خلوني ادخل بالموضوع على طول (( وش رايكم فيني وانا اخلاق))

انحدرت مع خالي لتبوك عشان ادرس واتفوق واصير اقوى واحلى واحد ( يعني قوي ممكن لكن حلو شلوووون ).. سكنت عند خالي وداومت بالمدرسه وفي يوم من الايام الممطره طاحت برايتي من الطاوله نزلت ابي اجيبها جاني المدرس وصار ينتف من شعر راسي ويحطه على الطاوله رجعت للبيت وانا محزن وقافلـه معاي ,,,قلت لخالي برجع لابوي ما ابغى ادرس ويرجفني برجله ويصمخ راسي بالجدار قال لو ينتف حواجبك المدرس لازم تتعلم وتصير رجال طلع ولد خالي معلمه مو كلنا بفصل واحد قمطت العافيه وسكت ,,اشترى خالي شماغ وكل صباح كان يشد وثاق راسي فيه وكانت العقده فوق عشان ما افكها واداوم بس النفس ماهي تلعه ,,كرهت المدرسه وماكان معاي الا اضرب عن الاكل عشان اطلع للديره وبديت بالاضراب ,, وعرفت زوجة خالي
وخافت وقالت لخالي خله يطس لا يصير بولد الناس شي ثمين يبلشونا ( تفكير حريم ) جا العلم لابوي وقال لخالي خله يطلع ,,رجعت للديره واول ماشافني ابوي صار يحضني ويتفل في وجهي وانا احب راسه .وبعد كم يوم ناداني ابوي وقال لازم اعلمك السواقه عشان تساعدني تجيب الحطب والمويه ,,واطلع حصة سواقه وخلاني ابوي اسوق ,, المهم باب السواق لازم تسكره بقوه عشان ما يفتح ,, وعلى لفه فتح الباب وطحت وكان ابوي ملتفت يسولف سمع هجده ناظر ما فيه احد عنده ويتلحق الطاره وهو يقول ياتيس السياره ياتيس السياره ...ويرجع لي ويدبغني لين جبت عشاي ,, ودايم ابوي يعاملني بقسوه كاني ماني ولده عاد صار كل شوي تجي السياره قبلي ويلقوني طايح برمثه ,,, ومع التقدم الحضاري وصلنا التعليم وفتحت عندنا مدرسه واخذت شهادة سادس بتفوق (الله من النصب ) قلت برجع لتبوك ابي اكمل الدراسه (واصير اقوى واحلى واحد ) كان لون شنبي اخضر (يعني عمري كبير) ما انقبلت نهاري سجلت ليلي وبديت ادور على وظايف وتعرفت بالمدرسه على ابو جنزير وخاويته,,,صار صديقي اللي اكب عشاي عنده ,, بس فيه شي للحين ما فهمته هو مباحث هو مريض نفسي حقيقه ما ادري ((كان لو تشوت علبة ببسي مرميه بالشارع طلع لك تقل فارش ورى الباب هو وشكله اللي زي عصا المكنسه كل جيرانه طفشوا منه,, مراقبهم بالكبيره والصغيره ,, كنت اذا بغيته يطلع اكسر علبة سفن قدام بيتهم))
المهم كنت اجلس معاه كثير هو واخوياه ,, كان يطقطق بحراج الخرده وعايش واخوياه ماهم بعيدين عنه ,, وكانوا راعين كيف ويوم مد لي ابو فريده صاروخ وقال ترا هذا من النوع الفاخر ,, اخذته وقلت ( لا ارفض اي شي فاخر ابدآ) كان هاجس المستقبل يؤرقني ( لو تتعصر يا الحرافيش ما عرفت هالكلمه ) وما يبدا هالتفكير الا اذا عمرت ومليت المخزن تبدا المشاريع تهل تقل كيس رز مشقوق ,, ولا انكر كنت متهول فيهم لما يسولفون عن مغامراتهم وكيف يكسبون فلوس وانا ماعندي سوالف ( ومن هنا بدت تتشكل قناعاتي بكسب المال ,, اني اصير مع الخيل يا شقرا ,, ومابد انها تصيب لان الحياه فرصه او حظ ) وانطلقت وكنت مع الموضه زي بنات اليوم كل شوي عبايه شكل (هذا الكلام لاينطبق على ام قسبل ),,المراد اللي يسولفون فيه اليوم من بكره ادور عليه يعني لو اسمع احد لقى صندوق ذهب صرت ادور على الذهب ,, لو سمعت احد باع بعير بمليون صرت راعي بعارين وعلى الطاري اشتريت بعير اجرب ب 1000 ريال (مسوي لي نظره ثاقبه وعراب مثل رؤساء الانديه السعوديه) ..