 |
 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
06-01-2012, 12:44 AM
|
|
||||
|
مهندس تطوير الشله
|
شـرح فـعـالـيـة (( انـكـبــوهــم بالـنـعـيـق )) ...واللـي يستعبط نلزخه بسطل دم
    كاريكاتيرات ملفقة لمسلسل من الأحداث الدامية بالمساطيل , وماتنلام الطيور ليه تهاجر وتقول بس معاد لي قعدة بهالدنيا دام هالبشر كلهم يغردون بنشازهم نيابة عننا يلعن أم الحالة الواحد معاد يزقزق على راحته ويحس بالتميز ......وانا لي فترة فاقدن عش الطيور اللي بمروحة شفط الحمام وفاقد تغريدهم كل صبح وانا أتروش أثره بسببكم ياهل التويتر  -------------------- طبعاً أكيد كلكم مستغربين وين مختفى الحرافيش ؟! ليه ماله حس بقسم الشله ؟! وين اختفى فيه ؟؟! <-يارجال متولجهم ليل نهار وين بتطس عنهم يعني ......شوفوا معاكم حق تسألون لكن أنا كنت في (( مهمه سرية )) مكلف بها من قبل أبووفى بعد ماصرت مهندس تطوير في قسم الشلة مات سلطان ولوا ذراعنا ابو العساسيف وهجوا كل الاعضاء من حارة المساطيل !! استغربت وش ذا كله ! ووين راحو الأعضاء معقوله كل واحد منهم شبك كم عضوه ثم فتحوا لهم منتدى وصارو يهشون الذبان فيه هو وخويته ؟!...قلت دامك يالحرافيش فاضي والشلة هاجدة ورا ماتروح ياولد وتاخذ لك لفه على الاقسام بالحارة واي عضو تشوفه اسئله وين اختفوا الاعضاء فيه...وبالفعل صرت أدخل الاقسام قسم قسم واسئل كني زهراني شغال في البحث..((كمبلوجي , وأمل مقتول بالله اطمروا هالسطر )) .....وكل الأعضاء عطوني نفس الإجابة يقولون راحوا (( يغردون بالتويتر ))....قلت وقتها دام السالفه فيها تغريد أكيد يالحرافيش هالتويتر فيه فلة حجاج وسعة صدر وأشياء تشيل الهم وحمى الضنك من صدري صرت كلي لهفه واشتياق اني اسمع التغريد واشوف التويتر قلت لازم أقدم على إجازة من قسم الشلة وأروح في مهمة بحث عن أعضاء المساطيل بهالموقع ...انتظرت أبووفى يدخل عشان أعطيه خبر لكن له فترة غايب عالمساطيل .. قال لي واحد من الأعضاء إذا الأمر مستعجل وطاااريء روح قابل أبووفى برا النت وبرا المساطيل ...قلت اي بالله ياخوي الامر هام وضروري لكن ماعرف الخرابة اللي ساكن فيها أبووفى ..قالي العضو مايحتاج تروح له للبيت انتظر آخر الشهر واذا نزلت الشّونه روح لفرع الضمان الاجتماعي بغبيره راح تلقا أبووفى من الصبح ماسك سرا ينتظر يستلم الضمان ..كلمه وعلمه بموضوعك ..وهذا اللي صار رحت آخر الشهر للضمان الإجتماعي ولقيت أبووفى وقلت له كل الأعضاء بالمساطيل يغردون بالتويتر وودي أروح أطررب مسامعي بتغريدهم بالتويتر ...قال أبووفى خذ راحتك لكن أبيك بعد ماتنتهى من هالمهمة تسوي تقرير أو فعالية عن اللي شفته وسمعته من تغاريد وتنزلها بقسم الشله قلت سمعاً وطاعه>>>رحلة الغوص بدهاليز التويتر <<< نعمت دقني وصكيت القلاب ثلاثه أزره وسفعت شعت راسي وتعطرت بقوطي شاني ثم سجلت بالتويتر ...رحت يمين ..شمال.. فوق تحت <<--وشرايك تشكشك ؟! أبي اسمع تغريد أو حتى زقزقه للأعضاء وبعد عملية بحث وتقصي أخيراً لقيت أعضاء المساطيل بالتويتر ...دورت لهم بصمة ولا تغريده يمكن أرفع بها راسي والله ماحصلت شي ..لقيت كل تغريداتهم نفس ردودهم بشاتات الديوان دق حنك وتميلح وترزز.. والله والبساط أحمدي تحت مسمى ( تغريده ) قعدت حول شهر كود أغير رايي ولا ألقى من الأعضاء تغريده لو بالغلط أو إن شاء الله سارقها ...