 |
 |
 |
 |
 |
 |
 |
 |
 |
25-12-2011, 11:33 PM
|
|
||||
|
قلم رياضي
|
(( مانيب فاتح ضلوعي يَ الغلا : ترفيـه ))..!!
..السلام عليكم ورحمة الله وبركاته.. أما بعد ههههههههههههههه الله يرجكم العالم كلهم في تويتر ع م ر ! وهو عمر فيه وانتم باقي على جهلكم هههههههه :| الحقيقة اني خجلان منكم ، فـ الحارة قدمت لي الشيء الكثير وانا لم اقدم ما يستحق الذكر.. مشتاق للجميع وبالأخصّ : شملول، جغفاش، مبلّط البحر، صنهات، المقرشع، قرطوع، المتسرّب، نايف نجد، فولاذ، فارس، شفاط الدعلج & طائر العضو خخخخخ ...الخ – يا جعلكم طيبين جميع! اتمنىِ هذا الموضوع يمحي ولو جزء بسيط من تقصيري : في غيابك يباس وكسر عود وجفاف = وفي حضورك سحابة تروي اليابسة ،في حضورك أمان وفي غيابك أخاف = تارك القلب مُشرع ليييه يا حارسه غيابك ريح وحْضورك ورق = واخاف انك من عيوني تطيح لو انه باقي فْوجهك مرق = تبطّل هالغرام وتستريح ولا منّه حضورك: إحترق = تزوّد باشتعاله منك / ريح ، بفمّك معصرة، والشَعر خممري = وعندك قنبلة، ولسان رقطا صحيح إن الأنوثـة فيك: تغري = وانا إنسان ومعرّض للاخطا؟ ولكنّ البلا ب اللي فصدري = إذا سحرك نوى يغريني؟ أبطى ! ، في عيوني كلام – بوسط قلبي عتب = واللسان التزم بالصمت يا مَ بخله ما تحاقرت فضة؟ إلا لجل الذهب = لا جنيت الذهب، وتبخّرت الاولـه! ويوم مات الحكي شبّ بضلوعي: لهب = والمحاجر من أسباب السكوت: أرملـة ، يا ماكل الجوّ، كل بشويش لا تشرق = لقمتك ما به أحد منّا بيقربها الجوّ: جوّك وعندي شفّتك تفرق = مالوم هالجوّ يوم أمسى يداعبها تغمّس فْكذبتك وبْجوفها إغرق = وآنا أبنقذك منها ، وانته العبها زبرق سوالفك يا مطنووخها، زبرق = أذوووب فالسالفة يومك تشقلبها مدام شمس الضحى، يا دوبها تشرق = "اشبع قبل لا يحوس الصدق أكذبها"! ، ي اللي على شطّ جدّة ناوي إتعيّد..//..الله يرفق على جدّة وقاطنـها على السمك خاطرك تسلى وتتصيّد..//..يَ خوفي الناس لا تصطاد أعينها ترفّق أرجوك، لا تغترّ يا سيّد!..//..أعضاء جسم البنادم، عينه أثمنها كانك بتعذيبها مبسوط، ومؤيّد!..//..لا تحسب حساب عيني يالغضي منها مشاعري يابسة في صدر متحيّد..//..ما تعرف اللين الا عند صاينها وان كنت تقدر على تحريكها؟جيّد..//..الله يوفقك واحلامك تبرهنها أنا على العهد والميثاق متقيّد..//..ونفسن تخون الشرف يارب تلعنها ، استميتي يا قريحة، وغني يا حروف ...//... أقبلت متعطّرة ب الدموع الوافيـة يا هلا بك والمشاعر ترحّـب بالألوف ...//... إقلطي يا ملهمـة، بين جرح وقافية لا تلومين المقادير، بتحـدّى الظروف ...//... طلّتك في كل شهرين..عندي كافية كل شي مكتوب،والغبنة تعدّي وتطوف ...//... وصحـتي "الحمدلله" بخيـر وعافية تكرهين البرد لجلي؟ ترى مامنه خوف ...//... ما حسبت حساب للبرد دامك دافية بسّ خبّي دمعتك، ما أبي جرحي يشوف ...//... قد حسبت لها شهر، عين جرحي غافية ، ،،يا برودك،، يوم كامل، كنت أحسّ بكل شي حولي ، وحولك ما عدى اني ما شعرت بلحظه وحدة في وجودك! يا بروودك!! .. يوم كامل! وانا ضيفك والمضيّف نغمة الجوّال! وانفاسك، وصمتك! والكلام اللي بفمّك ما تعدى عن حدودك.. يا برودك! .. يوم كامل! كم شفاه تكسّرت؟ وعروق يبست من ضماها؟ حتى ريقي شاب من شدّة يباسك وانا عايش في رجا: نهرك فكاسك! لكن انته؟؟ وييينك إنته!! ووين جودك? يا برودك يا بروودك! .. وبعد ما خلّص علينا الويل واهتزت كتوف الليل لجل تفاجئ الشمس الحزينة بموعد الدمعة الدفينة! قمت تتسارع إلين المزهريّة وبابتسامتك الغبية! تب تسكّتني بورودك!! يا برودك يا برودك يا بروودك!! ,, اعذروني القيت الجمل بما حمل ، ما صدّقت أعيش حرّية المنتديات، كنت محبوس بين 140 حرف
