بدايه قبل التطبيح::
مع هالأجواء المحترمه وانت تاكي وتحتسي بعض من بريدز الحليب اللي بالزنجبيل ,, وقدام ناظرك(ضو)تهيضك بسمرها الزين ماتحس بعمرك الا وانت غارق بكتابة (القصيد)واسمحولي الله لايهينكم أسرد عليكم مطلعها بمناسبة هالأمور الخاثره الجيّده ,,وأقول

ياماحلا زنجبيلن يدفيك=بليا حبيبن يسد نفسك ويغثك
وجلستن مع الأصحاب تنسيك=حضن الحبيب اللي بخياسه يلمّك
وش تبي بالحب وانت عندك من يطفيك=حليبن وورعن تتسذبه ويتسذبك
ومنقد جمر بحرارته يشويك=ويشوي جنوبك ويشوي كل اللي ودك

احب اقول لكم ياشلتي ان الورع المقصود في الأبيات سوف يرافقني في زبرقة هالموضوع,,ويساعدني في صب القهوه والحليب وبيهمز رقبتي واصابعي اذا تعبت من الكتابه بس عيبه الله يصلحه انه عجول بالحيل,,اي والله صب لي ياغليم صب خلنا نقصد ونتسلى,,-اقول تراك ذبحتيني يالمفلوقه صب وصب متى بتهزين بيالتس وتقولين بس؟<آبوه ورعن ماتربّى اقول إفلح و صب لي آلحين وابقول لك سالفتن زينه و صدقيه هالمره<<(),,ومير ينبسط وتنحل عقدة حجاجه ويمد لي بيالتن اخرى(يالبيه يالأطفال )خذتها من يده,,وبسرعه خمـّـيت عمري على طول في فروة اخوي وقعدت اتمنقل في رغوة الحليب (متورطه من جد ووتسيد اني ادور لي شي اقوله ) لكن الحمدلله فرجها ربي,,وناظرته بعد جغمتين وقلت له/ خلاص ابسولف بس ابيك تخلي هالسالفه سر بيني وبينك لياك تعلم احد هماه ؟,,الا قام يرومش من الحماس هم قال/والله ماقووول ياام قسبل لحححد والله(يازينهم ياناث )و ترى المعروض طويل لحد يصجني
***********************
الجزء الأول
من زمان يامحمد يوم اني على عصر جدتي دروازه( الله يرحمها) كنت بهاك الوقت مسؤوله اني اكب خيشة الشعير يوميا في حجري لـ(الحميرا)<<والحميرا ناقتن تغليها جدتي ومعقودن رباطها في شجرتن جنب الخيمه في حدا الأيام لقيت جدتي سابقتني وهي اللي حاطتن اكلها,,استغربت وراها معنيتن عمرها؟ ويوم شافتني وقفت جنبها ابتسمت لي و قالت/اسمعي يام قسبل ترى الحميرا امانه في رقبتس ابيتس يابنتي تحافظين عليها بعد عيني,,وبسرعه تعاطفت معها //من صدقتس ياجدتي توصيني على الحميرا؟؟لاتخافين انتي ووجهتسكل يوم تقولين بموت لين طق عمرتس 132وانتي اقوى مني,,خلي عنتس هالأفلام وماعليتس من الحميرا ابد موتي انتي بس وازهليها
<<--االله من التعاطف اللي تعرفينه يابنت ابليس,,وابد هذا حنا على هالطقاق وعلى هالحال كل يوم لين عـدّت سنتين وتوفّت فعليا جدتي دروازه وبسرعه شلناها بدون تغسيل وقبرناها كلنا مع بعض لإننا خفنا انها تمثل علينا وتطلع حيه ولابعد ماتت !! هم صدق بجي من اقصاي وابكمل الدفن لو انها واقفه وتبي تطلع والشاهد ان بعد موتها (اظلمت دنيانا)لكن ظلينا متماسكين ومهتمين بالحلال والحميرا والأمور كلها ماشيه تسنها الله يغفرلها حيه<<--(نفاق من جد)
************************
عقب وفاة جدتي بكم شهر !! جانا الشيخ بن لخيمان على حين غرّه,,وابن لخيمان هذا اتجر العربان ذاك الوقت لكنه طماع وتسلب,,لذلك عرفنا ان زيارته لنا ماتبشر بخير,,وش اهنا يابن لخيمان عسى ماشر انا ماجيت اطلب منكم شي ياعيال دروازه انا جاي اطالبكم بحقي واللي المفروض مآخذه من زمان,,وشو حقه ؟ كلن حقه معه يابن لخيمان ,,شوفو انا بيني وبين دروازه دين مايسده الا راس الحميرا,,قاطعته ام قسبل بهاللحظه/والله ماتاخذها لو على قص رقبتي يبن لخيمان,,لكنه طلـّع لنا من تحت طاقية الزري حقته ورقه مصفطه؟!فتشها وورانا اياها ,,و(تفاجأنا) من وجود بصمة لرجل جدتي المعروفه بين افراد القبيله (وابقول لكم ليش جدتي تبصم برجلها بعدين),,