وادق خيمه عند مربطه ,, وصرت كل يوم افطره عسل ومعصوب بالقشطه , واعشيه حليب السعوديه وبسكوت بالتمر ومن يسألني وين الغيبه اقول عند ( سبّاق,,اخترت الاسم من باب سمو الاشياء بأسمائها ,,, وكل من اسمه نصيب )وانا اكل لوزين وعصير جواهر كله لجل الملايين يهون ,, لا فسقت اكل شاورما واصيف بحقل واشتري مازدا زوم (يلعن ابو الطموح) ويوم كالعاده صحيت بدري وافرش كيس شعير واحط عليه عسل ومعصوب بالقشطه وكوب حليب ,, ويناظر فيني سبّاق بنص عين ويقول ترااا جاني السكر من هالاكل ما تسمع ان الصحه بالاكل المتنوع جيب ربطت تبن كيس شعير وبعدين وش سالفه حليب السعوديه كل يوم ,, كل يوم ,, ترى ذبحني العطش وانت ماتشربني غير مره وحده بالاسبوع مويه لوني ناقة صالح يا حب ,, قلت يعني انت تبي تاكل تبن وشعير ولا يهمك العصر تريوس دينه مليانه تبن يا وجه الفقر ... قال لا تغلط لا بطرف رجلي ارجفك ,, و6 شهور تدليع لدرجه اتفقت مع فلبيني يمرخه مرتين بالاسبوع يفكك العظلات من كثر التفحيم عشان ما يجيه شد عظلي والا رباط ومره احصل الفلبيني منصرع تحت البعير اثاريه طايح من فوقه,, ويجي اليوم الموعود ويدخل سبّاق المظمار وانا بالمدرجات
معاي علم السعوديه واقول اليوم يومك يا بطل وابو فريده معاه الطار وابو جنزير يغني (واللي تحدّاه ياويلو ياويلو .. واللي تحدّاه ياويلو ياويلو ) وما عدى نص الشوط الا يتكرفس وتنكسر يده عين ما صلت على النبي ,,كان اخر واحد لما طاح ,وانا اللي اطفش ويجيب ابو جنزير سكين ويذبحه واحلى كبدة حاشي هذيك الليله ,,, كنت اقول بنفسي توني بأول الطريق بس اهم شي ما استسلم والخير قدام ,, وبعدها بفتره جاء وقت قنص الصقور والبس فرهول ازرق ,, واطلع لعجوز بالحاره تربي دجاج وبط ..واشتري دجاجه واروح ورى التشليح خابر صقور تحوم هناااك احد يقنص بدجاجه سويتها ما خليت لاحد شي
( كان ماخذ ساديا ومريح صقري من التنتيف )<<<< صار صقري ,, واربط الدجاجه من كرعانها والصقر يحوم فوقنا وهي تزحف بمنقارها لما قربت مني وتمسك ثوبي بجناحها وتجلس تتوسل وتقول ترضى احد يربطك ويرميك هالرميه ,, ومعطيها اشكل وترد تقول ترضى احد ,, وتخنقها العبره وهي تندنها خليليه وصياح وتقول تكفى ياحب انا اكد على كوم لحم من لهم بعدي لايصير قلبك قاسي وانا اللي اجلس على الارض وادلدل اذاني من كثر كلامها علي ,, وكل شوي تبطبط دمعتي ودها تفر وامسحها وشوي الا ابو جنزير طاب علي قال للحين عند الدجاجه ,, واناظر فيها وهي تمسح دموعها قلت ابي اتاكد ان الصقر شافها ,, وهي تقول كاااااا كاااااااا كاااااااااااااا كاااااااااا ,, مافهمت وش تقصد .المهم الصقر يحوم فوقنا ينتظرنا نروح,, دحدرنا لخويانا ومعاي دربيل الا الصقر جالس ينتف بالريش وياكل وبعد ما شبع ويناظر فيني ويسوي لي حركه اوكيه بجناحه قمت انقز من الفرحه صقري عجبه العشاء واراقبه لين نام وكنت اسمع ان الواحد اذا عشى الصقر يسري عليه بدون ملابس (لان الملابس لها خرفشه والصقر يسمعها وثمين يطير ) واخذ الشبك واترك العيال على النار واروح بعيد عنهم واملط وامشي بشويش للصقر ابي امسكه الا الكلاب تجلس تنبح واشوفها جايتني وانا اللي أحط رجلي وانحاش والكلاب كافخه وراي وانا منحاش والكلاب ماسحه طبلونها وراي ,,عاد شفت ضو كن صراخي ارتفع وعلى دعستي ماهديت العيال هم شافو واحد يركض واملط قالوا بس جني يستهبل ويتقامزون من على النار ولما وصلت ما غير عفنتهم ( يالرخوم ,, اسمع من يتكلم ). وننام هذيك الليله ويذبحنا البرد ومن فجة الضو واروح اشوف الصقر اللي عشيته ويطلع عقاب والا صقر يوقف فوق كفر, استمر الحال وكل مره اجي مطفي النور ,, كنت زي وزارة الصحة الواحد يتخرج دبلوم تمريض المفروض حده يبط ابره واذا كان فاضي يدحرج قطن والا يصفط شاش وتكتشف انه صار مدير قسم بعد شهرين من توظيفه
