 |
 |
 |
 |
 |
 |
 |
 |
 |
04-01-2012, 02:36 AM
|
|
||||
|
مشرفة سوالف حريم
|
خَيَــــالٌ ،
'' السلام عليكم ورحمة الله وبركاته كيف حالكم يا كويسين ويا كويسات ؟ تخيّلوا معي ، إنكم جالسين في مكان جميل ، جوه جميل ، حولكم وجوه جميلة وإنتو بسم الله عليكم مبسوطين ماااارا :$ – طبعًا هالمكان مو ديرتنا الجميلة بكل تأكيد  -تخيلتوا ؟! طيب حلو ، تراني كنت أحاول أكتب مقدمة وفشلت كالعادة ، ماعلينا ، إنتو تخيلتوا ، أخذتوا كلمة الخيال على إنها شي عادي ومُسلّم به وشي متعودين تسوونه ، من غير مايفكر أغلبكم وشو يعني خيال ؟! الخيَال / حاولت أبحث عن تعريف لـ الخيال ، طلع لي ألف تعريف ، منها : الطيف ، الظل ، صورة الإنسان في المرآة ، الظن والتوهم .. إلخ طبعًا هذي معاني لغوية لكن المعنى الاصطلاحي وهو الأهم : الخيال هو العملية الفكرية التي يُقصد منها تذكر الأشياء أو تصورها على حقيقتها الطبيعية. ومع إن الخيَال شيء جميل ، لكن صديقنا ابن سينا يقول إنه شيء مو كويس ! ابن سينا يقول إن الخيَال هوَ : الذي ينفعل به المرء انفعالًا نفسانيًا غير فكري، وإن كان متيقن الكذب. طبعًا ابن سينا قال حكي واجد بس المُهم إنه يقول إن الخيال مو كويس لأنه باطل وكذب وزور ومدري وشو ، مدري ليش حسيت إنّ خيَال ابن سينا غير خيالنا  طبعًا الخيَال يا أصدقائي شيء يُساعد على الابتكار ، والفلاسفة يقولون إن الخيَال أقوى وقعًا على الإنسان من الشيء المحسوس أحيانًا حتى أحلامنا تكون خيَال ، يعني تكون نايم لكن مخيّلتك مُستيقظة ، فـ تحلم وتتخيّل أشياء ، يعني لو سمحتوا يا بعض الناسات لما تحلمون بشي ترى موب لازم يعني له تفسير وبتصل في الشيخ أسأله -_- الخيَال هو أساس أكثر الأدبيّات ، سواءً شعر أو نثر ، يعني لو ما الخيال ماكان أخونا في الله حلاو شاعر وعنده إحساس ومشاعر وحركات وكذا *كيف الحال حلاو ؟ *مهما كان النّص اللي نقراه واقعي ، لازم يكون للخيال نصيب كبير منه ، وأنا شخصيًا أشوف كل ما كانت مُخيلة الكاتب خصبة كل ماكانت كتاباته أفضل ، بس لايصير شاطح عاد بدايةً من سنو وايت وساندريلا والقصص القديمة اللي كلها خيال في خيال ، وانتهاءً بـ هاري بوتر ، دايمًا تشوفون القصص اللي فيها خيَال تكون مميزة أكثر من غيرها ، خصوصًا عند الأطفال ، لأن مُخيّلة الأطفال دائمًا خصبة ، يحبّوا يتخيلوا أشياء خارجة عن المألوف ، لذلك تلقاهم يميلوا للأشياء التخيلية أكثر من الواقعية ، حيوانات تتكلم ، سحرَة ، ناس يطيروا ، عشان كذا أفلام الكرتون دايمًا شاطحة ماراح أتفلسف أكثر وراح أدخل في سوالفي عن الخَيال '' كثير مننا عنده خيال شاطح جدًا ، أنا مثلًا لما كنت صغيرة (4 أو 5 سنوات) كان عندي صديقات تخيّليات ، كنت أسولف عنهم لأخواني وهم يسلكون لي ، رغم إني كنت عارفة إني أتخيل بس مدري ليش كنت مصدقة !! كانت وحدة منهم اسمها "توَات" لاحد يسأل وش هالاسم لأني مدري ! توَات عاد الله يقلع إبليس ! آبو الذوق اللي عندي قضَت الأسامي يوم أسمي صديقتي توَات  عاد توَات ذي كانت ساكنة ورا بيتنا ، وكنت أروح أزورها وكذا !! يعني كنت أقول لأمي بروح لصديقتي توات وأروح أجلس لحالي عند البيت اللي ورانا ثم أرجع وأسولف لأمي أنا وش سويت ووش لعبت مع صديقتي