 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
16-01-2012, 06:58 PM
|
|
||||
|
عيـّار
|
بااااك
اهلين وسهلين فيك ياالخطيرة ماشاء الله عليك تقرير راااائع عن بلد سياحي رااائع ولو أني أعتقد ان سيرلانكا تحتاج للكثير لكي تنافس بقية دول شرق آسيا كماليزيا واندونسيا وذالك لعدم إهتمام الحكومة باالبلد لجعلة بلد سياحي من الدرجة الاولى رغم وجود المقوّمات السياحية لديهم ولكن قد لاتلام الحكومة لعدم وجدود المال الكافي لديهم كبلد فقير ولكنها تلام لعدم جذب رجال الاعمال وتجار العرب والخليج وأصحاب رؤؤس الاموال والعقارات للاستثمار في بلدهم وفتح المجال لهم كما تفعل كل البلدان سواء في شرق آسيا أو غيرها عموماً نرجع للتقرير ...  أنا أبفهم شئ واحد بس وبعدها مستعدّ أروح عرعر رجلّية هههههههه هاالحين ياخطنطر اخينا بالله الغراب ذا وشلون صوّرتية بهاالقرب كذا ؟! الله يغربلتس اللّي يشوف الصورة بهالوضوح يقول انك متكيّة بجنب راسه يوم انك تصوّرينة  لاااا وبعد شوفي العودان اللّي ماسكهنّ بمنقاره !! وين ياالاخو ناوي تسوّي لنا مكنسة خوص لاسمح الله   وه بس ياقلبووووش  وهالصغينونة الجميلة ذي ماشاء الله عليها تبعكم وإلاّ لقيتوها بسيرلانكا وصوّرتوها ودّي آكلها هي وموزتها وبقشورها بعد خخخخ يعطيك العافية ياالخطيرة تقرير ممتع فعلاً ..الف شكر لكِ  |
||||
|
|
23-01-2012, 04:25 AM
|
|
||||
|
ملح المطبخ
|
وصورك حلوه ولكن سؤالي فيه شي بسريلانكا غير الطبيعيه يعني فيه حضاره واسواق وملاهي ومتاحف ووو وكيف الفقراء هناك  احس الدوله هناك كلهم فقراء ويشحذون انا مااتحمل كذا مناظر ادخل بموجة حزن شديده اذكر اهلي كانوا ناوين يروحون لها انا رفضت قلت الله يحفظكم ديرة فيها فقراء مااروح لها اجل بدال مااستانس اصايح ودموعي اربع اربع واشوى هونوا عشاني  المهم عجلي علينا بالجزء الثاني مره تحمست والمره الثانيه لاجيتوا تسافرون علموني اوصيكم على كم شغاله
|
||||
|
|
|
29-01-2012, 05:40 AM
|
|
||||
|
عدسة مبدعه
|
يا زينك ويازين سوالفيك ويازين تقريرك وصورك وكل شي والله .. صدق استمتعت وانا اقرا , فيك كمية براءه ! غير عاديه مت ضحك على سالفة الحمام والمطعم ههههههههههه !! وصفك دقيق يخلينا صدق نعيش معك جو .. ننتظر الجزء الثاني يا قميل ^^ |
||||
|
|
|
29-01-2012, 03:30 PM
|
|
||||
|
رئيس الأقسام الرياضية
|
سواليفك مُمتعه عن الرحله .. التفاصيل برّيتي بها , خصوصا التسلاب .. كسروا خااااااااطري   والله ياهو يلّلللمممممع هههههههههههههههههههههههههههههه  وشو الي بيدها ؟ :  يالله الجنه : سيرلانكا فعلا فعلا فيها اشياء عجيبه ومناظر خلابه تأسرك ولاتنساها , لي ربع توهم راجعين الخميس الماضي .. كنت ناوي اطير معهم وحجزت وكلش لكن صار ظرف ولا الله كتب , فعلا من اراد الجمال الرباني في تكوين الارض , ماله إلاسيرلانكا ويترك عنها غيره .. ألف شُكر على التغطيه .. وانا مُنتظر مع المنتظرين للجزء الثاني , الله يعطيك العافيه |
||||
|
|
|
06-02-2012, 02:03 AM
|
|
||||
|
حضور سخي
|
وربي احرجتوني بردووودكم آسفة والله آسسسسسسفه مو قصدي اسحب عليكم والله بس الظروف اللي جاتني صعبه والله بالاجازة ارتبطت بطلعات وجيات والأسبوع اللي بعده جلست اراكض ورا هالجامعة عما يعميهم ان شاء الله ماغير مبقبقه عيوني من الصبح وانتظر يردون علي ومشاوير لهم عالفاضي كل هذا في سبيل إني اصير جامعية هالسنة غصب لكن ربي ما كتب ، وبيني وبينكم هم اللي خسروني كنت ناوية إذا قبلوني هالفصل ارقع لهم الجامعه بس ماش يستاهلون ماجاهم وعالعموم عقدت صفقة مع الوالد يناديني بين كل حين وحين يالجامعية علشان ترضى نفسي واقدر انزل الموضوع  اعتذر مرة ثانية لكم وللمشرفين عالتقصير والتأخير وقريب ان شاء الله راح انزل الموضوع
آخر تعديل الخطيـــــرة
في 02:26 AM.