وفي يوم من الايام كنت اتابع برنامج عن الاعشاب والطب الشعبي ولاحظت ان السالفه سهله احفظ اسماء الاعشاب وايش تستخدم فيه ,, وتطق براسي مشروع ( محل عطاره)
الا راسي ينتفخ يازين المشروع,,, وثاني يوم اروح لمحل عطاره واشتري من عنده كل انواع الاعشاب اللي بالمحل ,,,واخم عفشي واطلع للديره واسحب على العيال والمدرسه وافتح محل حب تغيير للعطاره واكتب تحت من اقدم بيوت العطارة بالشرق الاوسط (خبره ) ,, المراد بديت وتطورت وصرت راعي عطاره واخذت شهرتي تزيد وطحت بالبصل عشان يسموني البلجيكي (سامع ان البصل يخلي الخدود حمر) ومع الوقت لاحظت غريزتي تميل اصير طبيب شعبي وافتح غرزه بالمحل للكوي من الامراض المستعصيه وبديت اتعلم على اهل الديره وكنت ذهين ما اكوي الا على شحم ومن بعدها طلعت كلمة(( على شحم )) ومرت الايام وكبرت انا الا راسي لانه كبير خلقه . وفي يوم كنت جالس الا تدخل علي وحده( قطعت قلب) طلبت زنجبيل انا اختلف لوني وصرت اعرق وبديت احس بدوخه ( جاني هبوط) وانسدحت بالمحل وارفع رجليني بوجه البنت ويبخ العرق من جبهتي وانا اللي بديت اروق واشوف زين واقوم واعطيها طلبها هي طلعت وانا وراها مسرع احث الخطا اكتشفت انها ممرضه لبنانيه تشتغل بالمستوصف اللي بالديره ومن وصلت كثرت حبوب الوجه بشباب الديره لم اتأثر بها اطلاقا وانما حب ادراج العنصر النسائي بالموضوع ,, وفي يوم من الايام جاني شيخ الديره وكان ذو نفوذ وشخصيه قال ولدي مريض وابيك تكويه .. وانا اللي اخاف يكتشف ان ما عندي سالفه وتجيني ام الركب,,وقلت وده للمدينه .. قال يا دكتور يمكن يموت وهو ما وصل للمدينه ( الشايب يرفع فيني ) قلت جبه يلعن ابو الفقر قال ذيب ياحب ذيب جاب ولده ولينه دب وفرحت قلت كله شحم ,, يعني وين ما اكوي احصل شحم واكويه وتزلق بعصب وينشل الورع وانا اللي اهرب من الديره وانزل لتبوك واروح لبيت ابو جنزير اول ما طلع قال اشوفك رجعت مدارك يا بلوتو قلت له تكفى انا مطلوب شكلي جبت العيد بولد الشيخ ,, قال من يومك وانت اثول ,, اقلط خلنا نعرف نفكر زين وبعد هرج ومرج قالي ابو جنزير شوف يا حب انت فيك شي للحين ما تعرفه عن نفسك ويمكن هو اللي يفكك من حبل المشنقه واقاطعه وش هو ياوجه القرد ,,,, قاااال انت شكلك يعطي على شكل البنقاليه وانا اللي ارجفه برجلي وقلت وانا قايلك اني مكسيكي,, ويرجع ويكمل افهم يا دلخ يعني لو نطقم لك من شارع البنقاليه صدقني ما يفرقونك عنهم ويمكن تجيك رسايل من حبيبتك ببنقلادش ..وغير هالسالفه يابو جنزير ,, قال مالك غيرها,
قلت قدام (الريوس مفصول) ,, وندعس على عزبه بنقاليه ومدير العزبه اسمه غولاف على كفالة اخو ابو جنزير وفهمه الوضع ابو جنزير ووافق وقال بس يدفع كل شهر 350 مصاريف اكله ونومه واتفقنا,,قال لي ابو جنزير لا تشيل هم راح اسأل واعرف وش صار على ولد الشيخ واعطيك خبر ويودعني واتكي بالعزبه مع اصدقاي الجدد , وصار نظامي انواع الافلام مع الشباب والصبح هم يروحون يشتغلون وانا نووووم واذا جو صحوني للغدا واسبوع على هالحال.. مير يوم يصحيني غولاف وقال عم حب كذا مافيه كويس انت هورمه بس نوم اكل لازم فيه سغل عسان انت صير رزااال ,, وانا اللي اقوم وقلت له تهبى يا غولاف انا رجال غصب عن عينك ويقضبني سطل فيه ليفه وعلبة فيري وكرتون تايد قال من اليوم انت تستغل بمواقف السارع العام قلت له تم ,المهم كل يوم انزل مواقف الشارع العام اغسل السيارات (وينهم اللي يقولون السعوديين ما يحبون الشغل وما يعتمد عليهم )..