وأمي مسكينة تسلك لي وتضحك على سوالفي وتسألني عن صديقتي بعد !'' ورا شُبّاك غرفتي كان فيه شجرة ليمون كبيرة ، في الليل مع النور الخفيف كان ظل الشجرة على الشباك يعطي شكل غريب ، ظليت سنواااات وأنا أتخيل إن هذا الشي وحش ، بس ماكنت أخاف منه ! كان صديقي ، ولما تتحرك الشجرة كنت أؤلف لنفسي قصص عن هالوحش إنه جوعان وإنه يسولف مع عياله (إيه عنده عيال ترى) وأظل طول الليل ما أنام وأنا أتأمل في هالوحش الجميل ، والعجيب العجيب إني ماكنت أدري إنها شجرة ، لين مرة قعدت أطالع في شجرة الليمون المسكينة واستوعبت إن شكلها يشبه شكل الظل ، وقسم إني انصدمت وقتها وجتني الصيحة أجل وحشي صديقي طلع شجرة ليمون !!'' إنزين تعرفون الجدران أول ذيك اللي تجي صبغة الجدار مو سطح مستوي ، مدري شسمها ، المهم ، كان فيها أشكال واجد ، وكنت كل واحد منها أحوره في مخي وأجلس أتخيل إنه وجه أو حيوان ما أو أي شي ، وكنت أتخيل لهم قصص غريبة ، وهذا جار ذاك وهذي زوجة ذا ومدري ايش ، لدرجة كنت حافظتهم وحافظة أماكنهم وأشكالهم على كثرهم ، تصدقون لا تذكرتهم يوحشوني *لايكثر يمّي* '' كان قمة الخيال الشاطح بالنسبة لي وأنا بزر لا رحت أتروش ، أتخيل إني حورية بحر وأجلس أسولف مع الأسماك اللعبة اللي عندي ع أساس إني حورية زماني يعني ههههههه أشوا لو شافوني الأسماك الصدقية هاجروا من البحر وحولوا برمائيات '' كنت مرّة متأثرة بأفلام الكرتون ، مرات أتخيل إن يصير لي زي فلونا وأصير في جزيرة لحالي ، بالأصح كنت أتمنى هالشي هههههههه مخ ماكو ! أجل أتمنى أغرق وأصير في جزيرة لحالي كان عاجبني وضعها لأن جزيرتهم حلوة :$ ومرات أتخيل إن الناس كلهم ماتوا فجأة وأنا صرت لحالي في الحياة !! *مرة شاطحة صح :$* وتقريبًا كل الشخصيات الكرتونية القديمة كنت أتخيل نفسي مكانها وأعيش جو إني فعلًا صرت معاهم !'' طبعًا كبرت ولسى خيالي شاطح جدًا ، بس الفرق إني الحين ما أتخيل في أي وقت ، وأعتبر الخيال هو وسيلتي المُفضّلة للترفيه يعني عادي أجلس بالساعااات وأنا جالسة كذا ما أسوي شي وفي راسي جالسة أتخيل قصة كاملة ، ومرات أتحمس وتلاقوني أتبسم وأتمتم كلام والا أضحك ، ومرات يزود الحماس وأجلس أسولف مع عمري في المراية ع أساس إن المراية شخص ثاني ، وأحلى مافي الموضوع إني أتعمد أتخيل أشياء أكون متأكدة 100% إنها مابتصير صدق ! بس كذا عشان أستانس ! على قولة أختي إنتِ لو تجمعين هالخرابيط اللي تتخيلينها وتكتبينها بتسوين مُجلدات خخخخخ مع إنها ماتدري أنا وش أتخيل لأني ماقد قلت لأحد بس تصادفني مرات وأنا داخلة جو في خيالي الجميل بعيدًا عن الهذرة السامجة اللي فوق ، حكونا عن خيالاتكم ، شطحاتكم ، الأشياء اللي كنتوا تتخيلوها وإنتو صغار واللي تتخيلوها الحين وإنتو كبار حلاو كان الموضوع مرة مرة سامج مو تقرشعه وده وشسمه الموضوع جاي ع السريع نتيجة السهر والاختبارات وكذا :$ وشكرًا لكم إن كان فيه أحد وصل هنا وماطلع من الموضوع  |
||||
|
|
04-01-2012, 03:54 AM
|
|
|||||||||||||||||||
|
عيـّار
|
هذا مو خيال وانا اخوك , جنااان ههههههههههههههههههههههههههههههههههههههههه والله لو اسوي هالحركه عند امي على طول شهااار  والله ماعندي خيالات مثل ماعندك , لكن الموضوع اعجبني ومتابع له .. الف شكر لك .. |