|
||||
|
|
|
20-02-2012, 01:18 PM
|
|
||||
|
حضور سخي
|
نكمل  وصلنا نورليا بالليل " أعلى قمة في سيرلانكا " وتعشينا في ذاك المطعم اللي سوا فيني سواته ثم اتجهنا للفيلا الكلاسيكية على قول مزمل " والله حلو مشاالله " كنه يقول مسالا مو ماشاء الله  وموقع " الفيلا " بعد في أعلى القمة تبون اقولكم وش قصتها ولا مايحتاج ؟  انزين باختصار هذي الفلا كانت هدية من ملك سيرلانكا إلى أمير عمان ثمن بعد عشر سنين عطاها فندق يستأجرها على الناس بس لو جا أحد من أهل عمان يقولك يطلع اللي بالفلا لو بهافاتهم يعني بالعربي لازم تحجز من بدري ماينفع قبلها بيوم يومين ونظامها حجز غرف ، تقريبا فيها 4 ولا 5 غرف .. ولك الحرية بالمكان طبعا إحنا خذنها كلبوها  لأن إحنا كثير بس المشكله إن كل الغرف حقت أبو نفرين  من حظنا إن الأسرة الفردية خربانه ذاك الوقت ،اصلا أنا والعنود توهقنا كل غرفنا اللي حجزناها شسمه هذا -------------------------------------------------- نجي لتصوير الحي عن عن أبو مزمل  الفلا طلعت من جد كلاسيكيه ونظام أفلام 1992 كل شي فيها قديم وتاريخي حتى الديكور ، والجو ياجماعه جو بيت مهجور     بررررد بررررد يقص العظم قص ، مافي مكيفات بالغرف حاطين دفايات من قوة الصقيع اقوى تحية لزوج اختي صور لكم الغرف من داخل  تلفزيون ابو محطه  أول مادخلنا الغرف سمعنا صوت الشبابيك وهي تصافق في بعضها " الجدران كلها شبابيك " قسم بالله جتني نفضه مو طبيعيه  ، حسيت إن في أحد بجي من وراي يقتلني  الله يرجهم حتى النور هادي غصب غصب تخاف يعني ثم جات اللحظة الحاسمة وكلن بيروح غرفته ، أخوي وزوجته وأختي وزوجها ولما جا أبوي بيحرك مع البندري طالعت فيه بنظرة شقت جفوني  من جدك بتمشي !!  نجلس الحالنا انا والعنود !!وهو يصرف ويقول للبندري يالله جيبي اغراضك خلينا نمشي ترانا دايخين أول مرة في حياتي احس ضمير ابوي قايل فيسه >>  واواتحمحم واحم احم والمح وااقوله وش موديك الحالك هناك وان يعني خليك هنا علشان اصحيكم بدري واهدد .. ترى ما راح اطق مشاوير واصحيكم  << محد خااااايف وربي استحيت ابين له أني خايفة خاصة ان العنود اصغر مني وشاقه الضحكة لين اذانها وتقلب عالسرير ومبسوطه وانا الخوف لاعب فيني لعب الزبدة بابا سحب ولا كأن صاير شي  من قال قفلو الباب وانتبهوا على نفسكموانا دوروني ماتحصلوني ، كل ماسمعت الشباك تصافق قمت ابلع ريقي ولما جينا ننام قام البكس  أسحب اللحاف وتسحب واسحب وتسحب واحنا نتهاوش  فجاة انفتح شباك بالقوة وصفق بالجدار  واقوم اصرخ واخم العنود تحلف لي يمين بالله إن الشباك كان مفتوح ، وانا احلف إنه كان مقفل  شوي تقولي فكيني ارحم امك لا احد يدخل الحين ويشك فينا على هالخمة << وانا اتلفت يمين ويسار تقل ضاربني كهرب ياخي حسوا فيني شعور يحزن لمن ماتبي تبين انك خايف قدام أحد أصغر منك شعور يسبب قلق ومغص واسهال وكلبو