 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
01-02-2012, 11:30 PM
|
|
||||
|
ملح المطبخ
|
,,سوج يونغجوا,, , اول شي روقوا وتدفوا بهالبرد,, واشربوا سُوج يونغجوا  ,, احس اني بتقرشع الحين بسبب هالطلاسم  هالمشروب من المشروبات الكوريه الي يهتم فيها الكوريين بالشتاء ,, مقاديره جداً بسيطه ومتوفرة بالبيت السعودي الكريم  اول خطوه نجيب مشمش مجفف او تين مجفف او تمر <ايه لاتستغربون لأني 3 مرات ارسل السواق يدوره ومالقى مشمش ولاتين مجفف  ,, قلت اسويه بالتمر زنجبيل طازج مقشر حبه كامله ,, مقطعه مربعات,, في الغلايه نحط كاس ونص مويه + الزنجبيل ونتركه يغلي لمدة 10 دقايق ع نار هاديه اعواد قرفه تقريبا 4 وسط ,, وفي غلاية ثانيه نحط كاس ونص مويه ونتركه يغلي ع نار هاديه لمدة 10 دقايق بعد كذا نجمع الخليطين في الي تبون ونحط عليها سكر بٌني مقدار نص كاس ونحركه حتى يذوب , , نجيب التمر ونفكها بشكل مرتب لاتحوسونها اشبكوا تمرتين مع بعض يعني تكون طويله ,, تحطون بطرفها حبة جوز وتلف التمره وتقطع تشرايح وتحط في الي راح يقدم المشروب فيه, , ويصب الخليط الحار على التمره بشويش حتى ماتتحرك وتصير تطوفح وتحط حبتين لوز ويقدم  ,, الصوره النهائيه   بسيط ولذيذ ,, وأكييد بالمشمش راح يكون ألذ
 , , برب  |
||||
|
|
01-02-2012, 11:46 PM
|
|
||||
|
ملح المطبخ
|
,, سلطة لفلف ,, <<خخخ ابوك يالاسم ,, مره انا و بنت خالي طاقنا الجوع ودخلنا المطبخ وقمنا نحوس وطلعنا بهذا الشي الجميل المقادير ,, مقدار كل شي منهم ع حسب رغبتكم وتفضيلكم يعني انا وياها نحب أكثر شي الخس فكان هو اكثر شي  ملفوف مقطع شرايح خس مقطع جزر مبشور دجاج صدور مقطع مربعات وسط بليله جبن تشدر مبشور صوص الرانش ,, انا اول كنت استخدم رانش حق فرشلي بس طحت على واحد احلى منه وهذي صورته الي ع اليمين ,  ,
, لما نقطع الدجاج نحطه في المقلى وشوي زيت ونحط عليه ملح + فلفل اسود + ملعقه ك من التوابل الصينيه ,, صورة التوابل مع الرانش , , لما يستوي الدجاج نحط 5 ملاعق ك من صلصة محار السمك + 5 ملاعق ك صلصة الصويا الخفيفه <<انا حطيت 3 قطع صدور دجاج الي يبي يزيد الدجاج يزيد الصلصه ونتركه على نار خفيفه ونقلبه بين فتره وفتره حتى يتشرب الدجاج الصلصه ومايبقى منها الا شووي , , نحط المقادير بصحن التقديم وعليهم الدجاج ثم الرانش ثم الجبن ,, صورتها ع السريع لان المخلوقه جوعانه وشوي وتشوتني  ,  , فيه أسهل ؟ وطعمها لذييذ برب |
||||
|
|
|
02-02-2012, 12:02 AM
|
|
||||
|
ملح المطبخ
|
,