المصيبه والطامه الكبرى ان بعض الاعضاء النشاز واللي ماخذين حيز من المساطيل ومالهم وزن فيها ولاقيمة صار يناقش الميزانيه وبنودها خخخخخ ....ولنا خير مثال في العضو (( مطفشهم )) اللي راز صورته وهو بالغتره البيضاء وملمع وجهه بفازلين..لكم الله يغرد عن موضوع نقص المياة الجوفيه في السعوديه ..مطفشهم اللي مثل العجوز المحتجبة بالمساطيل صاير بالتويتر مثل حسن نصر الله ويتكلم بأشياء فوق إدراكه ومستواه وفوق مستوى صامطه وابو عريش ..اللي مثله المفروض يغرد بالتويتر عن معاناة أهالي صامطه من حمى الوادي المتصدع أو معاناة حراس المدارس وقلة رواتبهم .. ولا العضو (( توست محترق)) اللي توهم خاتنينه بالقراشيع البارح مسجل بالتويتر يغرد عن برنامج إيران النووي ومحطة بوشهر النووية .. والي مثله يتكلم عن تجربة سوء معاملة الشغالات للبزارين أو يتكلم عن ارتفاع أسعار تذاكر ملاهي الحكير ...بعد كل هالغوص والتعمق بالتويتر ماطلعت الا بنتيجة وحده مايختلف عليها اثنين ألا وهي ان ((( أعضاء المساطيل بالتويتر ينعقون مثل الضفادع وماحولهم تغريد ))) أما العضوات فهم (( مقبسين ))) لايغردون ولا شي بس مثل القبسات يطالعون ويتفرجون ......بعدها رفعت تقريري عن نعيق الأعضاء وتقبيسات العضوات بالتويتر لأبووفى ..وعقبها اتفقت مع أبووفى والمشرفين بعمل (( فعالية )) بقسم الشلة---------------------- شعار فعاليتنا (( انكبوهم بالنعيق )) راح نفتح موضوع ثاني ونبي كل عضو يدخل وينعق علينا برد مع وضع الشعار بنهاية رده ..أما العضوات يقبسون علينا برد مقبس مثل القبسه مع وضع الشعار الخاص فيهم انعق بردك عن أي شي صاير بالمساطيل ..مسموح لك بالنصب والتفقيش نبي الردود تتكلم عن المساطيل ...ملاحظاتك أو انتقادك على عضو او اداري بأسلوب عياااري ومع نهاية كل نعيق أو تقبيسه يوضع شعار الضفدع للأعضاء والبومه للعضوات نبي نعلم حقين التويتر أصول التغريد الصح ...مهوب مثلهم ماغير ينعقون ويقبسون...طبعاً مسموح بالإشاعات تطلع إشاعة على عضو وتغرد عنها بطريقتك , أو برنتات لرد عضو أو موضوع كاتبه..ولافضايح من رسايل خاصة وودك تغرد عنها بشكل زاحف.. والتغريدة عندنا مفتوح عدد كلماتها , بس عاد مهوب تنطل علينا سطرين وتشيل قشك خلك كريم وخذ راحتك بالتغريد الـمنــســـم...طبعاً التسجيل مفتوح للجميع ------------------------- الشروط : 1- الوسامة ثم الوسامة (النمره غلط يبو الشباب) 2- الزعل مرفوع واللي بيزعل سوينا قروب مع المغردين وهشتقناه لين يعض الأرض ..مايدري إلا وهو مطبح ورا طهران من قو الصلخ اللي بيجيه 3-نبي التغريدة بالأسلوب العياري واللهجة العامية...نبي نعيقنا بالشله لسعة الصدر مهوب مثل نعيق التويتر اللي يجيب الغلقه 4-الأعضاء اللي ماراح يشاركون بالتغريد مسموح لهم يعلقون على التنعيقه لكن من غير شتشتة مع الأعضاء , وبعد مايعلق يصوت للعضو اللي يعجبه من 10 .....وطبعاً بيد الإدارة + المشرفين والمهندسين 10 درجات لكل عضو مشارك الجوائز : رتب عيارية بــطــرانـــه اخترتها مع المشرفين واتفقنا عليها بالمراكز لأفضل مغردين ( كل رتبة غير عن الثانية )...وفيه رتبة خاصة للعضو اللي بيبثرنا بالسماجة ولا اللي يقلب الفعالية لشتشتة عشان يتوب يعيدها ... شكر خاص / لزعيم التنسيم اللي بيعلق البنر بالسطح مع سراويله  وشكر لمشرفين الشلة اللي خذوا بيدي وغرروا بي نحو طريق الضياع والدجة بعد ماكانت أمي تخشني عنهم وتحط رقم سري للاب توب ( اقول ماضيعهم الا انت )   
آخر تعديل شلة الحاره
في 01:45 AM.