وليله جمعه اشوف الشباب متجمعين على طاوله قلت ابي العب معاكم بلوت ,,, قال غولاف هذي مو بلوت هذا قمار ,, قلت عادي ويجلس يفهمني القمار حقهم ونبدا اللعب ولاحظتهم وحنا نلعب يسولوفن مع بعض ويضحكون ويخسروني 200 ريال ,,المراد نمت هذيك الليله مقهور وطفشان واتحلفهم اني غير العن جدفهم الاسبوع الجاي واخسرهم ويجي اليوم الموعود ونجلس على الطاوله ويبدا غولاف يوزع الورق واول صكه افوز ويوزع مره ثانيه غولاف ويجلس سماره يتكلم مع مجيب وانا اللي اطلع المسدس من جيبي واحطه بعين سماره ( وارش ) وهو يجلس يصيح ايني ,, ايني ويتلوى على الارض تقل كاسره احمد جميل ,,وغلاف يمسكني ويقول عم حب ايس سوي انت وانا احط المسدس بعينه , قال تيب يا عم حب ايس زوا مسدس قلت ( حبحر ,, وفكس ,, وتايد ,, ومويه ) قال غولاف يمكن اينه فيه روح ,,قلت مراح ولد الشيخ يا وجه العنز ,, وبعد ساعتين الا سماره يهدا ويروح الحرقان اللي بعينه بس بقت حمرا ونرجع للطاوله ويناظر فيني بقهر وارفع له حواجبي والمسدس قدامي على الطاوله ونكمل اللعبه واسحقهم هذيك الليله
واسحب منهم 3000 ريال وهم ولا نفس ماغير يتلفتون على بعض وقامطين العافيه وانا اغني ( ويلك ياللي تعادينا ياويلك ويل ) ,استمر الوضع من الصباح لين العشاء وانا بمواقف الشارع العام اغسل السيارات وكل نهاية اسبوع انواع القمار وافلام الهنود لين بديت اتحول,,صار صناني مثل ريحه البطيخ الخربان ويوم وانا اغسل جيب شاص الا مجيب وسماره متعدين من جنبي ويقول مجيب زوازت زوازات ,, وانا اضحك واقوله يا خبل انا سعودي نسيت قضيتي ونسيت اني مطلوب ,, الا العسكري يخمشني ويقول وين اقامه صديق ,,وادفه قلت صديق بعينك انا سعودي ,, قال لو انت سعودي انا لبناني الا يمرشني بكف ,,وانا معاه بذاك الكف اللي سمعت اذنه قالت ( طوووووووط) من قوته,,, ونتلاقط بين السيارات وهاتك تكفيخ ببعض وتنشق بدلة العسكري ,وتتجمع الدوريات والناس ,, ويمسكوني العسكر وانا اصرخ واقول ( فكوا ياعيال الكلب انا سعودي ) ويحطوني انا وسطلي بالدوريه ويمشون على القسم ,, ولما شفت القسم واتذكر اني مطلوب.. انا مـن الخوف جاني اسهال وانام بالتوقيف يومين وبعدها يدخلوني على الظابط ,, وبصراحه قمت ابلع ريقي من الربكه ,,
الظابط / وين اقامه صديق ؟
حب تغيير / انا سعودي قسم بالله سعودي .
الظابط / وين اثباتك ؟..
حب تغيير/ ضاع ,,
الظابط / وليه تغسل السيارات ؟
حب تغيير/ ليه ممنوع ( يارب ما يسألني عن ولد الشيخ )
طفش الظابط وقال وقف برا لين نتأكد منك ,, طلعت ,,
الا هذا ابو جنزير واقف يتلفت بالقسم لما شفته واجيه اهرول بالكلبشات واضمه واجلس ابوس رقبته ويبعدني بيديه ويقول خلاص ماكل فار انت,,, ويدخل ابو جنزير للظابط
وكان جايب معاه صورة بطاقه الاحوال,, وقال الظابط لازم نحوله للسجن العام لانه تعدى على رجل امن واوراقه تتحول للمحكمه وهذي كل القصه يا سن الحمار وانتظر موعد الجلسه بالمحكمه..
سن الحمار / طيب وش صار بولد الشيخ ؟
حب تغيير / انا ماضيعني غير ولد الشيخ ,, ما راح ابو جنزير يسأل وطنش الموضوع ولما دخلت التوقيف طلع للديره عشان يجيب صوره من بطاقه الاحوال يثبت اني سعودي, لقى ولد الشيخ مابه غير العافيه .. ويقولون جلس ساعتين ما يتحرك ,,
وبعدها قام مثل الحصان ,, وتعافى من مرضه والشيخ يدورك يبي يعطيك مكافئه
سن الحمار / من شفت وجهك اللي تقل كوع بعير دريت انك اثول
انتهى وسامحونا على المصاله

