 |
 |
 |
 |
 |
 |
 |
 |
 |
|
||||||
| الملعب العالمي منتدى الرياضة العالميه |
 |
|
|
أدوات الموضوع |
03-02-2012, 12:43 AM
|
|
||||
|
ناقد سينمائي
|
Calcio 22 ||العجوز تبنشر بـ سينا .. ميلان يفلت من نابولي .. الجميلة تقبع الإنتر
بسم الله الرحمن الرحيم
حياكم الله معشر الكالتشيويين، الجولة الماضية شهدت أكشن قوي.. بالرغم من تأجيل عدة مباريات بسبب سوء الأحوال الجوية.. شهدنا مفاجئات و مباريات قوية، لاتسيو هزم ميلان في الأولومبيكو 2-0.. و الإنتر تعادل في الجوزيبي مياتزا مع باليرمو 4-4.. و كالياري تمردغ في بطن روما في سانت إيليا 4-2، بعد نهاية الجولة المستفيد الأكبر هو اليوفي لأن في حالة فوزه على بارما في المباراة المؤجلة رح يوسع الفارق بينه و بين ميلان.. أيضاً أودينيزي استفاد من الجولة بشكل كبير، بعد ما خسر من اليوفي في الجولة الماضية قدر يتدارك الوضع و يستغل تعثر ميلان و يقلص الفارق بينهم لنقطتين بس.. و جدول الترتيب على الشكل التالي  خلونا ناخذ لفة سريع سريع على الجولة الماضية..  مُباريات الجولة القادمة    السبت - 4 فبراير - 8 مساءً    الأحد - 5 فبراير - 2:30 مساءً    الأحد - 5 فبراير - 5 مساءً    الأحد - 5 فبراير - 5 مساءً    الأحد - 5 فبراير - 5 مساءً    الأحد - 5 فبراير - 5 مساءً    الأحد - 5 فبراير - 5 مساءً    الأحد - 5 فبراير - 5 مساءً   المٌباريات القامدة قداً    السبت - 4 فبراير - 10:45 مساءً  مباراة مصيرية للفريقين، روما بعد فوزه على تشيزينا بخماسية، تعثر في جولتين متتاليتين بتعادل و خسارة و خرج بثلاثية نظيفة من كأس إيطاليا عن طريق اليوفي؛ مشكلة روما هالموسم هي انعدام الاستمرارية، تشوف الفريق يقدم مستوى ممتاز في مباراة.. المباراة اللي بعدها يطيح المستوى و يظهر الفريق بشكل باهت جداً، و اعتقد السبب الرئيسي لهالتذبذب في المستوى هو العناصر و تناسبها مع تكتيك أبو آيباد من عدمه، سبق و قلت إن مشكلة إنريكي إنه مب راضي يلعب بتكتيك ثاني.. لازم يطبق أسلوبه في برشلونة مع روما، مباريات كثيرة نشوف روما مستحوذ فيها بس بدون أي خطورة تذكر.. بل أحياناً الاستحواذ الوحيد اللي نشوفه لما اللاعبين في مناطق روما الخلفية يتناولون بيناتهم، ليش؟ الفرق تعمل ضغط عالي على روما فبالتالي نشوف قمطة لاعبين في الخلف، بالأساس روما كفريق مب متعود على أسلوب التمريرات المكثفة مثل برشلونة.. برشلونة لما ينضغط عليه في مناطقه يقدر يطلع بشكل كويس من مناطقه، بينما روما ينحشر و تشوف الدفاع ملخبط! بالنسبة لإنتر، فالفريق كان يعيش حالة ممتازة إلى قبل مباراة ليتشي، الفريق كان محقق سبع إنتصارات متتالية.. بعد ما كان قريب من مراكز الهبوط وصل للمراكز المتقدمة، لكن مباراة ليتشي خبصت السالفة، خسارة إنتر هزّة الثقة و تلخبطت الأوراق، الفريق لعب مباراة مع باليرمو و تعادل في ملعبه 4-4، المشكلة هنا مب في التعادل و بس، المشكلة في إن إنتر سجل أربع أهداف و مع ذلك ما قدر يفوز.. نقص دفاعي واضح، توقع الفريق الفائز صعب جداً، خصوصاً إن الفريقين ظروفهم متشابهة.. لكن اعتقد إن الإنتر أقرب للفوز.   