 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
11-01-2012, 01:44 PM
|
|
||||
|
حضور سخي
|
تم إضافة الجزء الثاني ( صفحة 28 ) من تقرير سيرلانــــــكا الخطيرة ..!!
<< واضح من العنوان ان اللي كاتبه نفسيهـ  علشان كذا ابحط الموضوع قبل المقدمة علشان ما افسق عليكم << بعدين ابقدم وابرر على كيفي  طبعا اعتذر عن الاختصارات الكثيرة لأن الرحلة مر عليها أكثر من سنة وغبار الصور احتمال يأذيكم حتى الذاكرة ماتسمح لي اكتب شي قرقرته طويلهـ ..  ااممم لكن احتراماً للموضوع حقي سأضع قليلاً من المقدمة ذات ليلة بينما كنا نتناول العشاء اشتد النقاش ووصل الى مرحلة ما يوصل لها إلا عائلتنا أمي تبي خدامة وبابا يبي يسافر واحنا طاقتن كبودنا من الدراسة  وبيني وبينكم كنا نبي نروح تركيا مرة ثانية لأن شسمه ماشبعنا منها  لكن أبوي مايتحمل نظرات وتميلح أمي ، رغم التشويش اللي صدر منا في محاولة تشتيت تركيز الوالد إلا أن حال الوالد كان يقول كل ابونا نصير خدامة علشانك يا أم خط خط  وبما أنه مشتهي يسافر اقترح السفر إلى سيرلانكا نجيب الخدامة وبنفس الوقت ناخذ جولة سياحيه بالبدايه عبالهم ابونا يمزح  ، حاولوا يشككون في الاقتراح لكن بابا كان مصر نروح سيرلانكا ، وكالعادة خطوره في صف الوالد دائما وابداً  طبعا الشعب انصدم وكل واحدٍ مادن وماطن بوزه على الثاني تقول كنهم يلعبون سبت أحد بأبوزتهم بس الحمدالله بالأخير اقتنعوا إنها جوله سياحية استرخائية " بيني وبينكم لما وصلت سيرلانكا وشفت إن الكلاب فيها أكثر من البشر قلت في نفسي أجل استرخائيه ياجوجو "نحن الآن فوق السماء السيرلانكية   وبما إني ماجبت كمرتي ماصورت ولا شي طول اليوم  تخيلو إن الموضوع بدون صور بس كلام ، ياخي عادي وش فيها ، عودوا نفسكم على التخيل العلمي  << ذي اللي بتتقرشع الحين لكن المفاجأة أن اليوم الثاني لما نزلنا نفطر ، دخلت علينا أختي وزوجها << كانت بالخبر وبصراحه كانت مفاجأة خطيره  لكن الصدمة اللي جاتني بعدها ، أنهم جابو كمرتي معهم ، ذيك الساعة دوروني ماتحصلوني  لعنت نفسي مليون مره إني خليتها بالبيت علشانها خربانه شكيت توتي بصورة " بنت أختي " علشان اتاكد انها من جد شغاله ، ثم لم يروا وجهي مرة اخرى ،  إلى التصوير"ولو إن العدسة تعطس كل شوي وتطلع صوت والكميرا تعلق بعضا من الوقت إلا أنني أحببت أن أصور " " فاسمحو لي لو الصور مو بالدقه المطلوبه واسمحولي لأنهم كثير وماقدرت اظبطهم " نبدأ بسم الله اسم الفندق اللي سكنا فيه أول يوم في كولمبو عاصمة سيرلانكا    صور من برا الفندق    مدخل الفندق  اعجبتني مررره طريقة الورد اللي حاطينها قلت اكتشفها عن كثب يمكن لا سمح الله ابي اسوي مثلها بغرفتي   ثم جرني حماسي إلى جلسات الفندق وخاصة اللي عند البحيرة والمسبح    المسبح   وآانا أجول واخول شدني محل تراثي بنفس الفندق  لكن لاعت كبدي منه كله اصنام وجيها تخوف واحد خدوده داخله على داخل تقول احد شافط أعضاءه  واحد يطالعك بطريقة