 |
 |
 |
 |
 |
 |
 |
 |
 |
02-01-2012, 07:00 PM
|
|
||||
|
عيـّاره
|
مذكرات فتاة سعودية - أىام الحج -
بخيته .. جحشه البيت المدللة نشبت لاهلها بالحج لهذا العام .. وقالت الكلمه التي تحرق القلوب وتصفع النفوس وتجعل امك تلاحقتس بالنعله تقول والله اسمعتس تقولين هالحتسي مره ثانيه ان اخليك تعضين الخد .. والمقوله هي : لو مت وانتم ماحججتوني ولا قضيت فرضي وش بتسوون  وتم تضبيط امور الحج  وكانت الفرحه لاتسعني بتاتا البته .. أبحج ! انا بحج ؟؟ بينادوني حجه بخيتة بحئ وحئيئي بيدلون كل ماشفتهم يقولون جعلتسسس تجيبينه من مكه حاجه  ... واروح اضف لوخياني كاميرات الحج ... طبعا الهدايا الازليه اللي يجيبها الحاج : مسواك وعود لاميمته وكميرات مكه والمدينه للبزران .. شراشف وجله للحريم  يالله وش اسوي بعمري ؟؟؟ في هذه اللحظات قمت افتح شناطي اجمع من فكات الفلوس واروح اراكض لعويس اشتري لي شريريبات وقمصان وغطوتين وفقس وابو فاس وارجع البيت بكل سعاده اول ماحطيت رجلي والا امي ناتفتن عبايتي .. أنا : وين وين يالحبيبه ؟؟ وش دخل عبايتي ابروح مفصخه ؟؟؟؟ مادريت إلا المقص بيدها وتقص العبايه لين ركبي وش ذا يمه .. أمي : عشان ماتطيحين علينا خابرتس هطفا والله ان يتمشع وجهك ولاعاد يعرفون وجهتس من مقفاتس يابنيتي  .. الله يجزاتس في الجنه يمه ناقصين حنا عياره على الركب السود اها لو هزعت وطلعت ركبّي من تحت هالقميص وش بيقولون الناس وش بيقولوووووووون ؟؟ اخاف يتجمعون علي ويقبصون ركبتي يحسبونها اخلاص مطروق وانتي عارررررفة وخابررة ذاك اليوم وش سووا البزران مغير سنين باثاميهم وقشعوا لي ركبتي لين طشمت الدماميييييين وعذر امهاتهم عيالهم مشتهين تمر معبوط ؟؟؟؟؟ تذكريين ؟؟ تذكرييييييين ؟؟؟؟؟؟ امي : هه بس سمعتي وش اقووووول ؟؟؟ يله ارقي السطح ولمي الشناط وخلي عنتس الخرط الفاضي وامشي اسحب رجيلاتي وانا ازوي بقعيوي واتحلطم كنايه عن عدم الرضا - أشرقت شمسن جديدة وحزمنا شنيطاتنا ووكلنا امرنا لله ... ويجي الوالد يمعط اذاني ويقول وش انا اقوووول لتس قبل ماتسوين اي شي وش تسويييين ؟ أنا : قبل ماسوي اي شييي لازم افكر بكل شيييي  الوالد: ايه خلني اشوف غير كذا ابوريتس الشغل  "" الله وكيلكم اهلي متعقدين مني امشي معهم بالخط ولاجا الجد ليني جايبه العيد  "" وذهبنا إلى مكه المكرمه الله يشرفها ونمنا بمنى وقمنا الصبح نبي نروح لعرفه .. "" للأمانه ياجماعه مدري وش رحت له وش نمت فيه مغير قالوا قوموا قمت روحوا رحت .. الله يتوب علينا اول حجه ماتدرين وش السالفه جعل الله يكتب لي ثانيه وثالثه ""الزبده في الطريق للمبيت بمزدلفه ركبنا القطار .. واااااه ماادراكم القطار اللي يبي يموت نفسه خل يجلس على الكرسي وحوله حمله من بعض الفئات المسلمه .. بينتحر انتحار تام .. من حر مااونس لا مشى القطار قمت اغرد هبببببت نفحات انسيه وشدا البلبل الف تحيه .. امي ياعزتي لها نفسها شيييييينه ويدها بخشمها ومنزله راسها وانا اشوفها واضحك واضحك واشفط من هالهوا يوم وصلنا قلت يمممه خلاص بستفرررررررررررغ معد اتحمممل :|:| توني افطن ان صنانهم تشبعت به رئتي ومير تتيسر الامور وننزل ... - أيام مباركات نزلنا وإنا نعرك خشومنا وزدت عليه بنقطه ان ودي اشلع رئتي اخليها تتنفه .. هاذي عقوبه اللي يضحك على اميمته ... ومير يطامنا الله باسمه ونمشي للمبيت بمزدلفه مع حملتنا وهالني مارأيت في الطريق ... ماهذا يااخوتي .. هل انا حاجه ام اتمشى في احدى شوارع تايلند  ... وصاخه مابعدها وصاخه تطق اصبع لمخ بنقلاديشي بالراحه ماذا ارى ؟؟ ارى اشخاصاً يزغلون اكرمكم الله الواحد وهو يمشي نصيحه لا يرتاع ان لقى شايب يتدحوس بمكان ويضع يديه على اماكن مدري وش اقول لكم .. بس لحظتها صدقوني بتلفون وجهكم لفه لين تطق رقبتكم وتجلسون تدعون عليه ذيك الدعاوي وانتي تصبصين عرق لايكون واحدن من اهلتس درى انك شايفتن طريفه ولا تنصدمون من منظر الحاجات وهن متسدحات في الطريق بكل بجاحه .. لا ولافتن عمرها على الشجر وزاويتن مقافها علينا !!!! يختي استححححي تراك حرمه ايا كانت جنسيتك جعلتس الويل وصياح كل ليل طلعت عيون رجالنا  ... وعلى طاريها شطحه جميله تخرج من طفل بريء .. عندنا وحده حامل تسولف لنا تقول ولدي جاني يقول ماما ليه بطنك كبير ؟؟ قلت عشان فيه بيبي يابابا .. المهم وجلس يدندر فوق راسها وحامت تسبدها وكعاده اي ام سعوديه لاماجاز لها الحتسي عطت عيالها المقفى .. ويناظر الولد وبكل براءه يقول ماما حتى مقفاتس فيها بيبي ههههههههههههههههههههههههههههههه يقلع بليس الاحراج اشوا ان رجلها موب فيه ولا كان انا اللي انتحر مب هي ومير ناصل لبقعة الحمله وندخل رواق الحريم ونلقط لنا زاويه ... وهوب النوم سلطااااان .. طبعا وقت النومه مافيه احداث تذكر اللهم اني اصير نص نايمه واللي جمبي يسولفون وادخل بسوالفهم واحلم بها .. مدري شلون ماقد جتكم هالحاله؟؟ يعني زودن على اني قاطه بسوالفهم احلم فيها ليييه لييييه ... اجل احلم اني جوعانه ووحده تعطيني ساندوتش ؟ ولا احلم انهم يوزعون علي ادوات مكياج ؟؟ اشوا انهم ماسولفوا بشي المهم اذن الفجر ورحنا للجمرات نبي نرجم طبعا انا يامحتاسيتكم فيني مشكله .. اذا تحمست الحتسي يطلع مدري شلون قايل .. امشي وابوي قدامي واقول يبه هالحين معي سبع جمرات ارميها بمكان واحد ولا شلون .. والوالد احس وده ينتف شعره لو جمرات ماقعدت بيدس يابنيتي ومير نرمي الجمرات وانا اللي ارميها بأقوى ماعندي يوم خلصت بغيت اركض واقامز واقول لبيك اسلام البطووووووله كلنا نفدي الحما كلنا نفدي الحمااااا لبيييك واجعل من جماجمنا لعزك سلماااا سلمااا سلماااااا ... تهيضت وهو حصيان اجل لو ان معي رشاش وش سويت ربي راحمن اهليومير نرجع لمخيمنا وافك الغطوه والبس النقاب .. ورجل ترجع ورجل تدخل ودي اطلع برا المخيم واشوف الصلعان اتمقل فيهم الله لا يفتناااا  ... مهوب حاصلن كل يوم نشوف لنا صفة صلعان ومير اخزي الشيطان وضميري كل مافكرت بها قام يقول : حج ياحااااج .. حج ياحااااج .. وانفهق بمتساني - ومرت الايام سراعا سراعا - كلها يومين -والله يتوب علينا اخبرها ايام اكل وشرب وذكر لله ... صارت ايام اكل وقرق ... يالله ان تقبلها بس ومير نروح نرمي اخر جمره ونلقى القطار مقفل .. ياناس ؟؟ ياعالم وش مقفل ؟؟ صيانه صيانه ... الله من الخرط يالقطار كل ذا عشان تخففون تفويج الحجاج .. ومير الوالد والوالده تمسك معهم نروح رجلياً نرمي .. اتقوا الله وش نرمي برجلونا .. امشوا ماضرنا منول ومير نمشي ونمشي ونمشي لين وصلنا ورمينا الجمرات ويوم رمينا ويشطح لنا الوالد .. يله لمكه .... معليش ؟؟؟؟؟؟؟؟؟؟ تونا ماشين انهرت رجولنا تووكم شباب يله امشوا ونبتل نمشي ونمشي .. وصرنا نمشي بنفق المشاه قبل الحرم وحنا نمشي القى جزم طايحه .. وناس تشيل ناس وفجأه يلتفتون عليكم ناس يقوولون هييي هييي ورافعين يدينهم ونلتفت حنا للي ورانا ونقول هييي هيييي ونرفع يدينا .. طبعاً بما اني اطق اصبع في الطول للسنافر اقامز وانا اسويها  ونوقف لنا دقيقه .. همن نكمل ... والله النفق اطلق شي  - الأكشن !! ونشووووووف الحرم وحمام الحرم ويالبى الحرم اللي رحت له ولا شفت الكعبه !!طبعاً عشان بس اسرد لكم الحاله وقتها ... من 11 الصبح ماطب ثمنا شي ومن 11 الصبح وحنا نمشي ووصلنا للحرم الساعه اربع ... ونبي نرقا للسطح نطوف والعاده ياخذ الشوط بالسطح 20 دقيقه .. مشينا ومشينا ونناظر الباب وعيوننا تسذا  .. وش هالزحمه !!! وش ذااااا الزحممممه !!! ومير امي تقول دامنا وصلنا خل نطوف .. يمه يرحم امتس انتي وابوي وش قو القلب اللي فيكم زحممممه مايمدي ! هم : لا ابد بيسرها ربي امشي بس شوفي شوفي الزحمه تمشي .. ووووين تمشي !! ونرقى فوق للسطح ونلقى لنا 3 اشخاص نعرفهم واقفين لا يقدرون يطلعون ولا يبون يدخلون ويقولون لابوي ابو فلان ارررررجع وواحد منهم طاف خمس اشواط ورجع من الزحمه معد قدر يكمل .... وتحسبون اهلي اقتنعوا ؟؟؟؟ مير ذيك الحزه مدري وش جايهم الله لا يسلطنا انا والله يوم شفت الزحمه جتني التكه .. وش بيدخلني بين هالرجال ؟؟ وانا خابرتن هاللي عندي سمح الله يجزاه خير مهب مهاوش احد ولاهوب ناتف احد بما اني لازلت قعنبه عنده !!! --- السبب هو ان محدن بيتجرأ يقرب بس مشوها نبي نحسس اننا مهمين .. وونرقى للسطح ووصلناه بشق الانفس - كيف شق الانفس ضابطه ؟ - ولا هي في الحقيقه تشعبطت بالوالد كل مامشى قلت والله ماتخليني ...يقلع ام النشبه بس وش اسوي هم السبب .. المهم وحنا بندخل القى عجوز بالعربيه ولدها يصرخ طريق طريق وانا اللي اشوف وجهها واصييح ..يالله الشكوى لك ماعلى الخلق شكوى لين هالحين وقليبي معها قسم بالله .. وندخل وامي تعطيني محاضره احمدي ربتس على العافيه وانا اصايح ومير نمسك خط الطواف وفقيت خشتي .. وش ذااااااااااااااااا والله فعلا الواحد يذكر يوم الحشر بالحج .. خصوصا بالطواف يعني فعلا مواقف الطواف مواقف مضحكه مبكيه من المواقف المضحكه وإنا نمشي طبعا من كثر ماحنا لازقين ببعض نسمع سوالف العالم كلها .. مصري يقول لخويه ياراجل ماتمشي انت تلاته ونص وانا تلاته ونص ويبأ خلصنا كده .. والموقف الثاني واحد سعودي وش حليله ذابن اذنه مع مصري يكلم - طبعا اكيد انا ذابه اذني شي مفروغ منه - يقول هالمصري / ماتييييجي للسططططح تعال للسطح اهوه مافيش زحمه خااااالص خااالص  ... ويقول له السعودي الضعيف يررررحم والديك تحت احسن .. حلفت عليك تحت احسن وش تجيبه عندنا قل له يهون .. وضحك الجميع ههه هههه هه ومن المواقف المبكيه المبكيه جدا .. طفلة ام سنتين تصيح صياااح يقطع القلب .. مدري جوعانه او فيه شي يعورها .. ويرفعها ابوها ويقول يااارب يااااااااارب اررررحمنا يارب .. وقتها .. زهقانين متضايقين واشهق ذاك الشهاق ويلتفت ابوي ووقتها زهقان وطفشان يده انخرعت من كثير ما تشعبطت فيها ويقول سكتوا هالبنت وامي تقول اسكتي ميخااالف وانا اقول شفتيها شلون سكتت ؟؟؟ :| -- البنت فجأة سكتت من الصياح انا ارتعت -- تقول امي جالسه تضحك يوم رفعها وانا اقول وش تضحك اكيد نزل عليها ربي السكينه .." ياحبني للاكشن ياناس خخخخخخخخخخ "ومير اكل تراب ونمشي طبعا الوالد يمشي حول الباكستينه .. اقول يبه ارحمنا منهم ارحمنننننايقول ميخالف تحملي هم الوحيدين اللي يسلكون الطريق .. وفي ذي انا اشهد يسلكون الطريق ويهدون الحيل وفي لحظه ما .. قلت لبوي يبه من متى مااكلنا ؟؟؟؟ قال ليه تونسين شي ؟؟ قلت لا بس اسأل .. توقعته شي طبيعي اني احس بعظامتي هامله .. ونمشي طبعا كل شوط ياخذ مننا ساعه يوم جا اخر شوط الظاهر طقت طبولي واجلس في نص الزحمممممه .. يقول ابوي قومي وش فيك  .. وانا اقول ها مدري امي اوجست خيفه وجت جمبي واناظر ابوي واتمايل  .. قسم بالله لحظتها مدري ويني فيه ..عاد اسرد لكم على لسان البطل القومي اخوي اللي جعله مايصير بطل مره ثانيه ذل ام ام امي :وتطيحين علينا يابخيته .. وامي اللي تقول وش فيك أمممي وش فيييك ياامي بخيته تسمعين .. وابوي يناظر مرتاع """" انا في نفسي اقول شكله يسترجع قبل ماندخل وانا اقول ترا انا مااتحمل """ ومايدري وش السواه وفيييي نص الزحمه لانقدر نروح يمين ولا يسار واشقلتس واصرخ على العالم تعبانه طرييق طريق ويوديني عند المدخل ..طبعا المدخل شي لايحتمل ناس طالعه وناس داخله وسدحوني وجت يابخيته دكتوره مصريه كنها طايحه علينا من السما وتسوي لك اسعافات مدري وش هي .. طوط طوط هنا انا افقت .. بس افقت على وشو ؟؟؟؟؟؟؟؟ على عسكري يهف وجهي ببسطه !!! قسم بالله يهف وجهي ببساط خوص انا قمت اتلفت ماحس برجولي ولا يديني ورااسي يدور والرجال ملتفين حولي يناظرون وانا اللي اصرخ: غطووووووووووني ..ماتخيلت إلا شوشتي يوم اتروش واتلفع بالطرحه وتجي امي تفتش .. ياعميري ياميمتي تقول هاااه شوفي هذاني فاتشه ورجليني رافعينها الله يستر علينا دنيا واخرررررره .. اشوا اني لابستن تايت وفوقه شراب مافيه امل يطلع شي الحمدلله ويحركون حواجبي لحظتها والله ماذكر تفاصيل كثيره بس اذكر يوم حطوني على الكرسي وتجي عندي حرمه عجوز جمبي تقرى علي وتقول .. اتوقع انها تنصب بس تبيني اتحسن مدري والله وش سالفتها بس فاهمه التحسن غلط .. تقول انا فقيره وبناتي يبون يحجون ولا قدرت احججهم قولي الحمدلله .. وانا اللي اصيح واقول الحمدلله الحمدلله وامي تقول خلاص هدي لاتصيحين يديني مقدر احركها شي يالله لك الحمد على العافيه ..ويبون ينزلوني وانا اقول لااا خلونا نكمل تخيلوا مابقى إلا شوط ؟؟ ومير يلقطوني بالكرسي ويشربوني عصير وهالعجوز اللي يزدي لها ويفرج لها هي والمصريه عطت امي مره قالت خليها تشمها .. وشوي امي تدخل المره في مخي .. قسم بالله شميت يمه خلاص شميت .. ونطوف وانا بالعربيه وياضيقه الصدر استغفر الله .. وسعينا بالعربيه وطلعنا من الحرم وانا بالعربيه ومشينا بالشارع وانا بالعربيه واخوي يدف ويصرخ طريق ياحجي طريق ياحجي طريق ياحجي .. واذا حنش احد قال حج ياحاج حج ياحاج .. والظاهر جته فتره يهوجس وعاده اكثر من مره ويلتفت عليه واحد ويقول له معليش علق الشريط هههههههههههههههههههههههه ويمسكني ابوي - دوريه هالعربيه هههههه - ونمشي بالشارع وندعس على رجل سوداني ويقول آآآآآآي قاصييييدها .. يقول ابوي والله ماقصدتها انا اسسف .. يقول آآآآآآى واللهي قاصيدها ويسفهه ابوي ويمشي والا هالسوداني يدعي دعاوي .. يوم مر من عنده اخوي ويزقطه يقول وش تقول  ... ارتاع السوداني وقال داير صدمني الله يسامحو  هههههههههههههههههههههههههونركب السياره مع واحدن .. شكله ماخذ سياره عمه ويكد عليها ... ابوي من شاف وجهه قال مارتحت مع ابو مناظر ذا  ونركب ونروح للطايف ... طبعا السر الاساسي في حماس اهلي للاستعجال حجزنا كان 11 .. وطلعنا من الحرم 12 .. من اربع إلى 11 طواف والسعي وربي ماخذ نص ساعه بالسطح وصدقت مقولة ابوي مع ابو مناظر اللي عزر به تعزير يقول له ابوي ورا ماقلت لي انك ماتعرف شي ؟ ويقول انا اعرف المدينه ... طيب ورا يوم اقول لك الطايف تقول يله ..ويعطيه ابوي خمسميه ريال وفرح بهال هالضعيف ولا درى ان 300 بتروح عليه من ساهر لعمه  ..وسكنا بالفندق ونمنا نووومه يالله لك الحمد توقعت ابقوم وانا اون بس الحمدلله قمنا نشيطيين ونزلنا افطرنا وعينا من الله خير ودقينا على هانكو وجابوا لنا باكستاني يودينا للرياض بألف وخمسميه وذهبنا إلى الرياض ونحن سعيدين وتفرجنا على المناظر الجميله لبلادنا العزيزه ! وشفنا المحطات النظيفه .. !! وشفنا سيارات العسكريم الفاخره .. وشفنا الشوارع الممهده اللي لو تحط راسك نمت وانت ماتحس تحسب انك بالسرير ... - اي هين - طبعاً الطريق من الطايف إلى الرياض كعاده اي عائله سعوديه مابين البلع والهواش .. ونفسيه اخوك كل دقيقه ناطحن لنا اغنيه ولا شعر يغرد بها ارحمونا ياظلال مساري ما يستفاد : 1/ بخيته تتحدى الصعاب 2 / بخيته صارت حجة بحئ وحئيئي. 3/ بخيته دعت لكم 4/ بخيته تروشت 3 أيام بليالها 5/ حجوا قبل ماتموتون يعني من الاخر لحد يقول ياام ريحه راحت ايامها يالوصخين !! والحمدلله الذي تتم بنعمه الصالحات بخيته عصمان - أم درمان  " عاد استروا ماواجهتوا وراعوا شيلتي وديرمتي جعلكم وجعللللكم &٪^&$^$^$٪^ "
آخر تعديل بخيته
في 08:04 PM.