المهم اننا انتفضنا وشككنا في صحة العقد لكن للأسف بن لخيمان كان سريع بديهه وجرّ اخوي صويلح بعلباه ولصق خده الأيسر على ورقة العقد وفعلا كان التطابق رهيب بين رجل جدتي اللي فالعقد مع الرجل اللي موسمه على خد صويلح,,وطبعا كلنا لنا تبن وقال قبل يمشي اسمعوني زين لكم اسبوع تسددون فيه المديونيه والا ترى ابقطع عنكم الشعير لين تسلموني الحميرا ورجلينكم فوق روسكم ,,وراح بن لخيمان عقب حتسوته تاركنا ياآل دروازه في حيره وفي وهقه كبيره!! عز الله انها ليلتن غبرا يعني بالله مالقيتي يا جدتي الا تديّنين من ذا الثور !!,(وش السواة بس)رزقنا على شفا جرف,,
ونظر عين جدتي(الحميرا)بتضيع من يدينا ابكم وش السواة يالنشامى وش احنا بلياتس يالحميرا,من يوم مسكت مرابط الحبال يبن لخيمان تخكرلنا وضاعت سلومنا والظاهر بنوكل نياقنا كورن فليكس من عقب ايام الرخاء مع المراجل والشعير,,((الله يرحمك يالشعير مع جدتي ويرحم ايامك بعد))
**************************
ختم الجده؟؟!!
مرّ ثلاث تيام من طبّة بن لخيمان وفجعته لنا بأمر المديونيه ومن لحظتها وحنا في شيل وحط واجتماعات ومناقشات ومانطلع بأي نتيجه قلنا بنحط ماورانا ودوننا لكنه للأسف مايتمم النص ,, والحميرا لايمكن نفرّط فيها ونبيعها علشان بن لخيمان واللي يقهر ان كل ذا المديونيه عشان اكبر عيالها الله يرحمه اشتهى يعرسومابغت تردّه دروازه رغم صعوبة الحال ذاك الوقت و حدتها الحاجه هالضعيفه واضطرّت تآخذ من ابن لخيمان دراهم عشان تغطي المصاريف وتسدد الطقاقه ومصاريف البوفيه واقساط موتر طحيمر وبعد تبي تفصل له ثوب وسروال(الصريويل اللي ورثه من ابوه ضاق وماعاد يكفي فخوذ طحيمر ويضفها)واستغل الفرصه بن لخيمان الكلب وشرط عليها ترد له الدين مدبل ثلاث مرات يعني يبي تردّها له بضعف قيمة الحميرا ذاك الوقت ووافقت مجبوره وتهلل وجه بن لخيمان وانطلق على سكوتره يجيب الشهود ويجيب معهم حبر التبصيم من مكتب العقارات اللي جنبهم,,وبهذا الوقت ودروازه تحتري بن لخيمان والشهود و تقطع الوقت بتظفير قرونها وتسذا,,ثاااارت الحميرا فجأه وجن جنونها وقامت ترفس الشبك وتوطا التبن وتحاول تهبد الباب وتسوي غزاله وتعاعي (صوت البعيره يعني) ومع هالصوت والربشه فزّ قليب الجده وظهرت من الخيمه تعس الوضع وتشوف وش اللي صاب محبوبتها؟,,قربت عندها ولقت الحميرا واقفه تلخص بعينها شبك خيمة بن شنيفر ويوم دققت النظر زين الا هذا فحل الحميرا يقردن ناقة بن شنيفر واللي يقهر قوه انه على اللجه اللي سوتها الحميرا ماطق لها خبر هالبعير الخاين وعيّا يقوم عن ناقة بن شنيفر وحزّ بخويطر جدتي منظر الحميرا الكسير ودموعها المسبسبه وجت قبالها بتهدّي سرّها وتقرا عليها ,وتعلمّها ان هذا هو لون الريجيل كلّهم وقامت تسرد عليها سالفة جدي يوم يخونها هو بعد ويواعد بنت بن شنيفر فوق سطح الخيمه (الظاهر خيمة بن شنيفر ملهى الباديه ذيك الأيام) والشاهد انها حطت يدها على رقبة الحميرا تبيها تلهى وتنسى لكن الحقد اعمى عيون الحميرا وماتحملت قرق الجده اللي كانت سبب زواجها بهالخاين همن عطتها ركبه لين العجيز منتثره عى الأرض تسنها جريشن منكب هم قعدت توطى يدينها لين غدت كل يد في كتر بلحالها(وهنا راحت اليدين فدى للحميرا ),, بعد اسبوع صحت دروازه من الإغماءه و لقت بن لخيمان واقف على راسها تسنه نخلة صقعي,,قالها في عجله حمدلله على السلامه هاه عساتس جاهزه للتبصيم عشان اسلمتس دراهم عرس ولدتس؟,,حمقت جدتي وقالت له//عنبوك! ماتعرف الذوق انت؟ ورى ماجبت لي عرابيد والاحطيت إقط والا قدّمت لي بوكيه تبن ماتشوفني متكسره ويديني مجبّعه؟ ماعليش والله يادروازه لو وجهتس يستاهل العانيه تسان من عيوني بس خلينا آلحين في المهم انتي بتبصمين والا امشي؟(رجفت جدتي سحلة اللبن على وجهة لين غدى شنبه يقوطر تسنه حلمة حرمه توها مرضعه)واسفهلت تكرشه دروازه بأنواع السب/ماتدري ان يديني ماهي بمحلها!!؟ وش تبيني ابصم لك به مثلا؟؟ بـ,,,,,(احم) يـ,,,,,,(طوط) كل,,,,, يــ,,,,اكرمكم الله ياعيال<<يبدو لي انها خربت اخلاق الجده المهم ورغم ذلك يابوحميد تم العقد بين بن لخيمان و دروازه وبصمت جدتي برجلها,,لذلك مابه امل ولامهرب من تكذيب هالشي,,بصمة رجل جدتي موجوده وعندك شهود عليه (اربعة ريجيل و8حريم) والعقد مبروز على جدار خيمة بن لخيمان بعد