كنه يعرفك من أول يبي يصفي حسابه معك  وواحد كنه ميت عليه أحد بصراحه ما قدرت اصورهم خفت أحد يمد يده علي ولا شي لكن وتبريداً لخاطري صورت واحد أقدر أقول إنه مايدري وش الدنيا فيه  ااممم نفس المحل يبيع كتب عن سيرلانكا وتاريخها وكتب متنوعهـ  آبكمل الجوله لكن الباص جا وقطع علي التصوير أول ماطلعنا كان في حديقة صغيره بجنب الفندق حق مواطن من شكله لا استطيع أن اجزم أنه صالح  لكنه بالآخير هو مواطن وحلف يمين بالله ندخل حديقته اللي يقول إن فيها عجايب وغرايب ماشفتوها طبعا أنا لما شفت منظر النمل مارضيت أدخل لو على جثتي  لكني صورت الأناناس اللي عند الباب الريحة ولا العدم كان شكله مره حلو أول مره أشوف أناناس ضغير   أنا جلست بالباص مع توتي وقلت لسواق يتعوذ من الشيطان ويجلس معنا علشان محد يخطفنا ولا شي ، طبعا أنتم تعرفون إني ما أخاف أبدا وماقصر وحليله جاب لتوتي موزه صغيره بعد والله أعلم إن الحديقة هذي كلها فواكهه صغيرة بجميع الأنواع  بجنب الحديقة كان في محل يبيع نوافير  صحيح إن المحل متواضع لكن النوافير رهيبه بعد ماخلصنا من الحديقة انطلقنا إلى قلعة الشاي ونحن بالطريق شكيت كمن صورة طبعا الشوارع هناك ماهيب شوارع بس تصلح رصيف وتصلح سرير وتصلح ملاهي وتصلح لدراسه بشارع واحد تشوف ناس رايحين وسيارت عكسهم جايين وسياكل وشاحنات ودبابات وحيوانات ..ألخ  وهذا بيت أعجبني شكله مره حسيته لـ سواق نعمة على قول أخوي  وبيت آخر  وهذا البيت لسه ماخلص استغربت ليش بانين من فوق ومخلين تحت فراغ ليش ماخلوه دورين ولا دور واحد << وش دخلك طيب >> جالسه استغرب مع نفسي وش دخلكم والله ولا خليت الموضوع يعدي بيني وبينكم  جلست احن على بابا يساله لين ماعرفت وشوله يسوون كذا يقولك الله يسلمك بعضهم يسوون كذا علشان الحيوانات ماتدرعم عليهم وتخرب اغراضهم ، يرتفع ظغطهم كل يوم لا شافو قرد جالس يسوي له كافي بالمطبخ ويتضايقون حيل إذا شافو ماعز صغير يتابع mbc بصالتهم والطامة الكبرى إذا شافو شي في غرفة النوم  وعلى طاري بيوت تخيلو يقول سواقنا إن الناس من الفقر يخلون بيتهم مكان للإعلانات ويأجرون جدرانهم على الشركات عالأقل هم ذوق يحترمونهم ويعطونهم فلوس احنا يشخبطون على جدارك ويلصقون لوح على كيفهم ولاتقدر تقول شي طبعا مالحقت اصور البيوت لأني بالسيارة لكن طلعت صورتين تمشي الحال  وهذي محطة لركاب برضو اللي يبنيها هو اللي يأجرها على الشركات  بالطريق ..  وقفنا عند قرية صغيره قفشت منها بعض القفشات  بقالتهم  الشعب   وهذا الرجال من دخلنا القرية وهو يقزقز عافانا الله واياكم ملييق حده  ومن حركاته شكله يطالع أفلام بووليديهـ واجد ومتأثر فيها لما لفيت عليه الكميرا انبسط عباله بطل الفلم من جد ويقوم من كرسيه ويوقف قدام المحل  أما هذا الشخص بصراحه حسيته صاحب ذوق وانتيكهـ من المظلة اللي شايلها والنظرة الثاقبهـ  واحنا نتمشى فجأة شفنا سكة قطار واوآدم يمشون عليها مو جنبها  عليها عليهااا عليهااااا  مدري وش يحسون فيه بس ماله داعي يطلع لهم قطار يشيلهم كلهم   أيضاً هذه العجوز أبهرتني حين قالت لنا بجم تبون ؟ وعندما صرفناها قالت لو ماعيبكم وطلع مو زين ردوه بصراحه تفاجأت كيف تتكلم كذا !! ، نسيت إن نص الشعب بالخليج ماشاء الله عليها طلعت مشتغله 8 سنين بالكويت بس والله يا إنها خفيفه دم وغيرت جونا ههههههههههه   ثم احتجنا نروح الحمام احتجنا ايش ؟ ايش؟ الحماااام تدرون وش يعني تحتاج الحمام وانت بسيرلانكا ؟! يعني تسويها على نفسك أحسن لك أو تاخذ تذكره تروح بيتكم تقضي حاجتك وترجع تكمل لأن مافيي ي ي أمل تقضي حاجه بسيرلانكا خاصة لاجاك الحمام مافيه نور وتسمع اصوات غير أصوات الآوادم اصوات أشياء الله أعلم إنها تدور عن حاجتها ذيك الساعه العملية تتحول بالعكس والله ماتصير تقضي تصير تستورد حاجات زيادة من الخوف احنا قبل مانطلع من الفندق ماتشوف إلا دوريات شغاله عالحمام كلن يبي يشيك على روحهـ علشان مايتوهق  المهم حلفنا على مزمل "ريس الرحلة " يودينا أنظف حمام بسيرلانكا حتى لو كان بمنطقه معزوله عن العالم اهم شي نكون مرتاحين نفسيا  المهم بعد مامشينا مده طويله وقفنا عند استراحه يقول أخونا في الله إن فيها حمام لكن قسم بالله إنه كهف مو حمام واخونا بالله تاكي هنا ينتظر الشعب يخلص طبعا تخيلو إن الشعب كله رايح حمام واحد مو علشان يقضون الحاجه ، علشان يحمون اللي يقضي الحاجة واحد يراقب السقف وواحد ماسك الباب " خايفين لا يصك الباب ويصير مثل باب سمسم مايفتح أبد " وواحد يرش ماي يخوف الربع اللي يتمشون بالأرض تقول حرامية داخلين على بنك حتى انهم يتكلمون بشويش علشان لا يحسون فيهم الحشرات قسم بالله مت من الضحك افقع موقف مر علي بالرحله موقف الحمام يمه عيوني بتطلع من الضحك بوقف مو قادره اكتب  الزبده أنا ماتحملت دخلت الكفتريا علشان ما اضحك زيادة واضطر ادخل الحمام فتحت الباب وإذا بمزمل تاكي بوجهي فجأة اخونا في الله قالي : جوجو وين بَندَري " بفتح الدال "<< يقصد البندري اختي ويعيدها مره ثانية جوجو جوجو وين بنداري وأنا فيسي قايل كذا ثم قال : جوجو جوجو ويأشر عالكولا ولسان حاله يقول : اجلسي اشربي وش دعوا واقفه عاد أنا انخبصت ما استوعبت إنه قال اسمي كنت مصدومه ومبسوطه ومستحيه وميته ضحك وباقي شوي واحس بحاجتي " بالله متخيلين شكلي "  ما أدري وش سويت بالظبط ذاك الوقت لكن كان باقي شوي ويقلط معي كنت بصوره بس والله كل ماجيت اصوره ينشق فمي من الضحك ماقدرت خليت بنداري تصوره  لا تستهينون فيه  ادري الشكل مايساعد إنه ينمدح ومن جلسته مبين إنه حارس مدرسه لكن صدقوا أو لا تصدقوا هذا تاجر سيرلانكي مو صاحي وهو صاحب الشركة اللي مختارينها لسياحه ، يوم شاف أبوي وجلس معه خذ إجازة وجا معنا طول الرحله  ويلاحقنا بسيارته علشان يازعم يطمن إن احنا مرتاحين بالرحله قسم بالله إنه نكته سيرلانكي خفيف دم أقوى شي ههههههههه الأخ رايح ماليزيا وسنغافورا والكويت وتمشى بدبي مو سهل والله  وازيدكم من الشعر بيت خذنا الخدامات من شركة الاستقدام حقته بالله ذا وجه فلوس ؟ المهم ماعلينا خلونا نكمل ، ماله داعي امسك خط سوالف صور للمنطقه اللي قضا الشعب فيه حاجته  وهذا التك تك  ومحطة التك تك  تدرون ليش مادخلت الحمام ؟ شوفوا هذا المنظر الجميل الذي يقع خلفه الحمام  شفتوه زين ؟ طالعوواا زييين  لا مو هنا طالعوا هنا  وشكرا ---------------------------------------------- في بيت بجنب الاستراحه لكنه فوق حيييل وبين خشاش الأرض وبعيد ماقدرت اروح له << تقدرون تقولون إن الوضع ما يطمن  كان غريب طالع من جدرانه زرع ومصبغ بأسود واخضر ولا في رمل ولا سمن ولا مكان تحط به بذور سبحان الله مدري وشلون كذا حاولت اصور البيت كله علشان شكله حلو لكن ماقدرت فعلت زوما وصورت ربعا منه  لا تقولون ليش ربعه لأن فيه أشياء تقول هوهو ماتخليك ترقى تصور اصلا زين اني صورت وقلبي قايل هزاز من هالكلاب حسبي الله عليهم هذا الطريق اللي يوديك على البيت  وهذا الكلب ابن الكلب  جالس يطالعني ويهوهو علي السخيييييف ماخلاني اصووور شيمدري وشفيه في أحد مضيق خلقه مو راضي احد يقرب    تتعبون مع حواجبه مرسومه رسم _____________________ نكمل طريقنا إلى النهر  هنا وقفنا نشوف النهر بصراحه كنا نسمع صوته بس مانشوفهـ ولا ندري وينه غصب نعيش جو المغامرات والغموض ونتلفت يمين ويسار ونصوت من أين هذا الصوت من أين يخرج  ومزمل يحرك كتفه إنه مايدري وينه ، عايش جو المصخره والهبال معنا  ثم أخوي قفلت معه وطلع خارج النص وقال المزمل تستهبل أنت  وين النهر ؟!! اخلص علينا ماعندنا وقت لحركاتك مسكين تفشل عطانا ظهره ودعس يم الشجر وجلس يزحمه ويقطعه بيده من القهر ألي ألي سوف سوف وهو يناظره بزعل   بصراحهـ المنظر كان شي خياااالللللي والجو بالطبيعه جناااااااان  واسمحوا لي لو الصور مو بذيك الكفاءه لأني وقتها ماكنت خايفه ماكنت اهوجس ماكنت اناظر تحت رجلي ابدا ابدا حتى إن الناس كانو متفاجئين من شجاعتي كيف كنت أرقص واناقز على النهر واصور بنفس الوقت << أخوي يقول " جوجو علامك حبيت الأرض فجأة " من كثر ما تأملتها  وهنا عمال بيبنون مطعم على النهر  نكمل الطريق إلى قلعة الشاي اللي في قمة الجبل وهذي بعض الصور من الطريق     وهنا حلفت عليهم أنزل علشان اصور لأن المنظر كان بس للأسف العدسة تجيب المرض    شاحنة طراز ألف وحطبهـ   كلب منتوف الحواجب  وهذا كلب صيني اسمه بوانغ شانغ  -------------------------- وصلنا القلعة واخيرا بجد اسم على مسمى شكلها كان مثل القلعه حتى من داخل تصميمها كان شييي    طبعا أول مادخلت رقيت فوق علشان اصور المناظر وبعدين صورت المكان من داخل  كان الجو مغيم والجو بااارد حتى إن عدستي صارت تعطس ورا بعض    وانا اصور شفت شجرة تشبه اخوي اطول من العايلة النباتية كلها   و  الألعاب اللي خلت البندري طول الوقت منطنقره مني يعني وش اسوي  تبوني آخليها تروح تنتحر المكان يخوف ومافي امان ماعندي عنقود غيرها هي آخر وحده وماسمحت اضحي فيها << حبيت