|
||||
|
|
02-01-2012, 09:46 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
يغرد تنسيم وعياره
|
ذكرتيني يوم امي وخالي وشله من ربعنا حجو كل شوي وهم دابغين واحد واخرتها السوري سواق الباص الا يبي يوقف عند تيماء ينتظر خويه بباص ثاني عاد الناس قافله معاهم وتعبانين واللي يناشق ومزكم ,, قام زوج خالتي وقال لا توقف الا السوري قال بدي اوقف بدا زوج خالتي يمسك لحيت السوري ويخرط منها الا كبر راسه وزاد عناده لما شاف ان ما منه فايده ويصقعه كف وقال والله لو توقف لانرميك وحنا نسوق الباص لبد السواق لين وصلوا تبوك وجاء زوج خالتي يبي يعتذر للسواق قال خالي تراك ما اخطيت عليه ليه تعتذر سبحان الله النفسيات تصير تحت الصفر من الضغط والزحمه والواحد ما يقدر يمسك نفسه ندحدر لموضوعك يا حجه بخيته
يا عساه حج مبرور وذنب مغفور
نسيتي السجاداتام بوصله والمسابح وتطورا صاروا يبيعون شباصات وخواتم حديد وتعليقات
هههههههههههههههههههههههههههههههههههههههههههههههههه هه اه يا ضلوعي شكلك عندك قدره على الادهاش ههههههههههههههههه من النوع اللي غير تخليه جالس قدام عشان ما يخنبق ههههههههههههه
هذا اللي لاحظته لما اخذ العمره كانك حاط خشمك بكيس زباله الله يكرمنا المفروض يبخونهم بمبيد قبل يدخلون مكه وبعد فيهم عاده يدهسونك ولا كنهم شايفينك يعني لو معاك ضعوف راحوا بالرجلين
نفسي اعرف القطار كيف عساه تمام انسي الروائح وعطينا نظام الناس وخفف الزحمه والا لا ,,
كذا شيباني لاصارت النفسيات مرتفعه توصل فيه يشيلك ويمشي فيك,,, عاد اذا جاء طاري المشى صفط على جنب, لو فيه عداد بجنبه تلقاه لاف مرتين من كثر ما مشوا الله لا يظرهم ويحفظهم ,,
ههههههههههههههههههههههههههههههههههههههه كاني اشوفك وانت تقولين معليش ههههههههههههههههههههههههههههههههههه مالكي الا تصفرين الطبلون ههههههههههههههههههههه وتحاولين انك تتماسكين لان اصعب شي لما تمشين وما تدرين كم باقي عشان توصلين 
الله يتقبل حجكم جهاد
يبطي وهو يسولف فيها ههههههههههههههه وخاصه اذا كان رايق ويبي يطقطق هههههههههه
الف لا باس عليك واجر وعافيه كنتي تمام ههههههههههههههه وش جاك ههههههههههههههه حوبه الحجاج اللي خذيتيهم بطريقك بالذب هههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههه هههههههههههههههههههههههههههههههههههههههههههههههههه ههههههههههههههههههههه هههههههههههههههههههههههههههههههههههههههههههههههههه ههههههههههههههههههههه اه يا كلاي غير رافع صوت التلفزيون وانا اضحك ,, بس يقولون الجيران بيت سكارى اما السوداني عن كل اللي قبل الله يوسع صدرك على هالجزء اليم للنخاع . مبروووووووووك يا حجه وكل عام وانت بخير وموضوع ينحفظ على سطح المكتب ونتعلم منه ومنك العياره 
آخر تعديل حب تغيير
في 10:13 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
02-01-2012, 10:08 PM
|
|
||||||||||||||||||||||||||||||||||||||||||||||||||||||||||||||||||||||||||||
|
تغريدها شكشكه
|
هههههههههههههههههههههههههههههههههههههههههههههه يااااوك يالموضوع مزينه..بجد منتي بصايحه ياوجه مرق المصران..يحرم لي اصابعك عن النار 
هههههههههههههههههههههههههههههههههههههههههههههههههه هههه زين علمتينا عن هالموقف..عشان لاحجيت طال عمرتس آخذ معي (سكين)و(دسوس) ولامني شفت شايب مشنتره وقاعد يلمّس جزيته وحطيته الله يكرمتس في كيس ووديته للجنادريه اعرضه على العجز عشان تقر عينها قبل تموت..قال يلمس ويدوحس قال والله لانتقه نتق ملعون الوالدين عشان يعرف وشلون يطلعه عند العالم والناس..
ايه لاتقلبين المواجع.. ذولاء لو فرمضان يسوونها وخصوصا عقب التراويح تبث عمرها على الفرشه وتركز قفاها هاللي كنه قفا مفطح وهاتك يااحجام والوان,,انا لاشفت هالمنبطحات اسوي نفسي اطمرها همن اشوتها واقول اوه آسفين ماعليش,,وعلى طاري مقفى المصريه هالمطب الصناعي ياانه كبيييير و مفلطح بشكل عجيب,,قسمب بالله على مقفاها تحسين امها متوحمه على حوض ونيت مهوب مقفى,,يلعن بليسها لاجلست تآخذ ثلاث زوالي بالعرض,,ماعاد تلقين مكان تحشرين نفسك فيه,,يبي لها محش اقص منه وأنده لبنات عمي الصق بخلفيتهم واتصدق عليهن فشلونا بمقفاهم المنمسح فالعروس هههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
على ثلاث تيام بلياليها حسستيني انك شرّابات مسافر مهب بخيته...مير ماشاء الله حجّه مقبوله يام الخياس .. يختي لو دارين انك منتي بسابحه الا لين تحجين كان حججناك من زمان مع جاليات الحبشه ههههههههههه..عاد السؤال هنا يقول وشلون سبحتي؟ هل هو بلحالك والا معك مطافي؟ لإن ماشاء الله على جرمك يابخيته هاللي كنه جرم بعير يبي لك (ليّ) يضخ الماء من سبعين واحه ههههههه..بصراحه احس ان الجيران كلهم فازعين مع اهلك في تسبيحك في حوش بيتكم..اللي ماسك ليفه..واللي يرشك بالماء..واللي متلطم ويدعك لك اباطك..عشان كذا ماراح ابارك لك بالحجه بس الا ببارك بالسبوح بعد..لإن انتي غير الناس..كلنا اركاننا خمسه وانتي سته وهي الترويش.. // ماشاء الله هاليومين اشوف نشاط طيب من البنات..بس ماقوول الا الله يعينك لإن عقب العشره وهالموضوع بيجونك يقولون ترى بخيته رجال..عاد طال عمرك مالك الا تدقين لي على بيجري وهو الرقم الموجود في التقييم..وراح اجيك فازعه واكتب جواب هالسؤال مهب بأصابع يديني الا بأصابع رجليني..وان ماوصله الجواب رصيت عمري لعيونك..في رساله خاصه وارسلتني ليوزره واول مايفتح الرساله بظهر عليه هم واعلمه الجواب بطريقتي...ومن الآخر :::: وسعتي صدري بهالموضوع والله لايهينك ويجعل النظافه رفيقتك..ولاتقاطعين هماه؟ فمان الله ,,,,
آخر تعديل ام قـسـبـل
في 10:12 PM.
|
||||||||||||||||||||||||||||||||||||||||||||||||||||||||||||||||||||||||||||
|
|
|
03-01-2012, 12:52 AM
|
|
||||
|
تغريده ينكب الحاره
|
عاد انا مثلك حجيت هذه السنه وكانت أول مره اعتبرها أفضل سفره في حياتي كلها من جد روحانيه واجواء حلوه الله يكتب لنا اجرها يارب ويقبلها منا ومن الجميع انا الحمد لله قلت لأمي بنحج قالت خلاص تم وحجينا انا وامي وابوي واختي الحمله اللي اتحقنا فيها نصها اندونسيات حتى اللي في القطار استغربوا يقول انا اول مره اشوف سعودين مع باكستان قلته اسأل الحمله عاد القطار شي روعه من جد لكن زحمه كثير حنا تحركاتنا كلها كانت بالقطار طبعا كل المرات واقفين لان الاندنوسيات كانو يستحلو على الكراسي اكثر شي تعقدنا فيها هي حمامات مزدلفه الله يكرمكم حوسه وبعيده وكلها شبك جلسنا 3 ساعات تقريبا عشان نوصل كل الامور كانت سهالات اما المخيم فكان اغلبه بسطه وهرجه وقهوه وتمر لكن المهمه الاصعب كانت طواف الوداع زحمه بشكل غريب من جد كأنه الحشر طفنا من الدور الثاني وخلصنا في 6 ساعات تقريبا من الزحمه لكن الحمد لله مر على خير ولله الحمد والمنه اسأل الله ان يقبله من الجميع مشكوره بخيته |