|
||||
|
09-01-2012, 01:51 AM
|
|
||||
|
مهندس تطوير الشله
|
 نبي بسرعه نقفل هالموضوع وننقز للخطوة الثانية..وتراي من ردودكم بقيم نفسي وبكتشف هل عندي مواهب إحترافية بتوصيل المعلومة ولا لأ..لأن هذي أول مرة بحياتي أوصل معلومة...متعود دايم أوصل بنقالية ولا وراعين على الطريق بس ماقد وصلت معلومات .. |
||||
|
09-01-2012, 07:27 AM
|
|
|||||||||||||||||||
|
شعيلة أم سعود
|
قبس اللي المنب قايل .. وشو قبسه قبست مخي بشرحك ومافهمت وش تقول اقين الله لايهينك وضح وش سالفة الفعاليه بما ان فيها تويتر كذا وحنا يالمغردين فيذا  ههههههههههههه عاد انا التويتر اشتغل فيه نفسيه نمبر ون ابن امه يغلبني بالنفسيه والله ياني مطلعه حرتي فيه العن اللي ابي واطلع اللي بتسبدي بدون محد يقدر يكلبشني  ادور بس المحارش وقت ماكون طفشانه حتى انفس عن روحي وارتااااااااح  , , امهم ماعلينا يالخراشيف مدري حراشف خياشيم اللي هو نكك فضلا وليس امر وضح لي اكثر فعاليتكم المعاقه حتى يحصل لكم شرف تسجيلي فيها وشكرن .. مرت من هنا نون العبدالله
آخر تعديل النـُونْ
في 07:29 AM.
|
|||||||||||||||||||
|
09-01-2012, 08:57 AM
|
|
|||||||||||||||||||
|
تغريدها شكشكه
|
ماالبومه غيرك يالطعس اسمه بوم ياعالم...بومه هناك عند العروسه تحت النفاش وعلى طاري الرتب الزينه انا غسلت يدي منها دامك مفكر فيها ..والفعاليه تمام وواضح انها مزبوطه وفيها مساحه قويه للإستقعاد لكن الوقت غلط..ونقول يالحرافيش عساك القوه وانا معكم ان شاء الله بقلبي وجوارحي وبأصابعي وسجلني عندك..
هذا سان لاطنقر وصكو عنه الموضوع بدون لايرد هههههه انت من جدك؟ توست محترق مسجل هناك؟ اشك والله ان اللي شفته مسجل فيه صفحة تويتر اتوقع انك داخل بالغلط على صفحة سبيس تون..لكن ياخوي ان طعت شوري اتركنا منه وخلنا بالكبار اللي يغردون الكبار اللي فاقدينهم..همن مخلينا وقالطين على سماط عيال الفقر اللي راس ماله (سطر وربع)..تكبل اقلامهم الإبداعيه وتحرمنا الطرب الأصيل اللي كنا نستمتع به بصرير سطورهم ومشاركاتهم...اما توست وماتوست هذا ماعرفته الا من طول سنادحه وحشرتها في شي مايخصه..وفعليا فيه كم واحد براسي من زمان و من الشله..والله العالم حدني فاضيه ذا اليوم بروح اشوف وشهم حاطين واتك لي كم برنت لكم تعليق لامنك قريته تغطي وجهك من الفشيله وتقول بنفسك معقوله هذا تعليق فلان والا تعليق علي السبع يومنه ضيف في خيمة بانورما؟فمان الله ياوجيه الخير..