اصير أمها فجأة لاسمح الله وهي تتمرجح تطير بالهوا وماترجع صحيح صارت واسطات من الوالد بس أنا من قلت ترى بعلم أمي ، وهو يأشر للبندري ويقولها بنروح العاب أحسن منها ذي مو حلوه  وهنا الفيس اللي مسوي فيها مو مطنقر يكفي انها احترقت من الشمس  بس ماعليكم راضيتها أول ماركبنا الباص  ----------------------- وتوتي   صور للجلسات اللي فوق    وأنا أصور شفت منظر يعووور القللللللب قسم بالله تجيك الصيحه غصصصب شفت عشاق يودعون بعض << طيب ليش مايطلعون أخوان عاد كيفي احساسي يقول انهم عشاق لكنهم كلاب وعيال كلاب لحد يضحك لا اسطركم واحدن واحد والله الموقف كان ييحزن ولو انهم كلابماشفتوا شكلي ذيك الساعه مابقى أحد ماترجيته ينزل لهم يساعدهمحتى إن بابا رحمني وحاول في مزمل لكنه وش اقول بس خلوني ساكته لا امسك خط سب وقلة حيا  جلست آآشر للكلاب اللي بسيارة لكنهم مايطالعوني لأاني بعيده ومسويه زوم اللي قاهرني إن اللي بالسيارة جالسين يتفرجون عليهم ولا ساعدوهم كرهت الشعب كل أبو الشعب السيرلانكي بعد هالمنظر  شوفوا وجها قسم بالله تقطع القلب  تمنيت لو عندي فديو للموقف وتشوفون كيف جلس يحرك وجهها بيده كنه آدمي واللي بالباص ملاعين  عاجبهم الوضع جالسين يتفرجون عليهم   ياربي إن اللي بالسيارة كلاب    تعبت نفسيا من هالموقف حتى إني جلست ادعي إن ماتموت واستغفر واسبح وكل مشاعري انخبصت ذاك الوقت ------------------------------------------- القلعة من داخل فيها مطعم + محل يبيع الشاي وعدة الشاي شرينا منهم أنواع تمنيت لو ارجع الحين اشتري كراتين منها ، لأن طعمها كان خيالي  بس في نوع شعبي مايبيعونه عندهم ذكروني بعدين اقولكم قصته هنا المطعم  وإطلالتهـ  وواحد كوووب شاااي وصلاااحوو  لما رحت اشوف المحل مريت على صنم متغطي  بصراحه استغربت انهم مغطين وجهه ، لكن بيني وبينكم المفروض يغطونهم كلهم لأن اشكالهم تلوع الكبد المهم سالنها قلنا لها علام النوخذه متغطي ؟! قالت وجهه مكسور كنت بوخر الغطا واشوف لكن هالغشيم كبير ماقدرت عليه طلبتها توخر الغطا أبشوف كيف وجهه وهو مفقوع ، لكن مارضت قامت تصايح بوجهي برملم برملم وانا بقلبي أقول جعلك تنمبرمين معه وتعرفين إن الله حق عالأقل زينوهم سوو لهم عمليات تجميل هدو من روع الناس اللي يجون يتعبدون مدري من اللي لاعب عليهم وقالهم اعبدوا هالأشكال اللي تجيب الاسهال الظاهر هم عمدا مسوين كذا علشان اللي يتعبد مايطول يذب حاجته ويمشي بسرعه المهم خلونا بالمحل احسن       الأباريق والأكواب تحفه خذنا منها طقم  آرقى شي  هذي الآلة اللي يطحنون فيها الشاي عام مدري كم ، الزبدة انها يعني قديمة  المحاسبهـ الظريفة  وإلى هنا أنا قلت ستوب رحت أشرب شي وآروق معهم ثم خذت لي غفوة بالباص ماصحيت إلى واحنا بالمنطقة الثانية<< غفوة أجل اللي هي " نورا اليا " اعلى قمة بـ سيرلانكا ، وراح اتكلم عنها بالتفصيل بالجزء الثاني طبعا وصلنا بالليل وودنا مزمل مطعم أحلف يمين بالله إنه اطلق مطعم