الاشياء والله الزبدة إنها نامت وأنا مانمت  , ماقدرت أناااااام الاصوات سببت لي أرق خاصة صوت الكلب ابن الكلب حسيته معي بالغرفة ، واصوات الشبابيك من قوة الهوا تخيلت أنها عاصفه بتطير الفيلا كلها كل الاشياء اللي شفتها بالأفلام تخيلتها إها بتصير  طبعا ماجتني الصيحة أبد مين قال طبعا ماتخيلت إن الباب بينفتح وبجي احد يخنقني بدون ما احد يحس أبد مين قال  طبعا ماجلست اقز اللبه ساعه الا ربع علشان ماتتطفي فجأة أبد مين قال فجأة رن التلفون هنا وبس ماعاد فيني اتحمل  جلست العن نفسي وحلفت ما اطالع أفلام تخوف لو امووت حسيت ان اللي برد علي بيقولي باقي لك 7 أيام بس وبتروحين الجحيم حاولت اني ما اسمعه لكن يمين بالله كل رنه جالسه تدق بصدري لفيت على العنود قرصتها شوتها لكن لاحياة لمن تنادي  ولما سكت تقول أحد مطبطب علي والله ما انكر ولا اكذب عليكم إني خذيت الجوال وحرقت تلفون امي من كثر مادقيت عليها ويوم ردت تقول كني رجعت السعودية من الوناسه أول ماقالت ألو .. اغرورقت عيناي بالدموع ، لكن أذني انفجرت لما صرخت وقالت ألوو قلت لها : ماما شخبــ.. << ماكملت كلامي قالت جوجو أنتي صاحية ؟! قلت لها إي والله مانمت قالت لي لا يالخبلا أقولك أنتي صاحية يعني.. طوط طوط ماشاء الله  لا اضحكوا ، اضحكو  تبوني اكمل بعد ماراح اقولكم وش قالت  واللي بيضحك يطلع برا الموضوع الحين قبل ما احذفه والله خوش مندمجين بالسالفه بعد ، عبالكم شي يضحك جربوا اول شي جو الافلام صدق بعدين يصير خير  وعلى فكرة ترى ماكنت خايفة ولا صار شي اصلا نمت من النهاية الفيلا بالليل فلم مرعب ماهيب فيلا ---------------------------------------- لكن المفاجأة لما صحيت الصبح وشفت المنظر من الشباااااااك ماقدرت اتحمممللل شخطت الى البلكونه  بيني وبينك من قوة الهوا خفت تنفتح بوجهي وترجعني ورا خمس كيلو لذلك سويت نفسي اصور وارسلت البندري تجرب حظها تعالوا تعالوا شوفوا اللي اشوفه من قريب     الهواا ابرد شي في العالم والغيوم تمر من جنبك بس مرات تصير كثيفة وماتشوف شي  ثممم زهبتواا الى الاسفل وكدت لااصدغو ياجماعه البلياردو في الصباح حاجة تانية  كلها شبابيك وكل الشبابيك تطل على الحديقة   والصالة الموحشة " المخيفة ليلا الظريفة صباحا "  ايه السجادة الحمرا لكم ياجماعه امشوا نسير عليها ونتخبل على الحديقة التي سنراها " الحديقة الخلفية "  كم مرة اقولكم اذا بتشوفون شي قربوا أنا ماقلت لكم ؟! طيب عادي كيفي انا ابي اكذب اصلا مايحتاج اقولكم الصقوا بالشاشه وانتم ساكتين << غصب تعيشون الجو معي  بعد الصقوا  بعد  بس بس خلاص بلا حماس انزين حسو على دمكم لفوا يمين يسار ، الحمدالله والشكر باقي شوي ويلصقون بالارض   الحديقة مررررررتبه ومنسقه  والورد    الفيلا من زاوية خنفشارية   مدري وش اقولكم ، المكان كان خارج توقعاتي نهائيا خصوصا بعد الليلة السودا اللي قضيتها