ارحب يانقظة ضعفي انت من اشوف اسمك لاشعوريا اسكر ياقة القلاب واتبسم يعني تقدر تقول حالة رومنسية وكلها بسبب نكك اللي يذكرني بحبي ياسمين عبدالعزيز من زود حبي يابو يامواطن لها كنت احتفظ بصوره لها ومكبرها كبر منيو مشويات الرافدين وخاشها تحت فراشي وفي يوم من الايام طاحت عجيزي على الصورة ثم لاشعوريا حطت سبباتها على اسفل عينها اليمنى وسحبت اصبعها للأسفل وهي تصرخ وعيباه فيوز نسونجي ولمن صورة هالبنت اللي ماربوها اهلها ومعطيتها هالخبل اللي هو انا ثم حضرت عند ابوي عرضت عليه ماوجدت تحت فراشي وابوي وواخذ صورة ياسمين وطلع لجارنا امام المسجد وخلاه يشوفها ثم رجع هو والامام وبدا الامام ينصحني ويقول الستر على اعراض المسلمين وابوي يقول ياكلب عندك خوات ومن هالتهزئه قلت الحين انا وش مسوي ويطلع الصورة المطوع قال صور البنت هذي اللي تحت فراشك اعترف هي بالحاره وبنت من وكيف تعرفت عليها قلت هذي ممثلة مصريه واحبها ومشهورة والكل يعرفها ثم صرخ ابوي بوجهي الله يفضحك يالفرعون ومن بعدها يامواطن صرت عبرة حتى وقت صلاة الجمعة تسمع الامام يعيد ويكرر ابناء المسلمين اتجهو الى اقتناء صور الممثلات حتى سكن الشيطان في بيوتهم وصار الاب يشك في شهامة ابنه ويأشر علي

اقتباس: الان وبعد هذا العمر وبعد هذه الخلبطه بالعالم العربي أحاول العودة للشله فهل أجد لي بينكم مأوى يأويني ..

احسك وانت تتكلم عن العالم والخلبطة انك زين العابدين منتهي ايجار شقتك بجدة وجاي ترفد عندنا ياهلا والله يابو ياسمين وتور مانورت الشلة وخلنا نجي لموضوعك ونفص فصه شويتين >>يصب بيالة شاي

اقتباس: ذات رحلة للبحث عن الاثار والكنوز المفقوده .. وذات هايلكس غماره مسحبب ستتها بمجرد الوصول فيها للسوبرماركت المجاور لمنزلك فأنه لزاماً عليك زيارة طبيب متخصص بأمراض العمود الفقري

..

وذات اجنحة وسرعه هائلة هو فيه ايه يابو ياسمين من اولها علقت بذاتك ولا ايه هههههههههههه الهايلوكس مشكلة احس اللي مسحب سست هلي طول الوقت على جنابه من كثر ماتهزه راح يدفق

اقتباس: بدر يستطرد تصدق يابو ياسمين اني مريت معارض النسيم والشفاء للبحث عن شبح بدفع عربون فيها تدري ليش .. ليش يابدر .. لاني متأكد مليون بالميه من وجود كنوز بمدائن صالح أعرف ناس أغتنوا من هالشغله الموهم أننا نكون على قلب واحد .. أحسنت الموهم القلب الواحد هذا له دور بنبش قبور الفراعنه خل عاد قبور العلا .. تدري يابدر أنت عارف موقع القبور زين مازين ولا ننبش لنا قبر يطلع بكرا لواحد مات منتحر من الديون من أهل العلا أنتبه لهالشغله ..

ههههههههههههههههههههههههههه بدر هذا من يوم قال شبح اغسل يدك منه اجل رايح يبحث عن كنز ويفكر في شبح شماغ جديد يشخص به كوبرا ويسمع خالد عبدالرحمن شلون تبيه يطيح على الكنز وهذا حلمة لو اني مارد وحارس لي كنز ويجيني واحد يبي ياخذه عشان شبح قسم مايكفيني فيه احط له بدل الكنز جعري مجيف لكن يالله كل شئ جايز واحد بياع ابيض زاحف ملقع في احد الايام وهو سهران في اليوم السادس وتاكي له بشعيب حصل له تمثال ولقطه وحذفه على طبلون الددسن ومرت الشهور ويقابله تركي ويبلش له عند هالتمثال قال بشتريه منك وان هذا اثار المهم انه عطا خوينا السهران 700 الف وقال دلني على المحل ومن بعدها خوينا طقع مخه صار يسف في الابيض ويدور الشعيب اللي طبح فيه وهو سهران ولاعاد يذكره