***************
من قليب ((خفاس الركب))
اعتلاني الهم عقب هالمشكله العويصه ولاحت بي الظنون وقلت خلني آخذ غطسه في هالماء,,وانعنش لي شوي,,
فرشت هامتي على الصفاة وجنبها الرشرش والمحزم هم طلعت سيقاني وغطستهن فالماء وكلما نزلت بالمويه شوي ارفع الجلابيه شوي لين فصختها كلها والحقتها بالصفاة
وان حاولت تقز منت بشايف الا شوي من دمجتي والعيون,,قعدت انفخ الماء عشان يطلع فقاعات(طريقتي فالتفكير)وانا ابقبق واستمتع بلفحات النسيم العليل الا أسمع صوت يقول//هييه,, بسس,,بسس,,قلت:اعوذ برب الفلق من شر ماخلق ابك رح في حالك احسن لك رد الصوت الناعم/ ههههه وش فيك ياختي لاتخافين انا مااوذي احد,,وانا ابلع ريقي قامت تخالطني نفسي اظهر عاريه ولاعلي من احد اهم شي اسلم بجلدي لاتدخل هالجنيه فيني ,,الا ردت علي فجأه/ لا لا تكفيييين لاتتهورين يام قسبل وتطلعين عاريه وتصدميني في بنات البشر كلهم (قلت لك انتي بآمان) بس شيلي هالفكره من راسك رديت لها بخوف/طيب انتي من انتي؟ وش تبين بي؟ ووين تكلميني منه الا اسمع خرفشه حول الخفاس وانا اللي القي بناظري كله على الصفاة الا ذا الطخمه اللي منبطحه بزعانف وتناظرني مبتسمه وشوي قطعت هالحوريه الصمت المطبق و قالت لي,,احب اعرفك بنفسي -اسمي رمش جفون الحواري-وساكنه في اعماق اعماق اعماق وادي حنيفه-ومريت دياركم في جولتي الإستكشافيه -وشدتني غرابة تصرفاتك وهي اللي خلتني اطّلع اكثر واكثر على اسرارك,,بصراحه انا يوم سمعت كلمة اطّلاع واسرار شهقت وطرت فالعجه//ياقليلة الحياء عسى منتي بشفتي ذاك وذاك غمضت رمش عيونها بكل بأسى وامتعاظ من تفكيري السطحي وصدت عني وهي تحلطم هم قالت //لا تكفين ارتاحي وتطمني من هالناحيه هذاك آخر شي افكر اشوفه فيك تنهدت بإرتياح وقلت اشوا يعني لو اطلع الحين تغمضين طيب؟ وبسرعه جاوبت تغير السالفهلا انا بس ابخلص كلامي معك وامشي بسلام,,وبإختصار اكثر يام قسبل انا عرفت كل شي عن المديونيه من ابن لخيمان وجيت اسوي معك (اتفاقيه) وانتي عاد فكري براحتك وابرجع لك بكره اشوف وش رسيتي عليه,,قلت/طيب انهجي علي ترى الجريش على الحطب,,شوفي يعني انا بخلي الحميرا تظل مثل ماهي واطير بن لخيمان من حياتكم بس بشرط ان انتي تجين معي في دولتي وتنفذين مطالبي بدون تردد,,انا قعدت انظف اذني شوي هم سألت/يعني يارمش انتي تبين تآخذيني عندكم دايم؟!!يعني اختفي مره وحده و ماعاد اشوف اهلي ولا الحميرا ولا قدر الجريش؟ردت رمش,,بالضبط ((الحميرا مقابلك انتي))وبخليك تفكرين وبجيك بكره في نفس هذا المكان اشوف وش قرارك ,,يااما الحميرا تضيع منكم والا تضيعين انتي يله انا مضطره امشي خلاص الأصداف على الحطب<(اخس),,همن بحركه احترافيه غطست الحوريه طششششش طشششطششش
(((هذا صوت الطشاطش يوم طبت في القليب عاد مدري هي راحت من جدها والا قعدت تناظرني هالوصخه من تحت )))<<لازال عندها امل خخخ
************************
<<الموضوع قلب جد يامحمد !!
-اقول يا صويلح انت وش كثر تغليني؟-يابنت الحلال وش جاتس انتي من سبحتي في الخفاس وانتي متغيره وتقولين كلام لايودي ولايجيب,,افلحي ازين لتس مع المفلحات واللي ماله لزوم(ماله لزوم)-طيب بسألك سؤال جدّي ياصويلح الحين لو يخيرونك بيني وبين الحميرا من تختار-الا يقفع صويلح من الضحك ههههههههههههههههههههههه
هههههههههههههههههههههههههه-- يالله لك الحمد شوفي دام وصلت المواصيل تقارنين نفستس بدابّه واللي هي (الحميرا) فأسمحي لي اقول انها افود منتس بواجد
ماشفنا منها شر اما انتي الشر والنجاسه كلها تلعب في عبّتس- اجل ابروح احرّك جريشي-لاا ماهي بطبيعه ذا البنت هههههههه

