كثر عمرها هههههههههههههههههههههه ,, بالمناسبه انتي الحفيده رقم كم بعد الألف؟
هههههههههههههههههههههههههههههههههههههههههههههههههه هههههههههه هههههههههههههههههههههههههههههههههههههههههههههههههه ههههههههههه اللي يشوفتس يقول مستعجله على الورث ياحفيدة ستيف جويز ههههههههههههه
هههههههههههههههههههههههههههههههه اي والله كلن حقه معه ,, بس الغريب حتى انتو بعد ؟عندكم "محمد بن فهد" ذيك الايام ؟ .. يلعن خيره محمد بن فهد الظاهر له حق حتى بالبيت الابيض ,, ما استغرب انه قايل لاوباما "ترا غرفتك النص بالنص" ,, زين انه مالحق على سيّدنا ابراهيم عليه السلام ولا كان قاله "سجّل الكعبه باسمي" ! ههههههههه .. بعدين يالمفلوقه تلعبين علينا انتي؟ سلامات جدّتك تبصم برجلها؟؟ هي فيها رجل عقب ذالعمر؟ كأني بها مذوّيه كأنها لحمة قعود ماضغها بزر .. المفروض تبصم بنفسها كلّها تنسدح على الورقه ويالله تغطّي بعد! هههههه
هههههههههههههههههههههه ياخبل احسن لكم علشان تدرّ الناقه قمح ! .. عاد قمح وبهالبرد بيتجمد وبيصير ذٌره هههههههههه يلعن ام الناقه الاندونيسيه ,, فيه اكثر من كذا تميّز؟ ذرة نياق هههههه .. والله يابتكدون كد .. عاد اكيد بتطلع صحيّه هالذره وتقضي على امراض وفيروسات وبيجونكم شركات الادويه وبيتعاقدون معكم وبتطلعون ملايين .. بس الله يستر لا يجي بن لخيمان ويقول ترا الناقه لي ! ويطلع ورقه باصمه عليها جدتك بديد الناقه هههههههههه .. أجل مشتاقه للشعير يالشاه؟ .. الشبوك مليانه .. نصك عليتس فيها الين تشبعين ؟؟
هههههههههههههههههه بس ضاق على فخوذه؟؟ مو شي ثاني اللي مضايقه .. مع انه المفروض جاي ممهّد ومبرّح له وفيه مساحه من عمايل ابوه ! .. خاصه انه عاش مع حرمه نشيطه وتساعد على المساحات! وصل عمرها 132 كأنه طبلون دبـاب ماماتت ههههههههههههههههه
ههههههههههههههههههههههههههههههههههههههههههههههههه .. غريبه ماقالت بعد : قلب قلب وين وين غايب عليا يومين بس بس بس بس ,, بس بس مييييو
الله يرجك الجريش مايسوونه على حطب .. الجريش لين وناعم يحترق من الحطب:$ .. الحطب للطبخ والنفخ .. الجريش يسوونه اوّل على حجر ساخن مثل اللي يحطونه بحمام البخار:$
هههههههههههههههههههههههههههههههههههههههههههههههههه هههههههههههههه قطعة مرجان قسم بالله هالمقطع درس بالوصف اللي يعيشك الجوّ .. المفلوقه الله يعطيك العافيه ووساعة الصدر على هالموضوع القادح والكبير واللي يحرج الواحد مايدري شلون يرد عليه ولا وش يختار ويخلي ولا منين يبدأ ,, قسم بالله مثل هالمواضيع تخليك كأنك طالع مع اليسا وقايلتلك انا اليوم فري معك وسو اللي تبي ماتدري شتسوي لدرجة يمكن تفصخ نعالك وتنحاش وماترجع لها لانك تخاف تفوّت شي وتموت من القهر عليه بعدين ههههههه ! .. المفلوقه اسم كبير ياما ضحكنا ووسع خطرّنا وبيضحكنا وبيفلنا اكثر انا متأكد ,, الله يرجك يوم قريت ام قسبل! ماطرا علي الا سالفة خويتك النصابه راعية (فرس النبي) اللي قد قلتيها في قسم السوالف هههههههههههههههههههههههههههههههههههههههه ,, وتراني ماقلت المطقوقه الا يوم تأكدت انتس مهستره وعقلتس مشموخ من (الطق) براسك .. لاهنتي ولاعدمنا هالزين ,, واعذرينا على التأخير والرد الرخيص ياضناي ..