, في يوم من الايام كنت باسوي غداء وتبلت الدجاج بالليل بس سحبتها نومه وقمت وهم خلصوا غداء فتحول الي كنت بسويه الى سندويتشات بسيطه التتبيله: ملعقتين خردل ملعقه ك زنجبيل بودره او نص ملعقه زنجبيل طازج واكيد الطازج افضل ملعقه ك كزبره بودره ملعقه ك بقدونس مفروم ملعقتين ك خل نص علبة زبادي ملعقه ونص ك كاري 4 فصوص ثوم مفرومه ملح +فلفل اسود مطحون 6 صدور دجاج , , الطريقه : اول شي يقطع الدجاج الى مربعات متوسط و تخلط جميع المقادير مع بعض وتترك في الثلاجه ,, انا تبلتها الساعه 2 الليل ورجعت لها المغرب كما اسلفت انها راحت علي نومه بصلتين متوسطه الحجم تقطع نص شرايح بالمقلى نحط البصل + الدجاج مع بعض وشوي زيت ونقلب حتى يستوي الدجاج وبعدها يحشى باالي تبون ,, انا حشيته بشابوره من الرغيف اللبناني اذا احد يعرفه ,, مسحتها بمايونيز وحطيت خس وجبن تشدر يعني مافيه ابداع وهكا والطعم ,,  , , برب |
||||
|
|
|
02-02-2012, 12:25 AM
|
|
||||
|
ملح المطبخ
|
,,حلى العائلة التي هي بثره,,
 << الحلى من راسي والاسم مركب لعائلتي لانهم ابثروني وانا اسويه خخخ راح اكتب بدون ماأحط مقادير اخاف ينقلب مخي اذا قمت افصل وارتب بالاول نجيب شوكلاطه خام ونذوبها استخدمت وحده كامله كبيره ونص ونحطها بالقالب ونواسيها ,, ونترك ربع المقدار من الشوكلاته على جنب ونحط القالب بالفريزر نص ساعه .. هذي صورته قبل ماأدخله الفريزر الصوره مهزوزه لأني كنت مستعجله ,  , هنا بعد ماطلعته من الفريزر بغيت اتهور وافكه واكله واسحب عليهم ,  , , نفكك 10 تمرات ونحطها ع جنب ,, ونسوي كراميل (5 فناجيل سكر وتقلب ع النار حتى تصير سايله وبعدها تبعد عن النار ويحط ربع ملعقه قشطه ويحرك بسرعه وبعدها نزيد ملعقه قشطه ونحركها بسرعه بعدها نحط علبة القشطه كلها ونرجعها ع النار ونحرك بسرعه برضو وبعد مايتجانس نحط علبة ثانيه قشطه ونحركه دقيقتين ونبعده عن النار ونتركه) لما يبرد الكراميل نحطه بالخلاط الكاس ونحط معه التمر ونخلطه ,, بعدها نطلع القالب من الفريزر ونحط هالطبقه على الشوكلاطه ونغلفها ونحطه بالثلاجه نص ساعه الحين نجي للطبقه الاخيره وهي التشيز كيك العادي ,, نحط بالخلاط علبة قشطة ,فنجال سكر مطحون, كوب مويه بارده, ملعقتين جيلاتين مذوب في بيالة مويه فايحه, علبتين دريم ويب ,8 حبات جبن كيري .. بعد مانخلط التشيز كيك ,, نكسر بسكوت دايجستف عليه ونحركه شوي ونحط الخليط بالقالب وندخله الثلاجه اقل شي 3 ساعات بعدها نطلعه ونرجع نذوب الشوكلاطه الباقيه ونصبها عليه وندخلها الثلاجه مره ثانيه اقل شي ساعه وثم عاد فكيه وخربي الورده الجميله مثل ماسويت انا خخخ الصدق اني انقهرت مدري ليه تكسرت من فوق !!, ,  , عاد قاموا يجبرون بخاطري ويقولون عادي كأنه رحيق الورده من رايي الحلى جداً ثقيل بس حلو ,, والدايجستيف خرب السالفه لاني مكثرته فالي بتسويه تحط4 حبات او 3 كإضافه لنكهة الدايجستيف فقط بعد التقطيع وواضحه طبقة الكراميل بالتمر , ,  , , بررب
آخر تعديل رتيــــل
في 05:08 AM.
