يالله انك تحييها وتطول اذانيها ياهلا والله بضلال ناصر الجوهر اجل يالحريم تطردون الجلدة قووية والله لي يومين اقردن نفسي واقول مشيها لخويتنا متكيه يمكن البنت عندها قروب مهجن يعني مهوب سعودي ولاذاقو للكبسة طعم ويقدرون يلعبون ويطردون الكورة اللي هي الجلدة قالت نفسي بكل ثقة لو سمحت اطلع وخلني مع نفسي شوي وطلعت وانا فوق راسي علامة استفهام ومن قوة الاستفهام اللي فوق راسي صايرن كني زعيم الهنود الحمر وفوق راسي ريشة نعام وانا متأكد ان نفسي معها حق لان اخر سعوديات طلعو على الأعلام ويبون يلعبون كورة في جدة ونقلوهم على الهوى كلهم منتفخات وعلى قوة هالوجه وكبر هالجسم يهرلون على المضمار كنهم حوامل المهم اني سحبت على نفسي وخليتها مع نفسها وجيت انا بنفسي ارد عليك

اقتباس: خمسميه قناه يضغط القنوات تلقائي كأنه بسباق الهجن ماتسمع الا اصوات من التلفزيون ( وااا+ طاء+ وانهو +

ههههههههههههههههههههههههههههههههههههههههههههههههه متكية تعرفي شارع الشيطان وش هالقنوات اللي كلها مجاغر ومداحس اني والله
داري من شفتك تقرطي بالحجار تسنك سنجابه متوحمة على فحم وانا غاسل يدي ولو افتش كتقك اليمين احصل مكتوب عذرا هتلر انا من صنع الابيض ذكرتني بواحد اول مانزل صحن الدش جابه بالديره وحطه في راس الضلع وطق له صندقة تحت الضلع وخذ له شهر معاد نشوف له زول بالحاره لدرجة ان الحاره وسوسو وقالو هذا يتجسس على بيوتنا ويطالع في محارمنا ثم ارسلو له واحد سهران بكلاشنكوف ثم طير صحن الدش حقه

اقتباس: صحيح اني مالمست الكوره من ايام الجاهليه يوم كنت صغيره وفازو علينا بنات جيرانا واستقعدت لهم وكنت الحقهم بالحصى وانواع الفلقات < احسن وحده تسوي فخ

خفي علينا ياللي مقطوع سركم انتي وبنات جيرانكم في برحة الاستاذ وش هالميول كورة وبنات انا خبري البنات يلعبون شمرا امرا وهيك شئ اما كورة وطردي مايجي الله يكون بعون اللي بيخطبك انتي والا وحدة من القروب اللي معتس اكيد الركب كلها فلوق والله يعين المعرس ياخذ احتياطه ويجهز له دراهم تجميل ركبه غير تجميل الاسنان المعتاده لدى كل بنت سعودية عندما تكون مقبلة على الزواج تحس انها وهي عايشه عند اهلها تاكل مسامير وصواميل وتجيك سنونها تقول سكين خضرة مكسرة هههههههههههههههههههههههههههههههههههههههههههههههههه ههههههههههههههههههههههههههههههههههه
<<الضحكة هذي عشان حركة حذف الفريق الثاني بالحصى تذكرة ايام زمان يوم يكرشوني الكبار مالعب معهم بحجة اني صغير قبل العصر اطلع واروح المطعم التركي حق الشوايه اللي بآخر الحاره واسرق صناديق كلها قوارير ببسي فاضية ثم اروح الملعب واكسرها فيه وارتاح نفسيا لان مايمديهم يلعبون الملعب كله قزاز اخليهم يقلبون عمال نظافه

على ان مالي في الكورة ولا ادانيها واذا سمعت صوت المعلق ينكمش وجهي وارقد بس اجزم انتس مفكره كرويه ولديك حنكة ودهاء لأن المطوعه دايم الريجيل يشكون منها بسبب انها ماتشيل شعر ساقها الا بعد شهرين وتسذا ويصير ساقها كنه شجرة صبار بس خويتك هذي اقدر احلف ان ساقها كنه جذع طلحه وكله شووك على كيف كيفك عشان كذا مخليتها دفاع تفقع الكور وتدافع بضمير تشوف ان الخصم من كفار قريش
وهي ناويه بقلبها الجهاد واتوقع انها قبل تروح معكم الملعب لافه على حريم الحاره وتقول تراني بروح اجاهد وسامحو لي في فلوس البراقع وخط البلدة من قوة الحماس ام عكرمه مخربتها

اقتباس: الدلوعه معها مرايه ومدهره بعمرها ظهيره يمين ..