آخر تعديل شليـويح
في 12:05 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
22-01-2012, 02:34 PM
|
|
||||
|
تغريدها شكشكه
|
انتم يالثنين كنت ابسحب مابي ارد بس الشكوى لله تعرف البزر اللي يشوف مع مرت ابوه حلاو مصاص وسعابيله تقوطر ويرابط عمره مرابط لجل مايطب يلهف الحلاوه((يقال له زعلان))عشانها قارصتن اذنه امس,,هذي انا,,اشوف ردودكم وتحكني اصابعي ودي ارد واسولف بس اجلس على يدي واقول تحملي ناظري كم حرفن شخطتيه فيذا ولو انه اغلبه ماله لزوم لكنهم خلوتس و قدّمو حروف التويتر عليتس,,لكن الحقيقه والله منب اعرف اثقل للإسف ولاادري وشهو الثقل لا قالو لي اثقلي لبست صوف ورشحت عمري بشطاف الحمام عشان يثقل الصوف من الماء واثقل معه,,لذلك الله يحييكم وهذا لون الشخصيات المهمه تجي آخر شي و بالعكس فرحت بكم وماتأخرتو ,,ابو وفاء/  ياهلا برجعتك و(على راسي) هالرد ومابعد كلامك كلام,,عز الله انك قلت اللي بخاطري كله,,لكن لعلمك ترى هذي الحقيقه اللي مامنها مفر,,الله وكيلك الوضع هنا صاير (خياس),,والحكم هنا صاير بنوع الجنس,,رجال(ابشر بالزحف والموالاه),,حرمه بيشطفك وهو يقول (الله من سماجة الحريم),,ياخي ترى مهب كل الحريم مثلك (انت و اهلك) عشان تحكم بالعام وتعزر,,كلما شخطت لي رد جاني من يسأل انت رجال صح؟ بالله يبو وفاء وشلون اجاوبه هههههه يعني يبيني اتهور واتك له صوره على المالط واسدحها توقيع؟!! ياخي وش دخلك وش انا الله يلعن بليسك؟ قسم بالله هاللقافه اللي عندهم لاريجيل ولاحريم من قوتها لو تقراها قدام قصر شيخ هدته !! ان جلست وقريت كلامي وعلمتني وش عذاريبه جزاك الله خير,,اما بتنتظر مني اجاوبك اذا حرمه والا رجال فاسمح لي اقول (مش خشمك بكمك) لين اعطيك (منديل) اللي هو وجه,,يحسسك لو انت رجال بيجيك ويصاحبك ولو انك مره بيشين مجهودك في عينه,,لذلك احسن حل انك تخلي عمرك (جني) و جاهز في جميع الحالات,,بغاني رجال ليني بعصعصي قدامه و بشنب ياقف عليه تيس,,بغاني حرمه شخطت له روج وكحله ويالله من فضلك!!لكن داخله على الله ثمن عليك يبو وفاء ان جاء ذاك اليوم ومشيتو على راي الهلفوت وملتوي واللي مثلهم وطردتو الحريم من الشله لإجل انهم (حريم) بالله لاتنسى تستثنيني اكتبو تحت القسم للرجال فقط ماعدا ام قسبل,,والا ترى بنجلط صدق !! يله اجل (فمان الله) آكل لي شي لإن الكلام في ذا الموضوع اطلق ريجيم,,مير مدري وش بطلع عقب قسابيلي,,يعني الحين اللي يكلمك هيكل لابس(تنوره وبلوزه)عقب هالجوع الظاهر بيروح الهيكل ماعاد باقي الا عيون(لابسه تنوره وبلوزه) وبصراحه تراهم غلطانين يوم يقولون النوم سلطان,,ياخي الجوع هو اللي سلطان هو اللي يجيبك على خشمك,,يعني الحرمه الذكيه اللي متزاعله مع رجلها,,لو اني منها جوّعته ثمن صلحت ذيك الطبخه الزينه وخليت ريحها ياصله,,ماتدري الا وهو منشب خشمه في عضدها من الخقه,,ومالها علي حلفان ان اي شي بتحطه بياكله وبيجي في عينه حلو لو انه اومليت بردقان,,لذلك بيحس انها افضل طباخه في العالم,,وبيرضى وبيمديها تشرّط وهو ياكل لو تبي سوق ميامي وداها,,بس ماحولك احد يفهم,, كانت معكم (فوزيه الدريع في اول تصريح لها بعد عملية الشفط) |
||||
|
23-01-2012, 12:37 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