آخر تعديل ام قـسـبـل
في 09:11 AM.
|
|||||||||||||||||||
|
09-01-2012, 12:15 PM
|
|
|||||||||||||||||||
|
حضور سخي
|
ض1 اهم شي راسي هالطويل هههههههههههههههههههههههههههههه من زمان كنت اتمنى احس اني طويلة زي بنات خلق الله والحمد الله اللي شفت راسي اطول مني مير شيء احسن من لاشيء ض1 والله انك يالحرافيش تبرد التسبد بهالفعالية ... يافيه عرب مبغثرين تسبدي بهالتويتر وسوالف التويتر المشكلة انه مهب لكل من هب ودب .. لكن ماتشوف صوبه الا الراعي وبعارينه فوضى وخياس يعني  بزران وشيبان وشباب وبنات .. نادر اللي تلقى له هدف بس تدري وش يمحط بتسبدي ويعصرها عصر لين جا طاري النت والمنتديات ضحكوا وقالوا ماتوا اللي يكتبون بمنتديات الناس بالتويتر والفيس بوك وانت للحين منتديات !!! مثل ربع البلاك بيري والمسنجر ... وهي كلها تنصب بمسئلة وحدة وطريقة وحدة ولو تروح تبحث وراه والا وراها تلقاه بالتويتر حقه على قولتك تميلح وبربرة بزران متى الله بيعفوا عنا من مفتعلين الثقافة والفهامة <-- فهامة !!!
يووووه ذا للحين عايش ؟ هههههههههههههههههههههههههههههههههههههههههههههههههه هههههههههههه ياخي وقسم بالله هذا لحاله يعتبر معجزة من معجزات الله تبارك الله عنده سعة تحمّل تفوق اضعاف اضعاف مولدات الطاقة و الكهرب حقت الحرم المكي ض1 والرياض وكل المملكة الله يعظم اجر نفيسته على نفيسته .. لان محد ماكل تبن الا نفسه <-- والله اني صادقة ههههه على قولتك يالحرافيش يومه يتكلم بشي فوق ادراكه ... تراي اتعجب من هالشي احسه على السباكة اللي يصير فيها احيانا ... انه مخاشره عالم من علماء الجن وظنتي انه مهب بعيد عن نيوتن ولا سيبويه .. صايرن بينهم دامه يناقش المياه الجوفية وكذا ههههههههههههههههههههههه وش علمك انت و وجهك هالمايع بالمياه الجوفيه .. و وش دراك عنها اصلا المهم اللي يعرفه يوصل له سلامي وقولوا له يحللني لاني كل ماتذكرت صورته ذيك اللي بالهواء اقراء المعوذات  بس خل عنك والله ياني انسدحت من شكل البومة هههههههههههههههههههههههههههههههههههههههههه مرتزة وزرقاء ههههههههههههههه مخك داهية ق1 |
|||||||||||||||||||
|
09-01-2012, 11:13 PM
|
|
|||||||||||||||||||
|
تغرد عن ألف بألحان الزحف
|
هههههههههههههههههههههههههههههههههههههههههههههههههه هههههههههههههه الحين فهمت منين جابو فكره تويتر .. ياجماعه الشله ياوجيه بن فهرهـ >> مدرعمه ترا حتى اجدادنا عندهم تويتر لكن يتراسلون بالحمام الزاجل وهم اول ماحطو فكرته ايام العصر الجاهلي تحاسبونهم ابرياء بس بينهم نظرات لااااا،،  فقد كان عنتر بن شداد مطيح بتويتر مع عبله وضاحك عليها حاط صوره راشد الفارس .. ايييييه كان يراسلها بالحمام الزاجل لاسلكي عاد يوم صك عمره 59 عام وشاب الشعر ياسعود قام يرسلها صور عبد الرب ادريس وكاتب تحت ناري الشوق لـ ألقاكي ، وسيف المنصقل يفداكي ...