تصدقي يامتكية اني جلست اصفر وادور بالملحق كني الحكم ابو زندة ودي اصير حكم واركز ساقي ورا هالدلوعه والحم صدري في ظهرها لين ينشب شعر صدري في سبت السنتيان عشان اشوف هي وش تناظر فيه بالمرايه >>وانت الصادق قل ودك تلبق ماتترك حركات المقاصف وكما قلت لك لديك حنكة وذكاء وعقلك عقل بزرنجي البزرنجي اذا صار كابتن فريق يجيب ورع نكبه وحليووه عشان يخلي الفريق الثاني ينسى ابو الكورة ويطرد ورا هالورع وقوة تلبيق ومداحس ويصير بابهم مفتوح وياكلون درزن اهداف

اقتباس: والهجوم انا ومعي كم وحده لله في خلقه شؤؤن وندق صوره لفريقنا الوطني وحنا لابسات عبايه الفراشه

صدق من قال العور في حارة العميان مفتح انتي يالله تمشين زين مهوب تطلعي هجوم انتي غير عن كل هالاطفال بطفولتك اول مابديتي تمشين حبه حبه
جاب لتس ابوك عربيه وبركتي عليها اربع سنوات لين كبرت جنوبك وكسرتيها وفوق هذا كله ماعرفتي تمشين زين ثم اضطر ابوك انه ياخذ له عربية اللي يسوون
فيها الخلطة والاسمنت في العماير وقصها من تحت وبديتي تدرجين عليها سنيتن وبعدها صرتي تمشين ولكن فيك حذفه يمين والله ياميزان العضيب مايوزنك ولايرصصك
ولابسات عباية الفراشة!! سلامات راحين لسوق حجاب ولا للمعيقلية في حملة تحت مسمى الترقيم من حق الجميع لاني ماشوف حقين عباية الفراشة اللي في هالاسواق ويوم تشطفك ريحتها كلها كلونيا تحس انها خماره

اقتباس: ويحطون الشاشه على ام قسبل تقهوي الحريم بالاحتياط ويحذفن الفناجيل من الحماس .. بعد الهدف

بركات يأم قسبل بركاتك هذا لسان حالكم في الملعب لأن لو ام قسبل مهيب معكم انهزمتو لانها ام الدجل كله مسوية دنابيش
مثل حركات فريق الهند وفزتو ولو نرجع للعقل امهات الكروش والركب السود مايمديهم يهزمون امهات البطن الممسوح اللي وش زينه
يوم تضرب فيه الشمس يعكس النور على عيوننتس مهوب انتو لو تضرب الشمس يطونكم طلع دخان من فحم المندي للي في بطونكم

واهنيك على البيوت المذكورة التي تدل على حال المنتخب ولايهمك بيوتك اعرف واحد في مستشفى الشميسي بقسم العظام بكلمه يضبط وضع البيوت واذا عجز اعرف لك مقاول عماير عظم ماراح يقصر ههههههههههههههههههههه وباالاخير ودي امسك معك خط واسولف لكني بلشت بأسامي العيبه اللي ذكرتيها ماني بعرف بالكورة شئ وعذرا يتغشاك >>جوود طاقه لطمة واذكر مرة شطفت لي ناس وهم يسولفون عن الكورة وانا اتحمس مع سالفة واحد يقلون اي سي ميلان بطران قلت اي والله لاعب كفو ويعجبني لعبه ثم اقلبو علي ومن بعدها حرمت استخدم الكورة ولاهنتي على هالموضوع اللي خلاني اطلع من ايام البرد وجوه والبس بوكسر وافتر في الملحق كني حكم من قوة الحماس

خليني شوفك بالليل قصدي نشوفك مرتن اخرى