تغريدها شكشكه
|
هههههههههههههههههههههههههههههههههههههههههههه هههههههههههههههههههههههه هلا ومرحبا,,ليتك تدري عن اللي بخاطري كان ماتبارح هالمنتدى ثانيه لكن ماقول الا لانحرمنا منك ياريحة الغالين,,ابيك ياخوي تعرف اني افصل عادةً على شيئين اما فكة الريق بسنكرز والا قراية رد لك هههههههههههههههههههه,,عاد دامني احب ردودك قررت اخليه مسك الختام ولو انه مايجي حثال ختام وقلت بعد بفصل هالرد تفصيل مير خلني ماأبعد بالحيل وأبدا بسم الله من هالرمزيه و نناقش مع بعض التغيرات الي طرأت عليك من عرفتك ليومك,,يمكن لاشفت ردي ذا اللي اطول منك تحن وتعود لسابق عهدك ههههههههههههههههههههههههههههههههههههههه الله اكبر بس هههههههههههههه من متى ياشليويح الجراديه من متى؟ الله ياخذك سراير وبجامات مره وحده  ؟!!!! الله يالدنيا قبل امس وانت لاجّني بصوت تصفيرك ياحكم نادي صلبوخ الأول,,وكلما تلفت لجل اشوف مصدر القرق واللجه القاك ياشليويح الرين تبترم في الحاره ماعليك الا سناوي ومافي مخباتك الاكرت احمر,,واذا تعبت من الدواره انت وراسك ذا اللي كنه سفتي كاتم وبغيت تنوم فرشو لك اهلك (خيش) جنب عتبة الباب ياوجه الأمراض المعديه عشان تسدح عمرك عليه,,والحين بكل بساطه جايني على السرير يعنني صرت تعرف ي (وجه القاز) تنقي رمزيات؟!! هههههههههههههه دامك تبي (تهك) كان حطيت طيب واحد على السرير بس على الأقل لابس سروال وفنيله عشان اتصرف وابلعها لو بموية نار,,لكن انت من كبرها ماشي على اللي يقول ان سرقت اسرق جمل,,اجل بجامات ؟ هههههههههههههه اقشعها لأقشع وجهك وهات شي واقعي ويمشي !! لإنك انت والبجامه ياشليويح مثل الحجاب والرقاصه ههههههههههههه ياقلبي عليه مهب عاقل على البجايم رشدي اباظه !! وبعدين خاف الله فيني ياخوي سرير وبجامه بمشيها لكن اطخم تكفى لأ!!! هههههههههههه والله قصمت ظهري! انا اللي اعرفه الواحد يحط رمزيه اشين منه عشان لاشافوه العالم على الطبيعه ماينفجعون بالحيل لكنك ياخي شطحت قوه,,سلامات حاط واحد انت بكبرك ماتجي اباطه وتقول هذي رمزيتي؟ لكن وش اقول غير ماتنلام!! ماعشت شعور التخقيق على الطبيعه قلت بعيشه لو فالمنتديات او في التويتر لإنك دايم ملحط وابشع شي في هالدنيا يشوف نفسه عليك,,انت بالنسبه لمصطلح الجمال مثل النظره الأولى بالنسبه لرجل الأطخم اللي حاطه,,شفت كيف رجله مهب راكبه على وجهه هذا بالضبط مثلك لإنك جاي غلط وقاعد تدور في المكان الغلط,,ياخي لابغيت تنقي رمزيه تعلم وشلون تكتب عباره تناسبك في قوقل,,اكتب تلحيم,,تبليط,,تشطيب,,تعريش عظام,,رحم قطوه,,عنز دافع,, بس!! اما انك تجي وتكتب لي ياظل ولد جويل (اوسم واحد توه قايم من النوم,,مزيون مبهذل,,جامعي متأخر)فاسمح لي اقول لك (على ش ح م) ياوجه مرت القعس ,,
اول شي كل تبن و لاتلعن لأقوم العن خامسك <<؟؟ ثاني شي تدري منهو الغلطان؟ الغلطان اللي مايطب عليك ويمغطك بشوته مع جبهتك هم يجرك ويجلسك بالغصب معنا,,اجل حاط عمرك مشغول ومنت بفاضي الا لين تقدم استقالتك؟ وش مشغوول فيه ياعرق فايز المالكي غير بتحديث صفحة تويترك هاللي كنها صفحة كتاب خط ,,بالله تحدثها كل ثلاث دقايق ليه!! الله يسود وجهك ياشليويح على ذا الصفحه اللي مجمع خلق الله عليها وهي ماتسوى فنيلة شايب ميت,,والمشكله جاي تقول ناسيني!!وش قوة الوجه اللي عندك ذي؟ شكلي بغير اسم الموضوع واخليه (هنا مكان للتزبيد ) يعني لهالدرجه ياحبة العدس ماخذك منا هالممخوط؟ ماقوول الا روح الله يلعنه هو ومن حطه وعلمك عليه,,