وعبله عندها 14 واحد مضاف بالزاجل ... وكاتبه تحت / لستو بمن تأتي مع طقه الاصبع / ارحمينا تعدد الترزز والمغازل لكن تطور بالتدريج والغرض واحد واحداها الحفيد تويتر  سجلو بهالتويتر راح تعانون صدمات من الجيل الالكتروني .. احس لاقالو سجلنا بمنتدى كانهم توهم ابتدو عالم النت .. انا جت فتره من الزمن سحبت ع ام النت عشان البلاكبيري وطفشت منه وهذا رجعت .. << من زينك محد يمتس .. صدقوني ولااخفيكم علما مافيه احلى من المنتديات .. ازعجونا بمواقع التواصل الاجتماعي .. قصدهم التشبيك الاجتماعي << كافشه جماعه ويلكيكس .. والطقه اللي معه اول دخول لي بتويتر كنت اسميه برنامج( العصفور) .. ابي افهم طريقته وسالفه ام امه اللي مقروشينا فيها .. دخلت صفحه رابح صقر الا عشرين الف وجه مثل رابح ( وجه بريعصي محترق) ومسحت ودخلت صفحه هيفا وهبي الا حاطه البوم ايهاب توفيق واحسن اغنيه عندها ارحنا بها يابلال (مطوعه ب تويتر ) واجي اصك الصفحات واقول لابوكم كل واحد حاط تحت صورته اللي يورينا الكبك اللي كنها برغي تريله راز هالوجه وكاتب تحت خبر عاجل : انتظرونا - سماجه+بزران لقو لهم متنفس ..  يالحرافيش خل التشكيله -4-4-2وابشر بالدفاع مشاركه معكم دامه على تويتر تكفون لاتفشلونا مثل مافشلنا الدعيع بااعتزاله 1- ماغير بدلته الرصاصيه من عام 1409هـ عليها شبك عنكبوت.. 2- لو عازم بناخي ديل بيرو على مفطح اصرف له 3- تكفون يامسؤليين لاتخلون احد يشطح يجيب انديه اجنبيه بااعتزاله 4- لنحتفظ بباقي ماء الوجه منتخبنا وانديتنا يتمغطون بالملعب يصبح اليمين يسار واليسار يمين ،،، والعشب حق الملعب ينوكل .. بٓـربً= الدعيع على تويتر ... ثانكس رفيجاتي لاتحاتون دام ماييت البارتي ياريت كل وحده تدش هني تقولي جم الساعه بتيي << كويتيه تتميلح بتويتر انتححححححححار / تايم   [/COLOR]
آخر تعديل متكيـة ب الدتسه
في 12:31 AM.
|
|||||||||||||||||||
|
10-01-2012, 07:24 PM
|
|
||||||||||||||||||||||||||||||||||||||||||
|
مهندس تطوير الشله
|
حنين الماضي جيت أبضرب المثال ضربت فيوزي لأن توي راجع من حفلة عرق بس اسمعي وانا اخوك بعطيك تذكره سياحية لأبها تلعبين بالتلفريك مع بنفو وانتي بس خليك هناك لين تنتهي الفعالية نايف نقد لعيوووووووون هالضحكه أصير أحلا مصريه باك تراك لا أبد خذ راحتك بالتنعيقه لو تفرش وجه توست محترق الوسيع وتكب كل مافي راسك عليه هذا اللي نبيه..بس انتبه تروح تسوي برنت لبرامج ملتيميديا وتذب عليها , ممكن تقتبس رد لعضو يشكي من جهازه ولا طابعته ماتشتغل وتغرد عليه دامك شطحت من إشراف الشلة للبرامج ههههههههه باك نتشررف بتواجد زززاحف مخضرم مثلك بالفعالية ولو ان وجهك مايبعد عن وجيه كدادين الخرج ...فاااالك المركز الأول  جيب مصندق خلنا من حتسيي الواجد ياجيوبي اطمره وتعال عندي أتبناك وأكفل مواهبك ماعندي مشكلة يروح وقتي وانا أفهمك الأجزاء اللي مافهمتها لو نقعد بلحالنا في برحه نتبطح وانا أشرحلك بسيم علف على التراب صدقني مانطلع منها الا وانت محضر الدكتوراه بهالفعالية بيرفكت أكيد ماراح تفهمينه الا بعد التكرار وشلون بتفهمين بسرعه وانتي حتى الشيله الملكي ماعرفتي تظبطينها الا لين دبسوها لك بدباسه وتبين تفهمين هالفعالية...بيرفكت الساعه المباركة اللي شفناك فيها وفااالك الفوووزفيوز مقصوص هههههههههههههههه وسجلوووووا عندكم العياااار الإحترافي الأووول فيوووز بن مقصوص , وأراهن على انه ملك للزحف والرجه..تصدق يافيوز من مبطي وانا ودي أحتك فيك بس مادريت منين أجيك قلت أسوي فعالية لين تطب فيها واعطيك المركز الاول حتى لو مشاركتك مثل وجهك ...