السبت - 4 فبراير - 10:45 مساءً  ميلان في وضع لا يحسد عليه، لما اشتدت المنافسة على الصدارة جاء و قت الجدول الصعب، هزيمة في الأولومبيكو من لاتسيو و الحين بيلعب مباراة مصيرية في السان سيرو ضد فريق صعب جداً و أكيد رح ينشب لميلان.. مشكلة ميلان في الفترة الأخيرة هي اتكاله المفرط على إبراهيموفيتش، و بمجرد ما انخفض مستوى إبرا في مباراة لاتسيو انخفض مستوى الفريق أجمع و قدر لاتسيو يتحكم في المباراة.. هالشي عانى منه إنتر مانشيني لما كان يعتمد ستانكوفيتش صانع ألعاب زي ما أليغري معتمد بواتينغ صانع ألعاب، لاعبين مجتهدين لكن أكيد مب صناع لعب بالفطرة، فيضطر إبرا ياخذ دور صانع اللعب و المهاجم في نفس الوقت، و بالرغم من إنه يصنع الفارق بشكل ممتاز لكنه يكون قنبلة موقوتة.. متى ما أُصيب أو انخفض مستواه تدهورت حالة الفريق بشكل واضح. نابولي السنة هذي واضح جداً إنه ما يبي الدوري و مركز على كأس إيطاليا و دوري الأبطال، اللي ضيع نابولي هالموسم هو قلّة الخبرة و قلة العناصر.. فـ لما تشوف إنلير و قارقانو و هامسيك في خط الوسط و ولا واحد فيهم له بديل كويس أكيد بيكون الفريق في حالة سيئة نوعاً ما، آخر فوز لنابولي كان على باليرمو في الجولة 17، بعدها تعادل ثلاث مرات و خسر مرة وحدة.. يعني من 12 نقطة حقق ثلاث نقاط بس.. اعتقد نابولي قادر يطلع بنتيجة إيجابية جداً إذا قدر يوقف خطورة إبراهيموفيتش.. و في نفس الوقت يستغلون المرتدات بشكل إيجابي جداً خصوصاً بامتلاكهم لاعبين سريعين مثل ماجيو و لافيتزي، و قروي ما يرحم اسمه كافاني.. |
||||
|
|
03-02-2012, 03:05 AM
|
|
||||
|
FIFA Player
|
 الدور الأول جوفنتوس الأول وله مباراه مؤجلة بس تعادل و برضو بنفس الدور أتوقع ميلان تعادل وكانت فرصه لليوفي إنه يبعد بالصداره بس للأسف تعادل مع روما الي كان ناقص أهم لاعبيه تقريبا يعني بالعربي جوفنتوس جته فرصتين من ذهب وما عرف يستغلها بالشكل المطلوب المره هذه لو قدر يستغل الفرصه الي جته وفاز على سينا راح يكون الفرق 4 نقاط ضد ميلان الي مستواه في دروب كبير وأيضا لو أستغل فرصته بالمباراه الجايه راح نقدر نقول إن اللقب بنسبه كبيره راح لليوفي يعطيك ألف عافيه مستر كيتون على التقديم 
|
||||
|
|
|
03-02-2012, 10:38 PM
|
|
||||
|
Professional chess
|
يعطيك العافيهُ على التقديم الرائع
مباريات قويه هالجوله والمشكله بنفس الوقت  يعني صعب تشوف الميلان ونابولي دامها بوقت مباراة اليوفي وكلهم مايفوتوآ--------------------------------- أتوقع اليوفي بفوز 3-0 < دايم اذا توقعت نتيجه كبيره تنتهي تعادل الميلان ونابولي كل الفريقين عندهم هجوم قوي لكن دفاع أقل مع ان دفاع ميلان أحسن لكن وسط نابولي أقوى راح نشوف مباراة قويه وشكلها تعادل -------------------------------------- انتر وروما أقرب للانتر لأن دفاع روما ينضرب بالريوس ورانييري بطل بالمرتدات وعنده عناصر تخدمه لهالتكتيك ماودي تنتهي تعادل لأن وقتها كل الفريقين بيبعدون عن المراكز الأوربيه ماله داعي اودينيزي ولا لاتسيو بالأبطال. . |
||||
|
|
|
04-02-2012, 01:27 AM
|
|
||||
|
بومة المنتديات
|
الأخبار تتحدث عن تأجيل مباراة روما والإنتر ولكن قرأت إشاعة بأن المباراة سيتم تأجيلها 24 ساعة وستكون الخامسة عصراً بتوقيت أم القرى ! مباراة روما والإنتر .. قوية جداً ومُخيفة لجماهير الإنتر لأن مستوى الفريق بدأ بالتراجع بعد أن كان يحقق الانتصارات ولاتملك جماهير الإنتر سوى بالدعوات بأن يُنقذ ميليتو الإنتر في هذه المباراة. مباراة نابولي وميلان .. أعتقد بأنها ستكون مباراة قوية جداً وأنا شخصياً أعتقد بأني سأستمتع كثيراً بهذه المباراة . |
||||
|
|
|
04-02-2012, 03:24 PM
|
|
|||||||||||||||||||
|
راعي محل
|