*********************
جاء الليل وبنفس الوقت اللي اتفقنا عليه رحت وجلست على الصفاة احتري رمش تجي مثل ماتفقنا وفعلا حسيت بالماء يتحرك بشكل غريب لين طلع منه راس لونه بنفسجي مخصل بوردي هم طلعت العيون الخضر هم الووجه اللي لونه ليموني مخطط بأسود
<<توصفين المره انتي والا مدرجات الإتحاد (المهم ) انها هذه هي ظهرت كامله وقامت تمشي بإتجاهي همن ابتسمت وجلست جنبي وهي ترطرط,,وبعد شوي قالت /
اففف على الريحه الخايسه هذا وانتي سابحه امس انتي المفروض تسبحين كل 5 دقايق لكن الشكوى لله كله من خوفي ان القليب يتعكر من كثر ماتغمسين نفسك فيه يالطمله ,,هنا لفـّيت عليها بكل جسمي وانا اقول خلي عنا تنكيتس يالسمكه وخلينا في الجد لاني قررت خلاص,,أروح معتس لدياركم,,لكن مثل ماتفقنا ((الحميرا مايآخذها بن لخيمان)),, وانا ماني برايحه معتس الا لين اشوف بعيني ان الحميرا بخير،،بصراحه انا ماعرفك ولاني بواثقتن فيك,,ردت رمش/ خلاص اتركي موضوع بن لخيمان وبتجي العلوم اللي تسرك,,وهذا انا ماعطيتك الكلمه الا وانا داريه انك بتجين عند وعدك,,وابيك الحين تروحين لبيتكم وتولمين اغراضك للسفره الطويله واول ماتسمعين خبر الحميرا اللي يسر,,تعالي بذيك الليله عند هالقليب زين؟
<<--- زين يارمش الجفون
***********************
الحقوو بن لخيمان شد
وش بك يامقحص؟علامك؟ منهو اللي معه شد؟عسى منت بفاتشن اللي تحت مخدتي ياصبي؟لا يام قسبل هذا بن لخيمان شد من الديره في غير رجعه,,وكتب هالورقه (انا خذت الورقه وقمت انتفض مدري هو الروعه والا الفرحه اننا افتكينا منه) ويوم قريت بها لقيته كاتب متنااازل عن حقي,, لوجه الله,, وذلك لورثة دروازه غفر الله لها,,ومرفق مع الرساله العقد الأصل ومعطينا حرية التصرف به,,<<--ايا الخسيسه يا رمش وش سويتي بالرجال عشان تضيع علومه والله ماهي ببسيطه خلته يكتب لوجه الله وهو ماعمره ركعها منقوع الردى!! الشاهد اني خذت هالورقه ورحت ابشر اهلي اللي تهللو وافرحو ,,وبهاللحظه خليتهم على حالهم ورحت اتذكر الوعد اللي قطعته لرمش,قمت احس بدقة خفوقي تزيد,,وهاجسي يسحبني بعيد,,ابترك اهلي انا؟ وش بيقولون القبايل والعبيد(تبطون على السجع اللي هنا)وقعدت افكر اني لو حتى مارحت لها وتراجعتماهو بضابط الوضع,,لإنها مثل ماودت بن لخيمان تقدر ترده العن من قبل,,ومن بيساعدني غيرها؟ ايــــهـ هـ شكل مابه مفر,,لازم اقابلها الليله عند الصفاة,, خلني احزم قشي واستعد للمسرى يوم يحل الظلام ويسحر عيون الأنام!!
********************
الساعه 1 ونص على شط القليب
ام قسبل تأخرتي عن موعدنا مرررره ,,وش اسوي يارمش قعدت اجمع اغراضي وماهان علي اشد بدون ماأمر على كل شبرن في ديرتي,,وابد سلمت على كل جماعتي وشقلت زنانتي معي وجيت,,طيب نزلي الزنانه مانحتاجها,,,يابنت الحلال خلي قشي معي مابي منة احد,,,ام قسبل نزلي الزنانه لاافقش بها راستس الديره كلها ماء,,وانا اللي احضن الزنانه وابتسيفمان الله يالونيسه ابفقدتس ياوليفة الروح,,يعلم الله انـ...وجرتني رمش بعلباي لين دخلنا الماء,,ويوم استوعبت وقفت وفكيت يدها بسرعه :: لحظه لحظه ابتس انتي بتذبحيني؟ انا ماعرف السبوح ماعرف والله العظيم حدي اغمس عمري واظهر لايشخفني البرد وانتي بكل بساطه بتوديني للغويط لا ومعصي,ماعليكي ياام قسبل امشي معي ماحيسير لك شي يعني وثقتي فيني المره الأولى ويوم جينا للجزء اللي يخصني اخونك؟ يله تشجعي وامشي معي خطوتين قدام,,<<<نأ نأ نأ مابي اخاف يارمش اخااف من الغرق ماعرف اسبح,,شوفي يام قسبل انتي تمسكي بس فيني واتركي الباقي علي يعني ماني بغرقه وتسيد؟ اي ماراح تغرقين,,<تمسكت بذيلها قوووه وشهقت ذيك الشهقه,,اللي من قوتها بغيت اشفط القليب والحوريه مع الهواء,,وتقدمت الحوريه بسرعه لأعمق نقطه والتفتت تعطيني ابتسامه وهنا عطيتها الأوكيوغطست الحوريه بسرعه وانا ماسكه زعانفها بقوه وبكل يديني,,بديت احس بحاجتي للهواء ,,رفعت راسي للسطح,,الا القاااه بعيد وكلما هو يبعد اكثر واكثر,,ابي اتنفسماقدر اكمل خلاص,,كل الهواء اللي بصدري بطلعه,,وراح استسلم للماء يخترق جدران ريتي ويخنقني,,ناظرت الحوريه وحز في خاطري اني راح اخذلها خلاص,,آسفه يارمش ماقدر امسك نفسي ازود من هالوقت ,, وفعلا زفرت كل الهواء واستسلمت للغرق والموت,,