فيوز يسعدني تواجدك بالفعالية لدرجة انه ودي توقع لي وآخذ معك صورة جماعية وحنا مسبلين بعيوننا ...فالك الفووووز يابوشنب العنود خخخخخخخخخخخخخ توني احس فيك بعد فعالية الغفر وأسئلة وخرلا1000عك الله يذكره بالخير....وعرفت منها ان مخك مسووي اشتراك مع مخي المخيس ..بس وش تبين بالتويتر يالضايعة <<---هالكلمة أبوي يسلم عليك وموصيني أقولها لك ان كان براسك حرش ولا حايمتن كبدك وودك توسعين صدرك هذي الشلة قدامك وبيبانها تتهاوا تحتريكم , محدن درا عنك بالتويتر وانتي مكرفسه رجولك في بانيو على مية واربعين حرف ....الوكاد نووورتينا بالفعالية يالعنوود ودي أقول فااااالك الفووووووز بس غسلت يدي يوم شفت التعديل بنفو وهذا أحسن قرار اتخذتيه انك ماتفهمين الفعالية , لأن لو فهمتيها مصيبة وش بيفكنا من حماسك خليك على عماها تكفين وانتي ابشري بسعدك , بس ممكن قبل أرد عاللي بعدك تحكين لي راسك شوي وردي لي خبر وش اللي بيطلع منه...لأن مااظنها قشرة شكلها ضبان مقيله بكشتك .........بنفوووو فاااالك الفوووز المفلوقة هههههههههههههههههههههههههههه هلاااااا بعيارتنا اللي مغيره حبرها شكل قلمك الاسود مدبسينه بورقة اختبارك الفيزياء ناقشه عليه بالفرجار براشيم...كيف لا والسنه اللي فاتت قفطوك وانتي تغشين من طرف شلحتك ثم دبسوها بالورقه.... بس ماقلتي لي وش اللي تحت النفاش ؟! ممكن ترسمينه وتغردين عنه بالفعالية لأني حاس انه شيء جميل وملفت للأنظار بخصوص توقيعك مهوب شرط كل من طلعت عياره ومتعربجه بالمنتديات يطلع وجهها وجسمها كنها ستيف أوستن يعني يمكن يالمفلوقة تكونين وسيمه ومرفهه وكيوت وهاديه ولك خدود من كبرها يناقزون عليها بزرانكم ..وحتى يمكن باب بيتكم طايح من كثر الطوابير اللي عنده...وهذا الصح !!( واحد يبي يرقع للكاريكاتير لأنه حاس بتأنيب ضمير ) ونسجل بالتفتر المفلوووقة اللي تحدت ظروفها القاهره عشان تشارك معنا , لأن امها خاشة الدي اس إل عنها لين تخلص اختباراتها لكنها أبت الا وتشارك معنا حتى لو تظطر تشبك من حمام السطح حق شغالتهم بالكونكت ....شرفتي الفعالية يازعيمة العيااارة وفالك الفوووز طايرتن بالعجاج هههههههههههههههههههههههههههه شعور جميل اني أحقق أماني الشعب المسطولي وأخليهم يحلمون لو ثواني دام الأحلام ببلاش ولا وش اللي مخليني أعيش لهاللحظة أنا ووجهي اللي كنه مخطط حي العوازم... يابنت الحلال هالنوعية السامجة تذكرني بذولاك اللي قروشونا أول ماطلعوا البيجر وقاموا يتغلون علينا ويقولون خلوكم على الثابت يالقديمين خخخخ...وهذا الثابت نافعنا لين يومكم (يارجال شكلك انت اللي ممشي سوقه ) ...خلي عنك ياريستنا المستثقفين ماعندهم الا الضعوي والذياب اللي تعوي زيارتك الخطااافية تشد من أزري , لاتحرمينا ياام العجاجالمستحيل بحد زاتو ههههههههههههههههههههههههههههههههههههههههههههههههه منسسسمه وتتكبكب درر قسم بالله بس وين اللي يفهم...حنا وينا عنك من زمان...ياجماعة وهذي بنتنا التائبة إلى الله المستحيل بزاتو رجعت لنا بالحق بعد مامطرست برهه من الزمن مع جيل البرودكاست والتويتر وبعد ماعرفت وجههم الحقيقي...قالت مالي الا مسقط راسي المساطيل وشهوله ألبس ثوبن مهوب ثوبي , خلو هالأمور للأجانب ورجال الأعمال ..