||||
|
|
|
03-01-2012, 01:04 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
يغرد على أوتار العياره
|
ارحبي ياحجة الحاجة وهذا فال خير الحجة هذي طبعا بعد ماحجيتي نزل حافز لنص اللي مقدمين عليه وهذا يعني انتس البقرة اللي ننتظرها تحج من سنين ولك مني مصاريف حجة ثانيه نبي نفلها ونستانس بس هالمره ابيك تحجي على راسك عشان تحقق كل اماني الشعب السعودي
ايه تذكرت لي مشهد مره وانا معتمر الا قدامي ثنتين ورابطات العبايات في بعض وانا ادز وراهم مسوي ابو الفزعه وسط الزحمة واقعد اجر اللي على اليمين واللي على اليسار تجرها وهاتك قوة جر على بالي انهم متشابكات وبلشو في بعض لين طرحتهم وطحت فوقهم ثم مادريت الا الشعب فوق راسي وهاتك قوة سب وسخط فيني لدرجة انهم كانو ناوين يودوني الجمرات واصير رقم ثمانيه ويفقعون وجهي لكن الله ستر بعدين ياحجة ترا امتس تسذبت عليك يوم قصت عباتك وقالت عشان ماتطيحي لاابد مهوب هذا العلم العلم ان سقانك كنها جنزير مدرعة من كثر الشعر اللي عليها ويوم سمعو ان فيه مظاهرات بتجي من الشيعه قالو مالنا الا بخيته مهججه عيال الجن مهيب مزريه في الروافض لله درك ايتها الانثى المجنزره
شناط في السطح اي تو دريت سر هالدداسن اللي محملة جلود القعدان والطليان والمعزا كل ظهريه وماسكة الدايري وين رايحة رايحة لبيتك يقلون ان بخيتة يوم جاها حب شباب جاها بطريقه غير طلع في جنوبها وظهرها كنه فقع ومانفع معها لامرهم ولا شئ كل يوم يحمون القار حق السطوح ويصبونه على ظهرها لين خفت حب الشباب وصار جلدها كنه خبز جمري وعشان كذا ماتلبس الا جلوود واتسبديه ريحتها كلها دباغ لكن يالله مالك الا اجر
علينا يابخيتة تبي تقنعيني انتس مع الناس في الحملة ابدن هذا تسذب العلم الوكاد انها اول ماطبت مكان الحملات كل حرمة رفعة عن ثوبها وضربت لها جادة من هول المنظر لما شافوك قالو وش هالفيل اكيد ان ابرهه الحبشي جانا راجع ومقيل تحت كبري وزبن الفيل حقه ثم القطوتس وسوو عليك حجر بعد ماتأكدو انتس ادميه ووقت الطواف يقلون ان ابوك جلس يتراجهم خلوها تطوف بنيتي مالي غيرها ابك خلوها تحج قالو شوف ياعمي بنتك ذي والله الماموث تطق له اصبع ولو نفكها وسط الحرم اعدمت ابو الحجاج قسم يصير شكلهم كنه ذر مرشوش عليه ديزل .. لكن مابه الا هالحل انا نحط بخيتة في ظهر لوري ونفر بها الدايري حق مكه سبع مرات ومافيه حل غير هذا ههههههههههه اهيب ياكبر متونك يحلفون انهم جايبين حقين انتر ناشونال اللي يحملون البيوت على عربات لين شقلوها وحطوها في ظهر اللوري
الله يقلع اللي ماعنده اي خلفية عن الحج تحسون ان بخيتة من عهد الجاهلية وكانت مصففة شعر لبو لهب اجل عمركم شفتو حرمة تدخل الجمرات وتطمر بوسطها وتقول بحط الحصى فوق الجمره عشان يطلع بخور هذا كله بفضل ابو لهب اللي علمك هالحركات لدرجة ان الجمرات اختفت وجابو اطلق مشايخ السعوديه يترجون الجمرات تطلع قال بليس اسمحو لي وضعي ظهور دون اتصال مدام هذي حاجة معكم ههههههه اجل بخور الله يقلع صالات اللافراح اللي كل يوم تراكضي فيها وتبخري الضيوف يالقهوجيه هههههههه لكن بعد هالحركه مسكوها وودها عند الجاليه الفلبينية بخصوص انهم صغار ولايقدرون يحذفون الجمرات قالو هذه مرجامه استخدمو اذانيها بحذف الجمرات والحمدالله تم الرجم من قبل الجاليه الفلبينية وهذا كله بفضل التميس اللي تزرط فيه كل مغرب الحجة بخيته لين صارت اذانيها كنها صفاق عجوز طولها متر ونص
طبيعي ياحجة ماتشوفي الكعبه لان خشمك سلمك الله تقول عيار رمي حق دبابه ومن كبر خشمك اذا صار فيك زكمة اهلك مايجيبو لك مناديل ولا مضاد حيوي لاابدن ياخذونك على اقرب مغسلة افارقه ويرفعون خشمك بالبستم ثم يشوفون شغلهم وينظفون لدرجة انه يوم من الايام وخشمها مرفوع بالبستم انهبل الافريقي وترك المغسلة وضرب الشارع ويوم اسألوه بعد بحث دام شهر قال انا اول مره اشوف خشم يطلع منه قفص صدري حق دجاجه وخيووط صوف لعبنوو هالخشم صار كيس مكنسة كهربائيه ههههه وفي رواية اخرى اخوها طلب منه الاستاذ يرسم قبة المسجد الاقصى اخذ بخيته ووداها لحقين الدلال الصلب وصبغو خشمها اصفر وصوره واخذ الاول على الفصل لله درك ايتها الانثى الخشم موضوع كله زحف ووناسه لدرجة اني طقيت لطمة وطلعت في زاوية الحاره وجلست اروج موضوعك على السرابيت كل واحد يدفع 200 ريال ويقرا له كم مقطع ثم يجلس يضحك ويقبع زقارته ويروح كنه مستلج وافيه ياحجة وودي اقبتس كل سطر من الزحف اللي فيه لكن بنخلي فرصة للي بعدنا ينتفك قصدي يعطيك حقكك بالردود لاهنتي شوفو (جرتي) من هنا
آخر تعديل فيوز مقصوص
في 01:12 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
03-01-2012, 01:13 AM
|
|
||||
|
عيـّاره
|
^ اما مهجهجه عيال الجن هههههههههههههههههههههههه هذا والموضوع كله عن الحج اجل لو اكتب محافل العروس وش بصير ؟؟ مهجهجه بليس الرجيم مفلوقه يقطع بليسك يا شيخه مالقيني الا الخياس تقتبسينه هذا وانا خاشته بين السطور لا يفطنون له هههههههههههههه الله يجزى خير كل من رد وقيم راجعين بالفصفصه مثل ماعهدنا ردود الشله انصح اللي يدخلون يقرون كل الردود قبل موضوعي باستثناء رد مفلوقه بما ان اقتباساتها غير متواجده بالنص بتاتا ولم تحصللل وبرفع عليها قضيه خخخخخخخخخ ------ عبده خال متلطم  
آخر تعديل بخيته
في 02:19 AM.
|
||||
|
|
|
03-01-2012, 09:43 AM
|
|
|||||||||||||||||||
|
تغرد عن ألف بألحان الزحف
|
مع اني ماعمري حجيت الا بأخذ احتياطي من بعض المواقف خاصه المتسدحــات بالطريق جاني احساس انهن من طقه ابو تكرن - تسنهن وهن منضجعات علئ قارعه الطريق بـ منتخب نيجيريا ماخذين بريك بين الشوطين هههههههه يامال العافيه وبعضهن يدورن. الزبنه بعد موسم الحج وتلقينهم يبيعون طراطيع علئ شواطي جده ..ههههههه
ههههههههههههههههههه دايم تجينا هالحالـه مير نجيب فصفص ونحلم ونقط معهم ونقاطعهم ونبدي رأي معاكس وفجأه تقومين من النوم مير محد حولك وكلهم راحو لااشغالهم قبل ساعتين من وقت الاستيقاظ وانتي فاله اومها معهم وتقولين لهم : كفـك < تحطيم حتى بالنومه هههههههه عاد يوم رجعتي ما صرتي مطوعه ؟؟ .. اخبر صديقاتي اللي حجو قلب حتسيهم نصح وارشاد حتئ يوم تخرجو حطو اختيارهم العمل مع رجال الحسبه ... وهن اللي يلبسن قفازات وينقلبن ( راهبات ) الحين مانناديهم الا القسيسه : موضي والقسيسه: صبحا ههههههههههه هموضوعك بطل واعجبني كثيرررر .. يارب ارزقنا حجه ميسره  <<<< ازعجتكم ( اختصار وجه هندي يكاسرونه بالسعر وهو مبتسم )
آخر تعديل متكيـة ب الدتسه
في 10:28 AM.