ماشاء الله ماشاء الله / خمسه و خميسه في عين الحسود و عسى عينه تنخزّ بعود الشله مدّهره هالفتره كل موضوع يقول الزود عندي و مثبته فوق بعضها و متكدسه كأنها مكعبات شيش طاووق مفغوصه في سيخ و تتحرى الشوي .

المهم عاد .. مكاني و راجعه لحد يحذف ردّي والا بحذف راسه بحصاه

.....

يا حليلكم مطيعين .. باتس

اول شيء ياحب انا انصدمت لأني طول هالفتره أحسبك بنت
و أشوه اني دريت قبل ما اتهوّر و اراسلك مثل ما راسلت أم قسبل خخخخخخخ / ماعلينا نرجع للتوحفه المكتوبه و بحاول افصفصها قد مااقدر

اقتباس: وفي يوم من الايام الممطره طاحت برايتي من الطاوله نزلت ابي اجيبها جاني المدرس وصار ينتف من شعر راسي ويحطه على الطاوله رجعت للبيت وانا محزن وقافلـه معاي ,,,قلت لخالي برجع لابوي ما ابغى ادرس ويرجفني برجله ويصمخ راسي بالجدار قال لو ينتف حواجبك المدرس لازم تتعلم وتصير رجال

من اولها بانت علامات البلاده واللتي جرجرتك في هالرحله ملعونة الخامس وخلتك تصير بنغالي تغسّل سيارات و من الحظ الودر واللي ساعدك عدل في تقمّص دور البنغالي هو خشتك الملحه الكلحه ( مب ملح ترى مااعرف اشرحها خل شيليويح يفهمك اياها لأنه اكيد فهمها خخخخخخ ) اجل يالملفّق بس نتف لك كم شعره وعلطول سويت مناحه تبي ترجع ؟؟ كأنك اخوي الصغير من عرفته وهو كل المعلمين و كل المدرسه يكرهونه و متقصدينه ظلال ماكولي كولكن ههههههههه اهابس بلا عياره و تحجج