|||||||||||||||||||
|
|
|
04-01-2012, 04:44 AM
|
|
|||||||||||||||||||||||||||||||||||||||||||||||||||||||||
|
ملح المطبخ
|
,
, تقربين لأختي ؟!!  بس انتي صديقه اختي ماعندها وقت صديق مره وحده كان اسمه ناعون ع ماأظن  , ,
, , يالله قد ايش ارتحت يوم حسيت ان فيه مجانين مثلي  انا كذا وانبسط والله اخواتي متعودين علي واحيانا في نص الليل اروح ادور مين الي قايمه عشان اقول لهم خيالي وشو وفي الخيال انا وش سويت الا اخوي يرتاع اذا شافني اضحك مع نفسي  , , يوم كنت صغيره كنت اتخيل نفسي هذيك البنت الي عندها عم في راسه مروحه وهي عندها كتب آليه مثل الكمبويتر والخرابيط وكنت اخذ دفاتري واطامر بزوايا البيت وافتح هالدفاتر واسوي مثل البنت وكل دفتر اقول اوه انه لايعمل  وارميه واخذ الي بعده لين اوصل آخر دفتر بالشنطه ويصير هو دفتري السحري <مريضه , , كنت دايم احط اتخيل اني اميره واختي واخوي الله يرحمه الخدم الخاصين فيني واومرهم اوامر تجيب المرض  , , كنت اتخيل اني اعرف كاراتيه وعايشه هالخيال دايم اصفق الي حولي واصرخ صرخة الكارتيه هياااااء <<طعسه من يومها الين جا واحد من العيال الي مصدق اني اعرف كاراتيه وكسرني تكسير وخلاني اتفل العافيه ايقنت بعدها اني اتخيل اني اعرف للكاراتيه , , جتني فتره اتخيل ان اهلي مو اهلي وانهم لاقيني ضايعه ورحموني كنت اعصب واجلس ماأكلم احد بسبب هالتخيل  <<هذا مو تخيل الظاهر انه مرض هههههههههه , , ياكثر الخيالات الي سببت لي مشاكل <<هالمخلوقه من النوع الي تصدق خيالها ان تذكرت شي رجعت امسكي يابت |
|||||||||||||||||||||||||||||||||||||||||||||||||||||||||
|
|
|
04-01-2012, 08:44 AM
|
|
|||||||||||||||||||||||
|
مشرف الصحافة
|
الخيال مثال ماقال ابن سينا نكبه وربي انه نكبه جد يعيشك في احلام وعالم وهمي خصوصاً للسبايك اللي مثلي يصدقون ع طول ... بس ولو مااظن فيه احد مايتخيل واكثرها تكون مرتبطه باافلام الكرتون عندك مثلا فلونا مثل ماقلتي ياكثر ماتخيلت اني اسافر بالسفينه واضيع في جزيره , ماأذكر اني الفت خيال من راسي كلها تكون مرتبطه بشخصيات شفتها سواء حقيقية او تمثيلية ...اتخيل مرات من تاليفي بس للاسف خيال سوداوي وحزين شكراً زهره
هههههههههههههههههههههههههههههههههههههههههههههههههه هههههههههههههههههههههه استغفر الله |
|||||||||||||||||||||||
|
|
|
05-01-2012, 01:11 AM
|
|
||||
|
حضوره مُختلف
|
طبعا الأطفال هم أكثر الناس خيالا وخصوصا منذ عرف التلفاز وأفلام الكرتون أنا كنت قبل أن أنام يجب أن أتخيل نفسي صديقة ميكي ماوس وأنني قوية وأرتدي كعبا عاليا يصل إلى السماء وأقوم بإنقاذ العالم من المشاكل أيضا كنت أتخيل نفسي سأكبر وأتزوج وأعيش ببيت مصنوع من الفراولة والدفتر والقلم لايفارقان يدي أقوم برسم البنات وتأليف الحكايات وتقليد الشخصيات (مجنونة رسمي)وإذا أغضبني أحدهم أقوم بالبكاء وجمع ملابسي وتهديدهم بترك المنزل وأقول بنفسي بأنهم ليسوا أهلي(صدييقة رتيل) كثيييرة هي الأمور التي تخيلناها بطفولتنا ولكن لانقوى على ذكرها كلها شكرا زهرة لإتاحة هذه الفرصة الجميلة لنا دمت برعاية الله
آخر تعديل (هناء محمد)
في 03:21 AM.