هههههههههههههههههههههههههههههههههههههههههههههههههه ههه الله ياخذ ابليسك , والله ياليت ابوسمره عازم نادي التلال اليمني ولافكر ينكب تاريخه الكروي بإستضافة الأجانب اللي طقطقوا علينا...نورتينا يالمستحيل وفااااااالك الفوووز سفرجين بص ياسفرقين ! ايواااا هنا هوه...انا من شفت اسمك وانا داري ان اهلك ناطلينك بحضانة مصارية وحاس بمعاناتك في فهم كلامنا السعودي ( شف من اللي يتكلم اللي متراضع مع حبشيه ) ...سفرجين حبيبي انا احترم جميع الجنسيات الأخرى ومن بينهم اهل بورسعيد شرواك لذلك لاتتعب نفسك وتروح تترجم الموضوع بقوقل اعتبر نفسك مقبووول ومشارك انت بس شف مشاركات زملاك الذبيبه ثم قلدهم , ولاخذ تفتر المفلوقة حق الفعالية وخطط منه الاشياء المهمة...راح نسلك لك لين تتعود على لغتنا ويدبر لك مخاوي الجنسية ...حيااااك يابطل وفالك الفوووز------------------------------------ ركزوا معي يابعد جداني اللي فطسوا هالفعالية ماشية على غرار تغريدات التويتر...لكن بأسلوب زاحف , يعني قم الله لايهينك واقتبس رد لعضو ودك تعلق عليه ولا تكلم عن ظاهره بالمساطيل مهيب عاجبتك أو طق لك برنتات لرسالة خاصة جاتك من يوزر وودك تعلق عليها أو سوالف ماهناش صايرة بقيمزر المساطيل...عاد انت وافكارك...المهم تكون تغريدتك بأسلوب عامي مصررقع ....هل تبوني ارقص لكم سامري وانا اقرا الموضوع ثم بعده اهيجن سطر سطر لين تفهمون ؟ هذا مثال من عندي للتنعيق / زعيم التنسيم يقول انهم بيرجعون المتواجدين :
تصدق يازعيم ان آخر مرة شفت المتواجدين يوم كان عمر أبوراس يركب أعمدة الكهرب بالحاره عام 2003 مع مخترش الجحور ..ومن حظي اني بشوف المتواجدين قريب قبل يفتكرني ربي...والأهم يازعيم اني عرفت وش سر إختفاء المتواجدين عشان نتدارك الوضع المرة الجاية , السر انه من يوم أعرس نكهه قبل سبع سنين وهو محمل بالقروض والأقساط مالله به عليم ووقتها كان اغلب المتواجدين من هوامير البورصة مسوين لهم دعوه بالحاره قال أقشع المتواجدين بقشهم وأبيعهم على الأملس البطران بأرباح.....يعني لادخل نايف نجد المنتف قفص الزوجيه يمكن يشلح الحاره بكبرها , لاحول ولاقوة حنا وش يفكنا من هالحمر كل من خط شنبه قال أبي أعرس ويستمر التشليح....لين معاد يبقى بالحاره الا طاقيتي المدعوسه وحواجب مخاوي 8 8 هذا مثال بسيط للتغريدة ..أسهل من كذا مافيش..واللي مافهم يخلي أمه تحشي له سندويشة مربى ووحده ثانية زعتر يمررها لخويه اللي جمبه عشان يفهم ثم يرجع يشارك ( برب عزيمة شيبان )
آخر تعديل الـحـرافـيـش
في 07:27 PM.
|
||||||||||||||||||||||||||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