|
||||
|
|
|
02-02-2012, 12:35 AM
|
|
||||
|
ملح المطبخ
|
,,لفائف الباذنجان,,
<<الطريقه ماخذتها من النت باذنجان العدد الي يكفيكم يقطع شرايح طوليه ويقلى خس امريكي يقطع صغاار ,, فلافل عاد انتم مصلحين فلافل او جايبينها جاهزه الي تبون تفتت(يعني تفرم فرم متوسط) بصحن نحط الخس والفلافل وعليهم علبة زبادي و ثوم مفروم<<الثوم مقداره حسب الرغبه ,انا حطيت 2 ويخلط ويحشى بكل شريحه وتلف ,, وبس عاد مالقيت الشوكات الكيوت فـ حطيت اعواد اسنان خخخ  أساسا كل مادورت بالمحلات ماألقى الا قبيحات مدري من وين تجيبون الاشكال الكيوت , ,  , طعمها ألييم انا واختي دقينا فيه لين خلص , برب  |
||||
|
|
|
02-02-2012, 12:44 AM
|
|
||||
|
ملح المطبخ
|
,,رز الهنوف ,,
<ماخذة الطريقه من منتدى ثاني هي ماشاءالله مسويته كصينية رز وشغله وانا من العجز سويته كإيدام  ,, بس الطريقه طريقتها للأمانه يعني مقادير التتبيله : ثلاث ارباع كاس لبن ٥ فص ثوم مفرومه ملعقتين اكل خل عصير ليمونة شوي زيت زيتون "تقريبا فنجان قهوة" ملعقه اكل كبيره مليانه كركم نص ملعقه اكل صغيره كمون مطحون نص ملعقه اكل صغيره كزبرة مطحونه فلفل اسود + ملح رشة فلفل احمر مجروش رشة بهارات خاصه بالدجاج رشة بقدونس ناشف صحن صدور دجاج مقطع مربعات متوسطه ويتبل اقل شي ساعتين , , الطريقه : نقلب الدجاج على نار عالية بدون اضافة زيت او اي شي واذا بدت تقل موية الدجاج نقصر عليه ولما يستوي نضيف فلفل بارد مقطع مربعات متوسطه + بطاطس مقلي مقطع مكعبات متوسطه + ذره وع طول نطفي النار ونقدمه مع رز ابيض .. الطريقه والمقادير نفسهاا حقت البنت بس مثل ماأسلفت تعيجزت اكمل هي حطته بصينيه فرن ومعه قشطة خفق ونص كاس مويه,, والذره زايدتها انا من عندي خخخ , ,  , مررره لذيذ وقسم |
||||
|
|
|
02-02-2012, 12:55 AM
|
|
||||
|
ملح المطبخ
|
,, حلى الفيمتو ,,
عارفه قديم وهكا بس لذيييذ وماخذه الطريقه من خالتي  نسوي كيكة عاديه ويفضل استخدام خليط بيتي كروكر فانيلا <لازم فاانيلا وبعد خلط الكيكة نحط عليها ملعقتين كبار فيمتو وتخلط الكيكة مره ثانية ثم ندخلها الفرن حتى تستوي ,, وبعد ما تبرد الكيكة نفتتها مقادير الخلطة ظرف كريم كرامل + 2 جبن كيري + كوب حليب بارد نعجن الكيكة بالخلطة ونشكلها على شكل دوائر ونصفها في صينية وتكون متباعدة عن بعضها شوي ونحطها في الفريزر حتى تجمد نذوب شوكلاطة خام ونطلع الكيك من الفريزر وبالملعقة ناخذ كل كورة ونغمسها في الشوكولاطة وبعدين نرجعها مكانها ونحطها في الفريزر مره ثانية حتى تجمد ويستخدم باقي الشوكلاطه للتزيين , ,  , وهنا من جوا  , , لذيييييييييييييييذ انا علاقتي مع الحلى مو مره بس هذاا ,, أنسى نفسي عنده  , برب 
آخر تعديل رتيــــل
في 12:58 AM.