أرسنال بالبريمرليق .. وروما بالكالتشيو هم أكثر فريقين يقدرون يطبقون أو يقاربون من إسلوب برشلونة بطرية اللعب من زمان وروما أكثر فريق يلعب كرة جميلة وممتعة بالدوري الإيطالي حتى بدون أسماء لها القيمة بس يبيلة وقت وصبر < والأخير صعب بالكالتشيو روما x الأنتر  رسمياً تأجلت يوم واحد بس .. المفروض أكثر .!  الحمد لله قرآر التأجيل فـي وقتهلاعبينا الأبرز مصابين ومرهقيين .. خسارة ضيعنا خمس نقاط كانت تقريباً بإيدينا المراكز الاولى أبتعدت شوى وخسارة أي نقاط أمام روما بتقسم الظهر والله الشي الوحيد الي مخليني اتفائل بالمباراة هو ميليتو عموما الفريقين متشابهيين بأشياء كثيرة كلهم يبحثون عن الفوز وكلهم متقاربين بالنقاط وكلهم لقموا 4 أهداف بأخر مباراة .!هالمباراة من قمم الكالتشيو ودائماً ممتعة ومثل ماهو معودنا الأنتر دائما يبدع بملعب الأوليمبكو وإن شالله الفوز حليفنا بس نفتك من عك رانييري وتغييراته بالتوفيق للأنتر يارب |
|||||||||||||||||||
|
|
|
06-02-2012, 04:26 PM
|
|
||||
|
صديق شارلوك هولمز
|
وسرا الليل يابو أربعه  , وش هالكلام ؟ , اربعه مره وحده ؟ , ناهيك عن هدف بويان , أقصر لاعب بالملعب , يثبت الكوره بهالشكل عند دفاع الإنتر العظيم  معليش اخواني الإنتراويه , بس قويّه شوي هههههههههههههههههههههههههههههههه ----- ميلان * نابولي إبرا , كيف الحال ؟ , تباً لعقليّتك الصّغيره التي تشبه الأنيمله , نضحك على توتي , ابتلينا بواحد ألعن منّه , انت اللاعب الوحيد المؤثّر هجومياً بالمباراة , وانطردت بوقت , كان الميلان ضاغط نابولي , وحاشرن أم امه , تجيب عقليتك الصغيره , وتنطرد بشكل غبي !! , ناهيك عن الإيقاف اللي اتوقعه مايقل عن ثلاث مباريات , ومنها اليوفي يوم الإربعاء ..ميلان داخل دوامه الآن , بغض النظر عن الإصابات , جت الإيقافات , هذي أحسن فرصه للاعبين الصغار ياخذون فرصتهم بالملعب , وحتى اللي جو بالشتويه , ماكسي لوبيز , ومونتاري , الوسط فيه غيابات كثيره , والهجوم, مافيه إلا روبينهو والشعراوي وماكسي الجديد , وانزاغي اللي ماراح يلعب .. بموسم جدول ميلان , اصعب جدول نادي على المستوى الإيطالي , إذا ماكان العالمي , تجي هالمصايب ورى بعض , يالهوتي شطحة :\\ روبينهو ؟!!!! , تباً لك , كيف ينادونك ( مهاجم ) أنت أرعن وحقير , ثلاث إضاعات , لأهم ثلاث مباريات هالموسم , برشلونة - نابولي - جنوى , تباً لك ولأمثالك 
|
||||
|
|
|
06-02-2012, 05:31 PM
|
|
||||
|
Prince Pool
|
. . للأمانة ماتوقعت نفلت من نابولي لكن من يوم بدت المباراة قلت حرام ذا الخوف كله ياشيخ .. جدول ابن ستة وستين وراح منه مباراتين صعبه وماحققنا إنتصار ومع ذلك مازلنا في نفس المركز .. الفريق محتاج صدمة كهربائية عشان يفوق إذا راح نستمر كذا على هالجدول راح نروح في داهية دوري وأبطال وكأس وكل مباراة تقول أنا الأصعب .. لاتسيو ونابولي نقطة من أصل 6 صحيح أنها قوية لكن لو جاء التعزيز من المباريات القادمة أشوف أننا فلتنا واللي راح كله قرصة أذن أو شر لابد منه جدول مثل هاذا مالك إلا الدعاء أبو خشم كل تبن لو متحمس أو معصب أقول لك تفضل خذ راحتك لكن جاي بكل برود وآخرتها كف ع الأقل تعال مندفع حسسنا أنك بتطق .. أبو رجل كبيرة أذهب إلى الجحيم . . هاردلك اللوهي 
|
||||
|
|
|
07-02-2012, 01:12 PM
|
|
||||
|
راعي محل
|
^
لا أحد يغث أحد   ^ عودة اللاعب المذكور أعلاة لفريق روما كانت مثل النشوة لهم .. كأنهم والله كلهم صاروا دي روسي .! أول مرة أشوف مباراة مباشرة للأنتر وأحاول ما أتابعها شعور جارح والله الفريق كله كله كان سيء .!خطط وسط آلآنتر بعدَ ذهاب تيآقو مموتآ تعبآن والله نفتقد لـ لمساته ماقبل الأخيرة من دخولها للمرمى .! وكأن الجولات الأخيرة تبينا إنتحسر أكثر وأكثر نزيف النقاط اللي يخسرة اليوفي والميلان حرام مايستفاد منه .! لكن إن شالله مع عودة الثلاثي (شنايدر .. فورلان .. الفاريز) يتحسن مستوى الفريق   قوية والله |
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