اقتباس: جلسنا وذهب أبو عصام ولم يعد إلا بطائرة أخلاء من الدفاع المدني

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه
مشكلة الزول اذا تهور مايوقع قريب بس مالومه ادمي يحلي بقشطة تاج وحلاوة طحينية قسم اذا عرق ينشب في راس صفاة بس عزالله ان سواق الطائرة عيونه مثل الصقر ولا شلون قدر يشوف السوادني بين الحصى السود كنه وبر زابن في شجرة ضهيان

اقتباس: يعني أول شيء لزوم نسويه الاتصال على مركز طبي متخصص بالامارات على شان يحجزون لنا ثلاث كراسي لعلاج فقرات العمود الفقري من مناطط الهايلكس طيلة الطريق

والله يابو ياسمين ماضني تستدعي متخصصين وكذا يعني من الاجسام والا العضلات اللي من كبرها مايشتالكم الا تاهو ثلاثه ومعصقلين وماخذين راحتكم في غمارة الهلي يعني تايلندية حقت مساج تطق ظهوركم بطرف اصبع رجلها وتضبط اموركم

اقتباس: عزالله تفشلنا حنا وهايلكسنا يقال لنا آخر موديل طلعنا عربانه هناك مافيه الا قوة جيوب وبناتن يسوقن ارداهن اللي معها جيب نيسان كشف عاد رقعها .. طلعنا نشاز بدبي

هههههههههههههههههههههههههههههههههههههههه آآه يامواطن هذي مشكلة نعاني منها ياشعب التايوتا هذا واحد سلمك الله تحمس انه يروح الكويت من مايمسع من فله وخلفيات وكذا وهو يدق سلف الكابرس اربعه وثمانين مرفع لون اسود ويتلها للكويت ويدخل الرجال الكويت يقول وانا افك اللطمة وانزل الشماغ على الكتف واطلع المشط الأخضر واجلس امشط القذلة وهو واثق ان الكابرس يحمل بنات يقول وانا واقف عند الاشاره ويقف جنبي شبح كوبيه وفيه ثلاث بنات كل وحدة تقول الزين عندي واللحم يحتاج قصابه يقول وانا انزل الدريشه وأشر لهم ويدي على شنبي ووحدة منهم تخرش عليه يابدوي يامعفن جاي تغازل بالله شوف سيارتك كنك راكب غراب يقول وانا اطق لطمة واخذ الدوار لى سرعتي وادوير على السعودية

اقتباس: وعلى سوق نايف نطقم بدال .. المصادفه وبدون ترتيب طلعنا كلنا مطقمين بنطلونات اسود والقميص ابيض .. طلعنا كأننا قراسين بمطعم هندي

ههههههههههههههههههههههههههه اتعب انا على هالوطنية ياخي اشوف هالعنية كثير برا ويوم تشوف لبسهم تحسهم الخوال اللي يركبونهم
البعارين وقت سباق الهجن في الجنادريه ومايدبل تسبدك الا السعودية اذا شفتها بمصر وهي حاطة بروش السعودية ومسفعها اللي تغطي به وجهها المصدي بالسعودية يتغير وضعه بمصر تحطة على خلفيتها وتربطه والعقده تسويها على شكل وردة

اقتباس: وتعرفنا على وحده تركيه بالفندق عجوز أسمها روزا

جبت صوره

ا قلووووب من هنا لحد روزا وتجاعيدها اقدر هالعينه اللي تعطيك جوك ولها سووق وباااع في الهز والذي منه

مواطن في قلب ياسمين موضوع رايق وخلاني اصهلل عليه واروق واعطي النفوخ حقه لدرجة اني صرت افكر اسوي مقهى
بس ماراح ابيع معسل راح ابيع مواضيعك اللي تروق >>مابقى الا تقول يالذيذ يارايق وانت سفن أب
وخذ هالوره لعيون روزا