على طاري الجمل، الكتابة في تويتر، تسمى تغريدة، طيب الكتابة في المنتديات وش تسمّى؟ هدير خخخخخ!!  أجل اقبلوا هديري ، وبانتقاداتكم نستمرّ. |
||||
|
|
25-12-2011, 11:40 PM
|
|
||||
|
ذوق فني راقي
|
والله والله تستاهل نذبح قعود على هالزيارة يالغالي .. !! أي والله .. منور المساطيل من أقصاها لأدناها ياخرمان، شف بالنسبة للشعر .. والله ماني براعي قصيد .. يمكن أسمع وأستطرب لبعض الأبيات .. وهالشئ صار يوم قريت الكلام الزين اللي فوق .. أنت رسام شعر .. ونحات قصيد ياخرمان .. مايحتاج .. بس والله جيت أرحب بك وبحضورك الفخم يافتى الثقبة ومقطع قلوب عذارى البايونية  لاهنت ولاشنت .. صح لسانك على كل حال 
|
||||
|
|
|
25-12-2011, 11:48 PM
|
|
||||
|
مشرفة خيمة الشعر
|
أجل هذا انت ياخرمان نعناع أسمع بك ولا أشوفك حيّ هالساعة والله أنا اليوم نِلت شرفين : الشرف الأوّل : انّي شفتك على الهواء مباشرهـ ملّيت وانا ماغير أشوف الإعادهـ الشرف الثاني : إنّي نِلت شَرَف تثبيت هالهدير فوووق هام السحب  , يوم كامل! وانا ضيفك والمضيّف نغمة الجوّال! وانفاسك، وصمتك! والكلام اللي بفمّك ما تعدى عن حدودك.. يا برودك! هذا الهطووول يحتاج له زمزميّة نعناع كووود الواحد يمخمخ صححح صح نبضك وعوداً حميداً : )
|
||||
|
|
|
26-12-2011, 08:53 AM
|
|
||||
|
شاعر المساطيل
|
ياعيال من اللي مسح الابريق السحري هههههههه !! انت للحين عايش يابني آدم ؟ .. انا قلت يمكن انقرضت مع الأسماء اللي ذكرتها فوق والظاهر ماعاد بقى منهم الا انا ونايف نجد والمقرشع اللي صار الباشا الحين هههههه وشكلنا بننقرض كلنا قريب يسعد هالصباح اللي نشوفك فيه يابو نعناع حضورك دايم مختلف ، وكريزززما خاصه فيك مايتقنها الا أنت وأما الشعر فهذا موضوعه منتهين منه .. متنوّع ولمستك النعناعيه واضحه في الابيات ! صح لسانك على هالهدير ، وعوداً حميدا يازمبيل الغرام هههههه  |
||||
|
|
|
26-12-2011, 11:18 AM
|
|
|||||||||||||||||||
|
رئيس الأقسام الأدبية
|
خرمان نعناع هذا البيت ينطبق على حضورك اليووم هلا وغلا بالغائب منذو مبطي وع قولولة قرطوع اللي عديتهم شكلهم انقرضوا والله يستر على الباقي حياك الله وبياااك ولا هنت على الشعر العذب غسلت تسبووودن بالدرر الجميله تحيتي واحترامي |
|||||||||||||||||||
|
|
|
26-12-2011, 04:08 PM
|
|
||||
|
مهندس تطوير الشله
|
 يا ماكل الجوّ، كل بشويش لا تشرق لقمتك ما به أحد منّا بيقربها الجوّ: جوّك وعندي شفّتك تفرق مالوم هالجوّ يوم أمسى يداعبها زبرق سوالفك يا مطنووخها، زبرق أذوووب فالسالفة يومك تشقلبها قصيده كاااااايفه ووافيه مثل راعيها , صح لسانك يامكحول الأعياني أي دمعة حزن ؟ |
||||
|
|
|
27-12-2011, 05:51 PM
|
|
||||
|
تغريدها شكشكه
|
ليتك تترك غياب وتخش كثير وخصوصا فالفتره القادمه.. وبصراحه ودي يسوون معك مقابله في اي مكان لو فالقراشيع.. صح لسانك ياخرمان... وفمان الله
آخر تعديل ام قـسـبـل
في 06:02 PM.