هندي رحت له شنو لذيذ شنو تاكل اصابعك وراه شنو الريحه تخليك تنسدح على اللي بجنبك الخبز التنور حقهم من ريحته ودك تتبرك فيه وتستودعهـ قبل ماتاكله طبعا الجو كان برررد صقييييع اسحبوني بونش علشان أنزل من الباص كنت آباخذ أكلي سفري جاتني حالة سودنه مو طبيعيه مع البرد بس والله إني يوم ذقت الأكل تمنيت أني نازله من زمان وطالبه لي سفرتين خاصة فيني  من الجوع ماصورت ولا شي حسبي الله على ابليس مدري وشو له مجوعهـ نفسي  عاد يوم جاب الفاتورة طلعت عيوني وقمت افركها قلت ياجوجو وش كلتي أنتي بالظبط   والف وجهي واحسب صحوني وارجع اطالع الفاتورة واحسب صحوني مرة ثانية واطالع الفاتورة لين جاني حول ابوي سحب الفاتورة وقال يابنتي تعوذي من الشيطان العملة تختلف حقتهم ما خلص كلامه إلى وأنا " "أقوله طيب وش رايكم نطلب خبز تنور للفطور بكرا بعد فترة استوعبت إن في أحد معنا عالطاولة نسيت إن زوج إختي معنا << أنا وأنا جوعانه مو أنا لمااستوعبت تقول أحد معطيني كف ، والله اني هجدت هجده محترمه ، وبعض الناس اللي ضحكوا علي قمت اشوتهم برجولي من تحت الطاوله الزبده وقتها جاني شعور خلاني اروح اركب السيارة  واراقب النجوم ، احسب كم مره بتحسر على عمري جتني الصيحه على ذي الفجاعه اللي نزلت علي قدامهم عالعموم ماتفشلت واجد ، بالأخير هم كلوا دبل اللي كلته إلى هنا يكفي ؟ لا قولوا مايكفي بعد لا قولوا وش رايكم بعد تجون عندي بالغرفة تظبطون معي الموضوع وتحطونه بدالي هذا اللي قاصر بعد ------------------------------------ خلاص خلصت نفسيتي وتم الجزء الأول بسلام بالجزء الثاني راح اتكلم عن باقي المناطق وعن الفلا الكلاسيكيه اللي أجرناها بالتفصيل الممل  وعن البحيرة والحدايق والكلاب الآخرين اللي ماسبق لهم طلعوا معي بالتقرير الأول  بالله وش رايكم بالتشويق ادري إنه عاجبكم مايحتاج تقولون شكرا لمتابعتكم  |
||||
|
|
11-01-2012, 01:51 PM
|
|
||||
|
حضور سخي
|
احمم احمم
ابقول شي عن خاطري اولا وحشتوني والأنفار والأشخاص اللي قالو ليش اختفيتي فجأة أقولهم إذا كمرتي اختفت فاطبيعي إني اختفي فديتكم بيني وبينكم أنا مليقه لازعلت اسوي كتر آي واحدد كل شي يخصني وازعل عليه وبصراحهـ وحده عندكم رفعت ضغطي ومن غبائي إني ضيقت خلقي علشانها وسحبت عليكم وعلى مواضيعكم فحابه اقولها إن مواضيعي اللي تثبتت قبل لا بواسطات ولا بعلاقات تثبتت لأن مجهودي كان يستحق التثبيت تمنيت لو اشتكيتي عند الاداره ولا أرسلتي لي رسالة على كل موضوع احطه ناشبه لي على صغير وكبير ، بجد تعجبت ماسكتني على كل حرف اكتبه صدق فاضيه وبنت فاضي وربي ان رسايلك تحوم الكبد خاصة اللي مزينتها بالورد تقل حوش بيتنا  بس هم بعد أنا أجيب الظغط لأني خذت كلامك على محمل الجد وانتي مو كفو أحد ياخذ كلامك صراحه وبس << وش رايك بالبزاره وأصل المبزره يوم ارد عليك هنا مليقه صح؟ << اجرب طعم اللعانه والصديقه الصدوقه حبيبة قلبي اللي قالت لي ياجوجو لاتحطين موضوع سيرلانكا وتفشلين عمرك آسفه إني بالنهاية جطلتها اتمنى اتمنى انها تشرف عالموضوع وتشوفني الحين وانا اتفشل قدامكم -------------------- شكرا لـلإستاذ ديل كارنجي << يمديكم عالغموض  شكرا للبندري  ااممم شكرا لكم ياساكنين بلاد العرب شكرا مطاول شكرا هولداي وشكرا لكل مشرف شرفني وشكرا لي لأني حطيت لكم موضوع حلو مثلي من زمان ما فضفضت |