|
|||||||||||||||||||
|
|
|
03-01-2012, 08:26 PM
|
|
||||||||||||||||||||||||||||||||||||||||||||||||||||||||||||||||||||||||||||
|
مهندس تطوير الشله
|
بخيته اللي أمس أهلها مودينها الملاهي راحت تشبك ريموت البلايستيشن في سيارات التصادم تحسبها لعبة قراند , بخيته حدبة الناقه اللي لو تسألها عن مكه وينها أشرت وهي مغمضه على السودان...وتبدأ مع الطرف الآخر في رحلة فلسفة الإقناع إن السودان بحد زاتها رديف مكه وتختلف عنها انها واحده من احدى الدول المتغدمه ..ثم تبدأ تراااووغ بدهاء السودانيين وتحط الطرف الآخر على بلاطه (( شوف هي مكه مش في السعودية ولا في السودان هي في النص بينهم )) ههههههههههههأنتي ياام ديرمه اللي كان أقصى طموحاتك كيف تعرمشين الدجاجه , صار طموحك منافسة فطاحلة الحج واقتحام صفوفهم بلاهواده...يمين بالله مايمدينا على رحلة الكفاح هذي يبيلنا قارورتين شيفاز عشان نستوعبها خخخخخ
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه إلى تشيكوسلوفاكيا الغربية , المصاريه لاسوو فيها فزعه إبعد عنهم أجل يعزم اخوياه بالسطح على أساس ان فوق مافيه الا عايلتين متشطره واثنين منبطحين يقرون قرآن مايدري إن العالم من كثرهم شوي وينزلون من هيلكوبترات ...ولا الذهين الثاني أبو خطوه ونص ههههههههههههههههههههه تحسون انه يعطيه دروس بالرقص الشرقي سامعها من امه مابقى إلا يقول وإعمل كدا هوه وهززز الوسسسط
لاتلعبين علينا وتسوين لنا فيها أنثى رقيقه أول مره تشوف زحمه وناس وعين ههههههههههه حركاتكم يالبنات في الزواجات..تعرفون متى توقتون الإغماءه ...لا أقبل المعرس طاحت في نص المسار وبيدها مدخنه ونلاحظ وهي طايحه مغمى عليها المدخنه ماسكتها بقوه وراكزتها صح لاتنقلب , أبوووك يالتمثيل والنصب ههههههههههههههههههثم وشهوله الهيلاهوب ياام عصمان متصيغرتن جسمك يوم تتحقطين بالهيلاهوب وانتي بكبرك صايره حمام مسرول من كثر الشعر اللي بسيقانك معاد ندري هذي سيقان بنت ولا جاعد فكسار , حتى يقولون مره ودوك اهلك مشغل عشان ينتفونك ويحسسونك انك بنت مثلك مثل باقي الإناث , راحت الكوافيره جابت سستة ددسن ثلاثه وثمانين وصبت فوقها الحلاوى عشان تنتفك فيها ومير مابه أمل صدت الحديده وماراح الشعر
وليه يامسلمه يحركون حواجبك ؟! أخبر اللي يغمى عليهم يصفقون خدوده لين كل خد يسلم على الثاني ويقول هااااي وانتي يفهقون لك هالحواجب اللي كنها برندة مطعم مهبطه على خشتك ماينلامون لاعاقت معهم لأن كنهم يمهصون في قرن ثور
خفي علينا ياهيئة التراث الاسلامي هههههههه وشلون دعيتي لنا يعني معقوله دعيتي لي حتى أنا معهم؟! طيب كيف كانت صيغة الدعوه وانتي واقفه بعرفه خخخخخ ((يارب وفق الحرافيش اللي مهندس على الشله واللي دايم يثبت مواضيع إنك تكثر تقييماته يارب ويجي يوم أشوفه من شيوخ الحاره)) ثمن تمسحين دموعك بطرف جلالك وتدحدرين مع الجبل بخيته ياأم عصمان يالمنسمه يالمقلعه يالمرجوجه .... ياملا العافيه أنتي وهالموضوع المنسسسسم بالردود اللي فيه والله ياإنكم مزعتوني ضحك..مادريت أنا أضحك عالموضوع ولا عالردود المهووويهالواحد من يدخل هالصفحه يبي يسحب على التدخين والإدمان واخوياه بالاستراحات جعلهم بحريقه دام عندنا مواضيع زي كذا نبي نسحب عليهم مانبي نفوت هالأجواء الخالعه, لأن اللي عندنا هنا صنف ثاني ماقد نزل بالاستراحات أبد , إبتداء من صورتك الدايخه وإنتهاء لآخر رد بالموضوعيعجبني فيك ياوجه الملاريا صفصفة الحكي واسترسالك بالسوالف اللي أحلا من الشوي على الفحم , هالشيء ينم عن خبرتك في الجلسات الحريمية كل عصر على صواني الحلا وانتي متربعتن برجولك وتسحبين طرف السفره برجولك وهذي مهارات مايمتلكها الا وحده مثلك قطعت شووط كبير بحياتها وهي عند أهلها متكيه صراحتن حرام يطلعونك من مكه ومايعطونك ميدالية " الحاجه الجبره " ومعها شهادة شكر وتقدير من رئيس منظمة الحجاج وكاتب آخرها ((( المره الثانيه ياحاجه بخيته أبقولك عز الله مقامك وياليت معاد تكلفين على نفسك وتجينا أنا بحج عنك انتي بس خليك بعسيله ورا المصده وارعي الغنم ..كفايه الحجاج المرقدين بالمستشفيات بسبتك))) لله لايهينك يابخيته والحج مبارك تقبل الله منك ومن سائر المسلمين , الموضوع بكبره بالردود اللي فيه يقشع مع أقرررب دركتل >>> للمتحف ... |
||||||||||||||||||||||||||||||||||||||||||||||||||||||||||||||||||||||||||||
|
|
|
03-01-2012, 11:16 PM
|
|
|||||||||||||||||||||||||||||||||||||||||||||||||||||||||
|
ملح المطبخ
|
ياربيه
ليه يابخيته ليه ؟ ترا ذنبي برقبتس مالي شغل انا انسانه الله لايعاقبني عندي مخاوف من الحج احس اني بندعس بالرغم من ان العكس هو المفروض زدتي الخوف في راسي وقسم  الحين الى مني حجيت واغمى علي مثلك مين بيشقلني؟ نجي لحجتك الله يتقبلها -قلب-
, , احمدي ربك ياشيخه انا لو اقولها لأمي بتقول لي خلاص انا احج عنك , ,
, البطل المغواار يابخيته وش عرفتس انتي ,
, كني اتخيلتس وانتي بالقطار تقولين شهيييق زفييييير وتشفطين من هالريحه , بعدين صدق نشوف اشياء تحاوم التسبد ؟ يعني انا رايحه احج واشوف مناظر تخدش عيوني كذا ؟, ماجا في بالك سؤال وانتي هناك ؟ هل الحجه او العمره مقبوله واحنا يالحريم اجسامنا ملاصقه للرجال الغرب ؟ يوم اعتمر هالسؤال عدته على امي مليون مره وهي تقول وش اسوي انطمي وامشي لاتضيعين وقتنا , الله يتقبلها يارب -قلب- وان شاءالله احج السنه الجايه وتجمعنا الصدف ياسبحان الله في حمله وحده وسريري جنب سريرتس <<الله من الغثاء الي بيجيك عاد ههههههههههههههه امسكي |