|
||||
|
|
|
27-12-2011, 11:41 PM
|
|
||||
|
قلم رياضي
|
اليوم دخلت الموضوع من الايفون ولا طلعت لي القصايد المنسقة فيمكن حتى بعض المتصفحات ما تطلع لهم القصايد ، توبة من التنسيق ما شفنا خير منه من يوم تنسق بدر الخراشي ههههههههه على العموم هي القصايد المنسقة من عائلة فلاتة ، الله يستر لا يحضر كحيلان ف المساطيل يتعاقد معها هههههههههههههههه : في غيابك يباس وكسر عود وجفاف وفي حضورك سحابة تروي اليابسة في حضورك أمان وفي غيابك أخاف تارك القلب مُشرع ليييه يا حارسه ، غيابك ريح وحْضورك ورق واخاف انك من عيوني تطيح لو انه باقي فْوجهك مرق تبطّل هالغرام وتستريح ولا منّه حضورك: إحترق تزوّد باشتعاله منك / ريح ، بفمّك معصرة، والشَعر خممري وعندك قنبلة، ولسان رقطا صحيح إن الأنوثة فيك: تغري وانا إنسان ومعرّض للاخطا؟ ولكنّ البلا ب اللي فصدري إذا سحرك نوى يغريني؟ أبطى ! ، في عيوني كلام – بوسط قلبي عتب واللسان التزم بالصمت يا مَ بخله ما تحاقرت فضة؟ إلا لجل الذهب لا جنيت الذهب، وتبخّرت الاوله! ويوم مات الحكي شبّ بضلوعي: لهب والمحاجر من أسباب السكوت: أرملة ، يا ماكل الجوّ، كل بشويش لا تشرق لقمتك ما به أحد منّا بيقربها الجوّ: جوّك وعندي شفّتك تفرق مالوم هالجوّ يوم أمسى يداعبها تغمّس فْكذبتك وبْجوفها إغرق وآنا أبنقذك منها ، وانته العبها زبرق سوالفك يا مطنووخها، زبرق أذوووب فالسالفة يومك تشقلبها مدام شمس الضحى، يا دوبها تشرق "اشبع قبل لا يحوس الصدق أكذبها"! |
||||
|
|
|
28-12-2011, 12:18 AM
|
|
||||
|
قلم رياضي
|
هلا والله قرطوع ابو حنااااان متدفق ما اقول الا قرضوا خشمك ههههههههه اجلس مكانك بس مشتاقين والله لشوفتكم ، صح قلبك ي بعدهم ومشكور على الطلة - هلا والله بريسنا العذب هاوي ان شاء الله اللي راحوا تتحسن اوضاعهم ويرجعون والباقين يسدون. مشكور على ذوقك ويا عساك بخير انت وتسبدك - هلا حرفوش ههههههه الحقيقة ما عرفتك ي حلو مع ان تسجيلك قديم ! بيني وبينك من اللي ما يحب زحمة اللحم  صح قللبك يابو دمعة  - هلا يا مطاول يعلم الله اني احبك ، ولك معزة خاصة اشكرك يا كبير على تواجدك - المفلوقة ؟ سلامات من فلقها هههههههههه !! الحقيقة ردك يقشعر ، ويحسسني كأن اللي جا : خرمان نعناع ، ماهوب أنا ! هههههه  وما فيه عصر قديم وعصر جديد الكل مكمل لبعضه ، والموجودين فيهم الخير والبركة، وانتي منهم ان شاء الله. ومن ناحية المقابلة ف عندي مقابلة سابقة مشهورة اسسمها تريث هههههههه الله لا يعيدها من مقابلة ، انكب العصير على ثوبي  شاكر لك اطرائك، ويا هلا. " |
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