هههههههههههههههههههههههههههههههههههههههههه هههههههههههههههه من كثر مالصلخ خالع غمضت عيوني لااقرأ شي يخدشني هههههههههههههههههه ياخوي وش دراني انه الله يفشله بيرجع مشتب و (مولع) ويدور مخاوي يطفيه؟ المشكله اني دافعت عنه يوم ارد على مخاوي مادريت بسواته..والا والله لو علي وبيدي ان اقشع رده الأول مع ردي عليه مع ردي على مخاوي وارجع ارد من جديد اشب فيه,,لاتلومني,,كنت اظنه ياخوي شخص فاهم وواعي من موضوعي حق ابو الطيب,,وبصراحه كان معجبني انه يوريني عيوبي ويطقها بالوجه,,وقلت بعزمه ولو كان عندي شك واحد بالميه انه بيتلفظ هالالفاظ على تاج راسه ما كنت عزمته الا على تمثيل دور الحميرا اللي تسرح في بالك ياشليويح هههههههههههههههههههههههههه,,وبعدين لااتجيب طاري فيفي على لسانك ههههههه ميته ياخوي حرام مايجوز؟ عيب عليك ((هذه لازم اسجل تهاوشك مع دريشة الموضوع)) الله يهديتس يا لازم احجر كانك ابثرتينا على الفاضي وهاوشتي هالشليويح الحبيب على لاشي هههههههههههههه فيفي عبده حيه كنها جدتي دروازه من كثر الرقص والثماله مع زيد وعبيد طال عمرها سبع اضعاف وجت اقوى مني ومنتس مدري من لاعب عليتس وقايل انها ميته والموت يخاف من وجهها ذا اللي كنه مندغ ذبابه يختي والله العظيم حيه وانا قبل امس شايفتها مثل البغل تحنحن على الطاوله كنها مكينة هيلكس,,ماقول الا ونعم من اخترتي تدافعين عنه
ههههههههههههههههههههههههههههههههههههههههههههه هعنبو ابليسه ذا.. الحين اتعب واشفر هم تسدحه كاش ؟؟؟ياخوي اقلب وجهك بس لإن الشعير للي شرواك انت والحميرا,,ياخوي انا كتبت ذاك المقطع عشان بن لخيمان فوق سواياه بيحتكر سوق الشعير (نوع من الضغط) عشان مانلقى شي نوكلها ونضطر نسلمه الحميرا براسها,,يعني هو يبي يسد علينا درب تجميع الفلوس والتسديد لإنه مايبي الا الناقه,,واصلا انا من شفت راسك ذا اللي كنه مقعدة مرجيحا دريت انك قليل فهم,,
هههههههههههههههههههههههههههههههههههههههههه ههههههههههههههههههه حقير  لا مو مضايق شي ثاني لإن الصروال ضيق فيدقر عند فخوذه ويعيي يرقى,,,وبعدين على طاري المساحات ماشاءالله انتم جماعتكم يشتغلون بضمير في تطوير هالمساحات؟؟لإنك تقول ليش ماتوسع من فعايل ابوه ياخي انا اقول لك ليش لإن ابوه ماعنده ضمير واذا بدت الورديه يفصخ الزي الرسمي عشان كذا ماتأثر صروال طحيمر بالمساحات ((بعض الناس ودك انها ترقد ولاتشفر ابد هههههههههههه))
وش شايفني انت وخشمك؟ مصدق اني عايشه في خيمه واراسلك بحمامي الزاجل؟ وش مدريني انا وشلون يطبخون الجريش منول؟ خبري به في مجلس الديره الكبير يزينونه على حجري فوق عين الغاز,,واعتقد انه في ذاك الزمان وفي وقت الخيام والتنقل ماكان عندهم جريش اصلا,,الجريش ماظهر الا يوم جيت انت هههههههه لإن كلش عندك بالعكس واكبر دليل سنونك اللي نابته داخل اللثه وامك الله يحفظها تعبت من مضغ لقمتك قبل تعطيك اياها عشان كذا حطو لك جريش ياوجه الجريش عشان ماتموت من الجوع وماتغص به يوم تبلعه ههههههههههههههههههههههههههه
