الســلام عليكم ورحمة اللــه

,,,,

أبيــات أتــمنى تحوز على رضــاكم


كتبتـها تنفيساً عما بقلبي !



لابوك ياوقــتن خــــــلانا ذليـليـن = ولا ابـوك يا دنيا تجينا بقفاها

راحت نحورأخـــواننا بالسكاكين = يجزونها مثل الغنم ونتبـاها !

نقول حنا العرب وحنا السـلاطين = ولنا أرض الشجاعه وسماها

و(شامنا) يذبح على شوفة العين = وحنا نشوق وقلوبنا في عماها

صرنا نجـمع فلوسنا بالـملاييـــن = وكثر الطمع بالأوادم وش بلاها

هو وقتنا صار ماينــعـرف زين ؟ = مدري عن الدنيا وش الي جاها

يالله يامقسم أعمالنا بالمــوازين = ذنوبنا يوم كلن بعيــونه يراها !

ياللـه تستر خفـايا وقتنـا الشــين = وتنصر عبادك وتستجيب دعاها

ربي طلبتك تنصر جماعة الديــن = ربي طلبتك .... لا تخيب رجاها

بتر عرق الجهاد وصرنا ضعيفين = هو ذروة سنام إسلامنا ومنتهاها

أبطالنا راحوا , وراحوا هل الدين = وراحت حكامنا الي نذود بذراها

وختامها صلواعلى خيرالمصلين = شفيعنا في يوم الملاقاة ( طاها)



أول مشــاركة نقدكــم قبـل رأيكـم لاهنتم !