 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
29-01-2012, 04:53 AM
|
|
||||
|
عدسة مبدعه
|
ريوق , ميس الغانم , ALdente
 أسعد الله صباحكم .. أممم بهالإجازه الصغيرونه قررنا نروح الكويت نغير جو .. وطبعاً الكويت معروفه بمطاعمها وقهاويها الجميله  والجميله جداً  خلال 5 ايام احس بطني تعب من كثر الأكل  فطور غداء عشاء كل يوم !!  وكل شي كان لذيذ صراحه .. المهم سويت تقارير عن أكثر 3 مطاعم أحبها ودايم نروح لها من نجي الكويت .. الي هي , ريوق - رحناه فطور طبعاً ميس الغانم - رحناه غداء ALdente - رحناه عشاء طبعاً من المطاعم المميزه بالكويت فريج بو صويلح هذا مستحيل اي سعودي يجي الكويت ما يروح له  + تشك شاك + سوق المباركيه + كوردو هذا فيه 12 فرع محل صغيرون يصلح عشاء خفيف , والقائمه تطول ...بس يعني حبيت اقولكم , للي بيروح الكويت لا يفوّت مطاعمها ^^ صدق بتسمنون بس معليش ترجعون وتنحفونها  |
||||
|
|
29-01-2012, 04:54 AM
|
|
||||
|
عدسة مبدعه
|
موقعه مو على شارع عام لا جمب بيوت بـ منطقة الشعب البحري من بعيد تحسبه بيت من زود انه صغير وبسيط يفتح من 6 الصباح ويسكر 3 العصر , والمنيو ما يتغير , بس بالعصر فيه شاي ع الفحم مع سناكس مره شكله لذيذ وجميل فيه جلسات خارجيه وداخليه .. ومره زحمه المطعم , روحوا له بدري او متأخر مره ..لكن من ميزاته ما يتأخر بالأكل وكل شي تحسه فررررررش بسم الله  هذا شكله من برا , ماقدرت اصوره الا بهالطريقة من زود الزحمه .. المنيو  &  من ورا وقدام  صحني الكيوت  ضيافة من عندهم خفيفه وظريفه ^^ خصوصاً للي يحبون المربى .. طلباتنا كانت ..  2 ريوق بيت ب 4 دينار و900 فلس الشكشوكه حلوه مره بس ماحبينا الي بالبازلاء شي غريب مدري وشهو   ريوق شرقي بنفس السعر 4 دينارو 900 فلس الفلافل واللبنه حقتهم مره جميله  لما تطلبين الريوق شرقي او بيتي او امريكي يجي معه عصير برتقال فري , حلو طعمه  وطبعاً يجي معهم خبز عربي  ساندوتش فلافل ستي ب 750 فلس للي بيطلب ريوق شرقي ما انصحه يطلب الساندوتش لانه نفس الطعم ^^  بيض بباسطرما ب 3 دينار و250 فلس مو مره طعمها  شكشوكه ب دينارين و 250 فلس لذيذه  اومليت بيض مع هوت دوق ب دينارين و 250 فلس الهوت دوق طعمه مو الي متعودين عليه بس حلو  2 ليمون بالنعناع ب دينار و 250 فلس  &  وافلز ب دينارين و 250 فلس  &  كريب بالنوتيلا ب دينارين و 250 فلسهذي كانت طلباتنا ^^ حبيت حركة اكوابهم حقت القهوه طبعاً  كل كوب غير الثاني والوانهم حلوه حبيت حركة انو بكل المكان نباتات صغيرونه معطيه شكل ..  وحبيت حركة ثانيه بعد انو بالجلسات الخارجيه حاطين على كل كرسي شال خفيف عشان البرد  واخر شي الفاتوره  كان حسابنا 35 دينار حوالي 460 ريال سعودي .. المطعم بشكل عام اعطيه 9ونص من 10 وقعت بغرامه  وهالنص , لان مو الكل ممكن يحب فطوره , خصوصاً الي ما يجيب راسهم بالفطور الا كبده وفول ومعرف ايش
|
||||
|
|
|
29-01-2012, 04:55 AM
|
|
||||
|
عدسة مبدعه