فجأة وانا اصور قلب االجو بغيت اطير انا والكميرا  يمه يمه ، والله كان الهوا يخوووف تحس كأنك بطير مع الشجر والحصا والفيلا وكل شييييي  شوي وشوي بدت الغيوم تدف وتدف وتدف وانا  حاولت اشك صور زيادة وتدف وكوع يمين ويسار لين ما كلت هوا صح وطقت الكميرا حقتي  قامت تعلق وتطلع اصوات << محد قالي اسوي عضلات واجلس اصور بهالجو صح اقول لا يكثر ، عاجبكم تأنيبي لضميري ما اقول إلا حسبي الله على شيطاني تنكدت علشان اصور هالصورتين ركبنا السيارة علشان نروح نفطر وانا ماسكة الكميرا واتبكبك عند اخوي واششواا قرا عليها " الله اعلم وش قرا " واشتغغللللللتبس هه هه يعني تشتغل شوي وتطفي  المهم رحنا الفندق نفطر " لان البوفيه في االفندق مو بالفيلا " بس ماصورت واجد لان الكميرا كانت في حاله يرثى لها     الاناناس الباينبل مدري شسمه ادمممنت عليه في كل فندق في كل بوفيه في كل مكان في كل شارع اللي يروح سيرلانكا لايفوت عليه الاناناس توتي فطرت بعد  واحنا عالفطور كنا نتناقش على الفيلا نكمل يومين فيها ولا لا ؟! أنا عن نفسي مارضيت وقلنا نبي نغير " مو علشان خايفين علشان نغير جو "طبعا مزمل مو مصدق ان احنا بنغير فجأة بدون مانعطيه خبر من بدري بس مشكلتنا اصرينا وقلنا الحين نبي نمشي الحين الحين  مسكين والله وجهه تلون تمنيت اني صورته لكمبس بالاخير رضا نغير الفندق فديته المهم رجعنا الفيلا علشان نقضب العفش وبالطريق اليها   زووم  وزززووووووم  شفتو شفتوا كيف الشجر !! كنه طايح على الفيلا وشسمه هذا يعني مررره يخووووف  والله لو على رقبتي ما انام فيها مرة ثانية وصلنا     هذا حارس الفيلا معاه واحد مدري وين راح الزبده يشتغل في المطبخ ويظبط شاي على كيف كيفك  تفضلو حياكم    اتوقع كذا يكفي صور للفيلا صح ؟! لان الصور واجد فاشسمه هذا خلونا نروح البحيرة احسن لنا بالطريق إلى البحيرة انقلب الجو زيادة والغيوم صارت تتسدح بجنبك من جد مو بس تدف .. لا شي اكبر من كذا شي مايخليك تشوف شي << شرايكم بالبيت  الزبدة اوووم الربكة اللي جاتني ، طول الوقت وانا اصرخ واقول خلي السواق يفتح عيونه خلوووه يفتح عيونه الطريق صار مايبين والسواق بايعها ، والله كان داعس شوي ، الظاهر يحسب يوم صرخنا ان احنا مبسوطين عالتطعيس مايدري ان قلوبنا كانت بتوقف وانا ياقلب لا تحزن كل شوي اطلع من الشباك اشك لي كم صوره << ماتبت المشكلة مايطع شي ، ولا ودي اوريكم المنظر من فوق قبل مانوصل البحيرةلكني صورت لعل يطلع شي مني مناك  لا شيء واشك صورة ثانية  فجأة سيارة واشك الثالثه وياليتني ماشكيتها كانت بتطيييييييح من يدي وتنكسرررر  شهقت شهقه خليت السواق يحط بريك خربط اجساد كل الشعب اللي بالباص بعد ما جمعوا وضبوا اعضاءهم ورجيلاتهم وهدوا من روع قلبوهم خلوني ادفع الحساب يا اني اكلت تبن بعد هالشهقه يا اني بغيت انقط من فوق ويجون ياخذوني من تحت وش اقولكم بس الدموع اربع اربع من الضحكك  بالله اسكتوا شوي خلوني اركز خمس دقايق مرت وفيساتهم ثابته على نمت واحد >> علام فيساتكم صارت مثلهم لحظه لحظه والله ما انلام على هالشقةوانا اصور الطريق المخيف هذا اللي مايبين فيه شي وكل شوي تطلع سيارة وابلع ريقي واسكت لكن الثالثه ثابته الثالثه مختلفه الثالثه عجيبه بالله شوفو وش طلع لي على طريق رايح جاي رايح وايش ؟ جاي وايش ؟ جاااااااااي وكله غيوم وضباب ماتشوف حتى اصبعك ولو طلعته من الشباك  بالله اللي شهق مثلي يرفع صبعه مين قال انهم بالطريق مين قال ان في احد كان بيدعسهم طيب ليش بوسط الشارع ليه مو على جنب طيب عادي بوسطه ، بس ضباب طيب عادي ضباب لا مو عادي طيب كلو تبن اصلا هم يحبون بعض ويبون يموتون مع بعض وعاجبهم الهوا اللي يتقاسمونه و ياكلونه بالله غيروا الموضوع احس فمي قام يوجعني من الضحك نكمل طريقنا الى البحيرة بعد السالفه قفلت مع السواق ، وقام يطلع لنا اختصارات لطريق لان كان باقي شوي وننزل نجلده بس الطريق المختصر كان مو مزفلت  والله انه اهون عندي من طريق العشاق المتوفين نكمل الطريق ..     مزرعة << قولي قسم  هذا البيت عجبني بس للاسف ماصورته زين لان الطريق مايساعد ااامممم قربنا من البحيرة  شوفوا الشجرة اللي الحالها عاليمين منظر خيالي بصراحه ------------------ وقفنا عند البحيرة بس قبل ما اصورها شفت اطفال يشتغلون بس مدري وش يحملون بالظبط مابي اسوي لكم افلا هندية مرة ثانية لكني كثرت حكي واجد بس ياناس انا عورني قلبي من طبيت هالسيرلانكا وانا قلبي من الم الى الم لا والله صدق يعني حال الناس هناك يخليك تحمد ربك عالنعمة ، ومو اي نعمه بعد تحمده على ابسط النعم اللي رزقك اياها رب العالمين ياناس برد ياناس ضباب ياناس تعب والاصدقاء يساعدون مع بعض  شوفو الشجر وتعرفون وشكثر الهوا قوي عليهم  ياربي كللللللللش ولا الصغااااار يارب تعينهم يارب وترحمهم مع كل هالظروف ... كل الاطفال هناك .... يبتسمون ، ويلعبون ، ويضحكون  انا ماتصلح لي هالمناظر ، لأني جلست ساعه بعدها اعطي البندري محاضرة جبت لها الماضي الاسود حقها كله ، وعلى ايش صاحت وعلى ايش تذمرت ..ألخ << قلبت الرحلة عضة وعبره هيا إلى البحيرة  قهر قهر قهر كنت اتمنىىى احد يكون معاي هناك يعلمني كيف اصور في هالاجواء قمت اخبص في الكميرا كل شوي تزيد الغيوم وكل شوي تعلق وشي ينررفزز ممكن تطالعون الصور وانتم ساكتين    ثم جانا الفارس الهمام يركض من بعيد   شقد هالانسااااااااااااان طييييييييييييييب كل ماقلت له شي قال اوكي كل شوي اقوله ود االخيل يميين يسار رجعه قدمه ورغم الطلبات السريعه والمتكرره مازعل ولا طنقر ولا تضايق ولا شي  لو تبي تنحاش بالخيل مايقولك لا المهم اني حاولت اطلع بشي زين لكن ماش ماشديت حيلي   لسه ماخلصنا  باااقي كثيييييير محدش يرد برب اتغدى وارجع لكم
آخر تعديل الخطيـــــرة
في 03:16 PM.