فرس النبي هههههههههههههههههههههههههههه تدري اني اخاف منه ياشليويح؟ انا ياللي اشرح الصوارير واوطّي الضفادع يخوفني فرس النبي هذا اصبر اجيبه يامامي قسما بالله من جيت الرياض ماعاد شفته,,والله اذكر ذا اليوم كنه امس كنت برى في الشارع وكانو امي وابوي بالحوش فارشين وجالسين وانا داقه طبلوني مدري وش كنت ابي بالبيت يعني الجو برى رهيب وكوره وخالد التيماوي ومن هالترييش اللي يعجبك,,المهم وانا بنط العتبه لمحت لي غصن وعقب مالقطت عيوني صورة هالغصن صح الا اسسسسسحب ذاك الجلنط وانقز نقزتين عشان فراملي جاء فجأه وعلى الركضه شفته قبالي وامترشت,,دايم والله اشوفه اخضر تفاحي الا ذا غير,, لونه بني ضارب حمار ونحيف وطوووووييييل و(واقف) كالعاده ((ترى اقصد ابو قسبل )) والله العظيم ماشفت اطول من قسابيله هالمشنتره,,وانا اصلا اللي يمرج قلبي من الخوف اكثر شي هو شكله بسم الله الرحمن الرحيم,,اشوف اي شي الا ذا الله ياخذه,,والا الأخضر الا منه طااار ياوك تشوفني انحاش وانا اطرده بعيوني عشان اترصده لايجيني وياكلني حفله اذا قام يستعرض بجنحانه وخناجره كنه يماني يبيع عسل,,ياشييينه بس والله اهون عندي يلحقني صدام تريله ولايلحقني ابو قسبل وجه كميرة ساهر,,وبعدين حنا ليه مسمينه فرس نبي؟ ياخوي ذا يخسى يجي فرس خروي عشان تحطونه فرس نبي!!// اخيرا,,والله مدري وش اقووول انا مستحيه من كل شخص مر هذا الموضوع,,مستحيه من كل شخص رد وماعطيته حقه,,اسمحولي اعبر عن خالص امتناني,,يعني وصلتو الموضوع بتفاعلكم وتشجيعكم ثلاث صفحات وهو مايسوى ثلاث تفلات,,رزيتو الموضوع وخليتوه شي وهو ولاشي,,يعني والله مدري ذا موضوع والا قصة حياة شيخ!! مدري ذا موضوع والا فخذ ليبرون جيمز (يلعنه ماأطوله),,شكر خاص لزعيم التنسيم هاللي من الفشيله صرت اكلمكم وانا وجهي على الجدار ورافعه رجل,,كنت اتمنى انه طايح على خال مستنزل ولا طاح بدخلته للشله في هالموضوع ذا اللي كنه نخلة سلج,,كنت اتمنى انه طايح علي واناكاتبه موضوع يستاهل و في الصميم,,لكن لعله مايطب لي اي موضوع الا وهالموضوع يستاهل حضوره وردّه,,اعتذر عن دفاشتي في بعض الردود ,,وانا في الغالب ماجي دفشه الا اذا صرت فرحانه,,وبالغالب اذا تحمست اكثر اشق القربه واقول كلش والظاهر اني براجع الصفحات لياي كاتبه فضايحن لي وانا ماحس,,لذلك لحد يشيل علي ولحد يزعل مني,,كلنا في طريق الخلا واحد ,, الله لايهينكم والى اللقاء في القادم اللي ان شاء الله انه احسن وعذرا يتغشاكم... فمان الله
آخر تعديل ام قـسـبـل
في 12:57 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
24-01-2012, 05:32 PM
|
|
||||
|
إدارة الشلة
|
8 هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههه قدااااامي للمتحف يا أزحف من مشى بالحاره ( وعذراً يتغشاك ) ياشيخة الشلة..ولاتقطعينا من هالمواضيع الزينه زميلك اليتيم ( الحرافيش ) |
||||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
انا ماجيت اطلب منكم شي ياعيال دروازه انا جاي اطالبكم بحقي واللي المفروض مآخذه من زمان,,وشو حقه ؟ كلن حقه معه يابن لخيمان 