|
موقعه بـ شـارع الخليج العربي قبال أبــراج الـكويـت اكله لبناني خفيف وجميل وطبعاً مره زحمه تعالوا قبل بوقت يادوب تلقون لكم طاوله فاضيه ^^اممم شفت بالصور له جلسات برا ! بس يوم رحت ما شفت الا جلسات جوا حتى قبل 5 سنين كنت رايحته وقبل سنتين وهذيك السنه رايحته وبرضو ما اشوف الا جلسات داخل بس .. طبعاً ما قدرت اصور لا من برا ولا من جوا الا الاكل , كله سعوديين استحيت  هذي الضيافه طبعاً .. طلباتنا كانت  تبولة لذيذه لذيذه مررررره , بس تراها راهيه ماهوب قليله  حمص باللحمة والصنوبر جميل  لبنة ب الثوم , مدري وش طاري على اخوي يطلبه .. ميت عليه هو وانا ذقته مش بطال  مع هذا الخبز المُقرمش الهش الحار  مشكل مقبلات حاره , عاديه ما انصح فيها  ليمون , تقول زوجة أخوي عباره عن ماي بسكر مع ريحة ليمون ماعجبها  شوربة كريمة الدجاج , حلوه وبيحبونها الصغار ^^ عرايس .. حليوه احس بهاراتها كثيره .. مشكل مشاوي كلها لذيذه   بعد ما فسخناه  كوردن بلو , حلو ويجي معه بطاطس على شكل مكعبات يجنن شكله وطعمه وطبعاً الباقي مشروبهم كوكاكولا حسابنا طلع ب 21 دينار ونص ! اشوفه قليل على طلباتنا  أمم حبيت أنو جلساته متنوعه , وما يتأخر بالأكل رغم الزحمه الي فيه .. حبيت أن فيه غرفه فيها العاب صغيرونه للبزارين , تقدرين تحطونك عيالهم فيها مع شغاله او شخص كبير , تفتكون منهم شوي ..حبيت أنه فيه ستيكات لحم مجربها اخوي يمدحها مره , وهذا شي نادر يتوفر بمطعم لبناني .. أعطيه 9 من 10 ^^ |
||||
|
|
|
29-01-2012, 05:35 AM
|
|
||||
|
عدسة مبدعه
|
موقعه في فندق الموفمبيك .. صغيرون مره ويتكون من طابقين , اجواءه رايقه كثير , ومافيه زحمه , وفيه رجال يعزف وبنت تغني والعكس .. اوقاته الظهر يفتح الساعه 11 ونص ويسكر 3 العصر ويفتح 5 المغرب ويسكر 11 ونص بالليل  هذي لوحته من جوا , من برا مافيه لوحة  !! على طول الدرج بالدور الثاني لوحات للشيف الي عندهم وهم يطبخون وهيك  ..حبيت حركتهم هذي ..  &  المنيو   الضيافه الساندوتش ميني وحلو , والتغميسه زيتون مع زيت زيتون  .. حلوه بعد ^^طلباتنا ..  سلطة جرجير ب 3 دناننير و 800 فلس حلوه , رغم اني ما احب مره الجرجير   سلطة سيزر مع تشيكن ب 5 دينار و 250 فلس الدجاج مخررررب طعمها  ! اول مره اذوق دجاج تبع سيزر مقطع بهالطريقه + وطعمه كذا ! محموس مو مشوي ..الدجاج ينفع ينوكل مع ساندوتش مو سيزر ! , انصح فيها بس بدون دجاج  رافيولي بالمكس سوس وتجي مع لحم ! ب 5 دينار و 450 فلس اول مره بعد اشوفهم يحطون مع الرافيولي لحم وبازيلا , بس صراحه تجنن .. فوتشيني ب 5 دينار و 450 فلس لذيذه مرررره , رغم اني من تالي ما احب اي فوتشيني بس هذي جازت لي :$  روزيتو ب 5 دينار و 650 فلس طبعاً الروزيتو بشكل عام دايم يكون مالح , فاللي فيه ضغط او مايحب المالح لا يطلبها ويعتبر هالروزيتو اول روزيتو احبه ! العاده اكل ملعقه او ثنتين عن خاطري بس هالمره لا اكلته وحبيته  بيتزا مارغريتا ب 3 دينار و 500 فلس