||||
|
|
|
11-01-2012, 02:02 PM
|
|
||||
|
كاريبي الضحيه
|
 العنوان حكايه لحاله يوم قريته جيت مدرعم ابشوف وش السالفه ما شاء الله شكلها كانت سفرتن ممتعه بالحيل وشكلهم فليتوا ابوها بذاك اعجبن حتسيك عن الحمام وبعد حتسيك عن الحواجب والله يا انتي فصفصتي التتسلاب فصفصه يعطيك العافيه ونحتريك بالحلقه الثانيه |
||||
|
|
|
12-01-2012, 11:13 PM
|
|
||||
|
ملح المطبخ
|
ماشاءالله تبارك الله ,, سرد وصور عال العال وكأني معكم الا في نقطة المطعم بالاخير حقدت عليك بشكل يقطع بليسك تحمست اشوف وبالاخير ماصورتي ليه ليه لييييييييييييه ؟ وسالفة الكلبين قسم ياعورني قلبي بس خل نكون واقعيين الناس وش بيسوون الي بالباصات ؟ , شيييي هالصوره حسيتني اسمع صوت مويه وعصافير -قلب- , , , ريحة النارجين تفووووح من هالصوره والله احسه قايم يجلدك مو يصور ههههههه, , , تشبه لبنت عمتي بشكل عجييييييييييييييييييييييييييييييييب الله يخليها لكم -قلب- وتصويرك مررررررررررررررره حلو ليه ماأخذتي الكام معك بالاول !  أكيد انتضر الجزء الثاني  امسكي يابت
آخر تعديل رتيــــل
في 11:15 PM.
|
||||
|
|
|
13-01-2012, 05:44 PM
|
|
||||
|
عيـّار
|
تقرير راااائع ياخطنطر بس عليك عنوان مدري وش يبي صراحة خخخخخ وش كلب وكلبتة ومدري وش ..!! الله يرّجك من قريت العنوان جاي اركض للموضوع معي عظم
عموماً عن أذنك بغيرّ عنوان الموضوع ياخطيروووه عشان مايكشوّن الاعضاء ويحسبونك مصوّرة تسلابة وكذا الموضوع مثبت ولي عودة للتعليق بإذن الله |
||||
|
|
|
13-01-2012, 08:24 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حضور سخي
|
حتى أنا ماتوقعت سيرلانكاآآ فيها طبيعه تجنن خصوصا المناطق المرتفعه فيها بس فيها بعض الملاحظات كسياحهـ راح اذكرها بالجزء الثاني ان شاء الله
الله يعافيك للأسف الوالد ماجاب شغالة جاب شغالتين
والله إني داريه إن التصوير مش ولابد لكن راح أعوضكم بصور اطلق منها بالجزء الثاني عذرا على لخامة صوري
هالله هالله تفداش الصور وراعية الصور حتى أنا استمتعت بردك
شكلك مزعوجهـ من جد
شككككرررااا
اسكتي قسم بالله كل ماتذكرت لعنت نفسي أنا حاقده على نفسي أكثر منك بس مثل ماقلت لك أنا وأنا جوعانه مو أنا
بيني وبينك خلينا مو واقعيين أفضل
والله العذر والسموحه على العنوان اللي مدري وش يبي  بس والله إن مرارتي كانت مفقوعهـ وقتها وشكرن كثيرن واجدن عالتثبيت
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
| الذين يشاهدون محتوى الموضوع الآن : 3 ( الأعضاء 0 والزوار 3) | |
| أدوات الموضوع | |
|
|
|
|