|
||||
|
|
|
05-01-2012, 02:49 AM
|
|
||||
|
صديقة جين أوستن
|
الخيال لم يعش حياته من لا خيال له
في صغرنا نتخيل أشياء كثيرة لأننا متأثرين بالكرتون واللي نشوفه فنحاول نحاكي هالشيء ونجلس نتخيل عندك مثلا وأنا صغيرة كان لي صديقة خياليه وأحب اكلمها عند المرايه هههههههه ومن الخيال وأنا صغيرة أني لما ازعل من أهلي أتخيل إني عشت عند عايله ثانية تحبني وأنا بنتهم الوحيدة وما عندي لا أخوان ولا أخوات << لأنهم غالبا سبب زعلي وتطفيشي خخخخ لكن لما كبرنا أصبح الخيال هو هروبنا من الواقع اللي نعيش فيه يعني مع ضغط الحياة والهموم الواحد يبغى يروح عن نفسه ويسليها ويجلس يتخيل أشياء جميلة وأكثر شيء أحب أتخيله الآن إني أعيش لحالي مالي شغل في احد ولا احد له شغل فيني خخخخخ بس يبقى احتياجنا للآخرين فطرة وحاجة طبيعية يعني لو قالوا لي بتعيشين ع جزيرة لحالك وما احد حولك أكيد بحزن مع إني مرات اطمح لهذا الشيء خخخخخخ زهرة القمر لكــِ |
||||
|
|
|
05-01-2012, 11:56 AM
|
|
||||
|
صاحبة سمو الحارة
|
مثلا...اتخيل لوان معي 600 مليار...وكل ليله اتخيل ازود...يعني البارح 600 الليله 900 مليار ... اغير كل شئ بحياتي....كل شئ.... اتخيل اني بقصر...الخ....احياان اتمتع بالخيال ...شئ يوسع الصدر,,,اما الخيالات الشينه مااعتقد يوم وتخيلتهن....انا ناقصه .... زهره
|
||||
|
|
|
10-01-2012, 10:30 AM
|
|
||||
|
الدونه بنفو كورليون
|
الخيال و ما أدراكم مالخيال
قبل ما أخش بالموضوع بقولك شيء زهير / توني و بلقافتي شفت الساي حقك و اسمع يقولون مغروره ههههههههه .. ماعندهم نظر لأنك بعيده عن الغرور صراحتن يلا نرجع للخيال قبل ما أطفش و اهوّن عن الرد ( على أساس ردّك مهم يعني ؟ ) ** هذا الله يسلمك انا كانت لديّ شطحات تقص و تفصفص و تقطّع أبو الوجه و اشوه ان هذا نت ومحد يعرفني والا كان مستحيل أعترف بهالخيالات الغبيه .. طبعاً على ايام البزارة و الجهل كنت أحب اتابع المصارعة الحرّه مع جدي الله يعافيه و يشفيه و كنت أعشششق شيء اسمه ( هولك هوقن ) او كما كنت أسميّه ( هوق هوقن ) وكنت أتخيلني أتصارع معه و افوز عليه و الجماهير يرفعوني و انا شايلة الحزام ولازم بعد كل مباراه اجمّع عزوز و روين و أتحداهم في مصارعه و آخذ من أحزمة أمّي على اساس انه حزام البطوله و اللي يفوز ياخذه و الدباديب و العرايس هم الجماهير و كالعاده كان عزوز اللي يفوز و أتهمه بالغش و تصير هوشة و مصارعه حقيقية تنتهي بالحزام في يدّ مامتي تدبغنا به  كأني شطحت بعيد عن الموضوع .. مو ؟ ** نرجع للخيال مرتن أخرى خخخخخ  هذا انا كنت أتخيل غرفتي مدينة خاصه فيني و انا الملكة والالعاب الشعب و إذا جلست لحالي فيها البس التاج اللي يجيك ذهبي من ابوريالين و يلمع خخخخ و اربط شيلة امي انها الشال يعني و أجلس على كرسي التسريحه و ابدأ القي عليهم الأوامر و أدير مملكتي هذه و اعاقب و كلشيء عندي كان حكمه إعدام هههههههههههه . ** وكنت مجنونة مسلسلات مصريه وكل أتخيل حياتنا مسلسل وفي ناس تشوفنا مثل محنا نشوف رأفت الهجان و ربعه هههههههه و لذلك ماارضى البس بجامة او أخلّي الكشه طايره كل أصيح على امي عدليني عدليني مابي المتابعين يقولون زوزو شينه ( برب أنتحار ) و بيوم تحمست مع التلفزيون و ركبت راسي أبغى أدخله و اسلّم على يسرا و أشبكها صياح و نياح أفتحوا لي التلفزيون بعيش فيه مابي أعيش معكم انتوا مسلسلكم بايخ مو مثل يسرا مسلسلها حلوا  ( أدري أدري يبغالي دفن ) ..** و من أشدّ الخيالات إحراج و فاشله و مثيره للشفقه زواج خالتي أم عبود هههههههههه طبعاً وقتها كان عمري 6 سنوات و توها طالعة موضة ان البزرات يلبسون فساتين بيض و طرحات كأنهم عرايس صغار وانا كنت الوحيده من البنات اللي لابسة نفس فستان العروس و طرحه وظليت شهر كامل بعد العرس كل يوم البسهم واجلس لحالي بالغرفه ساكته أتخيلني العروس و العابي يصفقون و يغنون لي ( برررررب اقط نفسي تحت تريله ) .اما عاد الحين أجي لخيالي بعد ما كبرررت ياهو شاطح بشكل جنوني  و لذلك أعتذر ما بقوله لا أطيح من عينك هههههههههههههههه موضوع حلو مثلك |
||||
|
|
|
11-01-2012, 12:01 AM
|
|
||||
|
يغرد على أوتار العياره
|
مثل الماء يعني لو كل واحد يدري وش فايدة الخيال ماتخيل كثير وحط على جبهته استكر مثل حق استهلاك المياه  وهو المفروض مانتخيل كثير عشان مانفقد الخيال وطاقته لانه مثل الطاقه الجنسيه اذا الواحد خربها وتابع افلام وجلس يسوي خنبقه وع تزايد العمر يبدا ينسم ويصير يتابع اعلانات سنافي وفياقرا لانه اهدر تلك الطاقه وبرضو الخيال نفس الشئ اللي قسم بالله لو اسأله واقول وش في خاطرك يالخيال هالحين قال اني اصير مارد وادخل لي في اقرب دلة عشان احقق احلام البنات واكثر طلباتهم جواد ابيض الا وحدة كان طلبها جواد بنكي واتوقع انها عبدة لكن وش نسوي يالخيال امر الله وشق القربه وصرت خيال ونرجع للموضوع الخيال لازم نصير اقتصاديين فيه عشان مانفقده ونضظر نحشش عشان نتخيل صح والخيال عندنا في السعودية ابن تسلب لازم يوهقنا انا مره مسوي كريم واخذت اوميتي ورحت محل الذهب اشتري لها بناجر منشار اللي وش كبرها كنها جنط شيول اللي لو تشطفك عجوز في عرس وهي لابستها قطعت وريدك المهم وانا واقف جنب واميتي لبى قلبها جاني الخيال التسلب وفيه بنت جنبي وش زينها وحاطه يدها على الطاوله انا فهيت في اصابعها ماعمري شفت اصابع بنت زيها اتوقع امها مقصدرتها من يوم طلعت من بطلها لدرجة اني تخيلت انها حلا اصبع الملكة وخميت يدها لاشعوريا وجلست امصها واناظر اوميتي واقول صبي قهوة مادريت الى بالكف الي هبط ضغطي وهذا كله بسبب الخيال عشان كذا المفروض مانتخيل نتكي لنا في اقرب علبة ونتخلل على الاقل ننتفخ بدل ماحنا معصقلين ويطلع لنا شكل ووزن اصرف من الخيال واحراجاته شميها بشويش اخاف فيها حشره ولاشئانا (تخيلت) انني هنا
آخر تعديل فيوز مقصوص
في 12:05 AM.