اقتباس: وخافت وقالت لخالي خله يطس لا يصير بولد الناس شي ثمين يبلشونا ( تفكير حريم ) جا العلم لابوي وقال لخالي خله يطلع ,,رجعت للديره واول ماشافني ابوي صار يحضني ويتفل في وجهي وانا احب راسه

هههههههههههههههههههههههههههههههههههههههههههههههههه هههههههههههههههههه ايه وربي انه تفكير حريم و بعدين معها حق هي عارفه ان الوالده الله يحفظها بتقول كل منكم ما أهتميتوا بولديا عدل خليتوه يجوع واعليا عليه ( عرق الهفوف طلع لا تلوموني ) .
بس أستقبال ابوك تبيكيل حيل و مثال حيّ لكل اب سعودي يعمل بقاعده ( خزّه ثم تفله ثم طراق ثم مردغه ثم ضمّه ) شيء غريب قسم بالله ههههههههه اتخيل وجهك وانت تناظر بترقب و خوف و بعدين تبتسم على جنب و حواجب معوجين كأنك بين اللي يبتسم و يسوي نفسه حزين و بعدين شاق الوجه و تحبحب في راسه خخخخخخخخ .

اقتباس: المهم باب السواق لازم تسكره بقوه عشان ما يفتح ,, وعلى لفه فتح الباب وطحت وكان ابوي ملتفت يسولف سمع هجده ناظر ما فيه احد عنده ويتلحق الطاره وهو يقول ياتيس السياره ياتيس السياره

اكيد السيارة كابرس القديمة اللي لونها ابيض او كحلي و كبوتها مقشّر ههههههههههههههههههههههههههههههههههههههههههه خاطري اركب وحده منهم بيبانها كلهم عدلين لازم واحد منهم يحتاج تسكره بقوّة او يفتح من برّى بس .
وبعدين تبي تعلمنا انك ماسكرت الباب بقوه من زود النعومه اللي فيك او بتعلمنا انك كنت بزر صغنن و كيوت .. اهوبس انا متأكده انك تشبه هذاك البزر اللي في مسلسل يوم آخر بس نسيت اسمه للأسف .

اقتباس: وتعرفت بالمدرسه على ابو جنزير وخاويته,,,صار صديقي اللي اكب عشاي عنده ,, بس فيه شي للحين ما فهمته هو مباحث هو مريض نفسي حقيقه ما ادري ((كان لو تشوت علبة ببسي مرميه بالشارع طلع لك تقل فارش ورى الباب هو وشكله اللي زي عصا المكنسه كل جيرانه طفشوا منه,, مراقبهم بالكبيره والصغيره ,, كنت اذا بغيته يطلع اكسر علبة سفن قدام بيتهم))

مادري ليش حسيت ان فيه عرق من جارنا ابوعلي
عمى بعينه هذا واحنا ساكنين بعماره وهو بيتهم عند العماره وحافظ كل اللي ساكنين عندنا و يعرف كل صغيره وكبيره تصير بالحاره لابوه لابو من جابه احنا احنا مانعرف كل جيراننا بالشقق الثانيه وهو مب معنا و حافظهم الـ 36 عائله كاملين بعيالهم بكلشيء آآآخ ياني اكره هالنمونه من الناس بشكل كبير و الظاهر ان بوجنزير هو سبّة البهدله اللي شفتها .

اقتباس: وما عدى نص الشوط الا يتكرفس وتنكسر يده عين ما صلت على النبي ,,كان اخر واحد لما طاح

هذا من زود الدلع يالاثوّل اجل تدلعه و تترس سنامه اكل و حركات ومخليه مرتاح و مبسوط و بالأخير تبيه يسابق الريح لا يبه مايصير تسذا الواجب علمته اصول المرجله والكفاح في سبيل لقمة العيش ( تراه بعير ياخاله ) .

اقتباس: وطحت بالبصل عشان يسموني البلجيكي (سامع ان البصل يخلي الخدود حمر)

لا تحاول بس بتبقى املح .. مالك امل تصير كذا الا في حالة وحده ( لو صرت من الملحم او النعيم يمقن يسمونك ايطالي بعد مب بس بلجيكي ) فلا تتعب نفسك و تاكل بصل هبشه .