يوم في ديرة الحوريات !!
حسيت براسي ثقيييييل وكأن على عيوني رباط يسكرهم,,ويمنعني افتحهم لذلك
فتحت ببطئ شديد ولمحت خشة(رمش)لكن!! لكن!! كل شي غير!!,,ساعدتني في الجلوس,,
وقالت-ام قسبل !! الحمدلله على السلامهويلكم ان يور كنتري,,مارديت عليها واكتفيت اوزع نظري الفاهي على كل شي يحيط فيني,,ديرتهم غير,,لفت انتباهي اول شي الشاطئ الغريب,,بحرهم احمر,,سماهم خضراء,,رملهم بنفسجي,,وفوق هذا الشعب كله طخوم وبذيل,,وانا الوحيده بينهم اللي شينه ولي رجلين,,كان شكلي ملفت للأنظاروكل من مر قام يطالع رمش بتعجب واستنكار,,اول شعور حسيته هو الرهبه من الموقف,,لإني كنت (شاذه) والعالم كله متلائم ومتجانس,,شبهت نفسي بكرتون التفاح اللي طايح فيه فص ثوم بالغلط,,صدقوني اصعب شي بالحياه انك تعيش غير عن كل من يحيط بك,,انخفضت ثقتي بنفسي كثير,,لكن مدت لي رمش يدها مبتسمه لإنها تقرأ كل افكاري وقالت(لاتفكرين ابد بهالمنطق) وتعالي يله آخذك بجوله في مملكتنا,,مسكت يدي ومشت معي عشان تحث رجولي على المشي,,ويوم رفعت راسي وانا امشي انذهلت من جمال عالمهم,,قصور برونزيه,,وتماثيل ذهبيه,,وقبب ضخمه,,كل شي يفوق الوصف كللل شي!!,,قلت بصوووت عالي وبصراخ يصم الآذان ,,ابتس وشش ذذا الــــديــــــرة الـــزيــــــنـــه ,,وشش ذا المكاان اللي يخـلـــف الــــــراااس (تفشلت رمش وشكلها ندمت انها خلتني ارجع الثقه),,وضحكت ضحكه تسلك للحواري اللي قامو يناظرونا ,,وبخفه ورشاقه شدتني وركضت لين ابعدنا عن الشاطئ وعن التجمعات,,وقالت لي/ام قسبل تكفين لازم تسيطرين على نفسك ترى توك ماشفت شي الله وهذاك فضحتينا؟انتي تدرين ان فيه عقوبه كبيره على تهريبي لك؟؟,,انا سكت شوي هم تسائلت بخجل,,طيب ليش يارمش هالعقوبه الكبيره يعني لهالدرجه انا أخدّر واسبب ادمان ؟صكت رمش جبهتها وقالت (يامن شرى له من حلاله عله)
***********************
صليت الظهر مع العصر(رخصة سفر يالربع) وتغدينا كبسة محار بالكباب,ويوم شبعنا صلحنا شاهي بالمرجان,تقولي رمش انه زين ويهضّم اللي ماينهضم,,وعقب هالغداء الطيب قمنا بنتمشى,,ومر علينا واحد زعانفه تفاحيه وذيله كحلي,,انا شفت وجهه من هنا جمدت من هناكشافني كني شويتين بعد و بآكله بعيوني فابتسم وجاء,,مساء الخير رموشه؟اشوفك طحتي في الممنوعات؟وعطاني نظره<<ناظرته وانا اقول بخاطري(ابكم مااضمه انا بس؟؟),,هو ابتسم ونزل راسه () وردت عليه رمش وهي تقبصني/ارجوك يا لولو ساعدني وراح تعرف بعدين ليش جبتها معي,,تجاوب معها/ماعيك يارمش بساعدك,,لحظه شوي,,راح لولو ورجع ومعه مفتاح كبير وقال خذيها على البيت القديم محد بيتوقع انكم موجودين فيه,,وهو ماشي التفت وقال/
ديري بالك عليها لحد يشوفها انا هنا خذ قلبي وهو ماشي,,خذ عقلي,,خذ كلش
ياشيخ اصير لك صدف تجي لولو في وسطي واصك عليك,,اصير لك مفتاح توزيني عندك,, اصيــ,<رمش تسحبني بإذني وطبعا على وين؟على البيت القدييييييم
*************************
بس يامحمد بس يابعد تسبدي خلاص لاعاد تصلح لي بريدزن رابع احس تسبدي تطفح من الحليب,,لكن عادي لو تصب لي قهوه اذوقها شوي <قغغررقققققغ<<يصب القهوه<عشت يله نكمل,,مشينا انا ورمش مشينا لين تعمقنا زود بهالغابه,,وصرت امشي وانا مغمضه احتياط لاينخس عيني غصن وانا مدري,,ويوم انكشف الغمام وفتحت عيوني بقيتني واقفه قدام اضخم مقر عرفه التاريخ,,وشي قصور الناصريه عنده؟وش انتي يامزرعة الخالديه من مساحته؟ليتك تمسي والله ياولد بن طلال لإننا كلنا مخدوعين معك بمفهوم الثراء الصحيح,,((آآآهـ بس)) قاطعت تفكيري وهي تضحك تدرين انه مهجور والحين هذا القصر صار مقرك انتي يام قسبل,,ماكملت كلامها الا دخت واغمى علي,,بعد مدري كم,,اول ماقمت الاالقصر قدامي,,,قلت هذا بجلس فيه صدق؟ردت,,ايه بنـ,,,وماكملت كلامها الا اغمى علي,,مره ثانيه,,بدت تحوم كبد رمش,,وجت وسطرتني كف ماذقت من صويلح احر منه,,علي الحرام ان كف بزعانف يصلب طولك العن من كف اليد,,وقفت وانا امسح على حرارة الكف بخوف وهي انفجرت بعصبيه/
انتي تحسبيني جايبتك العب معك يالقرويه,تراك دبلتي كبدي الله يقشع وجهك يالمخيسه,وش هالسخافه الله ياخذك؟؟قسم بالله ندمت قد شعر راسي اني فكرت اجيبك همن تفلت في وجهي-الله يعز تفلتها عن طاريكم-تفله قويه وفيها قطعة مرجان من الشاهي اللي شربناه قبل شوي وراحت وجلست على عتبة القصر حزينه وتفكر,,
انا مسحت التفله هم جيت قبالها وقلت/ يا رمش جفون الحواري انا معك بكل اللي اقدر عليه,,وجاهزه اسمع منك كل شي<--ايوه تسذا
***********************
فضينا العفش في هالبيت اللي ملحقه اكبر من خيام بن لخيمان واللي شكله,,وفهمتني رمش كل السالفه اللي خلتها تجيبني من الى,,وقالت لي كيف ان حاكمتهم القديمه لاعنه خيرهم ومحجره لهم بقوانين لاتودي ولاتجيب,,اولها شروط حافز اللي قامت تحوس فيها,,حتى انهم منعوها يوم جت تسجل لإن ابوها معطيها يومها صغيره فسحه؟ليش ماجمعتها؟ماتسمعين بالمثل اللي يقول ريالك الأبيض ليومك الأسود؟,,وبعدها ماتحملو الحواري طغيان هالحااكمه وخلعوها من منصبها واختفت من حياتهم,,لكننهم صفو آلحين بدون حاكمه,,والدوله معرضه للغزو في اي لحظه,,لذلك قالت لي//ارجوك حلّي محلها يام قسبل وامسكي مملكتنا لاتضييع,انا شفتك حريصه على حلالكم وقايمه ببيتكم قلت انتي المناسبه ,,,اوما حاكمه مره وحده يارمش ههههه هقوتي ان حاكمتكم الأولى ارحم من الجفاف العاطفي اللي عندي واللي واضح اني بشبعه عن طريق شروط العن واقسى من حافز لكن ماني برادتك يارمش,,بصراحه كفك للحين يوجعني,,ودامك تبيني اجي حاكمه ابجي حاكمه,,ويله عاد خلينا من الأمور البسيطه هذه,, وجاوبيني؟! عسى فيه قدر جريش في القصر؟؟