|
||||
|
|
|
15-01-2012, 05:55 AM
|
|
|||||||||||||||||||
|
مُشرف الأسرة
|
هههههههههههههههههههه .. استري علينا يا أختاه والله الموضوع شيّق ,, و عندي إضافة ممكن تكون مرتبطه بالموضوع ، لكن أبغى أقراه مره ثانيه علشان أتأكد أني ما شطحت و فرّعت الموضوع عموماً .. هو فوق علشان أعرف أقراه زين
|
|||||||||||||||||||
|
|
|
19-01-2012, 03:44 AM
|
|
||||
|
حضوره مُختلف
|
الخيال هو عالمي الله يسلمك من وأنا بزر عايشة مع الخيال دايم أتخيل لي أخوات أصغر مني بشوي ألعب معهم وأتعاوش معهم محرومة من الأخوات ويوم ماعاد بغيتهم واكتفيت منهم بالخيال جوني على كبر أتخيل إن لي أخوي أكبر مني أنا وياه صحبة وفلة حجاج وهذا كله من ملعنة الجدف إللي آكلها من إخواني خيالي في كل شيء ومستمر للآن مثل إني أقرأ رواية أو قصة لازم أوقف في النص وأكملها من خيالي وأرجع بعدين أشوف المؤلف وش مكملها به خيالي دائما مرتبط بحاضر أو مستقبل وأعجز إني أكون في الماضي مع ناس معروفين وحفظ التاريخ أسماءهم وفيه مرات أتخيل ناس وألف قصص عنهم بشرط ما يكون لهم ارتباط بي في الخيال |
||||
|
|
|
25-01-2012, 01:32 PM
|
|
||||
|
توه ساكن
|
أصلاً مدري قد تخيلت أو لا هههههههههههههههههه أما الآن ياكثر ما اتخيل إني مغنية .. ههههههههههههههههههههههههههههههههههه أحب بس اغني  << عاد من حلاة الصوت ودايم أتخيل إني عايشة في غابة نظيفة .. زي اللي بالمغامرات ههههههههههههههههه يعني بدون حيوانات تخوف << ..؟؟ وياما يشطح إذا كنت اقرأ وهذا اللي يأخرني ما اخلص بدري اللي بيدي ..
آخر تعديل » Ş м ι Ł є «
في 01:34 PM.
|
||||
|
|
|
27-01-2012, 06:38 AM
|
|
|||||||||||||||||||
|
مسـيّر
|
سيم سيم أنا أتخيل بطني الي داخل فيه ظلام ولا نور يعني المعده تطفو ولا كيف جالسين |
|||||||||||||||||||
|
|
|
27-01-2012, 09:46 AM
|
|
||||||||||||||||||||||||||||||||||||||||||||||||||||||||||||||||||||||||||||
|
مشرفة سوالف حريم
|
قوة
هههههههههه تهقى يعني أقترح على أمي تعرضني على طبيب نفسي ؟! الله يسلمك '' رتيل
ههههههههههههههههههههههههههههههههههههههههههه الله يحلل توات عندك يا ناعون منين جايبة هالاسم أختك !!
مجرمة !! ههههههه مساكين أخوانك حيّاكِ الله يا جميلة  '' طويل الصمت لا موب لازم يكون نكبة ههههههههه أحيانًا يكون وناسة وتضييع وقت ويعطي شعور جميل  حيّاك الله ياخيّي '' هناء محمد ههههههههههههههههههههههههههههههههه لا سالفة الكعب ذي شي ثاني !! بيت الفراولة أنا كنت أحلم ببيت زي البيت اللي في هذيك القصة حق الولدين اللي ضيعوهم في الغابة وشافوا بيت حلويات وكيك حياكِ الله يا هناء '' dove
وراكم كذا كلكم تبون عوايل ثانية ههههههههههه لا أنا كنت لا طفشت أتخيل إني عايشة في قصر كبييييير وفيه حديقة فيها كل أنواع الأشجار بس عايلتي هي نفسها هههههه حياكِ الله يا دوف |
||||||||||||||||||||||||||||||||||||||||||||||||||||||||||||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