اقتباس: قاااال انت شكلك يعطي على شكل البنقاليه وانا اللي ارجفه برجلي وقلت وانا قايلك اني مكسيكي,, ويرجع ويكمل افهم يا دلخ يعني لو نطقم لك من شارع البنقاليه صدقني ما يفرقونك عنهم ويمكن تجيك رسايل من حبيبتك ببنقلادش

شفت ان البصل ماينفع وانك بنقالي خلقه حتى لو تتمكيج وتحط فاونديشن بتصير رصاصي ههههههههههههههه .

اقتباس: وانا اصرخ واقول ( فكوا ياعيال الكلب انا سعودي )

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه
هذه هالكلمة المفروض تقوم مقام الإثبات لأن ماكو سعودي مايقولها ابد ابد هههههههههههههههههههههههههههههههههههههههههه الوكاد انك انكبت و السبّه الشيخ وولده الدب

اقتباس: وقال الظابط لازم نحوله للسجن العام لانه تعدى على رجل امن واوراقه تتحول للمحكمه

الله يرحمك اجل

موضوع خفيف و جميل عكس صاحبه تماماً خخخخخخ
تفضّل

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
عمرك شفت ضحكه زي كذا ياقرد تغيير انت والله مجرم مجرم مجرم < شايب بدوي يهزء عيال حارته الا ماتقولي انت ورى ماتكتب كل فتره < ترى مايجي للمنتدى كثير بس بيسوي يعني معجب بكتابتك .. ترى بنعلم الشيخ يجي يعطيك المكافئه هنيا وش قلت < واحد متفاعل مع السالفه الوكاد طال عمرك ماقصرت على القصه الماصله ههههههههههههه لا لا القصه المجنونه وفالك ان شاء الله تصير افغاني وسيلاني وصومالي ... تحيتي

ياهلا وصينية حلا بالموضوع وراعيه, والله اني هيئت نفسي للضحك وابتسمت من شفت اسمك كاتب للموضوع, قوووه معي ياقريني نشوف وش هو مهبب حب تغيير أكيد أنه مسوي كلام حسباله مابطب عليه واكفشه

اقتباس: انحدرت مع خالي لتبوك عشان ادرس واتفوق واصير اقوى واحلى واحد ( يعني قوي ممكن لكن حلو شلوووون ).. سكنت عند خالي وداومت بالمدرسه وفي يوم من الايام الممطره طاحت برايتي من الطاوله نزلت ابي اجيبها جاني المدرس وصار ينتف من شعر راسي ويحطه على الطاوله رجعت للبيت وانا محزن وقافلـه معاي ,,,قلت لخالي برجع لابوي ما ابغى ادرس ويرجفني برجله ويصمخ راسي بالجدار قال لو ينتف حواجبك المدرس لازم تتعلم وتصير رجال طلع ولد خالي معلمه مو كلنا بفصل واحد قمطت العافيه وسكت ,,اشترى خالي شماغ وكل صباح كان يشد وثاق راسي فيه وكانت العقده فوق عشان ما افكها واداوم بس النفس ماهي تلعه ,,كرهت المدرسه وماكان معاي الا اضرب عن الاكل عشان اطلع للديره وبديت بالاضراب

أجل قوي ممكن لكن حلو شلون ؟ ههههههههههه يعجبني أسلوب عطهم وحده قوية عشان يقتنعون باللي أخف عن نفسي أقول شلوووووووووون للثنتين , ياقلبي قلبك ياحب تغيير حتى أنت نتفوا شعرك وأنا احسب مافيه مضطهد من المدرسين الا أنا,, ماودي أدعي عليهم بس والله حرام اللي يسوونه هههههههه ياخي كان شعري مرتب وكثيف ممشطته أمي لي وأرجع الظهر كن فيني ثعلبه ! والله حرام والبلا ليا صار وليّ الأمر مثل خالك وقال: لكم اللحم ولنا العظم شفني بديت اصلّع وابوي يقول وراثه الا والله نجاسه مهوب وراثه لعبو بشعري ذا المدرسين وانجسهم اللي يمعط شعرك اللي على جنب وانت قاعد ع الكرسي تدمع عينك غصب ويجيك شلل وتصير اطرم ماتقوى تصيح بصوت عشان يرحمك , والبلا مايعترفون بالإضراب اهلنا والله لو تجلس اسبوع بغرفتك ماتطلع محدن قايل شفيك ماتاكل بيقولون (في بطن حجلة طلّي)