|||||||||||||||||||||||||||||||||||||||||||||||||||||||||
|
|
|
04-01-2012, 10:39 AM
|
|
||||
|
قضبناه الباب
|
انها ملاك انها كونتيسا لا عجبا في روايته فايمبير عايشه اسمكـ لحاله مشكله لو كيف صورتكـ اول بغيت ارد من سدحتي موضوع ...وبعدين هونت ,, قلت ها سودانيه تبرمينا في قعر ,,, اصلن حتى روايه تفتح النفس مهو بعض الناااس يكتبون تقول برشام  ,,, جحه بقه درمان عشق سودان صايروا شنو يا عاطف .افحط هون لي يومين اقراء واضحك بكيته اقصد بخيته اسمك روعه ذكرني في ماضي مغبر كل الا زي اسمكـ احبهم ليه مدري سميته ام ابوي سليمان ولد بخيته الا يطلع ولدهم سويلم الا هو انا ,,, !!بداية حجا مبروك وسعيا مشكور باقي شي ولا .. طبعا عيدتي في مكه لا تقولي خلصتم وجيتم كيف كان الاجواء تكرونيه اقصد مكاويه حصلتي من بني جنسك ولا ,, كل سنه اقول اروح حمد لله ام وابوي حجوا وانا صغير ----> نصاب توهم حجوا وبصراحه الا يروح الحج يتغير يقعد اسبوع وبعدين يردون الاولين اصبحتا عشقا يمزقني وهم لا يشعرون سوري شطحت على برلنقوا عجبني تهديد قبل روح للحج وبعد موافقه يتغير الاسلوب وكل شي طبعا لا تقولي ما يضايقونك يقولون اجلسي يحسبونكـ عله وهم في ذا فيض من الوناس تصدقيني جاني ابهر من قريت موضوعكـ ودي اجيب كيس لحكم واصب فيه فيمتو واقعد اتكي للفلم وثائقي رايسه تدخل السلام وترمي جمرات عل ابليس ويغم عليها من رويه الكعبه المشرفه ---> مقدم يكذب عاد اتوقع اهلك في بيت يراقبون حجيج وشافوكي من خشتكي الا تقول فقمه تستشرق في ضو شمس ودي اقرقر لكن لما ارجع لنكك اوقف مدري ليه
|
||||
|
|
|
04-01-2012, 11:08 AM
|
|
||||
|
حسناء الغفر
|
انا عندي كم سالفه هههههههههه ونقول انها بتضيف لموضوعك ماتنقص منه ان شاء الله ~ تعرفين ودي اجتهد عشان يروح ردي مع هالردود للمتحف~ ولاودي بعد اخرب موضوعك بإقتباسات فيها تعليقات ماتوفيك الموقف الاول كنا جالسين في المخيم وطبعا كنا حاجين مع حمله مو لحالنا~ جت عجوز ماطقت لنا بال..وفي سبيل الله.. وهي تمشي وبكل اريحيه واحترافيه فصخت السروال وطلعت برى تغسله~ ويوم خلصت رجعت تنشره على الحبل والمشكله ان هالحبل فوق طرحة امي وكانت الطرحه نظيفه لكن للأسف قعدت موية السروال تنقط على الطرحه ههههه وعاد الباقي مشفر ماودي اقول كيف امي عصبت و جرت الطرحه وانفضتها في وجه العجوز~2- استهلت علينا ولله الحمد ومسكت كل وحده فينا زاويه تدعي وتطلب وتستغفر~ جت وحده قالت انا بروح اطوف الحين وكنت بالخيمه انا و اختي اللي اصغر مني~ قلت للحرمه ادعي لي تكفين بالتوفيق بالدراسه واني احقق آمالي..قالت هي خلاص بدعي لكم بعد بالزوج الصالح ,,الخلوق,, البار ,,الغني ,,العفيف,, الكريم,, الوسيم وهنا ماقدرت اختي هالمطيوره تمسك نفسها وقالت بصراخ/آمـــــــــــــــــيـــــــــــــــــــــن طبعا الحرمه ماتت من الضحك على الشفاحه وانحرجت اختي و جرف وجهها السيل من الحيا~~~ لكن وش عقبه ياحلوه ؟؟!! 3- انا اذا جيت بغير ملابسي مااسوي نفسهم واروح للحمام عشان ابدل لا لا انا اقعد بخيمتي وادخل تحت اللحاف وافصخ وارمي الملابس من موقعي تحت اللحاف ههههههه ومايجي على بالك لما تشوفين التموجات والتحركات اللي تحت اللحاف الا ثلاث قطاوه يتهاوشون على عظمه معروش نصها~~ طبعا بالبدايه كان انواع التمسخر علي والضحك والذب بس على ايام الجمرات اول ماتدخلين الخيمه راح تلقين كل اللحافات تحتها قطاوه تتهاوش ~قلدوني كلهم~ لإن الفكره مريحه ومافيها مسك سرى ومشاوير |~ والمواقف كثيره لكن تخوني الذاكره يعطيك العافيه يابخيته موضوع يوسع الصدر ويرد الروح لاتحرمينا جديدك
آخر تعديل اميرة العاذريه
في 11:14 AM.
|
||||
|
|
|
04-01-2012, 02:43 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حضور سخي
|
فيوز هههههههههههههههههههههههههههههههههههههههههههههههه تراي بيت اصدق يابخيته ، انتبهي لعمرتس والله لاحظي التوافق في الأزمان ! مهب شي يشكك العاقل في نفسه ض1 اثره انتي اللي ننتظرها ههههههههههههههههههههههههه <-- والله ياهي بتكوفنك بعد خذي حقتس منه بس ههههههههههههههههههههه وقسم اني ضحكت لين بغيت اصيح ، اتخيل رويستس تدربينه وماتدرين عن نفستس انتس اللي ننتظرها من سنة الجدري تحج ض1 / والله يابخيته مدري وش اقولك .. بس الجد تراي بلعت العافية الله يتوب علي هونت معاد ابي احج عاد انا خلقة لاطروا لي الحج ومتى بتروحين يمغصني بطني .. وقسم بالله احس الا شوي بوصل مرحلة الفوبيا منه انتي تهولين منه وصديقتي ومرت خالي .. خيرررررررر ياخي اكذبوا علينا قولوا تطور كل شي وصارت الأرض سير متحرك والقطارات تطير بالهواء وكل شي نفاه صديقتي تقول ركبنا باص تبع حملتهم يودينا لمكة ويوم دخلوا النفق تكت الدنيا عليهم صار كلن يهاوع من الكتمة .. حامت كبود الناس .. تقول يوم نزلت دخت على رجلي <-- توها تستوعب الكتمة ض1 هيه تراي منيب حاجة الا على ظهور عيالي منيب ماشية ابد ومالي دخل هالنفق يشوفون لهم صرفة فيه <-- !!!!!!