************************

حفلة تتويج ام قسبل ملكة حواري البحار السبعه
طعع دوف دوف<<العاب مائيه حقتهموتم الاعلان رسميا وفي جميع الأرجاء خبر التتويج,,وان المبايعه راح تكون في القصر القديم ان شاء الله,,والدعوه عامه,,والحاضر يعلم الغايب,,وبدت الطقطقه,,كنت بذا الوقت جالسه مع رمش اللي تلطمت بسمكة تونه وسبحتني وفركتني لين قالت بس,,هم نشفتني,,هم لبستني فستاانوطيبتني,وكدت شعري بمشطهم العجيب,,هذا المشط تحطه على شعرك وتروح ترقد والا تروح تحرك الجريش هو يكد من عمره,,ياسلااام على الحياه الحلوه اللي بديت احس فيها,,ياسلام على الرفاهيه,,ياشينك ياصويح,,ياشينك يالحميرا يالدلوعه,,ياشينك يابن لخيمان يافرخ القطوه,,والقيت نظري على المرايه الكبيره وقلت بصوت عالي/ويااازينتس يام قسبل زيناه,,الاتنطش المرايه باطتن على حيلها,,وتنحاش قطعها الصغيره وتدخل تحت السرير وتقعد تنتفض,,بهاللحظه دخلت علي رمش وهي مبتسمه قالت لي//سيدتي هل انتي مستعده لحفلة التتويج؟,,سلامات يارمش وش ذا اللكنه؟ ناديني عادي والا بزعل عليتس,,وانا الله الله جاهزه مشينا!!وينهو مقلطكم؟عسى السماط مرتب والبوادي جاهزه؟ ورمش الجفون تسلك لي وتهز راسها بإيه إيه,,
**************************
طلعتني رمش على البلكونه اللي تطل على حديقة القصر,,واعتلت اصوات التصفيق والتأييد والتصفير,,وجتني قشعريره من العدد الهائل من الحواري اللي يأيدوني كل ذا التأييد وهم مابعد عرفوني ,,فكرت في انهم طيبين ومتفائلين فيني؟وجاء في بالي الحاكمه القديمه اللي فرطت بشعب مثل ذا الشعب الطيب!! رفعت يدي ارد لهم التأييد لكن تذكرت اني مانتفت ابطي ونزلت يدي بسرعه ,, الا جت وراي رمش وقالت منتوف الله يفشلتس منتوف ,,ارفعي يدتس بكل ثقه ياسيدتي<<--اماا سيدتي عقب ذا التفشيل يارمش؟رفعت يديني رفعتن اول مره ارفعها في حياتي,,بصراحه حلو هالشعور النظيف,وزاد حماس الناس لي مع رفعة يدي,,وقامو يصفقون ويصرخون لين فجأه اظلم المكان وقمت اسمع صوت رشاشات وناريات وطيارات,,الا مطيرتشي حمام كان فووق السطح<تراهي تقصد بدي قارد<<وقال بصوت عالي,,احمووو الملكه احمووو الملكه انها غاااره عسكريه,,مسكت يدي رمش وركضت بي وانا اقول رمش تكفين فكي يدي؟وش صاير فهميني؟لين طلعنا من الباب الخلفي على الحديقه على الشاطئ اللي جيت منه ويوم التفتت علي رمش الا(يوقف دم عروقي),,ماطلعت رمش طلع لولو اللي ماخذني,,قلت وين رمش وليه جبتني هنا,,قال رمش وصتني اجيبك هنا واقول لك تروحين مثل ماجيتي,,تستهبل رمش وشو اللي اروح مثل ماجيت؟ انا ابي اعيش معكم,,فصخ لولو قبعته وقال/ارجووك افهميني,,الحاكمه الأولى ناويه تغتالك وماقدرنا نتصدى لها هذه المره لإنها متحده مع جيوش المحيط الشمالي,,انا آسف لازم تروحين وترجعين مثل ماكنتي يام قسبل,,لسلامتك لااا يا لولو مابي مابي اصلا انا ماعرف اسبح رمش هي اللي جايبتني هنا,,وبهاللحظه ولّعت الكشافات علينا واعرفو الجنود مكاني واتجهو صوبنا,,جرّني لولو بيدي وركض بي للقارب,,وشالني بسرعه وحطني في وسطه(وه بس تؤبرني القوه ) همن قعد يدفـّه ويـدّفه والجنود لحقونا,,