اقتباس: قلت برجع لتبوك ابي اكمل الدراسه (واصير اقوى واحلى واحد ) كان لون شنبي اخضر (يعني عمري كبير) ما انقبلت نهاري سجلت ليلي وبديت ادور على وظايف وتعرفت بالمدرسه على ابو جنزير وخاويته,,,صار صديقي اللي اكب عشاي عنده ,, بس فيه شي للحين ما فهمته هو مباحث هو مريض نفسي حقيقه ما ادري

مازال حب تغيير مصر على الثنتين وشلووووووووووووووووون؟ هههههههههههههه يعععع ياوجهك عرفت المرحله هذي اللي لون الشنب اخضر كنه قفى رضيع ,وتقول كان كبير أي كبير دام الشنب أخضر !! جميع المعطيات تقول أن خشمك مابعد تناسق وجبهتك فيها نفرة كبيرة مرره من حلّبة أمس ! ومخابيك مليانه مناديل فيها جرجنز من الطبات الغبيّة اللي خربت عليك ههههههههههههههههههههههههههههههههههههههههه

اقتباس: قاااال انت شكلك يعطي على شكل البنقاليه وانا اللي ارجفه برجلي وقلت وانا قايلك اني مكسيكي

والله لو أن شكلك يعطي على حبشي امششش بس امش هههههههههههه لا تلومني يالزميل لكن الوضع صعب وخوذة الجندي طبعت في كف يدي من كثر ما اطبطب عليها بس مافاد هذاني لي فتره منيشن على شليويح سمعت انها ليّنه ومدلقمه تسنها عجينة قاتوه هههههههههههههههههههههههههههه

اقتباس: وكل نهاية اسبوع انواع القمار وافلام الهنود لين بديت اتحول,,صار صناني مثل ريحه البطيخ الخربان ويوم وانا اغسل جيب شاص الا مجيب وسماره متعدين من جنبي ويقول مجيب زوازت زوازات ,, وانا اضحك واقوله يا خبل انا سعودي نسيت قضيتي ونسيت اني مطلوب ,, الا العسكري يخمشني ويقول وين اقامه صديق ,,وادفه قلت صديق بعينك انا سعودي ,, قال لو انت سعودي انا لبناني الا يمرشني بكف ,,وانا معاه بذاك الكف اللي سمعت اذنه قالت ( طوووووووط) من قوته,,, ونتلاقط بين السيارات وهاتك تكفيخ ببعض وتنشق بدلة العسكري ,وتتجمع الدوريات والناس ,, ويمسكوني العسكر وانا اصرخ واقول ( فكوا ياعيال الكلب انا سعودي ) ويحطوني انا وسطلي بالدوريه ويمشون على القسم ,, ولما شفت القسم واتذكر اني مطلوب.. انا مـن الخوف جاني اسهال وانام بالتوقيف يومين وبعدها يدخلوني على الظابط ,, وبصراحه قمت ابلع ريقي من الربكه ,,

مدري وشهي افلام الهنود اللي تقصدها لأني متعوّد أول أن كلمة فلم هندي(كلمة سر)بيني وبين موّرد الحارة فـ اللي اعرفه أنها خادشه للحياء لأن الفلم مافيه أحد لابس المنتج فقير والمخرج فقير حتى أنه مرات ليا طقته الخرمّه يثبت الكام ويطلع ماعليه شي ههههههههههههه الله يرزقهم كلهم ويكسيهم , بعدين غبي أنت هذا أنت قلتها سعودي تحارش لبناني ليش ؟ التفت يمين ويسار وشف شلون السعودي ينكّد كد حمير بسابك وبأرامكوا واذا خلصت السنه يجي اللبناني ياخذ الفائض ,يلعن أم القهر اللبناني يجلد الأمير وبداية السنة ياخذ فائض الميزانية , والسعودي يقول دامك بخير حنا بخير وبداية السنة تنسحب سيارته لأنه ماقوى يسدد قسطها

مدري وش اقولك ياحب تغيير ما اقدر اقول الا (يا لبى ماتخبّى ) صراحه لو مايجي من هالموضوع الا كلمة(يؤرقني) اللي تدل على كمية مفردات وفصاحه جباره كان كفت والشي الثاني عنوان رد لست كمخه مدري شلون ماطاح حنكه وهو يقول هاو متش هههههههههههه