مو حلوه .. اعطيها 2 من 10 !! الجبن ما يتمغط ههههه والبيتزا مو هشه لا قاسيه شوي تحسسني انها مو فرش مصخنه  ! ونلاحظ هالشي من سعرها كلهم ب 5 وفوق حتى السيزر سلط الا هي ب 3  جماعيه ;P الحساب طلع ب 31 دينار .. سعره زين مقارنه ل 4 اطباق رئيسيه و3 مقبلات و 4 مشروبات غازيه !! أعطيه 8 من 10 بسبب البيتزا , لانه مطعم ايطالي المفروض اول شي يتقنه البيتزا + ضيق مكانهم .. ونشوفكم بتقارير ثانيه قريباً ^^ |
||||
|
|
|
29-01-2012, 08:20 AM
|
|
||||
|
مشرفة الشاليهات
|
------------------------------- عليكم السلام يسعد صباحك ياحلم بصراحه الموضوع متعوب عليه القيت نظره بشكل سريع بما انه يوم كامل تقريبا يشمل التقرير التقييم للوجبات نسخه الى المتحف بعد اكتمال الردود =================================== اهم شي ميس الغانم يعجبني مطعمها تقولين انتظار والله انتظارهم مايعووق ربع ساعه بالكثير على زحمته دوورين وجلسات براا وليه زحمه بسبب رخص اسعاره الطاوله من الى والسعر مايتعدى ميتين تقريبااااا الله يعطيك العافيه على هالتقرير البطل |
||||
|
|
|
30-01-2012, 04:43 AM
|
|
||||
|
Football Fanatic
|
^^ ههههههههههههههههههههههههههههههههه ههههههههههههههههههههههههههههههههه مهبوله وربيd11 حلم وما ادراك ما حلم ... ملكة المطبخ وتصوير الأكل ... والحين تكمل دفة الابداع بهالتقرير الجميل طلباتكم في مطعم ريوق ذبحتني ... عليكم بالعافيه ... وكثري لنا من هالزين ياحلم ... وبعد اذنك انقل موضوعك لقروب الاهل بالجوال روحاتهم الكويت كثير.عوافي |
||||
|
|
|
30-01-2012, 10:52 PM
|
|
||||
|
عيـّار
|
هلا بطباختناالرائعة حلم هلا باالفوتغرافية المحترفة حلم .. ايه صح ..!! نسيت أقول هلا باالنصراوية العالمية حلموووووه
 تصدّقين عاد !! ودّي ألبس هاف سباحة وأطب سلقاطي على هالزيتونة اللي باالوسط ذي وعقب مااتمردغها بسنوني أشوف شغلي عاد مع باقي محتويات الصحن واضح ان المطعم روعة وفخم والله اني قايل من اول ماشفت الصور والدليل حتى البطانيات موّزعينها على الزباين عن البرد <<<< هذا اللّي ماودّك يمدح شئ خخخخ بصراحة تقرير روووعة ياحلم الله يعطيك الف عافية على هالجهد الرائع ماقصرّتي والله والموضوع يستاهل التثبيت والمتحف بكل جدارة وأستحقاق |
||||
|
|
|
07-02-2012, 03:45 AM
|
|
|||||||||||||||||||||||
|
عدسة مبدعه
|
يا هلا ومرررحبا شكراً ع التثبيت والمتحف ..ميس الغانم فيه كذا فرع حنا دايم مانروح الا الفرع الي مافيه الا دور واحد ومافيه جلسات برا , بس على فكره حنا جيناه عصر كان خفيف بس بالليل رايحه اخوي جلس فتره طويله لما جلسوه على طاوله .. يقول تقريبا! ساعه الا ربع وانا اشوفها مو بسيطه وصدقيني يا حصه الزحمه مو شرط يعني رخص الاسعار روحي شوفي شيك شاك ! البرقر تبعه ميني ! الواحد ب 33 ريال ولو تشوفين الزحمه تقولين بلاش بعد ماهوب رخيص وبس  يعافيك ع الرد
|
|||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