هذي بحد ذاتها وسام لاضعتي .. المفروض فرحتي يومها شطفت عبايتس .. عشان لاضعتي يكتب ابوتس لوحة ( بنت ضايعة كنها بنت لحوج عصيقلات وركيبات كل ركبه كنها تمرة ) عاد مهب محدد وش النوع عشان موب كلن نجدي بيعرف خلاص والا غيره تدرين عاد انا مابي اشوف ركيباتس .. ابي اشوفتس وانتي تمشين قدامي واشوف رجيلاتس ( الكعب من ورى وش اسمه ؟ ) ض1 يشطّف رايح جاي هههههههههههههههههههههه ولين رفعت راسي اشوف رويسك يترنح يمين يسار واحد اثنين ض1
جعلهم يعجزون عنه .. لعنبوهم هالشاكلة ياهم يبغثرون تسبدي في كل مكان .. لاشفتهم بالحرم والله اني ادعي عليهم عيال الكلب بكل جرأة ووقاحة يجمع تفاله ويتفل حول الكعبة !!! ياحمار انا اوطاه لييييه بعدين هذا بيت الله كرمه جعل خشتك المشق عشان ماتعرف تزمها ابد وذا اللي يكوكون بالطريق ( مثل اللي شفتيه ) جعلها تطلع دبابيس مايقوى يكمل ولايوقف من حرها يصير نص جالس ونص واقف ( فارسين تسبدي الله يفرسهم )
هههههههههههههههههههههههههههههههههههههههههههههههههه ههههههههههههههههههههههههههههههههههههههه لاعبتن فيتس اشرطة المجاهدين والشيشان .. ذكرتيني بأيام كنت اسرق الاشرطة سرق من غرفة اخوي واصك على نفسي وهات يامناشق وصياح .. عاد وربي اني مدري وش غايتهم بس لاطلعوا مشاهد الموت والروح تطلع واخوياه يكبرون تتمزع تسبدي من ضيقة الصدر مدري وش الله حادني عليه ض1 طيب انتي ماقلتي شعورك وانتي ترجمين .. يعني قدرتي ترجمينهم ورى بعض والا يدزدزونتس وتصيرين كنتس راكبة موج ؟ <-- باين اللي قامطة من كل شي بالحج
ابوتس وامتس وش يقربون لامي ؟ تبارك الله ترى امي كل شي عندها مشي .. تحوم تسبدي لارحت معها لأي مكان ولاحب لاسافرنا اطلع معها لاي مكان تمشي فيه برجولها تخبرينها تقول 5 دقايق ونرجع ماتدرين الا ماستن عصيقيلاتس ساعة ونص فوق الخمس دقايق الحمد الله انها حجت وخلصت والا كان ابتلشت <-- خير !! انتي يابخيته يصلح لتس ابوي في الحج يقول خانقتني العبرة وكل وقتي اقول الله يتممها لنا على خير ويقبلها ويرجعنا سالمين لعيالنا ض1 احس ابوي وقتها يحسب ان هذي الحلقة الاخيرة من حياته ض1 يالبى ذاك الوجه اشتقت له ق1 <-- عادي تخطم مشاعرها فجأة بنص السوالف وبالنسبة للسنافر .. بالله ماصادف ولزق خشمتس بابط سوداني والا افغاني ؟ تراها صايرتن لي في الحرم وقسم بالله اني صايحة من ضيقة الصدر .. يعععععععععععععع يع يع لعنبوه ماحلق ولا شي وع وع .. مدري مشهد سريع وصار و أنا ليه رفعت راسي وقتها ليه !!! كان نشقت الريحة ومشيت ... بس مدري الله يتوب علي بس
خير بخيته ! يعني حالفة اني اقضب ارضي ولا احج .. ياربي متى تصير فيه حملات لها طيارات خاصة تطير بالجو ونرمي بالجو وكل شي <-- على كيفك الدين !
ههههههههههههههههههههههههههههههههههه والا عادي عندتس لو شعرتس مزينته ؟ ض1 يالبى اميمتس ق1ق1 والله دمعت عيني يوم فتشت معتس عشان تريحتس ق1
الف حمد الله على سلامتكم ق1 والله يتقبل كل اعمالكم ويغفر لكم بكل خطوة خطيتوها في هالحج الله يوسع صديرتس بالعافية تمزعت تسبدي من الضحك .. بس اقرا واتخيل شكلتس هههههههههههه عاد انا امسكيني عند الخيال .. مايمديتس علي ض1 جعلتس بالجنة و والديتس قولي امين .. والله يكتب لي حجة سهلة <-- للحين ! عوافي غلاتي ، وزين اللي ماحرمتينا هالوناسة والا كان ذبحتس ض1 - |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
04-01-2012, 04:34 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عيـّاره
|
اما ذا زوج خالتك ماعنده تفاهم ابد علطول كفوف هههههههههههههههههههههههههه اجل انا نفسيتي وش حليلها منب اتعدى عمري نباري الساس ويالله السلامه بعد
وتحسبين ربعنا تغيروا ؟؟ لازالوا على الخنابيز الآنفة ذكرها مايجيبون إلا هي هههههههههههههههههههه يختي الصدز لو احد يجيب لي تعليقه من مكه منب قابلتها وش ذا ؟؟؟ --- عجوز وش ينرجى منتس
كنتس داريه .. تدرين صاروا اهلي كل مااشهق حتى لو شهقه فرايحيه يرتاعون هاه وش فيه وش انتي مسويه يقلع بليس معد فيه ادنى ثقه
تصدقين شكله كذا !! انا احسها حوبه السودانيه كنت كالعاده متشعبطه بابوي وامي وراي عشان مالف منا ولا منا وانا فاقه خشتي - قايلتن لكم مافيه ثققققه - وكانت جمبي سودانيه وانا اناظرها وافغص عيوني بأقوى ماعندي يعنني تراني خاقه معتس .. مادريت إلا هي متشعبطتن بأبوي مثلي !!!! امي ضحكت وانا عيوووووني طارت قمت انغز يدها لا لا ابي اوخرها خييييييير معد بقى إلا هي تشعبطي فيني بس خلي ابيي مهب ناقص قروده ههههههههههههههههههه واشوى وخرتها ولو انها عطني نظرة مهيب مريحه بتاتاً البتة  وطبعاً كانت جرعة للضحك مده شوط كامل واللي اكلتها بالاخير 
الله مير يجبر بخاطرررررك وش تتعلمين ؟ ذي خشه تتعلم منها ذي خشه تطير معلوماتك منها هههههههههههههههههههه حياكِ الله -- مزنوقه هههههههه
انت ماتعرفين وش عياره هالاشكال ؟ إن تسانك من ربعنا فعيارتهم بفئه محدده من البدو - والنعم والله هههههههههههههههه - تلقينها حتى فيهم وقفت على المصريه ؟ مير المصريه بصرها تزوي من ذا لين ذا هماها بالعروس وذيفه لامه كلش وكاشخه بجلابيه .. مهب مثل ذولا استرتش يبوووووك يمرون منا ترجعّين من الجهه الثانيه وان ادمختي جمبهم اتوماتيك ينقلب رقصتس لابو جيزن عشان يمديك ترجفين م***** بالراحه هههههههههههههههههههه
انتي لو تشوفين صندقه الحمام فيبر قلاس اول ما ادخل العالم ترتاع خفوس الفيبر مطلعه منها رجولي عشان يمديني اروش رويسي .. عقبها يلقون راسي طالع وانا ازوي به وازحررر ايييه ايه وصللللللت خير --- توصل لأماكن معششه خبرتس النظافه من الإيمان .. عاد إن طلعت .. ياااااااعوك العالم يرتاعون وكلهم يقولون بصوت واحد فعلااااً دا دخول الحماااام مش زي خروووجه خااااالص عاد مايحتاج اقول اني وقتها اطق اصبع لمي عز التسلاب  -- يازين الخرط
لا مايحتاج متأكدين من جنسي وباصمين في جبهتي .. ولا لو ماشافوني كان للحين مثار للشكوك ولا ينلامون يبيلتس شوفه عشان السْكان يضبط ويبين هههههههههههههههههههه وبعدين يا عجوز الجن وش هاليومين تشوفين النشاط ؟ انتي ماتعرفين عقده بنينا الشله ؟ روحي تمشي بالاقسام خصوصا السوالف بتلقين بناتي وش ملحهم وش خف طينتهم تحسبين مثلتس حاطزين هنا لا دهونات لا صقل ولا مقل ؟؟ مغير كل ما طلعتي لقطناتس نسوي سمكره لخشتك من كثر الفصفص المتفول فيها هههههههههههههههههههههههه
[/QUOTE] الله يحجي عليتس ياام الزين برب جدتي تمهص اذاني راجعين اكيد الله يوسع صدوركم بالعافيه على هالردود نفرا نفرة
آخر تعديل بخيته
في 05:56 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