|
||||
|
|
|
02-02-2012, 01:40 AM
|
|
||||
|
ملح المطبخ
|
,,JOP CHAE ,, هذا الطبق ساهم في اعداده انا وبنت خالتي واختي وقلت لاختي تكتب الطريقه لانها طويييله وانا خبركم عجاازه قسم يوم شفت كتابتها وشرحها وهتسا حقرت نفسي وانا اكتب لكم بطريقتي  ,, الطريقه ماخذينها من شيف كوريه انظروا الى شرح اختي التي هي زفته المقادير: دانغ ميونdangmyun أو نولدلز نشا البطاطس اشتريناها من البقالة الكورية. صحن لحم بقري. حزمة سبانخ . 1 جزر. 1 بصلة . مشرووم شيتاكي المجفف. 3 فصوص ثوم . 7-8 بصل أخضر. صلصة الصويا. كاس صلصة محار . مشروم طازج زيت السمسم . سكر بودرة . فلفل. سمسم. زيت زيتون. التحضير: 1- انقعي 5 مشروم شيتاكي المجفف في موية دافية كم ساعة لما تصير ناعمة ، اعصري الموية منها وقطعيها شرايح سخيفة. 2- قطعي المشروم الطازج شرايح مقدار كوبين. 3- قطعي الجزر إلى أعواد طويلة . 4- قطعي البصل الأخضر إلى قطع كبيرة . 5- قطعي البصل إلى شرايح سخيفة . 6- قطعي اللحم إلى خيوط رفيعة. الطريقة : 1- حطي النودلز في موية مغلية لمدة 25 دقيقه اذا النودلز صارت لينة اشخليها وحطيها في وعاء كبير. 2- قصي النودلز بالمقص وحطي عليها ملعقة 1م ك صلصة صويا و 1 م ك زيت سمسم واخلطيه زين وحطيها على جنب. 3- في موية النودلز الباقية اغلي بها السبانخ لمدة دقيقة ، ثم طلعيها واغسليها بموية باردة 3 مرات واعصريها زين وقطعيها قطع كبار. 4- حطي على السبانخ نص ملعقة ك زيت سمسم و نص ملعقة ك صلصة صويا واخلطيها ثم حطيها على النودلز . 5- على مقلى ساخنة حطي شوي زيت زيتون وشوحي الجزر لمدة نص دقيقة بس انتبهي لا تشوحينها بزيادة ثم حطي الجزر على النودلز. 6- حطي شوي زيت زيتون عالمقلى وشوحي البصل لما يصير شفاف ثم حطيه على النودلز. 7- نفس الشي أضيفي زيت زيتون في المقلى وشوحي المشروم الأبيض بسرعة ثم حطيه عالنودلز. 8- نفس الشي حطي زيت وشوحي البصل الأخضر لمدة دقيقة ثم حطيه على النودلز. 9- أضيفي زيت زيتون عالمقلى و حطي اللحم وشرايح مشروم الشيتاكي واحمسيه لما ينطبخ زين ثم أضيفي الثوم بس يكون مقطع صغار مو مبشور و نص م ك صلصة صويا ونص م ك سكر بودرة واحمسيه لمدة نص دقيقة ثم كبيه على النودلز . 10- أضيفي على النودلز 2 م ك صلة صويا ، 3 م ك سكر بودرة ، 1 م ك زيت سمسم ، 1 م ص فلفل حار بودرة , كاس صلصة المحار .. ثم أخلطي النودلز بخضارها ومقاديرها كلها زين ثم رشي 1 م ك سمسم على الوجه . , , بالله ماحقرتوني من بعد شرحها ؟   بوضح عدة نقاط ,, الطريقة الي قدامكم هي الاساسية الي سوتها الشيف الكوريه ,, احنا غيرنا في شيئين مشروم الشيتاكي اشتريناه وتفاجأنا بريحته المرعبه  فتركناه والمشروم الطازج ارسلنا السواق ومالقى فاستخدمنا المعلب هذي صورة مشروم الشيتاكي اختي تقول شارينه وماأستفدنا منه الا صورتك  , , بحط الصور هنا مو مع شرحها خلو شرحها لحال والصور لحال ماعرفت احط الصور مع شرحها <<تأزمت نفسيتها الضعيفه , , نودلز نشاء البطاطس ,, اشتريناها من البقاله الكوريه ,  ,, , هنا النودلز لما حطيناها تسلق ,, لونها مايأهل ؟  , , وهنا لما نخلص من تشويح الخضار نحطها ع النودلز ,  , , وهذي مكرونه بنت خالتي ,, مصلحتها لو ماأعجبتنا الجوب تشي <<لو علينا احنا كيفنا لاتعجبنا ولاناكل بس امهاتنا وش ياكلون !! , طبعاً من الحرص مصورين كل مراحل التشويح بس متعيجزه والله احطها كلها بحط لكم بس اللحم ,  , , الشكل النهائي  , وهنا بشكل أقررب  ,
, تغيير عن المعتاد وطلع حلو , برب |
||||
|
|
|
02-02-2012, 01:50 AM
|
|
||||
|
ملح المطبخ
|
ومثل مايقولون ختامها مسك ,, ختمت لكم الموضوع بطبق من الدولة الكوريه الجميله
يارب اربح رحلة 4 اشخاص لكوريا واروح مع امي وابوي واخوي ,, واخواتي يجلسون عند جدتي يفـّـلون راسها <<حاقده عليهم يقرون الموضوع ويقولون فيه احد يقول شوكلاطه ياقرويه ؟ خلاص شوكلت ياروحي انتي وياها , , والفضل لله ثم لأمي وخالي اني نزلت الموضوع اليوم ,, جالسين وودي يسولفون مادريت هو مطلع آيفونه وهي الجالكسي ويرسلون لبعض مقاطع وقصص بالواتس  ,, تذكرت نفسي اول ماطحت بالبلاك بيري ماأحاتسي احد فطفشت منهم وفتحت لابي أنزل الموضوع واتسنع , , أتمنى اشوف تطبيقكم مو مثل الموضوع الأول <بثره امسكوا كلكم  |
||||
|
|
|
02-02-2012, 02:42 AM
|
|
||||
|
مسـيّر
|
تصدقين ان أحسن مافي موضوعك شرحي
صرااحة الجبتشي و المشروب الكوري أحلى شي بالموضوع  وما أنسى لفايف الباذنجان لذييذ  احم احم ودي نسوي الجبتشي مرة ثانية بالمشروم الشيتاكي المجفف ... أحب الأشياء الغريبة رجلي على رجلك يالتبن  وتسلم يدياتك عالموضوع ووش بتسوي لنا بكرة غدا ؟ |
||||
|
|
|
02-02-2012, 02:49 AM
|
|
||||
|
راعي محل
|
 لأن حتسيتس واجد وآمي عندي تقص لي وش فاتني من حريم السلطان وغبار(ن) يموت الله يعفو عننا بسم الله نبدا وش هالزين  المكرونه الحمرا لحالها شكلها خقق  <<< هذي الي بتنجلد آول شي : خيانات السلطه مسامحتس عليها لان شكلها آآآآآآآليمه  وناويتن اسويها << تدور القلب  والحلا تراتس واعدتني تسوينه لي مدري وش امدح وش اخلي من باذنجان لصينيه رز كلها اعشقها واسعبل عندها << للحين تدور القلب  و يا بت يعجبني فك الازمات الي تطلع براسك لو نقص عندك شي  وبالنهايه حبي لي خشم وخيتس الي كاتبه مقادير الجوبتشي الصدز اني ودي نعيد الطريقه مره ثانيه بس بدون المكرونه الشفافه تسلمين يا حوبي + ما بغا ينزل الموضوع
|
||||
|
|
|
02-02-2012, 04:59 AM
|
|
||||
|
توه ساكن
|
 تبين الصدق والله التسذب خيبه اول ماشفت كوري وبربسه قلت بس ذي مهيب من ربعي مااش مااتقبل غير المريقيقه والجريشه اما هون قنع بنغ مايطيعني قلبي ولا ودي نشوووف اللي جااابني على خشتي ماشاءالله تبارك الله شغل مرتب الله يعطيك العافية رتوووله هاتس
|
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