خلاني امسك المجاديف وقالي يله تكفيين جدفي وروحي تخبي بأي مكان ولاتخافين انا ابلقاك وآخذك بنفسي لديرتك,,ورجع هو لهم ع اساس يشغلهم ,,وانا واقفه ماجدفت ولاشي قاعده اراقبه ويوم شفتهم مسكوه طبحت من القارب ورجعت للشاطئ وهو منقهر من حركتي ذي,,وعاد مسكوني الجنود,,وجلّسوني غصب وحاوطوني,,فصخت الكعب ومحطت به قفا الجندي اللي قدامي وقلت له/لاتلـقّيني قفاك لاالعن والدينك تراك مابعد عرفتني,,والتفت على يساري لقيت فيه جندي معطي ظهره لـ(لولو)بعد,,وانا اللي اديلوه كمان هووااا بالقزمه على أفاه,,تجمعو علي بيجلدوني وقام لولو يشوتهم بذيله لين شدو وثاقنا واسندو ظهري على ظهره وربطونا في بعض قلت في خاطري (منوّل افهمو اني ابيكم تربطونا سوى) حسيت بلولو يضحك ثمن شوي قال لي,,خايفه؟ قلت لا طول ماانا معاك مش هخاف من حاقه
*************************
ضلينا مربوطين ليله كامله وتحت الحراسه لين تطلب الحاكمه انها تشوفنا او تعطي اوامر في قتلنا ويوم سألته عن مكان رمش؟قال انها توفت وقت الإقتحام وان آخر شي قالته اني ارجعك مكان ماجيتي,,ضاق صدري وطلبت من الجنود اشوف الحاكمه القديمه قبل اموت,,بعد ساعه بدت اصوات المزامير والطبول اللي خلتني اتأكد ان هذي الحاكمه على وصول وقفوني ونزلت من السياره ويااااللهول وياآآللطامممه,,الحاكمه هي جدتي دررروووااااازه ؟؟ماصدق عيوني مستحيييل دفـّوني تحت رجلها ورفعت راسي وحيرة الكون كله باللي فيه اعتلت وجهي,,لين قالت/ايااا التسلبه يام قسبل؟تنافسيني في الحكم؟مو كافي انتي وخوانتس دفنتوني حيه بعد بترثين حكمي لهالمملكه يالخاينه؟,,استجمعت قوتي وتذكرت سواياها مع الحواري وقلت/ايه ابحكمها واتوطا في بطنتس بعد,,يعني ماكفاتس عيشتس اللي عشتيه هناك بعد بتآخذين زمانتس وزمان غيرتس انتي ووجهتس العريض؟مايبونتس يالمعرعره ,,افهمي مالين من وجهتس <<--ماتحملت دروازه حتسيي وغمزت للجنود اللي تجمعو علي وشالوني وانا اقاومهم بشده,,لكن خذوني الجحلط في النهايه لين نص البحر همن بدو في عملية تغطيسي,,وقدرت افلت راسي من يدينهم وانتفس مره ثانيه,,لكن ماتحملت جدتي وجت معهم ومسكت شعري وغطططست راسي وهي تهاوش,,هم طلعته همن ضحكت علي وانا اكحكح من الماء الحالي ورفعت ضغطي همن غطستني مره ثانيه لين بدا الماء يدخل جوفي وبديت احس بروحي تنازعني,,ورفعت غصب راسي وشهقت شهقه قويه,,هم حسيت بهدووء غريب,,ويوم فتحت عيوني زينالا هذا ملحقنا,,وهذا المنقد؟ وهذا بريدز الحليب؟ وش السالفه؟آآبو ذا الوجه يابوحميد اجل داف لي حبوب مع ذا الحليب لين صار اللي صار؟!!! لكن اوريك بكره,, مسوي بريئ؟صدز ان ماعاد اهنا وراعين بريئين ,,,,,,,,,

انتهى
************************

بخصوص المايستفاااد::
*تراهي واااجده وكثر قريح هههههه وان شاء الله انها توصلكم بكل وضوح بدون مانروح كلنا مطبق بيض خخخخ,,
*اما هالموضوع فهو تقديرا مني على هالرتبه الفلته اللي هي (مهشتقه زاحفه),,
*وبعد ابي اعودكم على يوزري الجديد ام قسبل,,,
*فالختام اقول// اتحرى النقد البناء من كل قادر على التوجيه ايا كان ,,والله لايهينكم,,