|
||||
|
|
|
20-02-2012, 06:37 PM
|
|
||||
|
حضور سخي
|
بعد ماخلصنا من البحيرة رحنا للفندق اللي اختاره مزمل بدال الفيلا بس للاسف كان فل وماااافي حجز انقهههرررررررت لأن الفندق كان فيه حديقة ومنتجع متكااامل ويجنن وياااااخذ العقل لل ل ل الفندق .. أول ماوصلنا ..    الورد الصغير عجبني كثييير
 الى الحديقة الاولى ..  شجرة كبيرة مره وغررريبة   سبحان الله جلست مدة اتاملها واغوص في تركيبها ------------- ثم نجي عند الجلسآآآآت الخياااآآلية عند الروآآقه عند الانتيكهـ    تقدر تطلب اللي تبيه من المقهى ويجيك بحضنك اتعب وانا اقول كل مكان كل سيب كل ممر كل زنقه في الفندق جمييييله اهلي كلهم ادخلو الفندق ، انا ماقدرت ادخل إلا لمن آخذ جوله قصيرة  لما جيت ادخل نشبت عند الباب لانهم كانو حاطين ورد بطريقة رهيييبه ، حتى اني احترت كيف اصورة     مدخل الفندق   السقف قزاز والاضاءة طبيعية وهادية عالآخرهنا الجلسات   بعد كذا رحنا الحديقة الامامية     I can not comment << الانجليزي يطلع وقت الروآآقه والمناظر القتالة بصراحة الحديقة كانت منسقة بشكل جميل وجذاب لو اهلي ماسحبوني ولا ناوية اجلس فيها لليل     الورد المصفوف عاليمين ، يصلح باقه كاملة     الوانهااااااااا في كرسي بالحديقة والله لو تجلس عليه ماتقوم مخيطين فيه ورد مدري زارعين تحته ورد مدري ملبسينه ورد اللي هو الزبدة من تجلس فيه تشم ريحة ورد تلعب بالراس وكالعادة اي شي في ورد احتار كيف اصورة     حسااافه حسااافه إن احنا ماحصلنا فيه حجز قفلت معنا وقلنا لمزمل مشينا " كاندي " يابو الشباب قالنا بوريكم أكبر حديقة في نورليا " تحتاج ساعتين تقريبا " واحنا ماصدقنا على الله قلنا له قدااااملاحظو معي كم مرة قلت حديقة في التقرير لأن سيرلانكا مشهورة بالحدايق الكبيرة اللي دخلت مقاييس عالمية وبجد حدايقهم كل وحده احلى من الثانية بس ماهقيت يحطون لنا سكرتارية إيمو وقلة حيا وحركات شياطين  حتى الشفايف  ايمو اصلي والكحلة مرسومة رسم ماعليكم من هالزلع من شفته انسدت نفسي  خلونا ندخل الحديقة  كان الجو بااارد وياخذك يمينا ويسرى   كل حداااااايقهم تنسيقهاااا جذااااااااب   هذي اللوح في منها واجد على كل نبته تقريبا ، يقولك وش نوعها وبلدها الاصلي  تفشل الصورة هذي ؟ ادري اللي بعدوو  هذي الوردة خذتت عقللليييي انهبلت عليها وعلى الوانها ، شكلهااا غريييييب وجذاااب كنت ابي اقطع لي وحده ، بس ممنوع ابد الابدين بوريكم شي شفتوا هذا الطريق ..  في وراه اشياء حلوة بس روحو شوفوها الحالكم نكمل ..       تشوفون خريطة الحديقة بالصورة كبييييييره كبييييييييره مرره حتى انهم حاطين فيها مطعم واشياءات لناس اللي بيطولون فيها  تعرفون النخل الطويل ..؟ اللي موجود بجزر هاواي واندونيسيا في وحده في سيرلانكا مدري كم عمرها ولا ادري كم طولها << وش تبين بالظبط المهم ان شوفوها   شسمه هذا في مثل الرقية كذا مدري مكان مرتفع ووعليها مدخل مطوق بـ ورد وشكله يجنن   الجو قتآآآآآآل  فوق في نوافير صغيره وحولينها ورد    رحلة الطلاب " شوفوا رحلاتهم ماهيب رحلاتنا "  ياخي برررد مدري ليش لابسين قصصييير أنا ثلللجتتت  ونسعسع ..     الورد هنااااك خورااافي   هذي الصورة سبيشل الدقة فيها HD  انتوا مستوعبين اللي داخل الزهرة ؟! أحس فيها شي غريب إلا في شي غريب كيفي  إطلالة الحديقة في غيمة مدري سحابه شسمه هذا كبييييره وطويييله الجبل صاير جنبها ولا شي بصراحة هي تخوف وبنفس الوقت منظرها ألييييييييييييم    سبحان الله بعد ساعة قررنا نطلع لاننا بدينا نتلاصق في بعض من البرد طبعا ماخلصنا الحديقة ولا راح نخلصها لان يبلها ساعات طويلات كثيرات وبطريق العودة    في شجررره خطيييررره بهالحديقة اول مره اشوف هالنوع بحياتي واول مره الصق عند شجره مدة طويله اوراقها الوان بنفسجي ، احمر ، وردي ، اخضر ، اصفر ، اخضر ، برتقالي   وهذي بعد غريبة  وهذا شسمه مركز الحديقة  وهنا استراحة  وختااامهااا كلبة  برب والله ودي اكمل بس تعبت وانا ارفع بالصور آشوفكم بكرا الصبح << محد بينجلد انزين تحملوني عاد بلا ملاقه
آخر تعديل الخطيـــــرة
في 06:56 PM.
|
||||
|
|
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
|
|
|
|