اقتباس: احب اقول لكم ياشلتي ان الورع المقصود في الأبيات سوف يرافقني في زبرقة هالموضوع,,ويساعدني في صب القهوه والحليب وبيهمز رقبتي واصابعي اذا تعبت من الكتابه بس عيبه الله يصلحه انه عجول بالحيل,,اي والله صب لي ياغليم صب خلنا نقصد ونتسلى,,-اقول تراك ذبحتيني يالمفلوقه صب وصب متى بتهزين بيالتس وتقولين بس؟<آبوه ورعن ماتربّى اقول إفلح و صب لي آلحين وابقول لك سالفتن زينه و صدقيه هالمره<<(),,ومير ينبسط وتنحل عقدة حجاجه ويمد لي بيالتن اخرى(يالبيه يالأطفال )خذتها من يده,,وبسرعه خمـّـيت عمري على طول في فروة اخوي وقعدت اتمنقل في رغوة الحليب (متورطه من جد ووتسيد اني ادور لي شي اقوله ) لكن الحمدلله فرجها ربي,,وناظرته بعد جغمتين وقلت له/ خلاص ابسولف بس ابيك تخلي هالسالفه سر بيني وبينك لياك تعلم احد هماه ؟,,الا قام يرومش من الحماس هم قال/والله ماقووول ياام قسبل لحححد والله(يازينهم ياناث )و ترى المعروض طويل لحد يصجني

أصبري الحين خليني أفهم .. الحين تقولين إن فيه ورع يصب لتس القهوة وفيه

بياله وفيه رغوة حليب وفيه هز ورقص وفيه سر وحبل سري وفيه معروض يبي

يقدم للوزير <- تسني زودت بالسالفة

يعني وين العامل المشترك بين كل ذولي .. أنا أتوقع إنك ورطتي بالمقدمه

مماأدي الي أن الكوره تضرب العارض وتطلع رميه الركنيه ..

اقتباس: الجزء الأول

معليش مفلوقه فحمت اليوم أغدين أكمل التعليق علي موضوعك في أخر ان شاء الله ..

اهم شي انهم محترفين انت ووجهك,,بالله وش محترفينه؟ كلها للهنود اللي يشتغلون في مزرعة جدي الله يغفر له لكن عاد مانقول شي انت ابخص بالقهوه وصبتها يالقهوجي

اقتباس: والدكتورة تقول دقوه بإبره في قفاه وانا راكبني جني ومعاند اذا وجهي كنه لوحة منجره ويالله متحملينه أجل وشلون يناظرون بقفاي , موقفي مايبعد عن موقفك وانتي مشخلعه بخياسك قدام الحوريه

ايه هين يقارب لموقفي,,انا حياويه ياحبة عين امك,,لاتقارنـّي فيك,,لإني اشوف الناس تدخل الشله تفصخ نعالها عند الباب همن تدخل ,,اما انت فـ تعلق سروالك على عروة الباب وتدخل,,فـ يعني لاتلعب علينا دور الحياوي الرافض لأبرة الورك,,وانت ماتمشى بيننا الا ومقفاك اشهر من علم هههههههههههه

اقتباس: وبذمتك من المهبول اللي يبي يلمك ؟ ممكن يجي جيب يخمك لطبرجل ويفكنا منك ياوجه الملاريا لكن شريك حياه وفارس أحلام اغسلي ايدك بس العوض بالجنه

ههههههههه اما جيب,,ياخوي هذا افكر بأمه يوم كان صغير اذا تلمه طبيعي والاكيف؟
جد يالحرافيش كيف يضم جيب؟هل يضم بوجهه مثلنا والا بجسمه ,,وانا لو علي احب لقلبي والله اني اضم صدام جيب ابوي ولااضم وجهه ذا اللي كنه شبك غساله

اقتباس: بس تمنيتك قلتي (كنها حلمة عنز دافع) بدال حلمة الحرمه, لأني طرشت على الكيبورد يوم قلتي حلمة حرمة ترضع بس الداشر حب تغيير عاجبه الوضع بالعكس حتى شهيته للأكل انفتحت وقام يسدد ديون البقاله والمغسله

اما طرشت ياوليد توفيق كثـّر لي منها,,ياخوي انا وانا بنت غدت شهيتي مفتوحه عقب هالتشبيه,,فما بالك بجحيش مثلك فاقد حنان ومآياخذ عواطفه الا من مشعاب ابوه كل ظهريه هههههههههههههه اقول بس خلك على السجيه يالسعودي وخلك على حقيقتك الجلفه ولاتعمل لنا منها قرف وماقرف وانت جسر البحرين يشكي من تمتير كفرات هايلكسك يالطعس ههههههههههههههه

اقتباس: خخخخخخخخخخخخخخخخ أروووووووح وطي على هالخيال الخالع بالله من هالجني اللي بايعها بتبن عشان يدخلك صدقيني هالجني بيفكر يدخل افرنجي أو بيتبخررر قبل يشوفك بس مايدخلك ابد, حتى ابليس لاجا يهدد اللي مايسمعون كلامه يقول ترا بوريكم وجه أم قسبل

هههههههههههههههههههههههههههههههههه الله يرجك
بس ان كنت تبي الجد,,الجني مايدخل بجني,,هذولاء اخواني اللزم,,انا بيني وبينهم معرفه متأصله وحوارات جديه على قوانين فرض العقوبات بدال القتل,,يعني خذ مثلا عقوبة الجني اذا خان الدوله نقول اننا بننفيه في جسم الحرافيش ولاجينا بنعتمد هالقانون الوحشي,,تحن قلوبنا ونقول لا والله القتل ارحم من ان الخاين يجي في جسم واحد مابينه وبين جصّة الرمل اي اختلاف,,لذلك البخ ولاتسوي نفسك طالع منها وافضل حال مني ياليّ الشطاف